Republic Day: ಗಣರಾಜ್ಯೋತ್ಸವದಂದು ಮನೆಯಲ್ಲಿ ತ್ರಿರಂಗ್ ಇಡ್ಲಿ ಮಾಡಿ, ಮಾಡುವ ವಿಧಾನ ಇಲ್ಲಿದೆ
ಭಾರತೀಯರ ಪಾಲಿಗೆ ಜನವರಿ 26 ಮರೆಯಲಾಗದ ದಿನವಾಗಿದೆ. ಸಂವಿಧಾನವನ್ನು ಅಂಗೀಕರಿಸುವ ಮೂಲಕ ಗಣರಾಜ್ಯ ಎಂದು ಘೋಷಿಸಲ್ಪಟ್ಟ ಈ ದಿನವನ್ನು ಭಾರತೀಯರು ಹಬ್ಬದಂತೆ ಆಚರಿಸುತ್ತಾರೆ. ಈ ದಿನವನ್ನು ಕಲರ್ ಫುಲ್ ಆಗಿ ಆಚರಿಸಲು ಬಯಸುವವರು ತ್ರಿವರ್ಣ ಇಡ್ಲಿಯನ್ನು ತಯಾರಿಸಿ ಮಕ್ಕಳ ಮನಸ್ಸನ್ನು ಗೆಲ್ಲಬಹುದು. ಹಾಗಾದ್ರೆ ತ್ರಿರಂಗ್ ಇಡ್ಲಿ ಮಾಡುವ ಸಿಂಪಲ್ ವಿಧಾನ ಇಲ್ಲಿದೆ.
ಇಡ್ಲಿ ಎಂದರೆ ಎಲ್ಲರಿಗೂ ಕೂಡ ಇಷ್ಟವೇ. ದೂರದ ಊರಿಗೆ ಪ್ರಯಾಣ ಬೆಳೆಸುವವರು ಬೆಳಗ್ಗೆಯ ಉಪಾಹಾರಕ್ಕೆ ಆಯ್ಕೆ ಮಾಡಿಕೊಳ್ಳುವ ತಿಂಡಿಯೇ ಈ ಇಡ್ಲಿ. ಹೋಟೆಲುಗಳಲ್ಲಿ ತಟ್ಟೆ ಇಡ್ಲಿ, ರವೆ ಇಡ್ಲಿ, ಪುಡಿ ಇಡ್ಲಿ, ಕಾಂಚಿಪುರಂ ಇಡ್ಲಿ ಹೀಗೆ ನಾನಾ ರೀತಿಯ ಇಡ್ಲಿಗಳು ಸವಿಯಲು ಸಿಗುತ್ತವೆ. ಆದರೆ ಗೃಹಿಣಿಯರು ಗಣರಾಜ್ಯೋತ್ಸವದ ದಿನ ಮಕ್ಕಳ ಮನಸ್ಸನ್ನು ಗೆಲ್ಲಬೇಕೆಂದುಕೊಂಡಿದ್ದರೆ ಈ ತ್ರಿವರ್ಣ ಅಥವಾ ತ್ರಿರಂಗ್ ಇಡ್ಲಿಯನ್ನು ಒಮ್ಮೆ ಟ್ರೈ ಮಾಡಬಹುದು. ನೋಡುವುದಕ್ಕೂ ಕಲರ್ ಫುಲ್ ಆಗಿ ಕಾಣುವ ಈ ತ್ರಿವರ್ಣ ಇಡ್ಲಿಯನ್ನು ಮಕ್ಕಳಂತೂ ಇಷ್ಟ ಪಟ್ಟು ತಿನ್ನುತ್ತಾರೆ.
