Hairfall Control: ಕೂದಲು ಉದುರುವಿಕೆ ತಡೆಯಲು 8 ಮಾರ್ಗಗಳು ಇಲ್ಲಿವೆ

ನಮ್ಮ ಕೂದಲು ಉದುರುವುದಕ್ಕೆ (Hair Loss) ತಲೆಸ್ನಾನಕ್ಕೆ ಬಳಸುವ ನೀರು, ಮಾಲಿನ್ಯ (Pollution), ದೇಹದಲ್ಲಿ ಪೌಷ್ಟಿಕಾಂಶದ ಕೊರತೆ ಹೀಗೆ ನಾನಾ ಕಾರಣಗಳಿರುತ್ತವೆ. ಉತ್ತಮ ಶಾಂಪೂ ಬಳಸುವ ಮೂಲಕ, ಎಣ್ಣೆ ಮಸಾಜ್​ನ ಮೂಲಕ ಕೂಡ ಕೂದಲು ಉದುರದಂತೆ (Hair Fall) ತಡೆಯಬಹುದು. ಕೂದಲು ಉದುರುವಿಕೆ ತಡೆಯಲು ಸಹಾಯ ಮಾಡುವ ನೈಸರ್ಗಿಕ ಮಾರ್ಗಗಳು ಇಲ್ಲಿವೆ.

ಬಿಸಿನೀರನ್ನು ಬಳಸಬೇಡಿ:

ನಿಮ್ಮ ಕೂದಲನ್ನು ಬಿಸಿ ನೀರಿನಿಂದ ತೊಳೆದಾಗ ಅದು ನಿಮ್ಮ ನೆತ್ತಿಯನ್ನು ಹಾನಿಗೊಳಿಸುತ್ತದೆ. ಕೂದಲ ಶುಷ್ಕತೆ ಮತ್ತು ಕೂದಲು ಉದುರುವಿಕೆಗೆ ಕಾರಣವಾಗುತ್ತದೆ.

ನಿಮ್ಮ ನೆತ್ತಿಯನ್ನು ಮಸಾಜ್ ಮಾಡಿ:

ನಿಮ್ಮ ನೆತ್ತಿಯನ್ನು ಆಗಾಗ ಮಸಾಜ್ ಮಾಡಿ. ಏಕೆಂದರೆ ಆರೋಗ್ಯಕರ ಕೂದಲನ್ನು ಕಾಪಾಡಿಕೊಳ್ಳಲು ಹೆಚ್ಚಿದ ರಕ್ತ ಪರಿಚಲನೆ ಅಗತ್ಯವಿರುತ್ತದೆ.

ಇದನ್ನೂ ಓದಿ: Hair Care: ಕೂದಲು ದಟ್ಟವಾಗಿ ಬೆಳೆಯಬೇಕಾ?; ಶುಂಠಿ ರಸವನ್ನು ಈ ರೀತಿ ಬಳಸಿ

ಅತಿಯಾಗಿ ತಲೆ ತೊಳೆಯಬೇಡಿ:

ನೀವು ಅತಿಯಾಗಿ ತಲೆಯನ್ನು ತೊಳೆಯುತ್ತಿದ್ದರೆ ನಿಮ್ಮ ಕೂದಲಿಗೆ ಪೋಷಣೆ ನೀಡುವ ನೈಸರ್ಗಿಕ ತೈಲಗಳು ಕಳೆದುಹೋಗುತ್ತದೆ. ತಲೆಗೂದಲು ತೊಳೆಯುವ ನಡುವಿನ ಸಮಯವನ್ನು ನೀವು ಎಷ್ಟು ಸಾಧ್ಯವೋ ಅಷ್ಟು ವಿಸ್ತರಿಸಲು ಪ್ರಯತ್ನಿಸಿ. ವಾರಕ್ಕೆ 2 ಬಾರಿ ತಲೆ ತೊಳೆದರೂ ಸಾಕು.

