ಮುಂಬೈನಲ್ಲಿ ದಾಖಲಾಗುತ್ತಿರುವ ಹೊಸ ಕೊವಿಡ್​ 19 ಕೇಸ್​ಗಳಲ್ಲಿ ಶೇ.89ರಷ್ಟು ಒಮಿಕ್ರಾನ್​ ಪ್ರಕರಣಗಳು; ಸಮೀಕ್ಷೆ ವರದಿ

ಮುಂಬೈನಲ್ಲಿ ದಾಖಲಾಗುತ್ತಿರುವ ಹೊಸ ಕೊವಿಡ್​ 19 ಕೇಸ್​ಗಳಲ್ಲಿ ಶೇ.89ರಷ್ಟು ಒಮಿಕ್ರಾನ್​ ಪ್ರಕರಣಗಳು; ಸಮೀಕ್ಷೆ ವರದಿ
ಒಮಿಕ್ರಾನ್​

ಇನ್ನೊಂದೆಡೆ ಈ 280 ಮಂದಿಯಲ್ಲಿ ಕೇವಲ 7 ಜನರು ಒಂದೇ ಡೋಸ್​ ಕೊರೊನಾ ಲಸಿಕೆ ಪಡೆದವರು. ಅದರಲ್ಲಿ 6ಮಂದಿಗೆ ಆಸ್ಪತ್ರೆಗೆ ದಾಖಲಾಗಬೇಕಾಗಿ ಬಂದಿದೆ. ಅದರಲ್ಲೂ ಇಬ್ಬರು ಐಸಿಯುದಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ.

TV9kannada Web Team

| Edited By: Lakshmi Hegde

Jan 25, 2022 | 8:07 AM

ಮುಂಬೈನಲ್ಲಿ ಪತ್ತೆಯಾಗುತ್ತಿರುವ ಹೊಸ ಕೊವಿಡ್​ 19 ಕೇಸ್(Covid 19 Cases)​ಗಳಲ್ಲಿ ಬಹುತೇಕ ಒಮಿಕ್ರಾನ್​ ಪ್ರಕರಣಗಳೇ ಆಗಿವೆ ಎಂದು ಕೊವಿಡ್​ 19 ಟೆಸ್ಟ್​ ಸಮೀಕ್ಷೆ ಹೇಳಿದೆ. ಒಟ್ಟಾರೆ 280 ಮಾದರಿಗಳನ್ನು ಪರೀಕ್ಷಿಸಿದಾಗ ಅದರಲ್ಲಿಶೇ.89ರಷ್ಟು ಒಮಿಕ್ರಾನ್​ ಸೋಂಕು ಪತ್ತೆಯಾಗಿತ್ತು. ಶೇ.8ರಷ್ಟು ಡೆಲ್ಟಾ ಉತ್ಪನ್ನಗಳು ಮತ್ತು ಶೇ.3ರಷ್ಟು ಡೆಲ್ಟಾ ರೂಪಾಂತರಿಗಳು ಮತ್ತು ಉಪವಿಧಗಳಾಗಿವೆ ಎಂದು ಬೃಹನ್​​ಮುಂಬೈ ಮುನ್ಸಿಪಲ್ ಕಾರ್ಪೋರೇಶನ್​ ತಿಳಿಸಿದೆ. 

ಇತ್ತೀಚಿಗೆ ಒಟ್ಟು 373 ಮಾದರಿಗಳನ್ನು ಟೆಸ್ಟ್​ ಮಾಡಲಾಗಿತ್ತು. ಅದರಲ್ಲಿ 280 ಮಾದರಿಗಳು ಬೃಹನ್​ ಮುಂಬೈ ಕಾರ್ಪೋರೇಶನ್​​ನವರದ್ದು. ಅದರಲ್ಲಿ ಶೇ.89ರಷ್ಟು ಅಂದರೆ ಸುಮಾರು 248 ಮಂದಿಯಲ್ಲಿ ಒಮಿಕ್ರಾನ್​ (ಉಪವಿಧ) ಸೋಂಕು ಪತ್ತೆಯಾಗಿದೆ. ಶೇ.8ರಷ್ಟು ಅಂದರೆ 21 ಜನರಲ್ಲಿ ಡೆಲ್ಟಾ ಸೋಂಕಿನ ವಿಧ ಕಂಡುಬಂದಿದೆ. ಉಳಿದ 11 ರಲ್ಲಿ ಇಬ್ಬರಲ್ಲಿ ಡೆಲ್ಟಾ ರೂಪಾಂತರಿಯ ಉಪ-ಪ್ರಕಾರಗಳಿವೆ ಎಂದು ಮುನ್ಸಿಪಲ್​ ಸಾರ್ವಜನಿಕ ಆರೋಗ್ಯ ವಿಭಾಗ ಮಾಹಿತಿ ನೀಡಿದೆ. ಹಾಗೇ, ಈ 280 ಜನರಲ್ಲಿ ಶೇ..34ರಷ್ಟು ಅಂದರೆ 96 ಸೋಂಕಿತರು 21-24ವರ್ಷದವರಾಗಿದ್ದಾರೆ. ಶೇ. 28ರಷ್ಟು ಅಥವಾ 79 ಮಂದಿ 41-60 ವರ್ಷದವರು. ಕೇವಲ 22 ಮಂದಿ ಮಾತ್ರ  20ಕ್ಕಿಂತಲೂ ಕೆಳಗಿನ ವಯಸ್ಸಿನವರು ಎಂದು ತಿಳಿಸಿದೆ.