ತ್ರಿರಂಗ್ ಇಡ್ಲಿ ಮಾಡಲು ಬೇಕಾಗುವ ಸಾಮಗ್ರಿಗಳು
ಒಂದು ಲೋಟ ಅಕ್ಕಿ, ಪಾಲಾಕ್ ಸೊಪ್ಪು, ಅರ್ಧ ಲೋಟ ಉದ್ದಿನ ಬೇಳೆ, ಕ್ಯಾರೆಟ್, ರುಚಿಗೆ ತಕ್ಕಷ್ಟು ಉಪ್ಪು.
ಇದನ್ನೂ ಓದಿ: ದೆಹಲಿ ಗಣರಾಜ್ಯೋತ್ಸವ ಪರೇಡ್, 1,500ಕ್ಕೂ ಅಧಿಕ ರೈತರಿಗೆ ಆಹ್ವಾನ
ತ್ರಿರಂಗ್ ಇಡ್ಲಿ ಮಾಡುವ ವಿಧಾನ
* ಇಡ್ಲಿ ಮಾಡಲು ಅಕ್ಕಿ ಮತ್ತು ಉದ್ದಿನ ಬೇಳೆ 8 ಗಂಟೆಗಳ ಕಾಲ ನೆನೆ ಹಾಕಬೇಕು.
* ನಂತರ ನೆನೆ ಹಾಕಿದ ಅಕ್ಕಿ ಹಾಗೂ ಉದ್ದಿನ ಬೇಳೆ ರುಬ್ಬಿಕೊಂಡು, ರುಚಿಗೆ ತಕ್ಕಷ್ಟು ಉಪ್ಪು ಸೇರಿಸಿ ಮಿಕ್ಸ್ ಮಾಡಿ 8 ಗಂಟೆಗಳ ಕಾಲ ಹಾಗೆ ಬಿಡಬೇಕು.
* ಬೆಳಗ್ಗೆ ಪಾಲಾಕ್ ಮತ್ತು ಕ್ಯಾರೆಟ್ ಬೇರೆ ಬೇರೆಯಾಗಿ ರುಬ್ಬಿಕೊಳ್ಳಿ.
* ಎರಡು ಪಾತ್ರೆಗೆ ಪ್ರತ್ಯೇಕವಾಗಿ ಪಾಲಾಕ್ ಮತ್ತು ಕ್ಯಾರೆಟ್ ಮಿಶ್ರಣ ಹಾಕಿ ಬೇಯಿಸಿಕೊಳ್ಳಿ.
* ಈಗಾಗಲೇ ಬೇಯಿಸಿದ ಈ ಪಾಲಾಕ್ ಮತ್ತು ಕ್ಯಾರೆಟ್ ಮಿಶ್ರಣಕ್ಕೆ ಪ್ರತ್ಯೇಕವಾಗಿ ಸ್ವಲ್ಪ ಪ್ರಮಾಣದಲ್ಲಿ ರುಬ್ಬಿದ ಅಕ್ಕಿ ಹಿಟ್ಟನ್ನು ಹಾಕಿ ಕಲಸಿಕೊಳ್ಳಿ.
* ಅಕ್ಕಿ ಇಟ್ಟನ್ನು ಇಡ್ಲಿ ಪಾತ್ರೆಗೆ ಹಾಕಿಕೊಳ್ಳಿ, ಅದರ ಒಂದು ಬದಿಯಲ್ಲಿ ಪಾಲಾಕ್ ಹಿಟ್ಟಿನ ಮಿಶ್ರಣ ಹಾಕಿ, ಬದಿಯಲ್ಲಿ ಕ್ಯಾರೆಟ್ ಹಿಟ್ಟಿನ ಮಿಶ್ರಣವನ್ನು ಹಾಕಿ ಬೇಯಿಸಿದರೆ, ಮೂರು ಬಣ್ಣದ ತ್ರಿರಂಗ್ ಇಡ್ಲಿ ಸವಿಯಲು ಸಿದ್ದ.
ಜೀವನಶೈಲಿಗೆ ಸಂಬಂಧಿಸಿದ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ
