Beating Retreat 2022: ಇಂದು ಗಣರಾಜ್ಯೋತ್ಸವ ಸಂಭ್ರಮದ ಸಮಾರೋಪ; ಹೇಗಿರಲಿದೆ ಬೀಟಿಂಗ್ ರಿಟ್ರೀಟ್ ಕಾರ್ಯಕ್ರಮ?

ಭಾರತೀಯ ಭೂ ಸೇನೆ, ನೇವಿ, ವಾಯುಪಡೆ ಮತ್ತು ಕೇಂದ್ರ ಸಶಸ್ತ್ರ ಪೊಲೀಸ್ ಪಡೆಗಳ 26 ಸಂಗೀತ ವಾದ್ಯ ಪ್ರದರ್ಶನಗಳು ನಡೆಯಲಿವೆ ಎಂದು ಶುಕ್ರವಾರ ಕೇಂದ್ರ ರಕ್ಷಣಾ ಇಲಾಖೆ ಮಾಹಿತಿ ನೀಡಿದೆ.

ಸಾಂಕೇತಿಕ ಚಿತ್ರ

TV9 Web | Edited By: Lakshmi Hegde|
Updated on:Jan 29, 2022 | 10:21 AM

ಇಂದು ದೆಹಲಿಯಲ್ಲಿ ಗಣರಾಜ್ಯೋತ್ಸವ (Republic Day 2022) ಕಾರ್ಯಕ್ರಮಗಳ ಸಮಾರೋಪ ಸಮಾರಂಭ ಬೀಟಿಂಗ್ ರಿಟ್ರೀಟ್(Beating Retreat 2022) ನಡೆಯಲಿದೆ. ಈ ಬಾರಿ ಜನವರಿ 23ರಂದು ನೇತಾಜಿ ಸುಭಾಷ್ ಚಂದ್ರ ಬೋಸ್ರ ಜನ್ಮದಿನದಿಂದಲೇ ಗಣರಾಜ್ಯೋತ್ಸವ ಕಾರ್ಯಕ್ರಮಗಳು ಶುರುವಾಗಿದ್ದವು. ಎಂದಿನಂತೆ ಜನವರಿ 26ರಂದು ರಾಜಪಥ್ನಲ್ಲಿ ರಾಷ್ಟ್ರಪತಿ ಧ್ವಜಾರೋಹಣ ನಡೆಸಿದ ಬಳಿಕ, ಪರೇಡ್ಗಳು, ಸೇನಾಶಕ್ತಿ ಪ್ರದರ್ಶನಗಳು ನಡೆದಿದ್ದವು. ಈ ಬಾರಿ ಸ್ವಾತಂತ್ರ್ಯೋತ್ಸವದ ಅಮೃತಮಹೋತ್ಸವ ಅಂದರೆ ಸ್ವಾತಂತ್ರ್ಯ ಬಂದು 75ವರ್ಷಗಳಾದ ಹಿನ್ನೆಯೆಯಲ್ಲಿ ಆಜಾದಿ ಕಾ ಅಮೃತ ಮಹೋತ್ಸವ (Azadi ka Amrit Mahotsav) ಆಚರಿಸಲಾಗುತ್ತಿರುವ ಹಿನ್ನೆಲೆಯಲ್ಲಿ ಹಲವು ವಿಶೇಷ ಕಾರ್ಯಕ್ರಮಗಳನ್ನು ಸಹ ನಡೆಸಲಾಗುತ್ತಿದೆ. ಹಾಗೇ, ಇಂದು ನಡೆಯಲಿರುವ ಬೀಟಿಂಗ್ ರಿಟ್ರೀಟ್ ಕಾರ್ಯಕ್ರಮದಲ್ಲಿ ರಾಷ್ಟ್ರಪತಿ ರಾಮನಾಥ ಕೋವಿಂದ್ ಪಾಲ್ಗೊಳ್ಳುವರು. ಅಂದಹಾಗೆ ಈ ಬೀಟಿಂಗ್ ರಿಟ್ರೀಟ್ ಎಂಬ ಸಾಂಪ್ರಾದಾಯಿಕ ಸಮಾರೋಪ ಸಮಾರಂಭದ ಆಚರಣೆ ಕಳೆದ 70ವರ್ಷಗಳಿಂದಲೂ ನಡೆದುಕೊಂಡು ಬಂದಿದೆ.

