Summer Juice: ಬಿರುಬಿಸಿಲಿಗೆ ದೇಹಕ್ಕೆ ತಂಪು ನೀಡುವ ಸೋರೆಕಾಯಿ ಜ್ಯೂಸ್, ಇಲ್ಲಿದೆ ರೆಸಿಪಿ

ಬೇಸಿಗೆ ಶುರುವಾಗಿದೆ. ಬಿಸಿಲ ಧಗೆ ನೆತ್ತಿ ಸುಡುತ್ತಿದೆ. ಬಿಸಿಲಿನ ಝಳಕ್ಕೆ ದೇಹದಲ್ಲಿ ನೀರಿನ ಅಂಶ ಕಡಿಮೆಯಾಗಿ, ದೇಹ ನಿರ್ಜಲೀಕರಣವಾಗುವುದು ಸಹಜ. ಈ ವೇಳೆ ಸೇವಿಸುವ ಆಹಾರಗಳ ಬಗ್ಗೆಯು ಹೆಚ್ಚು ಗಮನ ನೀಡಬೇಕು. ಹೀಗಾಗಿ ಈ ಋತುವಿನಲ್ಲಿ ದ್ರವ ಪದಾರ್ಥಗಳು ದಣಿದ ದೇಹಕ್ಕೆ ಬೇಗ ಶಕ್ತಿ ತುಂಬುತ್ತವೆ. ಅಂತಹ ಪಾನೀಯಗಳಲ್ಲಿ ಸೋರೆ ಕಾಯಿ ಜ್ಯೂಸ್ ಬೆಸ್ಟ್. ಮನೆಯಲ್ಲಿ ಸೋರೆ ಕಾಯಿಯಿದ್ದರೆ ಸುಲಭವಾಗಿ ಜ್ಯೂಸ್ ಮಾಡಿ ದಾಹವನ್ನು ನೀಗಿಸಿ ಕೊಳ್ಳಬಹುದಾಗಿದೆ. ಮನೆಯಲ್ಲಿ ಈ ಕೆಲವು ಸಾಮಗ್ರಿಗಳಿದ್ದರೆ ಸೋರೆ ಕಾಯಿ ಜ್ಯೂಸ್ ಕುಡಿಯಲು ಸಿದ್ಧವಾದಂತೆ.

ಸಾಂದರ್ಭಿಕ ಚಿತ್ರ

ಸಾಯಿನಂದಾ | Edited By: ಅಕ್ಷಯ್ ಪಲ್ಲಮಜಲು|
Updated on:Mar 24, 2025 | 11:22 AM

ಕಳೆದ ಕೆಲವು ದಿನಗಳಿಂದ ಬಿಸಿಲಿನ ಧಗೆಯು ಹೆಚ್ಚಾಗುತ್ತಿದ್ದು, ಹೀಗಾಗಿ ಹೊರಗಡೆ ಕಾಲಿಡಲು ಸಾಧ್ಯವಾಗುತ್ತಿಲ್ಲ. ಈ ಬಿಸಿಲಿನ ಝಳಕ್ಕೆ ದೇಹವನ್ನು ತಂಪಾಗಿಸುವ ಪಾನೀಯ (Drinks) ಗಳನ್ನು ಸೇವಿಸುವ ಬಯಕೆಯಾಗುವುದು ಸಹಜ. ಹೀಗಾಗಿ ಹೆಚ್ಚಿನವರು ಮಾರುಕಟ್ಟೆಯಲ್ಲಿ ಸಿಗುವ ಪಾನೀಯಗಳ ಮೊರೆ ಹೋಗುತ್ತಾರೆ. ಆದರೆ ಮನೆಯಲ್ಲಿ ಸೋರೆಕಾಯಿ (Bottle Gourd) ಯಿದ್ದರೆ ಈ ಬೇಸಿಗೆಗೆ ಇದರ ಜ್ಯೂಸ್ ಮಾಡಿ ಕುಡಿಯುವುದು ಒಳ್ಳೆಯದು. ಈ ತರಕಾರಿಯ ಜ್ಯೂಸ್ (Juice) ದೇಹವನ್ನು ತಂಪಾಗಿಸುವುದಲ್ಲದೆ, ರಕ್ತದೊತ್ತಡ (Blood Pressure) ವನ್ನು ಕಡಿಮೆ ಮಾಡುತ್ತದೆ ಹೀಗೆ ಹತ್ತಾರು ಆರೋಗ್ಯ ಪ್ರಯೋಜನಗಳಿವೆ. ಹಾಗಾದ್ರೆ ಮನೆಯಲ್ಲೇ ಸುಲಭವಾಗಿ ಸೋರೆಕಾಯಿ ಜ್ಯೂಸ್ ಮಾಡುವ ಸಿಂಪಲ್ ವಿಧಾನ ಇಲ್ಲಿದೆ.