Fashion Tips: ಬೇಸಿಗೆಯಲ್ಲಿ ಯಾವ ಬಣ್ಣದ ಬಟ್ಟೆ ಬೆಸ್ಟ್? ಇಲ್ಲಿದೆ ಸಿಂಪಲ್ ಟಿಪ್ಸ್

ಬೇಸಿಗೆಯಲ್ಲಿ ಸುಡುವ ಬಿಸಿಲಿಗೆ ಬೆವರುವುದು ಸಹಜ. ಅದರಲ್ಲಿ ಬಟ್ಟೆಯ ಆಯ್ಕೆಯಲ್ಲಿ ಸ್ವಲ್ಪ ವ್ಯತ್ಯಾಸವಾದರೂ ಸಾಕು, ಮೈಯೆಲ್ಲಾ ಉರಿ ಹಾಗೂ ಕಿರಿಕಿರಿಯಂತಾಗುತ್ತದೆ. ಹೀಗಾಗಿ ಈ ಋತುವಿನಲ್ಲಿ ದೇಹಕ್ಕೆ ಹೊಂದಿಕೊಳ್ಳುವ ಉಡುಪುಗಳನ್ನು ಧರಿಸುವುದು ಮುಖ್ಯ. ಕಾಟನ್‌, ಲೆನಿನ್ ನಂತಿರುವ ಹಗುರ ಹಾಗೂ ತೆಳು ಬಟ್ಟೆಗಳು ಆರಾಮದಾಯಕವಾಗಿರುತ್ತದೆ. ಬಟ್ಟೆಗಳ ಆಯ್ಕೆಯ ಜೊತೆಗೆ ಬಣ್ಣಗಳ ಬಗ್ಗೆಯೂ ಹೆಚ್ಚು ಗಮನವಹಿಸುತ್ತದೆ. ಹೀಗಾಗಿ ಈ ಬಣ್ಣದ ಬಟ್ಟೆಗಳನ್ನೆ ಧರಿಸುವುದು ಸೂಕ್ತವಾಗಿದೆ.

•  ಬಿಳಿ : ಬಿಳಿ ಬಣ್ಣದ ಬಟ್ಟೆಗಳು ಎಲ್ಲರಿಗೂ ಹೊಂದುತ್ತದೆ. ಈ ಬಣ್ಣವು ಪ್ರಶಾಂತವಾದ ವಾತಾವರಣ ಮೂಡಿಸುತ್ತದೆ ಹಾಗೂ ಈ ಬಣ್ಣದ ಬಟ್ಟೆಯು ದೇಹ ಮತ್ತು ಮನಸ್ಸಿಗೆ ಹಿತ ಅನುಭವ ನೀಡುತ್ತದೆ. ಹೀಗಾಗಿ ಬಿಳಿ ಬಣ್ಣದ ಟೀಶರ್ಟ್, ಸಲ್ವಾರ್, ಕುರ್ತಿ ಹೀಗೆ ಆರಾಮದಾಯಕ ಉಡುಪುಗಳ ಆಯ್ಕೆ ಮಾಡಿಕೊಳ್ಳುತ್ತಾರೆ.
• ಕಂದು : ಹೆಚ್ಚಿನವರಿಗೆ ಕಂದು ಬಣ್ಣವೆಂದರೆ ಅಷ್ಟಕಷ್ಟೆ. ಆದರೆ ಈ ಸರಳವಾದ ವಿನ್ಯಾಸ ಹೊಂದಿರುವ ಈ ಬಣ್ಣದ ಉಡುಪುಗಳು ಆಕರ್ಷಕವಾಗಿ ಕಾಣಿಸುತ್ತದೆ. ಈ ಬಣ್ಣವು ಫ್ಯಾಷನ್ ಬಣ್ಣವಾಗಿದ್ದು, ಬೇಸಿಗೆಯ ಋತುವಿನಲ್ಲಿ ಬಣ್ಣ ಧರಿಸುವುದು ಸುಂದರವಾಗಿ ಕಾಣುವಂತೆ ಮಾಡುತ್ತದೆ.
• ಹಳದಿ : ಬೇಸಿಗೆಯಲ್ಲಿ ಸೂರ್ಯನ ಪ್ರಕಾರವಾದ ಬೆಳಕು ಇದ್ದು ಹೀಗಾಗಿ ಬಟ್ಟೆಗಳ ಬಣ್ಣವು ಬಹಳ ಮುಖ್ಯವಾಗುತ್ತದೆ. ಹೀಗಾಗಿ ಹಳದಿ ಬಣ್ಣದ ಬಟ್ಟೆ ಧರಿಸುವುದು ಒಳ್ಳೆಯದು. ಇದು ಹಳದಿ ಬಣ್ಣದ ಫ್ಲೋರಲ್ ಡಿಸೈನ್ ಇರುವ ಡ್ರೆಸ್, ಕುರ್ತಾ, ಸಲ್ವಾರ್ ಗಳು ಈ ಋತುವಿಗೆ ಹೊಂದುತ್ತದೆ.
• ಗುಲಾಬಿ : ಹೆಣ್ಣು ಮಕ್ಕಳಿಗೆ ಗುಲಾಬಿ ಬಣ್ಣದ ಬಟ್ಟೆಗಳನ್ನು ಇಷ್ಟ ಪಡುತ್ತಾರೆ. ತಿಳಿ ಹಳದಿ ಬಣ್ಣವು ಹಗುರವಾದ ಅನುಭವ ನೀಡುತ್ತದೆ. ಹೀಗಾಗಿ ಸುಡುವ ಬಿಸಿಲಿಗೆ ಪಿಂಕ್ ಬಣ್ಣದಲ್ಲಿ ಲೆಹೆಂಗಾ, ಕುರ್ತಿ ಮತ್ತು ಸಲ್ವಾರ್ ಧರಿಸುವುದು ಉತ್ತಮ. ಈ ಬಣ್ಣವನ್ನು ಫ್ಯಾಶನ್ ಕಲರ್ ಎಂದು ಸೌಂದರ್ಯ ತಜ್ಞರು ಹೇಳುತ್ತಾರೆ.
• ತಿಳಿ ನೀಲಿ : ತಿಳಿನೀಲಿ ಬಣ್ಣವು ಸೂರ್ಯನ ಬೆಳಕನ್ನು ಪ್ರತಿಫಲಿಸುತ್ತದೆ ಮತ್ತು ತಂಪಾದ ದೇಹದ ಉಷ್ಣತೆಯನ್ನು ಕಾಪಾಡಿಕೊಳ್ಳಲು ಸಹಾಯ ಮಾಡುತ್ತದೆ. ಈ ಬಣ್ಣವು ಉಲ್ಲಾಸಕರ ಮತ್ತು ಶಾಂತಗೊಳಿಸುವ ಪರಿಣಾಮವನ್ನು ಉಂಟು ಮಾಡುತ್ತದೆ. ಹೀಗಾಗಿ ಈ ಬಿಸಿಲಿಗೆ ಈ ಬಣ್ಣದ ಉಡುಗೆಯೂ ಅತ್ಯುತ್ತಮ ಆಯ್ಕೆಯಾಗಿದೆ.

ಜೀವನಶೈಲಿ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