1000 ಡ್ರೋನ್ಗಳಿಂದ ಲೈಟ್ ಶೋ ಈ ಬಾರಿ ಬೀಟಿಂಗ್ ರಿಟ್ರೀಟ್ ಕಾರ್ಯಕ್ರಮಕ್ಕೆ 1000 ಡ್ರೋನ್ಗಳು ಮೆರುಗು ನೀಡಲಿವೆ. ದೆಹಲಿಯಲ್ಲಿ ಇದೇ ಮೊದಲ ಬಾರಿಗೆ ಬೀಟಿಂಗ್ ರಿಟ್ರೀಟ್ ಕಾರ್ಯಕ್ರಮದಲ್ಲಿ ಸಾವಿರ ಡ್ರೋನ್ಗಳ ಹಾರಾಟ ನಡೆಯಲಿದೆ. ಸುಮಾರು 10 ನಿಮಿಷಗಳ ಕಾಲ ನಡೆಯಲಿರುವ ಡ್ರೋನ್ ಹಾರಾಟ ಸಮಾರಂಭವನ್ನು ಭಾರತದ ನವೋದ್ಯಮವಾದ (ಸ್ಟಾರ್ಟ್ಅಪ್) ಬಾಟ್‌ಲ್ಯಾಬ್ ಡೈನಾಮಿಕ್ಸ್ ಆಯೋಜಿಸಿದೆ. ಹಾಗೇ, ಇದಕ್ಕೆ ದೆಹಲಿಯ ಇಂಡಿಯನ್ ಇನ್ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿ (ಐಐಟಿ) ಮತ್ತು ವಿಜ್ಞಾನ ಮತ್ತು ತಂತ್ರಜ್ಞಾನ ಡಿಪಾರ್ಟ್ಮೆಂಟ್ನ ಸಹಯೋಗವಿದೆ ಎಂದು ಕೇಂದ್ರ ಸರ್ಕಾರ ತಿಳಿಸಿದೆ.

ಇನ್ನೊಂದು ಬಹುಮುಖ್ಯ ವಿಷಯವೆಂದರೆ, 1000 ಡ್ರೋನ್ಗಳೆಲ್ಲವೂ ದೇಶೀಯವಾಗಿ ಅಭಿವೃದ್ಧಿಪಡಿಸಿದವೇ ಆಗಿವೆ. ಇವು ಹಾರಾಡುವ 10 ನಿಮಿಷಗಳ ಕಾಲ, ಅದಕ್ಕೆ ತಕ್ಕನಾದ ಸಂಗೀತ ಕೂಡ ನುಡಿಸಲಾಗುವುದು. ಸರ್ಕಾರದ 75 ಸಾಧನೆಗಳನ್ನು ಇವು ಲೈಟಿಂಗ್ ಮೂಲಕ ಪ್ರದರ್ಶಿಸಲಿವೆ ಎಂದೂ ಕೇಂದ್ರ ಸರ್ಕಾರ ಮಾಹಿತಿ ನೀಡಿದೆ. ಹಾಗೇ, ಬೀಟಿಂಗ್ ರಿಟ್ರೀಟ್ ಕಾರ್ಯಕ್ರಮಕ್ಕೂ ಮುನ್ನ ಡ್ರೋನ್ಗಳು ಪ್ರಾಯೋಗಿಕ ಹಾರಾಟ ಕೂಡ ನಡೆಸಿವೆ.

