World Animal Welfare Day 2022: ವಿಶ್ವ ಪ್ರಾಣಿಗಳ ದಿನದ ಇತಿಹಾಸ, ಮಹತ್ವ ತಿಳಿಯಿರಿ
ಜಗತ್ತಿನಲ್ಲಿ ಮನುಷ್ಯರಿಗೆಷ್ಟು ಬದುಕಲು ಅವಕಾಶವಿದೆಯೂ ಅದೇ ರೀತಿ ಪ್ರಾಣಿಗಳಿಗೂ ಬದುಕುವ ಹಕ್ಕಿದೆ. ಹೀಗಾಗಿ ನಾವೆಲ್ಲ ವಿಶ್ವ ಪ್ರಾಣಿ ದಿನಾಚರಣೆಯಲ್ಲಿ ತೊಡಗಿಸಿಕೊಳ್ಳಬೇಕು.
Updated on:Oct 04, 2022 | 7:15 AM
ಪ್ರತಿ ವರ್ಷ ಅಕ್ಟೋಬರ್ 4ರಂದು ವಿಶ್ವ ಪ್ರಾಣಿಗಳ ದಿನವನ್ನು ಆಚರಿಸಲಾಗುತ್ತೆ(World Animal Welfare Day 2022). ಅಳಿವಿನಂಚಿನಲ್ಲಿರುವ ಅನೇಕ ಜಾತಿಯ ಪ್ರಾಣಿಗಳ ದುಃಸ್ಥಿತಿಯ ಅರಿವನ್ನು ಹೆಚ್ಚಿಸಲು, ಪ್ರಾಣಿಗಳ ಸಂರಕ್ಷಣೆ ಹಾಗೂ ಪ್ರಕೃತಿಯಲ್ಲಿ ಅವುಗಳ ಮಹತ್ವವದ ಬಗ್ಗೆ ಜಾಗೃತಿ ಮೂಡಿಸಲು ಈ ದಿನವನ್ನು ಆಚರಿಸಲಾಗುತ್ತೆ. ಕಾಡು ನಾಶ ಆಗಿ ನಾಡು ಬೆಳೆಯುತ್ತಾ ಹೋದಂತೆ ಪ್ರಾಣಿಗಳ ಸಂಖ್ಯೆಯಲ್ಲಿ ಗಣನೀಯ ಇಳಿಕೆಯಾಗಿದೆ. ಅಲ್ಲದೆ ಪ್ರವಾಹ, ಬರ ಸಮಯದಲ್ಲಿ ನಾಡಿಗೆ ಕಾಲಿಡುವ ಪ್ರಾಣಿಗಳನ್ನು ಮನುಷ್ಯ ಎಂದೂ ಸಹಿಸುವುದಿಲ್ಲ. ಹೀಗಾಗಿ ಮಾನವರಿಂದ ಪ್ರಾಣಿಗಳಿಗೆ ಉಂಟಾಗುವ ಹಾನಿಯನ್ನು ಗಮನದಲ್ಲಿಟ್ಟುಕೊಂಡು ಈ ದಿನವನ್ನು ಆಚರಿಸಲಾಗುತ್ತೆ.
ವಿಶ್ವ ಪ್ರಾಣಿ ದಿನ ಎಂದರೇನು?
ಪ್ರಾಣಿ ಪೋಷಕ ಸಂತ ಎಂದು ಕರೆಯಲ್ಪಡುವ ಸೈಂಟ್ ಫ್ಯಾನ್ಸಿಸ್ ಆಫ್‌ ಅಸ್ಸಿಸಿಯ ಹಬ್ಬದ ದಿನವನ್ನು ವಿಶ್ವ ಪ್ರಾಣಿಗಳ ದಿನವನ್ನಾಗಿ ಆಚರಿಸಲಾಗುತ್ತದೆ. ಮೊಟ್ಟ ಮೊದಲ ಬಾರಿಗೆ 1925 ರಲ್ಲಿ ಜರ್ಮನಿಯ ಬರ್ಲಿನ್‌ನಲ್ಲಿ ಹೆನ್ರಿಕ್ ಝಿಮ್ಮರ್‌ಮ್ಯಾನ್ ಈ ದಿನವನ್ನು ಆಚರಣೆ ಮಾಡಿದರು. ಬಳಿಕ 1929 ರಲ್ಲಿ ಅಕ್ಟೋಬರ್ 4 ರಂದು ವಿಶ್ವ ಪ್ರಾಣಿ ಕಲ್ಯಾಣ ದಿನವನ್ನು ಆಚರಣೆ ಮಾಡಲಾಯಿತು. ವಿಶ್ವ ಪ್ರಾಣಿ ದಿನವು ಅಕ್ಟೋಬರ್ 4 ರಂದು ನಡೆಯುವ ವಾರ್ಷಿಕ ಕಾರ್ಯಕ್ರಮವಾಗಿದೆ. ಪ್ರಪಂಚದಾದ್ಯಂತ ಪ್ರಾಣಿಗಳ ಕಲ್ಯಾಣಕ್ಕಾಗಿ ಜಾಗೃತಿ ಮೂಡಿಸಲು ಈ ದಿನವನ್ನು ಮೀಸಲಿಡಲಾಗಿದೆ.
