ಬಿಸಿ ನೀರಿನಿಂದ ಮುಖ ತೊಳೆಯುವ ಅಭ್ಯಾಸವಿದೆಯೇ? ಈ ಅಭ್ಯಾಸ ಇಂದೇ ನಿಲ್ಲಿಸಿ

ಪ್ರತಿನಿತ್ಯ ಮುಖ ತೊಳೆಯುವ ಅಭ್ಯಾಸ ಒಳ್ಳೆಯದು. ಆದರೆ ದಿನಕ್ಕೆ ಎರಡು ಬಾರಿ ಮುಖವನ್ನು ತೊಳೆಯುತ್ತಿರಬೇಕು. ಇದರಿಂದ ಮುಖದಲ್ಲಿರುವ ಧೂಳು, ಬ್ಯಾಕ್ಟೀರಿಯಾಗಳು ತೊಲಗಿ ಮುಖವು ಸ್ವಚ್ಛವಾಗುತ್ತದೆ. ಆದರೆ ಕೆಲವರಿಗೆ ಬಿಸಿ ನೀರಿನಲ್ಲಿ ಮುಖ ತೊಳೆಯುವುದಾ ಅಥವಾ ತಣ್ಣೀರಿನಲ್ಲಿ ಮುಖವನ್ನು ತೊಳೆಯುವುದು ಒಳ್ಳೆಯದಾ ಎನ್ನುವ ಗೊಂದಲಗಳಿರುತ್ತದೆ. ಈ ಗೊಂದಲ ನಡುವೆಯೇ ಹೆಚ್ಚಿನವರು ಮುಖವನ್ನು ಸ್ವಚ್ಛವಾಗಿಟ್ಟುಕೊಳ್ಳಲು ಬಿಸಿನೀರನ್ನೇ ಆಯ್ಕೆ ಮಾಡಿಕೊಳ್ಳುತ್ತಾರೆ. ಆದರೆ ಈ ಬಿಸಿ ಬಿಸಿಯಾದ ನೀರಿನಲ್ಲಿ ಮುಖವನ್ನು ತೊಳೆಯುವುದರಿಂದ ಮುಖದ ಅಂದವು ಹಾಳಾಗಾಬಹುದು.

ಬಿಸಿ ನೀರಿನಿಂದ ಮುಖ ತೊಳೆದರೆ ಆಗುವ ತೊಂದರೆಗಳು

* ಬಿಸಿ ನೀರಿನಿಂದ ಮುಖವನ್ನು ತೊಳೆಯುವುದರಿಂದ ಚರ್ಮವು ನೈಸರ್ಗಿಕವಾದ ತೇವಾಂಶವನ್ನು ಕಳೆದುಕೊಳ್ಳುತ್ತದೆ. ಚರ್ಮವು ಶುಷ್ಕವಾಗಿ ಒರಟಾಗಿರುವಂತೆ ಮಾಡುತ್ತದೆ. ಚರ್ಮದ ಪೋಷಣೆಯನ್ನು ಕಡಿಮೆ ಮಾಡುತ್ತದೆ.

* ಸೂಕ್ಷ್ಮ ಚರ್ಮವನ್ನು ಹೊಂದಿದವರು ಬಿಸಿ ನೀರಿನಿಂದ ಮುಖವನ್ನು ತೊಳೆದರೆ ಉರಿಯೂತ ಉಂಟಾಗಬಹುದು. ಚರ್ಮವು ಕೆಂಪಾಗಿ ಮತ್ತಷ್ಟು ಸೂಕ್ಷ್ಮವಾಗಬಹುದು.

* ಮುಖವನ್ನು ಬಿಸಿ ನೀರಿನಿಂದ ತೊಳೆಯುವುದರಿಂದ ಚರ್ಮವು ಒರಟಾಗುವುದೊಂದಿಗೆ ವಯಸ್ಸಾದಂತೆ ಕಾಣಿಸಿಕೊಳ್ಳುತ್ತದೆ. ವಯಸ್ಸು ಆಗದಂತೆ ಕಾಣಿಸಿಕೊಳ್ಳಬೇಕಾದರೆ ಉಗುರು ಬೆಚ್ಚಗಿನ ನೀರನ್ನು ಆಯ್ದುಕೊಳ್ಳುವುದು ಸೂಕ್ತ.

* ಬಿಸಿ ನೀರಿನಿಂದ ಮುಖ ತೊಳೆದರೆ ಸೋಂಕುಗಳಿಗೆ ಆಹ್ವಾನ ಕೊಟ್ಟಂತೆ. ಬ್ಯಾಕ್ಟಿರಿಯಾಗಳು ಬೆಚ್ಚಗಿನ ವಾತಾವರಣದಲ್ಲಿಯೇ ಹೆಚ್ಚು ಇರುವ ಕಾರಣ, ಚರ್ಮದಲ್ಲಿ ಸೋಂಕುಗಳು ಉಂಟಾಗಬಹುದು.

* ಬಿಸಿನೀರು ರಕ್ತನಾಳಗಳು ಹೆಚ್ಚು ಹಿಗ್ಗುವಂತೆ ಮಾಡುತ್ತದೆ, ನಿಮ್ಮ ಚರ್ಮವು ಕೆಂಪಾಗುವಂತೆ ಮಾಡಿ, ಮೊಡವೆ ಸೇರಿದಂತೆ ಇನ್ನಿತರ ಸಮಸ್ಯೆಗಳಿಗೆ ಕಾರಣವಾಗಬಹುದು.

ಇದನ್ನೂ ಓದಿ: ಆರೋಗ್ಯ ಸಮಸ್ಯೆಗಳಿಗೆ ಅಮೃತ ಈ ಅಮೃತ ಬಳ್ಳಿ!

ಮುಖವನ್ನು ತೊಳೆಯುವಾಗ ಈ ಬಗ್ಗೆ ತಿಳಿದಿರಲಿ

* ತಣ್ಣನೆಯ ನೀರು ಮುಖದ ರಂಧ್ರಗಳನ್ನು ಬಿಗಿಗೊಳಿಸುವುದರಿಂದ ಹೀಗಾಗಿ ತಣ್ಣೀರನ್ನು ಆಯ್ಕೆ ಮಾಡಿಕೊಂಡರೆ ಉತ್ತಮ.

* ಮೇಕಪ್‌ ಹಾಕಿಕೊಂಡಿದ್ದರೆ ಉಗುರು ಬೆಚ್ಚಗಿನ ನೀರಿನಿಂದ ಮುಖ ತೊಳೆದುಕೊಂಡು, ಬಳಿಕ ತಣ್ಣಗಿನ ನೀರನ್ನು ಬಳಸುವುದು ಸೂಕ್ತ.

* ಮುಖದ ತೊಳೆದ ಬಳಿಕ ಮುಖವನ್ನು ಒರೆಸಿಕೊಳ್ಳುವುದು ಬಹಳ ಮುಖ್ಯ. ಮುಖದ ಚರ್ಮವು ಸೂಕ್ಷ್ಮವಾಗಿರುವುದರಿಂದ ಮೃದುವಾದ ಟವಲ್‌ನಿಂದ ಆಯ್ಕೆ ಮಾಡಿಕೊಳ್ಳಿ.

ಇನ್ನಷ್ಟು ಜೀವನಶೈಲಿಯ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