Mental Health: ಒತ್ತಡ ಮಾತ್ರವಲ್ಲ, ಭಾವನಾತ್ಮಕವಾಗಿ ನೀವು ಆಯಾಸಗೊಂಡರೂ ದೈಹಿಕ ಸಮಸ್ಯೆಗಳು ನಿಮ್ಮನ್ನು ಕಾಡಬಹುದು

ಹೆಚ್ಚಿದ ಒತ್ತಡವು ನಿಮಗೆ ಭಾವನಾತ್ಮಕ ಮತ್ತು ಮಾನಸಿಕ ಆಯಾಸ ಮತ್ತು ದೈಹಿಕ ಆಯಾಸವನ್ನು ಉಂಟುಮಾಡುತ್ತದೆ

Mental Health: ಒತ್ತಡ ಮಾತ್ರವಲ್ಲ, ಭಾವನಾತ್ಮಕವಾಗಿ ನೀವು ಆಯಾಸಗೊಂಡರೂ ದೈಹಿಕ ಸಮಸ್ಯೆಗಳು ನಿಮ್ಮನ್ನು ಕಾಡಬಹುದು
Stress
TV9kannada Web Team

| Edited By: Nayana Rajeev

Nov 21, 2022 | 11:29 AM

ಹೆಚ್ಚಿದ ಒತ್ತಡವು ನಿಮಗೆ ಭಾವನಾತ್ಮಕ ಮತ್ತು ಮಾನಸಿಕ ಆಯಾಸ ಮತ್ತು ದೈಹಿಕ ಆಯಾಸವನ್ನು ಉಂಟುಮಾಡುತ್ತದೆ. ಭಾವನಾತ್ಮಕ ಆಯಾಸವು ಒಂದು ರೋಗವಲ್ಲ, ಆದರೆ ನೀವು ಮಾನಸಿಕವಾಗಿ ದಣಿದಿರುವಾಗ ಅಥವಾ ಏನಾದರೂ ಒತ್ತಡದಲ್ಲಿದ್ದಾಗ, ಅದು ನಿಧಾನವಾಗಿ ನಿಮ್ಮ ಒಟ್ಟಾರೆ ಆರೋಗ್ಯದ ಮೇಲೆ ನಿಯಂತ್ರಣ ತೆಗೆದುಕೊಳ್ಳಲು ಶುರು ಮಾಡುತ್ತದೆ. ಅದು ನಿಮ್ಮ ಕೂದಲು ಉದುರುವಿಕೆ, ನಿರಂತರ ಬೆನ್ನು ನೋವು ಅಥವಾ ಗಮನ ಕೊರತೆಯಾಗಿರಬಹುದು. ಮಾನಸಿಕ ಆರೋಗ್ಯ ತಜ್ಞರಿಂದ ಮಾನಸಿಕ ಮತ್ತು ದೈಹಿಕ ಆರೋಗ್ಯದ ನಡುವಿನ ಪರಸ್ಪರ ಸಂಪರ್ಕವನ್ನು ಅರ್ಥ ಮಾಡಿಕೊಳ್ಳಬೇಕು.

ಮಾನಸಿಕ ಮತ್ತು ದೈಹಿಕ ಆಯಾಸವನ್ನು ಸಾಮಾನ್ಯ ಭಾಷೆಯಲ್ಲಿ ಅಥವಾ ವೈದ್ಯಕೀಯ ಪರಿಭಾಷೆಯಲ್ಲಿ ವಿಭಿನ್ನವಾಗಿ ವ್ಯಾಖ್ಯಾನಿಸಲಾಗಿದೆ. ಇದರ ಹೊರತಾಗಿಯೂ, ಇಬ್ಬರೂ ಪರಸ್ಪರ ನಿಕಟ ಸಂಬಂಧ ಹೊಂದಿವೆ. ನೀವು ಅನಾರೋಗ್ಯದಿಂದ ಬಳಲುತ್ತಿರುವಾಗ, ಬಿಡುವಿಲ್ಲದ ವೃತ್ತಿಪರ ಜೀವನ, ಕೌಟುಂಬಿಕ ಘರ್ಷಣೆಗಳು ಅಥವಾ ಪ್ರೀತಿಪಾತ್ರರಿಂದ ಬೇರ್ಪಡುವಿಕೆ, ನೀವು ಭಾವನಾತ್ಮಕ ಬಳಲಿಕೆಯನ್ನು ಅನುಭವಿಸುತ್ತೀರಿ.