#WATCH | Delhi: 1000 Made in India drones rehearse for Beating the Retreat ceremony to be held at the Vijay Chowk on January 29th. They would be performing at the event for the first time. pic.twitter.com/Jbp8MepEUt

— ANI (@ANI) January 24, 2022

ಈ ಬಾರಿಯ ಬೀಟಿಂಗ್ ದಿ ರಿಟ್ರೀಟ್ ಸಮಾರಂಭದಲ್ಲಿ ಅದ್ಭುತ ಮಾರ್ಷಲ್ ಮ್ಯೂಸಿಕ್ ಟ್ಯೂನ್ಗಳು ಇರಲಿದ್ದು, ಇವು ಕಾರ್ಯಕ್ರಮಕ್ಕೆ ಇನ್ನಷ್ಟು ಸೊಬಗು ತರಲಿವೆ. ಭಾರತೀಯ ಭೂ ಸೇನೆ, ನೇವಿ, ವಾಯುಪಡೆ ಮತ್ತು ಕೇಂದ್ರ ಸಶಸ್ತ್ರ ಪೊಲೀಸ್ ಪಡೆಗಳ 26 ಸಂಗೀತ ವಾದ್ಯ ಪ್ರದರ್ಶನಗಳು ನಡೆಯಲಿವೆ ಎಂದು ಶುಕ್ರವಾರ ಕೇಂದ್ರ ರಕ್ಷಣಾ ಇಲಾಖೆ ಮಾಹಿತಿ ನೀಡಿದೆ. ಅದರಲ್ಲಿ ಮೊದಲ ಬ್ಯಾಂಡ್ ವೀರ್ ಸೈನಿಕ್ ಟ್ಯೂನ್ ಆಗಿದೆ. ಅಂದಹಾಗೆ, ಈ ಬಾರಿ ಮಹಾತ್ಮ ಗಾಂಧಿಯವರ ಅಚ್ಚುಮೆಚ್ಚಿನ ಗೀತೆಯಾಗಿದ್ದ ಅಬೈಡ್ ವಿತ್ ಮಿ ರಾಗವನ್ನು ಬೀಟಿಂಗ್ ರಿಟ್ರೀಟ್ ಸಮಾರಂಭದಿಂದ ಹೊರಗಿಡಲಾಗಿದೆ. ಒಟ್ಟು 26 ಟ್ಯೂನ್ಗಳನ್ನು ನಡೆಸಲಾಗುವುದು ಎಂದು ಹೇಳಲಾಗಿದ್ದರೂ, ಅದರಲ್ಲಿ ಅಬೈಡ್ ವಿತ್ ಮಿ ಕ್ರಿಶ್ಚಿಯನ್ ಗೀತೆಯ ಉಲ್ಲೇಖವಿಲ್ಲ. ಅದರ ಬದಲು ಏ ಮೇರೆ ವತನ್ ಕೋ ಲೋಗೋ ಗೀತೆ ಸೇರಿಸಲಾಗಿದೆ.

ಇವತ್ತು ದೆಹಲಿಯ ವಿಜಯ್ ಚೌಕ್ನಲ್ಲಿ ನಡೆಯಲಿರುವ ಗಣರಾಜ್ಯೋತ್ಸವ ಕಾರ್ಯಕ್ರಮದ ಸಮಾರೋಪ ಬೀಟಿಂಗ್ ರಿಟ್ರೀಟ್ಗಾಗಿ ಈಗಾಗಲೇ ದೆಹಲಿ ಪೊಲೀಸರು ಸಿದ್ಧತೆ ಮಾಡಿದ್ದಾರೆ. ಸಂಚಾರ ಮಾರ್ಗಸೂಚಿಗಳನ್ನೂ ಬಿಡುಗಡೆ ಮಾಡಿದ್ದಾರೆ. ಈಗಾಗಲೇ ವಿಜಯ್ ಚೌಕ್ನಲ್ಲಿ ಸಾಮಾನ್ಯ ಜನ, ವಾಹನ ಸಂಚಾರ ಬಂದ್ ಆಗಿದೆ. ಬಿಗಿ ಭದ್ರತೆ ಕಲ್ಪಿಸಲಾಗಿದೆ.

TRAFFIC ADVISORY Traffic Arrangements – for Beating Retreat and Illumination on 29th January, 2022#BeatingRetreat2022 @CPDelhi pic.twitter.com/zDTnQH0K35

— Delhi Traffic Police (@dtptraffic) January 27, 2022