ಈ 5 ವಸ್ತುಗಳನ್ನು ಬಟ್ಟೆಯಲ್ಲಿ ಕಟ್ಟಿ ನೆತ್ತಿಯ ಮೇಲೆ ಮಸಾಜ್​ ಮಾಡಿ, ರೇಷ್ಮೆಯಂತಹ ಕೂದಲು ಪಡೆಯಬಹುದು

ಕೂದಲಿನ ಆರೈಕೆ (hair growth) ಮಾಡಲು ಅನೇಕ ರಾಸಾಯನಿಕ ವಸ್ತುಗಳನ್ನು ಬಳಸುತ್ತಾರೆ. ತಲೆಹೊಟ್ಟು ಮತ್ತು ಕೂದಲು ಉದುರುವಿಕೆ ಮುಂತಾದ ಸಮಸ್ಯೆಗಳು ಸಾಮಾನ್ಯ ವಿಚಾರಗಳು. ರಾಸಾಯನಿಕ ಉತ್ಪನ್ನಗಳ ಬಳಕೆಯಿಂದ ಹೇಳಿಕೊಳ್ಳುವ ಪರಿಹಾರ ಸಿಗುವುದಿಲ್ಲ. ಈ ಬಗ್ಗೆ ಆಯುರ್ವೇದ ಪೌಷ್ಟಿಕತಜ್ಞೆ ಶ್ವೇತಾ ಶಾ ಇನ್ಸ್ಟಾಗ್ರಾಮ್‌ನಲ್ಲಿ ವೀಡಿಯೊವನ್ನು ಹಂಚಿಕೊಂಡಿದ್ದಾರೆ. ಈ ಪೊಟ್ಲಿ ಕೂದಲಿನ ಬೇರುಗಳನ್ನು ಬಲಪಡಿಸುವಲ್ಲಿ, ಅವುಗಳನ್ನು ಹೊಳೆಯುವಂತೆ ಮಾಡಲು ಮತ್ತು ತಲೆಹೊಟ್ಟು ಕಡಿಮೆ ಮಾಡಲು ಪರಿಣಾಮಕಾರಿಯಾಗಿದೆ ಎಂದು ಪೌಷ್ಟಿಕತಜ್ಞರು ಹೇಳುತ್ತಾರೆ. ಕೂದಲಿನ ಬೆಳವಣಿಗೆಗೆ ಸಹಾಯ ಮಾಡುತ್ತದೆ. ಅಂತಹ ಪರಿಸ್ಥಿತಿಯಲ್ಲಿ, ಈ ಪೊಟ್ಲಿಯನ್ನು ತಯಾರಿಸಲು ನಿಮಗೆ ಯಾವ ವಸ್ತುಗಳು ಬೇಕಾಗುತ್ತವೆ ಮತ್ತು ಇದು ಹೇಗೆ ಪರಿಣಾಮ ಉಂಟು ಮಾಡುತ್ತದೆ ಎಂಬ ಬಗ್ಗೆಯೂ ಹೇಳಿದ್ದಾರೆ.

ಪೊಟ್ಲಿಯ ಪ್ರಯೋಜನಗಳು:

ಈ ಪೊಟ್ಲಿ ಕೂದಲಿಗೆ ಒಂದು ರೀತಿಯ ನೈಸರ್ಗಿಕ ಚಿಕಿತ್ಸೆಯಾಗಿದೆ. ಇದರಲ್ಲಿ ಆಯುರ್ವೇದ ಪದಾರ್ಥಗಳನ್ನು ಬಳಸಲಾಗುತ್ತದೆ, ಇದು ಕೂದಲಿನ ಬೇರುಗಳಿಗೆ ಪೋಷಣೆಯನ್ನು ಒದಗಿಸುತ್ತದೆ.

ಇದನ್ನೂ ಓದಿ

ಮಕ್ಕಳಿಗೆ ಹೆಚ್ಚು ಫೋನ್‌ ನೋಡಲು ಬಿಡ್ಬೇಡಿ; ಯಾಕೆ ಗೊತ್ತಾ?

ಮಳೆಗಾಲದ ಅನಾರೋಗ್ಯಕ್ಕೆ ಪತಂಜಲಿ ಮನೆಮದ್ದುಗಳು

ನೀವು ಮಲಗುವ ಭಂಗಿ ಬಹಿರಂಗಪಡಿಸುತ್ತೆ ನಿಮ್ಮ ವ್ಯಕ್ತಿತ್ವದ ರಹಸ್ಯ

ಈ ಒಂದು ಸಣ್ಣ ಅಭ್ಯಾಸ ರೂಡಿಸಿಕೊಂಡ್ರೆ ಮಲಬದ್ಧತೆ ಸಮಸ್ಯೆನೇ ಬರಲ್ಲ

ಇಲ್ಲಿದೆ ನೋಡಿ ವಿಡಿಯೋ:

View this post on Instagram

A post shared by Shweta Shah (@shweta_shah_nutritionist)

ಇದಕ್ಕೆ ಬೇಕಾದ ವಸ್ತುಗಳು:

1. ಕರಿಬೇವು ಎಲೆಗಳು
2. ಮೆಂತ್ಯ ಬೀಜಗಳು
3. ತೆಂಗಿನಕಾಯಿ ಪುಡಿ
4. ಈರುಳ್ಳಿ ಸಿಪ್ಪೆ
5. ಕಲ್ಲುಪ್ಪು

ಮಾಡುವುದು ಹೇಗೆ?