ಇನ್ನೊಂದೆಡೆ ಈ 280 ಮಂದಿಯಲ್ಲಿ ಕೇವಲ 7 ಜನರು ಒಂದೇ ಡೋಸ್​ ಕೊರೊನಾ ಲಸಿಕೆ ಪಡೆದವರು. ಅದರಲ್ಲಿ 6ಮಂದಿಗೆ ಆಸ್ಪತ್ರೆಗೆ ದಾಖಲಾಗಬೇಕಾಗಿ ಬಂದಿದೆ. ಅದರಲ್ಲೂ ಇಬ್ಬರು ಐಸಿಯುದಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ. ಇನ್ನುಳಿದ 174 ರೋಗಿಗಳು ಎರಡೂ ಡೋಸ್​ ಕೊರೊನಾ ಲಸಿಕೆ ಪಡೆದವರೇ ಆಗಿದ್ದಾರೆ. ಹಾಗಿದ್ದಾಗ್ಯೂ 89 ಸೋಂಕಿತರು ಆಸ್ಪತ್ರೆಗೆ ದಾಖಲಾಗಬೇಕಾಯಿತು. ಅದರಲ್ಲಿ ಇಬ್ಬರು ಆಕ್ಸಿಜನ್​ ಸಪೋರ್ಟ್​​ನಲ್ಲಿ ಚಿಕಿತ್ಸೆ ಪಡೆದಿದ್ದಾರೆ ಮತ್ತು 15 ಮಂದಿಗೆ ಐಸಿಯುನಲ್ಲಿ ಚಿಕಿತ್ಸೆ ನೀಡಲಾಯಿತು ಎಂದೂ ಸಮೀಕ್ಷೆ ವರದಿ ಹೇಳಿದೆ. ಇನ್ನುಳಿದ 99 ಮಂದಿ ಇದುವರೆಗೂ ಕೊವಿಡ್​ 19 ಲಸಿಕೆ ತೆಗೆದುಕೊಂಡವರೇ ಅಲ್ಲ. ಅವರಲ್ಲಿ 76 ರೋಗಿಗಳು ಆಸ್ಪತ್ರೆಗೆ ದಾಖಲಾಗಬೇಕಾಯಿತು. 12 ರೋಗಿಗಳಿಗೆ ಆಕ್ಸಿಜನ್​ ಸಪೋರ್ಟ್ ಬೇಕಾಯಿತು. 5ಮಂದಿ ಐಸಿಯುಗೆ ದಾಖಲಾಗಬೇಕಾಯಿತು ಎಂದೂ ತಿಳಿಸಿದ್ದಾರೆ.

ಮುಂಬೈನಲ್ಲಿ ಒಮಿಕ್ರಾನ್​ ಪ್ರಕರಣಗಳ ಸಂಖ್ಯೆ ಹೆಚ್ಚಾಗಿದೆ. ಅದನ್ನು ನಿಯಂತ್ರಿಸಲು ಬಿಎಂಸಿ ಹಲವು ಮಾರ್ಗಸೂಚಿಗಳನ್ನು ಜಾರಿಗೊಳಿಸಿದೆ. ಸರಿಯಾಗಿ ಮಾಸ್ಕ್​ ಧರಿಸಬೇಕು. ಸಾಮಾಜಿಕ ಅಂತರ ಕಾಯ್ದುಕೊಳ್ಳಬೇಕು. ಕೈಯನ್ನು ಸರಿಯಾಗಿ ಹ್ಯಾಂಡ್​ವಾಶ್​​ನಿಂದ ತೊಳೆದುಕೊಳ್ಳಬೇಕು. ಗುಂಪುಗೂಡುವನ್ನು ಬಿಡಬೇಕು ಎಂಬಿತ್ಯಾದಿ ನಿಯಮಗಳನ್ನು ಜಾರಿಗೊಳಿಸಿದೆ.

ಇದನ್ನೂ ಓದಿ: ಕಾಂಗ್ರೆಸ್​ ಸೇರಿದ ತಂಗಿ ಪರ ಪ್ರಚಾರಕ್ಕೆ ಇಳಿದ ಸೋನು ಸೂದ್​; ನೀವು ಮಾತು ತಪ್ಪಿದಿರಿ ಎಂದ ಫ್ಯಾನ್ಸ್​

Follow us on

Related Stories

Most Read Stories

Click on your DTH Provider to Add TV9 Kannada