8 Years of Modi Government Live: ಮೋದಿ ಸರ್ಕಾರಕ್ಕೆ 8 ವರ್ಷ, ಚೆನ್ನೈ-ಹೈದರಾಬಾದ್​ನಲ್ಲಿ ವಿವಿಧ ಕಾರ್ಯಕ್ರಮ

ಅಮರ ವೀರರ ಬಲಿದಾನ ಉಜ್ವಲ ಭವಿಷ್ಯಕ್ಕಾಗಿ

ತೆಲಂಗಾಣವನ್ನು ನಾಶ ಮಾಡುತ್ತಿರುವವರು ಇಂದಿಗೂ ಇದ್ದಾರೆ. ಅಮರ ವೀರರ ಬಲಿದಾನ ಒಂದೇ ಕುಟುಂಬಕ್ಕಾಗಿ ಅಲ್ಲ, ಉಜ್ವಲ ಭವಿಷ್ಯಕ್ಕಾಗಿ ಈ ತ್ಯಾಗ ಮಾಡಲಾಗಿದೆ ಎಂದು ಮೋದಿ ಹೇಳಿದರು. ತೆಲಂಗಾಣದಲ್ಲಿ ವಂಶಪಾರಂಪರ್ಯ ರಾಜಕಾರಣದ ವಿರುದ್ಧ ಹೋರಾಡಬೇಕೆಂದರು. ತೆಲಂಗಾಣದಲ್ಲಿ ಬಿಜೆಪಿ ಕಾರ್ಯಕರ್ತರ ಮೇಲೆ ಹಲ್ಲೆಗಳು ನಡೆಯುತ್ತಿವೆ ಎಂದು ಮೋದಿ ಕಳವಳ ವ್ಯಕ್ತಪಡಿಸಿದರು.

ರೈಲು ನಿಲ್ದಾಣಗಳು ಮೇಲ್ದರ್ಜೆಗೆ

ಚೆನ್ನೈನ ಎಗ್​ಮೋರ್, ರಾಮೇಶ್ವರಂ, ಮದುರೈ, ಕಾಟ್​ಪಾಡಿ ಮತ್ತು ಕನ್ಯಾಕುಮಾರಿ ರೈಲು ನಿಲ್ದಾಣಗಳ ಅಭಿವೃದ್ಧಿಗೂ ಪ್ರಧಾನಿ ಮೋದಿ ಚಾಲನೆ ನೀಡಲಿದ್ದಾರೆ. ಈ ರೈಲು ನಿಲ್ದಾಣಗಳನ್ನು ₹ 1,800 ಕೋಟಿ ವೆಚ್ಚದಲ್ಲಿ ನಿರ್ಮಿಸಲು ಉದ್ದೇಶಿಸಲಾಗಿದೆ.

ಚತುಷ್ಪಥ ಡಬಲ್ ಡೆಕರ್ ರಸ್ತೆ

ಚೆನ್ನೈ ನಗರದಲ್ಲಿ 21 ಕಿಮೀ ಉದ್ದದ ಚತುಷ್ಪಥ ಡಬಲ್ ಡೆಕರ್ ಎಲಿವೇಟೆಡ್ ರಸ್ತೆ ನಿರ್ಮಾಣ ಕಾಮಗಾರಿಗೂ ಇದೇ ವೇಳೆ ಮೋದಿ ಚಾಲನೆ ನೀಡಲಿದ್ದಾರೆ. ಈ ರಸ್ತೆಯು ಚೆನ್ನೈ ಬಂದರಿನಿಂದ ಮದುರವೊಯಲ್ ಪ್ರದೇಶಕ್ಕೆ ಸಂಪರ್ಕ ಕಲ್ಪಿಸುತ್ತದೆ. ಈ ರಸ್ತೆಯನ್ನು ₹ 5,850 ಕೋಟಿ ವೆಚ್ಚದಲ್ಲಿ ನಿರ್ಮಿಸಲು ಉದ್ದೇಶಿಸಲಾಗಿದೆ.