• ಮೇಲೆ ಹೇಳಿರುವ ವಸ್ತುಗಳನ್ನು ತೆಗೆದುಕೊಂಡು ಸ್ವಚ್ಛವಾದ ಬಟ್ಟೆಯಲ್ಲಿ ಕಟ್ಟಿ ಒಂದು ಬಂಡಲ್ ಮಾಡಿ.
• ಅದನ್ನು ಸ್ವಲ್ಪ ಬಿಸಿ ಮಾಡಿ, ಇದು ನಿಮ್ಮ ನೆತ್ತಿಯನ್ನು ಸುಡಡುವಂತಿದ್ದರೆ ಸಾಕು.
• ಸುಮಾರು 10 ನಿಮಿಷಗಳ ಕಾಲ ಸ್ವಲ್ಪ ಬೆಚ್ಚಗಿನ ಬಂಡಲ್‌ನಿಂದ ನಿಮ್ಮ ತಲೆಯನ್ನುನಿಧಾನವಾಗಿ ಮಸಾಜ್ ಮಾಡಿ.
• ಮಸಾಜ್ ಮಾಡುವಾಗ, ಬಂಡಲ್ ಅನ್ನು ಸಂಪೂರ್ಣ ನೆತ್ತಿ ಮತ್ತು ಕೂದಲಿನ ಮಧ್ಯೆ ಇರುವ ಬೇರುಗಳ ಮೇಲೆ ಸರಿಸಿ. ಇದು ನೇರವಾಗಿ ನೆತ್ತಿಯನ್ನು ತಲುಪುತ್ತದೆ.
• ಮಸಾಜ್ ಮಾಡಿದ ನಂತರ, ಕೂದಲನ್ನು ಅರ್ಧ ಗಂಟೆ ಹಾಗೆಯೇ ಬಿಟ್ಟು ನಂತರ ಸೌಮ್ಯವಾದ ಶಾಂಪೂ ಬಳಸಿ ತೊಳೆಯಿರಿ.

ಇದನ್ನೂ ಓದಿ: ಬಾಳೆಹಣ್ಣಿನ ಸಿಪ್ಪೆಗೆ ಈ 2 ವಸ್ತುಗಳನ್ನು ಬೆರೆಸಿ ಮುಖಕ್ಕೆ ಹಚ್ಚಿದ್ರೆ ಮುಖ ಹೊಳೆಯುವುದು ಖಂಡಿತ

ಪ್ರಯೋಜನಗಳೇನು? ಇಲ್ಲಿದೆ ನೋಡಿ:

1. ಇದು ರಕ್ತ ಪರಿಚಲನೆ ಸುಧಾರಿಸುತ್ತದೆ, ಇದು ಕೂದಲಿನ ಬೆಳವಣಿಗೆಗೆ ಸಹಾಯ ಮಾಡುತ್ತದೆ.
2. ಕರಿಬೇವು ಕೂದಲಿನ ಬೆಳವಣಿಗೆಯನ್ನು ಹೆಚ್ಚಿಸಲು ಮತ್ತು ಕೂದಲು ಬಿಳಿ ಆಗುವುದನ್ನು ತಡೆಯಲು ಸಹಾಯ ಮಾಡುತ್ತದೆ.
3. ಮೆಂತ್ಯ ಬೀಜಗಳು ತಲೆಹೊಟ್ಟು ಕಡಿಮೆ ಮಾಡಿ ಕೂದಲಿನ ಬೇರುಗಳನ್ನು ಬಲಪಡಿಸುತ್ತವೆ.
4. ತೆಂಗಿನಕಾಯಿ ಪುಡಿ ನೈಸರ್ಗಿಕ ಕಂಡಿಷನರ್ ಆಗಿ ಕಾರ್ಯನಿರ್ವಹಿಸುತ್ತದೆ ಹಾಗೂ ಕೂದಲನ್ನು ಮೃದುಗೊಳಿಸುತ್ತದೆ.
5. ಈರುಳ್ಳಿ ಸಿಪ್ಪೆಗಳು ಕೂದಲಿಗೆ ಹೊಳಪನ್ನು ನೀಡುತ್ತವೆ, ಉದುರುವುದನ್ನು ಕಡಿಮೆ ಮಾಡುತ್ತದೆ.
6. ಕಲ್ಲುಪ್ಪು ನೆತ್ತಿಯಲ್ಲಿರುವ ಖನಿಜಗಳ ಹೀರಿಕೊಳ್ಳುವಿಕೆಯನ್ನು ಹೆಚ್ಚಿಸುತ್ತದೆ.

ಈ ಪೊಟ್ಲಿಯೂ ಕೂದಲು ನೈಸರ್ಗಿಕವಾಗಿ ರೇಷ್ಮೆಯಂತೆ ಮಾಡಿ ಹೊಳೆಯುವಂತೆ ಮಾಡುತ್ತದೆ. ಕೂದಲಿನ ಬೆಳವಣಿಗೆಯೂ ಸುಧಾರಿಸುತ್ತದೆ. ಸಂಪೂರ್ಣವಾಗಿ ನೈಸರ್ಗಿಕವಾಗಿದೆ ಮತ್ತು ಯಾವುದೇ ಅಡ್ಡಪರಿಣಾಮಗಳಿಲ್ಲ. ವಾರಕ್ಕೆ ಕನಿಷ್ಠ 1-2 ಬಾರಿ ಇದನ್ನು ಬಳಸುವುದರಿಂದ, ಶೀಘ್ರ ಪರಿಹಾರ ಪಡೆಯಬಹುದು.

ಜೀವನಶೈಲಿ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