ಜಗತ್ತಿನಲ್ಲಿ ಮನುಷ್ಯರಿಗೆಷ್ಟು ಬದುಕಲು ಅವಕಾಶವಿದೆಯೂ ಅದೇ ರೀತಿ ಪ್ರಾಣಿಗಳಿಗೂ ಬದುಕುವ ಹಕ್ಕಿದೆ. ಹೀಗಾಗಿ ನಾವೆಲ್ಲ ವಿಶ್ವ ಪ್ರಾಣಿ ದಿನಾಚರಣೆಯಲ್ಲಿ ತೊಡಗಿಸಿಕೊಳ್ಳಬೇಕು. ಇದಕ್ಕೆ ಹಲವು ಮಾರ್ಗಗಳಿವೆ. ಪ್ರಾಣಿ ಕಲ್ಯಾಣ ಸಂಸ್ಥೆಗೆ ದೇಣಿಗೆ ನೀಡುವುದು ಅಥವಾ ಸ್ವಯಂಸೇವಕರಾಗುವುದು ಒಂದು ಮಾರ್ಗವಾಗಿದೆ. ಇನ್ನೊಂದು ಮಾರ್ಗವೆಂದರೆ ಈವೆಂಟ್ ಮಾಡುವುದು ಮತ್ತು ಈ ದಿನದ ಮಹತ್ವವನ್ನು ಜನರಿಗೆ ಸಾರುವ, ಜಾಗೃತಿ ಮೂಡಿಸುವ ಮೂಲಕ ಈ ದಿನವನ್ನು ಆಚರಿಸಬಹುದು. ಇದನ್ನೂ ಓದಿ: ನೀರು ಅಧಿಕ ರಕ್ತದೊತ್ತಡವನ್ನು ನಿಯಂತ್ರಿಸುತ್ತದೆಯೇ? ದಿನಕ್ಕೆ ಎಷ್ಟು ಲೀಟರ್ ನೀರು ಕುಡಿಯಬೇಕು?
ವಿಶ್ವ ಪ್ರಾಣಿ ದಿನದ ಇತಿಹಾಸ
ವಿಶ್ವ ಪ್ರಾಣಿ ದಿನವು ಜಾಗತಿಕ ಕಾರ್ಯಕ್ರಮವಾಗಿ ಬೆಳೆದಿದೆ. ಇದನ್ನು ಎಲ್ಲಾ ವಯಸ್ಸಿನ ಜನರು ಮತ್ತು ಎಲ್ಲಾ ವರ್ಗಗಳ ಜನರು ಆಚರಿಸುತ್ತಾರೆ. ಪ್ರತಿ ವರ್ಷ, ಈ ಸಂದರ್ಭವನ್ನು ಗುರುತಿಸಲು ಪ್ರಪಂಚದಾದ್ಯಂತ ಕಾರ್ಯಕ್ರಮಗಳನ್ನು ನಡೆಸಲಾಗುತ್ತದೆ. ಜನರು ಒಗ್ಗೂಡಲು ಮತ್ತು ಪ್ರಾಣಿ ಕಲ್ಯಾಣಕ್ಕಾಗಿ ತಮ್ಮ ಬೆಂಬಲವನ್ನು ಸೂಚಿಸಲು ಈ ದಿನವು ಅವಕಾಶವನ್ನು ಒದಗಿಸುತ್ತದೆ. ಪ್ರಾಣಿಗಳು ಎದುರಿಸುತ್ತಿರುವ ಸಮಸ್ಯೆಗಳನ್ನು ಸರಿ ಮಾಡಲು ಏನು ಮಾಡಬಹುದು ಎಂಬುದರ ಕುರಿತು ಇನ್ನಷ್ಟು ತಿಳಿದುಕೊಳ್ಳಲು ಜನರಿಗೆ ಇದು ಒಂದು ಅವಕಾಶವಾಗಿದೆ. ನೀವು ಪ್ರಾಣಿ ಪ್ರೇಮಿಯಾಗಿರಲಿ ಅಥವಾ ಇಲ್ಲದಿರಲಿ, ವಿಶ್ವ ಪ್ರಾಣಿ ದಿನವು ಆಚರಿಸಲು ಯೋಗ್ಯವಾದ ದಿನವಾಗಿದೆ.
