ಯಾವ ವಯಸ್ಸಿನವರ ಎಷ್ಟು ಪ್ರಮಾಣದಲ್ಲಿ ಟೂತ್‌ಪೇಸ್ಟ್ ಬಳಸಬೇಕು?

ಚಿಕ್ಕ ಮಕ್ಕಳಿಂದ ಹಿಡಿದು ದೊಡ್ಡವರತನಕ ಯಾವ ಪ್ರಮಾಣದಲ್ಲಿ ಟೂತ್‌ಪೇಸ್ಟ್​ಗಳನ್ನು (Toothpaste) ತೆಗೆದುಕೊಳ್ಳಬೇಕು ಎಂಬ ನಿಯಮ ಗೊತ್ತಿರಬೇಕು. ಟೂತ್ ಬ್ರಷ್‌ ದೊಡ್ಡದ್ದು ಅದಕ್ಕೆ ಹೆಚ್ಚು ಟೂತ್‌ಪೇಸ್ಟ್ ತೆಗೆದುಕೊಳ್ಳವೇ, ಇನ್ನು ಕೆಲವರು ಟೂತ್‌ಪೇಸ್ಟ್ ರುಚಿಯಾಗಿದೆ, ನೊರೆ ಬರುತ್ತಿಲ್ಲ, ಹೀಗೆಲ್ಲ ಟೂತ್‌ಪೇಸ್ಟ್ ತೆಗೆದುಕೊಳ್ಳುವಂತಿಲ್ಲ. ಯಾವ ಪ್ರಮಾಣದಲ್ಲಿ ಟೂತ್‌ಪೇಸ್ಟ್ ಬಳಸಬೇಕು ಎಂಬುದು ಗೊತ್ತಿಲ್ಲವೆಂದರೆ ಹಲ್ಲುಗಳಿಗೆ ಹಾನಿಯಾಗಬಹುದು. ಹಾಗೂ ಹಲ್ಲುಗಳ ಮೇಲಿನ ಪದರವು ಸಹ ಹೊರಬರಬಹುದು.3 ವರ್ಷಕ್ಕಿಂತ ಕಡಿಮೆ ವಯಸ್ಸಿನ ಮಗುವಿನ ಬಾಯಿಯನ್ನು ಸ್ವಚ್ಛಗೊಳಿಸಲು ಎಷ್ಟು ಟೂತ್‌ಪೇಸ್ಟ್ ತೆಗೆದುಕೊಳ್ಳಬೇಕು ಮತ್ತು ಅದಕ್ಕಿಂತ ಹೆಚ್ಚಿನ ವಯಸ್ಸಿನವರಿಗೆ ಎಷ್ಟು ಟೂತ್‌ಪೇಸ್ಟ್ ಎಂಬ ಬಗ್ಗೆ ಪೆರಿಯೊಡಾಂಟಿಸ್ಟ್ ಮತ್ತು ಡೆಂಟಲ್ ಇಂಪ್ಲಾಂಟ್ ತಜ್ಞ ಡಾ. ಮೈಲ್ಸ್ ಮ್ಯಾಡಿಸನ್ ಇಲ್ಲಿ ಹೇಳಿದ್ದಾರೆ.

ಹಲ್ಲುಗಳನ್ನು ಸ್ವಚ್ಛಗೊಳಿಸಲು ಸರಿಯಾದ ಪ್ರಮಾಣದ ಟೂತ್‌ಪೇಸ್ಟ್ ಅನ್ನು ಬಳಸಬೇಕು. ಟೂತ್‌ಪೇಸ್ಟ್ ಅನ್ನು ಉಗುಳಲು ಸಾಧ್ಯವಾಗುವ 3 ವರ್ಷಕ್ಕಿಂತ ಕಡಿಮೆ ವಯಸ್ಸಿನ ಮಕ್ಕಳು ಬಾಯಿ ಸ್ವಚ್ಛಗೊಳಿಸಲು ಅಕ್ಕಿ ಕಾಳಿನ ಗಾತ್ರದ ಟೂತ್‌ಪೇಸ್ಟ್ ಅನ್ನು ಬಳಸಬೇಕು. ಮತ್ತೊಂದೆಡೆ, 3 ವರ್ಷಕ್ಕಿಂತ ಮೇಲ್ಪಟ್ಟ ಮಕ್ಕಳು ಮತ್ತು ಇತರರು ತಮ್ಮ ಹಲ್ಲುಗಳನ್ನು ಸ್ವಚ್ಛಗೊಳಿಸಲು ಬಟಾಣಿ ಗಾತ್ರದ ಟೂತ್‌ಪೇಸ್ಟ್ ಅನ್ನು ಬಳಸಬೇಕು, ಇದಕ್ಕಿಂತ ಹೆಚ್ಚಿನ ಟೂತ್‌ಪೇಸ್ಟ್ ಅನ್ನು ಬಳಸುವ ಅಗತ್ಯವಿಲ್ಲ.