ಭಾವನಾತ್ಮಕ ಆಯಾಸದ ಬಗ್ಗೆ ತಜ್ಞರ ಅಭಿಪ್ರಾಯವೇನು? ಮನಃಶಾಸ್ತ್ರಜ್ಞೆ ಡಾ. ಲಲಿತಾ ಅವರು ಹೇಳುವ ಪ್ರಕಾರ, ದಿನನಿತ್ಯದ ಒತ್ತಡ ಮತ್ತು ಆತಂಕವನ್ನು ಸ್ವಲ್ಪ ಮಟ್ಟಿಗೆ ಅನುಭವಿಸುವುದು ಸಾಮಾನ್ಯವಾಗಿದೆ, ಆದರೆ ಕಾಲಾನಂತರದಲ್ಲಿ, ದೀರ್ಘಕಾಲದ ಆತಂಕವು ದೇಹದ ಮೇಲೆ ನಿಯಂತ್ರಣ ಸಾಧಿಸುತ್ತದೆ. ಒತ್ತಡದ ಸಂದರ್ಭಗಳು ಜೀವನದಲ್ಲಿ ದೀರ್ಘಕಾಲದವರೆಗೆ ಮುಂದುವರಿದರೆ, ಅದು ಭಾವನಾತ್ಮಕ ಬಳಲಿಕೆಗೆ ಕಾರಣವಾಗಬಹುದು, ಒತ್ತಡವು ವೈಯಕ್ತಿಕವಾಗಿರಲಿ ಅಥವಾ ಕೆಲಸಕ್ಕೆ ಸಂಬಂಧಿಸಿದೆ.

ಮತ್ತಷ್ಟು ಓದಿ: Stress: ನೀವು ಒತ್ತಡ ಮತ್ತು ಆತಂಕದಿಂದ ಬಳಲುತ್ತಿದ್ದೀರಾ? ಮಾನಸಿಕವಾಗಿ ಸದೃಢವಾಗಿರಲು ಹೀಗೆ ಮಾಡಿ

ಭಾವನಾತ್ಮಕ ಬಳಲಿಕೆಯನ್ನು ಪ್ರಚೋದಿಸುವ ವಿಷಯವು ವ್ಯಕ್ತಿಯಿಂದ ವ್ಯಕ್ತಿಗೆ ಭಿನ್ನವಾಗಿರಬಹುದು. ಒಬ್ಬ ವ್ಯಕ್ತಿಗೆ ಒತ್ತಡವನ್ನುಂಟುಮಾಡುವುದು ಇನ್ನೊಬ್ಬರು ಸಂಪೂರ್ಣವಾಗಿ ಇದನ್ನು ನಿಭಾಯಿಸುವ ಶಕ್ತಿ ಹೊಂದಿರಬಹುದು. ಆದ್ದರಿಂದ ನೀವು ನಿಮ್ಮ ಮಟ್ಟ ಮತ್ತು ನಿಮ್ಮ ಸಾಮರ್ಥ್ಯ ಎರಡನ್ನೂ ಅರ್ಥಮಾಡಿಕೊಳ್ಳಬೇಕು.

ಭಾವನಾತ್ಮಕ ಒತ್ತಡ ಅಥವಾ ಆಯಾಸದಿಂದ ನೀವು ಉಂಟಾಗಬಹುದಾದ ದೈಹಿಕ ಸಮಸ್ಯೆಗಳ ಕುರಿತು ಮಾಹಿತಿ ಇಲ್ಲಿದೆ. 1. ತಲೆನೋವು ನೀವು ಭಾವನಾತ್ಮಕವಾಗಿ ನೋವುಂಡಾಗ ನಿಮಗೆ ಆಗಾಗ ತಲೆನೋವು ಬರುತ್ತದೆ, ಇದು ಒಂದು ಕಡೆ ನೀವು ಭಾವನಾತ್ಮಕ ಬಳಲಿಕೆಯಿಂದ ಬಳಲುತ್ತಿರುವ ಸಂಕೇತವಾಗಿದೆ.

