Mental Health: ಈ ವಿಷಯಗಳು ಮಕ್ಕಳಿಗೆ ಮಾನಸಿಕ ಒತ್ತಡವನ್ನುಂಟು ಮಾಡಬಹುದು

ಮಕ್ಕಳ ಮನಸ್ಸು ತುಂಬಾ ಮೃದುವಾಗಿರುತ್ತದೆ, ಒಂದು ಸಣ್ಣ ವಿಷಯವು ಅವರ ಮನಸ್ಸಿಗೆ ನೋವುಂಟು ಮಾಡಬಹುದು. ಅಂತಹ ಪರಿಸ್ಥಿತಿಯಲ್ಲಿ ಪೋಷಕರು ಮಕ್ಕಳ ಮನಸ್ಸನ್ನು ಅರಿಯಲು ಒಂದಷ್ಟು ಸಮಯವನ್ನು ಮೀಸಲಿಡಬೇಕು. ಆದರೆ ಇಂದಿನ ದಿನಗಳಲ್ಲಿ ಬಹುತೇಕ ಪಾಲಕರು ಒತ್ತಡದ ಜೀವನದಿಂದಾಗಿ ಮಕ್ಕಳಿಗೆ ಸಮಯ ಕೊಡಲು ಸಾಧ್ಯವಾಗುತ್ತಿಲ್ಲ. ಇದರಿಂದಾಗಿ ಪೋಷಕರ ಸಮಯ ಮಕ್ಕಳಿಗೆ ಸಿಗುತ್ತಿಲ್ಲ.

ಅನೇಕ ಬಾರಿ ಮಕ್ಕಳು ತಮ್ಮ ಸಮಸ್ಯೆಯನ್ನು ಯಾರ ಬಳಿಯೂ ಹೇಳಕೊಳ್ಳಲಾಗದೆ, ಕ್ರಮೇಣವಾಗಿ ಮಾನಸಿಕ ಒತ್ತಡಕ್ಕೆ ಬಲಿಯಾಗುತ್ತಾರೆ. ಅಷ್ಟೇ ಅಲ್ಲ, ಹಲವು ಬಾರಿ ಭಾವನಾತ್ಮಕವಾಗಿ ಮತ್ತು ಮಾನಸಿಕವಾಗಿಯೂ ಕೆಲವು ಕಾರಣಗಳು ಮಗುವಿಗೆ ಒತ್ತಡವನ್ನುಂಟು ಮಾಡಬಹುದು.

ಮಕ್ಕಳ ಒತ್ತಡವನ್ನು ಗುರುತಿಸಿ ಕಾರಣ ಹುಡುಕಿ ಮೊದಲನೆಯದಾಗಿ ನಿಮ್ಮ ಮಗು ಏಕೆ ಒತ್ತಡಕ್ಕೆ ಒಳಗಾಗುತ್ತಿದೆ ಎಂಬುದನ್ನು ಕಂಡು ಹಿಡಿಯಿರಿ. ಕಾರಣವನ್ನು ತಿಳಿದ ನಂತರ ನಿಮ್ಮ ಮಗುವಿನ ಒತ್ತಡವನ್ನು ಜಯಿಸಲು ನೀವು ಸಹಾಯ ಮಾಡಲು ಸಾಧ್ಯವಾಗುತ್ತದೆ.

ಮಕ್ಕಳೊಂದಿಗೆ ಸ್ನೇಹಿತರಂತೆ ನಡೆದುಕೊಳ್ಳಿ ಮಕ್ಕಳಲ್ಲಿ ಮಾನಸಿಕ ಒತ್ತಡ ಹೆಚ್ಚಾದಾಗ ಅವರು ಅಳಲು ಪ್ರಾರಂಭಿಸುತ್ತಾರೆ, ನೆಲದ ಮೇಲೆ ಮಲಗಿ ಜೋರಾಗಿ ಹೊರಳಾಡುತ್ತಾರೆ. ಕೆಲವೊಮ್ಮೆ ಮಾನಸಿಕ ಒತ್ತಡವು ತುಂಬಾ ಹೆಚ್ಚಾಗುತ್ತದೆ. ಅವರು ತಮ್ಮನ್ನು ತಾವು ನೋಯಿಸಿಕೊಳ್ಳಲು ಸಹ ಹೆದರುವುದಿಲ್ಲ.

ಮಗುವಿನಿಂದ ವಿಷಯವನ್ನು ತಿಳಿದುಕೊಳ್ಳುವ ಮೊದಲು ಅವರೊಂದಿಗೆ ಸ್ನೇಹಿತರಂತೆ ವರ್ತಿಸಿ, ಆಗ ಮಕ್ಕಳು ಭಯ ಪಡುವುದಿಲ್ಲ. ನಿಮ್ಮ ಕಡೆಗೆ ಒಲವನ್ನು ತೋರುತ್ತಾರೆ. ಮಕ್ಕಳು ಆಲೋಚನೆಗಳನ್ನು ಮುಕ್ತ ಮನಸ್ಸಿನಿಂದ ಹೇಳಿಕೊಳ್ಳುತ್ತಾರೆ.

ಸರಿಯಾದ ಡಯಟ್ ಚಾರ್ಟ್​ ಮಗುವಿನ ಆಹಾರ, ಕುಡಿಯುವ ಮತ್ತು ಮಲಗುವ ದಿನಚರಿಯು ತೊಂದರೆಗೊಳಗಾದಾಗ ದೇಹದಲ್ಲಿ ಸಕ್ಕರೆ ಮಟ್ಟವು ಕಡಿಮೆಯಾಗುತ್ತದೆ. ಕ್ರಮೇಣವಾಗಿ ಮಗುವು, ಕೋಪ, ಕಿರಿಕಿರಿಯನ್ನು ಅನುಭವಿಸುತ್ತದೆ.

ಮೊಬೈಲ್ ಬಗ್ಗೆ ಗಮನವಿರಲಿ ಸಾಮಾಜಿಕ ಮಾಧ್ಯಮಗಳಲ್ಲಿ ಪೋಸ್ಟ್​ ಮಾಡುವ ಕೆಲವು ವಿಷಯಗಳು ನಿಮ್ಮ ಮಗುವಿನ ಮನಸ್ಸಿನ ಮೇಲೆ ಪರಿಣಾಮ ಬೀರಬಹುದು. ಕೆಲವೊಮ್ಮೆ ಮಕ್ಕಳು ಹಿಂಸಾತ್ಮಕ ರೂಪ ತಾಳಬಹುದು. ಹಾಗಾಗಿ ಮಕ್ಕಳು ಮೊಬೈ, ಟಿವಿ ಚಟಕ್ಕೆ ಬೀಳಲು ಬಿಡಬೇಡಿ.

ಪ್ರೀತಿಯಿಂದ ಮಾತನಾಡಿ ನಿಮ್ಮ ಸಮಯ ಹಾಗೂ ಪ್ರೀತಿಯನ್ನು ಮಗುವಿಗೆ ನೀಡಬೇಕು, ನಿಮ್ಮ ನಡವಳಿಕೆ ಆಲೋಚನೆಗಳು ಮತ್ತು ಭಾವನೆಗಳು ಮಗುವಿನ ಮೇಲೆ ಪರಿಣಾಮ ಬೀರಬಹುದು, ಮಗುವಿನೊಂದಿಗೆ ಪ್ರೀತಿಯಿಂದ ಮಾತನಾಡಿ.

ಜೀವನಶೈಲಿಗೆ ಸಂಬಂಧಿಸಿದ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