ನಾವು ವಿಶ್ವ ಪ್ರಾಣಿ ದಿನವನ್ನು ಏಕೆ ಆಚರಿಸುತ್ತೇವೆ
ನಾವು ವಿಶ್ವ ಪ್ರಾಣಿ ದಿನವನ್ನು ಆಚರಿಸಲು ಹಲವು ಕಾರಣಗಳಿವೆ. ಪ್ರಪಂಚದಾದ್ಯಂತ ಪ್ರಾಣಿಗಳ ದುಃಸ್ಥಿತಿಯ ಬಗ್ಗೆ ಜಾಗೃತಿ ಮೂಡಿಸುವುದು ಒಂದು ಕಾರಣ. ಅನೇಕ ಪ್ರಾಣಿಗಳು ಅಳಿವಿನಂಚಿನಲ್ಲಿವೆ ಅಥವಾ ನಿಂದನೆ ಮತ್ತು ನಿರ್ಲಕ್ಷ್ಯದಿಂದ ಬಳಲುತ್ತಿದ್ದಾರೆ. ವಿಶ್ವ ಪ್ರಾಣಿ ದಿನವು ಈ ಪ್ರಾಣಿಗಳಿಗೆ ನಮ್ಮ ಬೆಂಬಲವನ್ನು ತೋರಿಸಲು ನಾವೆಲ್ಲರೂ ಒಟ್ಟಾಗಿ ಸೇರುವ ದಿನವಾಗಿದೆ. ಇದನ್ನೂ ಓದಿ: ಮುದ್ದಾದ ಫೋಟೋ ಹಂಚಿಕೊಂಡು ದಸರಾ ಹಬ್ಬದ ಶುಭಾಶಯ ತಿಳಿಸಿದ ರಂಜನಿ ರಾಘವನ್
ವಿಶ್ವ ಪ್ರಾಣಿ ದಿನವನ್ನು ಆಚರಿಸಲು ಮತ್ತೊಂದು ಕಾರಣವೆಂದರೆ ಎಲ್ಲಾ ಪ್ರಾಣಿಗಳಿಗೆ ಗೌರವ ಮತ್ತು ಸಹಾನುಭೂತಿಯನ್ನು ಉತ್ತೇಜಿಸುವುದು. ನಮ್ಮ ಸಾಕುಪ್ರಾಣಿಗಳು ಅಥವಾ ಕಾಡು ಪ್ರಾಣಿಗಳು ಎಂಬುದನ್ನು ಲೆಕ್ಕಿಸದೆ ನಾವು ಎಲ್ಲಾ ಪ್ರಾಣಿಗಳನ್ನು ದಯೆ ಮತ್ತು ಕಾಳಜಿಯಿಂದ ನೋಡಿಕೊಳ್ಳಬೇಕು. ಎಲ್ಲಾ ಪ್ರಾಣಿಗಳು ಗೌರವ ಮತ್ತು ಸಹಾನುಭೂತಿಗೆ ಅರ್ಹವಾಗಿವೆ. ಅಂತಿಮವಾಗಿ, ವಿಶ್ವ ಪ್ರಾಣಿ ದಿನವನ್ನು ಆಚರಿಸುವುದು ಪ್ರಪಂಚದಾದ್ಯಂತದ ಇತರ ಪ್ರಾಣಿ ಪ್ರೇಮಿಗಳೊಂದಿಗೆ ಸಂಪರ್ಕ ಸಾಧಿಸಲು ಉತ್ತಮ ಮಾರ್ಗವಾಗಿದೆ. ಈ ದಿನದಂದು ನಾವೆಲ್ಲರೂ ಒಗ್ಗೂಡಿ ಪ್ರಾಣಿಗಳ ಮೇಲಿನ ಪ್ರೀತಿಯನ್ನು ಆಚರಿಸಬಹುದು.
ವಿಶ್ವ ಪ್ರಾಣಿ ದಿನದ ಗುರಿಗಳೇನು?
ವಿಶ್ವ ಪ್ರಾಣಿ ದಿನದಂದು ಜಾಗತಿಕ ಆಧಾರದ ಮೇಲೆ ಪ್ರಾಣಿಗಳ ಹಕ್ಕುಗಳನ್ನು ಬೆಂಬಲಿಸಬೇಕು. ಅವುಗಳಿಗೂ ಜೀವಿಸುವ ಹಕ್ಕಿದೆ, ಅವುಗಳನ್ನೂ ಕೂಡ ಜೀವಿಗಳಂತೆ ಪರಿಗಣಿಸಬೇಕು. ಪ್ರಾಣಿಗಳನ್ನು ಆಹಾರ ಉತ್ಪನ್ನವಾಗಿ ನೋಡಬಾರದು. ಅವುಗಳಿಗೆ ವೈದ್ಯಕೀಯ ಚಿಕಿತ್ಸೆ ಕೊಡಿಸುವುದು, ಸರಿಯಾಗಿ ಆಹಾರ ನೀಡುವುದು, ಜೀವಿಸಲು ಸಾಕಷ್ಟು ಸ್ಥಳಾವಕಾಶ ಕೊಡುವುದು ಹಾಗೂ ಪ್ರೀತಿಯನ್ನು ತೋರಿಸಬೇಕು ಎಂಬುದೇ ಈ ದಿನದ ಗುರಿಯಾಗಿದೆ.
Published On - 7:15 am, Tue, 4 October 22