ವಿವಿಧ ಯೋಜನೆಗಳಿಗೆ ಶಿಲಾನ್ಯಾಸ

₹ 28,540 ಕೋಟಿ ವೆಚ್ಚದ ಆರು ಯೋಜನೆಗಳಿಗೆ ಪ್ರಧಾನಿ ನರೇಂದ್ರ ಮೋದಿ ಇದೇ ಸಂದರ್ಭದಲ್ಲಿ ಶಂಕುಸ್ಥಾಪನೆ ನೆರವೇರಿಸಲಿದ್ದಾರೆ. ಇದರಲ್ಲಿ ₹ 14,870 ಕೋಟಿ ವೆಚ್ಚದಲ್ಲಿ ನಿರ್ಮಾಣವಾಗುತ್ತಿರುವ ಬೆಂಗಳೂರು-ಚೆನ್ನೈ ಎಕ್ಸ್​ಪ್ರೆಸ್​ ವೇ ಸಹ ಸೇರಿದೆ.

The projects being inaugurated include:

Madurai-Theni railway gauge conversion project.

Third railway line between Tambaram-Chengalpattu.

2 natural gas pipelines.

Houses constructed as part of Light House Project, Chennai. pic.twitter.com/Iib6NsfzYg

— Narendra Modi (@narendramodi) May 25, 2022

ಬಡವರಿಗೆ ಮನೆಗಳು

ಚೆನ್ನೈನಲ್ಲಿ ಪ್ರಧಾನ ಮಂತ್ರಿ ಆವಾಸ್ ಯೋಜನೆಯ ಅಡಿಯಲ್ಲಿ ₹ 116 ಕೋಟಿ ವೆಚ್ಚದಲ್ಲಿ ನಿರ್ಮಿಸಿರುವ 1,152 ಮನೆಗಳನ್ನು ಮೋದಿ ಉದ್ಘಾಟಿಸಲಿದ್ದಾರೆ.

The foundation stones will be laid for key projects such as:

Bengaluru-Chennai Expressway.

Redevelopment of 5 stations – Chennai Egmore, Rameswaram, Madurai, Katpadi and Kanniyakumari.

Multi Modal Logistic Park at Chennai. pic.twitter.com/4jZFBipZ0a

— Narendra Modi (@narendramodi) May 25, 2022

ನೈಸರ್ಗಿಕ ಅನಿಲ ಕೊಳವೆ ಮಾರ್ಗ

ಎಣ್ಣೋರ್-ಚೆಂಗಲುಪಟ್ಟು (115 ಕಿಮೀ) ಮತ್ತು ತುರುವಳ್ಳೂರು-ಬೆಂಗಳೂರು (271 ಕಿಮೀ) ನೈಸರ್ಗಿಕ ಅನಿಲ ಕೊಳವೆ ಮಾರ್ಗಗಳನ್ನು ಪ್ರಧಾನಿ ನರೇಂದ್ರ ಮೋದಿ ಇದೇ ವೇಳೆ ಉದ್ಘಾಟಿಸಲಿದ್ದಾರೆ. ಈ ಕೊಳವೆ ಮಾರ್ಗಗಳನ್ನು ₹ 1,760 ಕೋಟಿ ವೆಚ್ಚದಲ್ಲಿ ನಿರ್ಮಿಸಲಾಗಿದೆ.