ನಿಮ್ಮ ಕೂದಲಿಗೆ ಎಣ್ಣೆ ಹಚ್ಚಿ:

ಚಳಿಗಾಲದಲ್ಲಿ ನಿಮ್ಮ ಕೂದಲಿಗೆ ಎಣ್ಣೆ ಮಸಾಜ್‌ಗಿಂತ ಉತ್ತಮವಾದದ್ದು ಯಾವುದೂ ಇಲ್ಲ. ಎಣ್ಣೆ ಮಸಾಜ್‌ಗಳು ತುಂಬಾ ಹಿತವಾದದ್ದಲ್ಲದೇ ಚಳಿಗಾಲದಲ್ಲಿ ಕೂದಲು ಉದುರುವುದನ್ನು ನಿಲ್ಲಿಸಲು ಉತ್ತಮ ಮಾರ್ಗವಾಗಿದೆ.

ಹೈಡ್ರೇಟೆಡ್ ಆಗಿರಿ:

ನೀರಿನ ಸೇವನೆಯು ಕೂದಲಿನ ಎಳೆಗಳ ಶುಷ್ಕತೆಯನ್ನು ಕಡಿಮೆ ಮಾಡುವ ಮೂಲಕ ಮತ್ತು ಒಡೆಯುವಿಕೆಯನ್ನು ತಡೆಯುವ ಮೂಲಕ ಆರೋಗ್ಯಕರ ಕೂದಲನ್ನು ಕಾಪಾಡಿಕೊಳ್ಳಲು ನಿಮಗೆ ಸಹಾಯ ಮಾಡುತ್ತದೆ.

ಆರೋಗ್ಯಕರ ಆಹಾರ:

ಸಮತೋಲಿತ ಆಹಾರವನ್ನು ಸೇವಿಸುವುದರ ಮೂಲಕ ಮತ್ತು ಕೆಲವು ಆಹಾರಗಳನ್ನು ನೀವು ಸಾಕಷ್ಟು ಸೇವಿಸುವ ಮೂಲಕ ಆರೋಗ್ಯಕರ ಕೂದಲನ್ನು ಪಡೆಯಬಹುದು.

ಇದನ್ನೂ ಓದಿ: Hair Oil: ಸುಂದರವಾದ, ಉದ್ದ ಕೂದಲು ಬೇಕೆಂದರೆ ಯಾವ ಎಣ್ಣೆ ಬಳಸಬೇಕು?

ಹೀಟ್ ಸ್ಟೈಲಿಂಗ್ ಅನ್ನು ತಪ್ಪಿಸಿ:

ನಿಮ್ಮ ಕೂದಲನ್ನು ಗಾಳಿಯಲ್ಲಿ ಒಣಗಿಸಲು ಆದ್ಯತೆ ನೀಡಿ. ಇದು ಕೂದಲ ಆರೋಗ್ಯಕ್ಕೆ ಉತ್ತಮ ಆಯ್ಕೆಯಾಗಿದೆ. ಏಕೆಂದರೆ ಬ್ಲೋ ಡ್ರೈಯಿಂಗ್ ನಿಮ್ಮ ಕೂದಲನ್ನು ನಿರ್ಜಲೀಕರಣಗೊಳಿಸುತ್ತದೆ.

ನಿಮ್ಮ ಕೂದಲನ್ನು ರಕ್ಷಿಸಿ:

ನೀವು ಹೊರಗೆ ಹೋಗುವಾಗ, ಗಾಳಿ ಮತ್ತು ಹವಾಮಾನದಿಂದ ನಿಮ್ಮ ಕೂದಲನ್ನು ರಕ್ಷಿಸಲು ಸ್ಕಾರ್ಫ್ ಅಥವಾ ಕ್ಯಾಪ್ ಅನ್ನು ಧರಿಸಲು ಪ್ರಯತ್ನಿಸಿ. ಶೀತ, ಗಾಳಿಯ ದಿನಗಳು ನಿಮ್ಮ ಕೂದಲಿಗೆ ಹಾನಿಯನ್ನು ಉಂಟುಮಾಡಬಹುದು.

ಇನ್ನಷ್ಟು ಜೀವನಶೈಲಿಯ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