2. ಬ್ರೈನ್ ಫಾಗ್ ಬ್ರೈನ್ ಫಾಗ್ ಎಂದರೆ ನೀವು ಯಾವುದೇ ಕೆಲಸವನ್ನು ಸರಿಯಾಗಿ ಮಾಡಲು ಸಾಧ್ಯವಾಗುತ್ತಿಲ್ಲ ಅಥವಾ ಯಾವುದೇ ಕೆಲಸವನ್ನು ಪೂರ್ಣ ಗಮನದಿಂದ ಮಾಡಲು ಸಾಧ್ಯವಾಗುತ್ತಿಲ್ಲ ಎಂದು ಹೇಳುತ್ತದೆ. ನಿಮಗೆ ಯಾವುದೇ ರೋಗವಿರುವುದಿಲ್ಲ, ದಣಿವಿನ ಕಾರಣದಿಂದಾಗಿ ನೀವು ಯಾವುದೇ ಕೆಲಸವನ್ನು ಸರಿಯಾಗಿ ಕೇಂದ್ರೀಕರಿಸಲು ಅಥವಾ ಮಾಡಲು ಸಾಧ್ಯವಾಗದೇ ಇರುವುದು.

3. ಎದೆ ನೋವು ನೀವು ಮಾನಸಿಕವಾಗಿ ಅಥವಾ ಭಾವನಾತ್ಮಕವಾಗಿ ದಣಿದಿರುವಾಗ, ನಿಮಗೆ ಎದೆನೋವು ಕೂಡ ಬರಬಹುದು. ಏಕೆಂದರೆ ನಾವು ನಮ್ಮ ಮನಸ್ಸಿನಿಂದ ಮತ್ತು ನಮ್ಮ ಹೃದಯದಿಂದ ಅನೇಕ ವಿಷಯಗಳನ್ನು ಯೋಚಿಸುತ್ತೇವೆ. ಭಾವನಾತ್ಮಕ ನಿಶ್ಯಕ್ತಿಯಿಂದಾಗಿ ಎದೆ ನೋವು ನಿರಂತರವಾಗಿರಲು ಇದೇ ಕಾರಣ.

4. ರೇಸಿಂಗ್ ಮೈಂಡ್ ಆಗ ನಿಮ್ಮ ಮನಸ್ಸು ನಿರಂತರವಾಗಿ ಯಾವುದಾದರೊಂದು ಓಟದಲ್ಲಿ ಓಡತೊಡಗಿರುತ್ತದೆ, ಹಾಗೆಯೇ ಇತರ ಆಲೋಚನೆಗಳು ಸದಾ ಓಡುತ್ತಲೇ ಇರುತ್ತವೆ. ನಿಮ್ಮ ಮನಸ್ಸು ಕೂಡ ನಿರಂತರವಾಗಿ ಓಟದಲ್ಲಿ ತೊಡಗಿದ್ದರೆ, ಅದು ಭಾವನಾತ್ಮಕ ಬಳಲಿಕೆಯ ಸಂಕೇತವಾಗಿರಬಹುದು.