ರೈಲು ಮಾರ್ಗ ಲೋಕಾರ್ಪಣೆ

₹ 500 ಕೋಟಿ ವೆಚ್ಚದಲ್ಲಿ 75 ಕಿಮೀ ಉದ್ದದ ಮಧುರೈ-ಥೇಣಿ ರೈಲು ಮಾರ್ಗವನ್ನು ಮೇಲ್ದರ್ಜೆಗೆ ಏರಿಸಲಾಗಿದೆ. ಚೆನ್ನೈ ಉಪನಗರಗಳಾದ ಥಂಬಂ ಮತ್ತು ಚೆಂಗಲಪಟ್ಟು ನಡುವೆ 30 ಕಿಮೀ ಅಂತರದ 3ನೇ ರೈಲು ಮಾರ್ಗ ನಿರ್ಮಿಸಲಾಗಿದೆ. ಈ ಕಾಮಗಾರಿಗೆ ₹ 590 ಕೋಟಿ ವೆಚ್ಚವಾಗಿದೆ. ಈ ರೈಲು ಮಾರ್ಗಗಳನ್ನೂ ಪ್ರಧಾನಿ ನರೇಂದ್ರ ಮೋದಿ ಇಂದು ಲೋಕಾರ್ಪಣೆ ಮಾಡಲಿದ್ದಾರೆ.

ಅಭಿವೃದ್ಧಿ ಕಾಮಗಾರಿಗಳಿಗೆ ಶಿಲಾನ್ಯಾಸ, ಲೋಕಾರ್ಪಣೆ

ಹೈದರಾಬಾದ್​ನಿಂದ ಚೆನ್ನೈಗೆ ತೆರಳಲಿರುವ ಪ್ರಧಾನಿ ನರೇಂದ್ರ ಮೋದಿ, ₹ 31,400 ಕೋಟಿ ಮೊತ್ತದ ವಿವಿಧ ಅಭಿವೃದ್ಧಿ ಕಾಮಗಾರಿಗಳಿಗೆ ಶಿಲಾನ್ಯಾಸ ನೆರವೇರಿಸಲಿದ್ದಾರೆ. ಪೂರ್ಣಗೊಂಡಿರುವ ₹ 2,960 ಕೋಟಿ ಮೊತ್ತದ ವಿವಿಧ ಕಾಮಗಾರಿಗಳನ್ನು ಲೋಕಾರ್ಪಣೆ ಮಾಡಲಿದ್ದಾರೆ.

ಮುಂಚೂಣಿ ಶಿಕ್ಷಣ ಸಂಸ್ಥೆ

ಐಎಸ್​ಬಿ ಶಿಕ್ಷಣ ಸಂಸ್ಥೆಯನ್ನು 2ನೇ ಡಿಸೆಂಬರ್ 2001ರಂದು ಅಂದಿನ ಪ್ರಧಾನಿ ದಿವಂಗತ ಅಟಲ್ ಬಿಹಾರಿ ವಾಜಪೇಯಿ ಉದ್ಘಾಟಿಸಿದ್ದರು. ದೇಶದ ಮುಂಚೂಣಿ ಬ್ಯುಸಿನೆಸ್ ಸ್ಕೂಲ್ ಎನಿಸಿರುವ ಹೈದರಾಬಾದ್ ಐಎಸ್​ಬಿ (Indian School of Business – ISB) ವಿದ್ಯಾರ್ಥಿಗಳಿಗೆ ಪ್ರಾಯೋಗಿಕ ತರಬೇತಿ ನೀಡಲು ಸರ್ಕಾರದ ವಿವಿಧ ಇಲಾಖೆಗಳು ಮತ್ತು ಸಚಿವಾಲಯಗಳೊಂದಿಗೆ ಸಹಯೋಗ ಹೊಂದಿದೆ.

ಹೈದರಾಬಾದ್​ ಕಾರ್ಯಕ್ರಮ

ಇಂದು ಮಧ್ಯಾಹ್ನ 2 ಗಂಟೆಗೆ ನಡೆಯಲಿರುವ ಹೈದರಾಬಾದ್​ನ ಇಂಡಿಯನ್ ಸ್ಕೂಲ್​ ಆಫ್ ಬ್ಯುಸಿನೆಸ್​ನ 20ನ ವಾರ್ಷಿಕೋತ್ಸವ ಸಮಾರಂಭದಲ್ಲಿ ಮೋದಿ ಭಾಗವಹಿಸಲಿದ್ದಾರೆ. ಸ್ನಾತಕೋತ್ತರ ಪದವೀಧರರನ್ನು ಉದ್ದೇಶಿಸಿ ಭಾಷಣ ಮಾಡಲಿದ್ದಾರೆ.