ನೈರ್ಮಲ್ಯವನ್ನು ಈ ರೀತಿ ಕಾಪಾಡಿಕೊಳ್ಳಿ

1. ಮೌಖಿಕ ನೈರ್ಮಲ್ಯವನ್ನು ಕಾಪಾಡಿಕೊಳ್ಳಲು, ದಿನಕ್ಕೆ ಎರಡು ಬಾರಿ ಹಲ್ಲುಜ್ಜುವುದು ಮುಖ್ಯ. ಬೆಳಿಗ್ಗೆ ಉಪಾಹಾರಕ್ಕೆ ಮೊದಲು ಮತ್ತು ರಾತ್ರಿ ಊಟದ ನಂತರ
2. ಹಲ್ಲುಗಳ ಜೊತೆಗೆ ನಾಲಿಗೆಯನ್ನು ಸ್ವಚ್ಛಗೊಳಿಸುವುದು ಮುಖ್ಯ. ನಾಲಿಗೆಯನ್ನು ಟಂಗ್ ಕ್ಲೀನರ್ ನಿಂದ ಕೆರೆದು ಸ್ವಚ್ಛಗೊಳಿಸುವುದು ಬಹಳ ಮುಖ್ಯ.
3. ಮೌತ್‌ವಾಶ್ ಬಳಸಿ. ಹಲ್ಲುಗಳ ನಡುವೆ ಸಿಲುಕಿಕೊಂಡಿರುವ ಕೊಳೆ ಮತ್ತು ಬಾಯಿಯಿಂದ ಬರುವ ಕೆಟ್ಟ ವಾಸನೆ ಮೌತ್‌ವಾಶ್ ಬಳಸುವುದರಿಂದ ಸಂಪೂರ್ಣವಾಗಿ ಹೋಗುತ್ತದೆ.
4. ಹಲ್ಲುಗಳು ಬಲಗೊಳ್ಳಲು ಮತ್ತು ಬಿಳಿಯಾಗಿ ಕಾಣಲು ಆರೋಗ್ಯಕರ ಆಹಾರವನ್ನು ಸೇವಿಸುವುದು ಮುಖ್ಯ. ಕ್ಯಾಲ್ಸಿಯಂ ಸಮೃದ್ಧವಾಗಿರುವ ಆಹಾರವನ್ನು ಸೇವಿಸಿ. ಕ್ಯಾರೆಟ್ ತಿನ್ನುವುದರಿಂದ ಪ್ಲೇಕ್ ನಿವಾರಣೆಯಾಗುತ್ತದೆ.
5. ಕಾರ್ಬೊನೇಟೆಡ್ ಪಾನೀಯಗಳನ್ನು ತಪ್ಪಿಸಿ ಏಕೆಂದರೆ ಅವು ಹಲ್ಲುಗಳ ಬಣ್ಣವನ್ನು ಹಾಳುಮಾಡುತ್ತವೆ ಮತ್ತು ದಂತಕವಚವನ್ನು ಹಾನಿಗೊಳಿಸುತ್ತವೆ.
6. ದಿನವಿಡೀ ಸಾಕಷ್ಟು ನೀರು ಕುಡಿಯುತ್ತಲೇ ಇರಿ. ಇದು ಬಾಯಿಯಲ್ಲಿ ಕೊಳಕು ಸಂಗ್ರಹವಾಗುವುದನ್ನು ತಡೆಯುತ್ತದೆ ಮತ್ತು ಅದು ಕಾಲಕಾಲಕ್ಕೆ ಹೊರಬರುತ್ತದೆ.

ಜೀವನಶೈಲಿ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ

Published On - 4:44 pm, Fri, 13 June 25