5. ದೇಹದ ನೋವು ಒತ್ತಡದ ಪರಿಣಾಮವು ನಮ್ಮ ದೇಹದ ಮೇಲೆ ಪರಿಣಾಮ ಬೀರುತ್ತದೆ, ನಮ್ಮ ದೇಹವು ಆಗಾಗ ನೋವನ್ನು ಅನುಭವಿಸುತ್ತಿರುತ್ತದೆ, ಏಕೆಂದರೆ ಒತ್ತಡವು ನಿಮ್ಮ ಮಾನಸಿಕ ಆರೋಗ್ಯದ ಜೊತೆಗೆ ದೈಹಿಕ ಆರೋಗ್ಯದ ಮೇಲೂ ಪರಿಣಾಮ ಬೀರುತ್ತದೆ, ಆದ್ದರಿಂದ ನೀವು ನಿಮ್ಮ ದೇಹದಲ್ಲಿ ಮತ್ತೆ ಮತ್ತೆ ನೋವು ಅನುಭವಿಸುತ್ತಿದ್ದರೆ, ಇದು ನೀವು ಭಾವನಾತ್ಮಕವಾಗಿ ದಣಿದಿರುವಿರಿ ಮತ್ತು ಸಹಾಯದ ಅಗತ್ಯವಿದೆ ಎನ್ನುವ ಸಂಕೇತವಾಗಿರುತ್ತದೆ.

6. ಕೇಂದ್ರೀಕರಿಸುವಲ್ಲಿ ಸಮಸ್ಯೆ ವ್ಯಕ್ತಿಯು ಯಾವುದೇ ಕೆಲಸದ ಮೇಲೆ ಕೇಂದ್ರೀಕರಿಸಲು ಸಾಧ್ಯವಾಗುವುದಿಲ್ಲ. ಬದಲಿಗೆ ಅವರು ಎಲ್ಲಾ ಸಮಯದಲ್ಲೂ ಸಮಸ್ಯೆಗಳ ಮೇಲೆ ಕೇಂದ್ರೀಕರಿಸುತ್ತಾರೆ. ನೀವೂ ಕೂಡ ಯಾವುದೇ ಕೆಲಸದಲ್ಲಿ ಗಮನಹರಿಸಲು ಸಾಧ್ಯವಾಗದಿದ್ದರೆ ಅಥವಾ ಮತ್ತೆ ಮತ್ತೆ ತಪ್ಪುಗಳನ್ನು ಮಾಡುತ್ತಿದ್ದರೆ ನಿಮಗೆ ವಿಶ್ರಾಂತಿಯ ಅಗತ್ಯವಿದೆ ಎಂದರ್ಥ.

ನಿಮಗೆ ಉಸಿರಾಟದ ತೊಂದರೆ, ಜೀರ್ಣಕಾರಿ ಸಮಸ್ಯೆಗಳು, ಹೆಚ್ಚು ಅಥವಾ ಕಡಿಮೆ ಹಸಿವು, ಕೈ ಮತ್ತು ಕಾಲುಗಳ ಮರಗಟ್ಟುವಿಕೆ, ಇವುಗಳು ಭಾವನಾತ್ಮಕ ಬಳಲಿಕೆಯ ಲಕ್ಷಣಗಳಾಗಿವೆ.

ನಿಮ್ಮ ದೈನಂದಿನ ಅಭ್ಯಾಸಗಳಲ್ಲಿ ಸಣ್ಣ ಬದಲಾವಣೆಗಳನ್ನು ಮಾಡುವ ಮೂಲಕ ನೀವು ರೋಗಲಕ್ಷಣಗಳನ್ನು ನಿಯಂತ್ರಿಸಬಹುದು. ಭಾವನಾತ್ಮಕ ಆಯಾಸವು ಹತಾಶತೆಯ ಭಾವನೆಗಳಿಗೆ ಮತ್ತು ಜೀವನದಲ್ಲಿ ಉದ್ದೇಶದ ನಷ್ಟಕ್ಕೆ ಕಾರಣವಾಗಬಹುದು. ಆದ್ದರಿಂದ ವೈದ್ಯರ ಸಹಾಯ ಪಡೆಯಲು ಎಂದಿಗೂ ವಿಳಂಬ ಮಾಡಬೇಡಿ.

ಜೀವನಶೈಲಿಗೆ ಸಂಬಂಧಿಸಿದ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ

ತಾಜಾ ಸುದ್ದಿ

Follow us on

Related Stories

Most Read Stories

Click on your DTH Provider to Add TV9 Kannada