BIG NEWS: ಭಾರತದಿಂದ ಹೊರನಡೆಯುವಂತೆ 81 ಚೀನಾ ನಾಗರಿಕರಿಗೆ ನೋಟಿಸ್: ಸಚಿವ ನಿತ್ಯಾನಂದ ರೈ
ಗೃಹ ಖಾತೆ ರಾಜ್ಯ ಸಚಿವ ನಿತ್ಯಾನಂದ ರೈ ಲೋಕಸಭೆಯಲ್ಲಿ ಮಂಗಳವಾರ ಮಹತ್ವದ ಮಾಹಿತಿ ನೀಡಿದ್ದಾರೆ. ಲೋಕಸಭೆಯಲ್ಲಿ ಅಂಕಿಅಂಶಗಳನ್ನು ಮಂಡಿಸಿದ ಅವರು, 2019 ರಿಂದ 2021 ರವರೆಗೆ ಒಟ್ಟು 81 ಚೀನಾದ ನಾಗರಿಕರಿಗೆ ಕ್ವಿಟ್ ಇಂಡಿಯಾ ನೋಟಿಸ್ ನೀಡಲಾಗಿದೆ ಎಂದು ಹೇಳಿದರು.
Updated on: Aug 02, 2022 | 4:49 PM
ನವದೆಹಲಿ: ಭಾರತ ಮತ್ತು ಚೀನಾ ನಡುವೆ ಗಡಿ ವಿಚಾರವಾಗಿ ಇಂದಿಗೂ ವಿವಾದಗಳು ನಡೆಯುತ್ತಿದೆ. ಎರಡೂ ಕಡೆಯ ಗಡಿಯಲ್ಲಿ ಸೈನ್ಯಬಲವನ್ನು ಹೆಚ್ಚಿಸಲಾಗುತ್ತಿದೆ. ಈ ನಡುವೆ ಗೃಹ ಖಾತೆ ರಾಜ್ಯ ಸಚಿವ ನಿತ್ಯಾನಂದ ರೈ ಲೋಕಸಭೆಯಲ್ಲಿ ಮಂಗಳವಾರ ಮಹತ್ವದ ಮಾಹಿತಿ ನೀಡಿದ್ದಾರೆ. ಲೋಕಸಭೆಯಲ್ಲಿ ಅಂಕಿಅಂಶಗಳನ್ನು ಮಂಡಿಸಿದ ಅವರು, 2019 ರಿಂದ 2021 ರವರೆಗೆ ಒಟ್ಟು 81 ಚೀನಾದ ನಾಗರಿಕರಿಗೆ ಕ್ವಿಟ್ ಇಂಡಿಯಾ ನೋಟಿಸ್ ನೀಡಲಾಗಿದೆ ಎಂದು ಹೇಳಿದರು. ಇದರ ಜೊತೆಗೆ, ವೀಸಾ ಷರತ್ತುಗಳ ಉಲ್ಲಂಘನೆ ಮತ್ತು ಇತರ ಕಾನೂನುಬಾಹಿರ ಕೃತ್ಯಗಳಿಗಾಗಿ ಸುಮಾರು 726 ಇತರರನ್ನು ಪ್ರತಿಕೂಲ ಪಟ್ಟಿಯಲ್ಲಿ ಇರಿಸಲಾಗಿದೆ. ಇದಲ್ಲದೆ, ಒಟ್ಟು 117 ಚೀನಾದ ಜನರನ್ನು ಗಡೀಪಾರು ಮಾಡಲಾಗಿದೆ ಎಂದು ಹೇಳಿದ್ದಾರೆ.
ಯಾವುದೇ ವಿದೇಶಿ ನಿಧಿಗಳಿಲ್ಲ
ಎಫ್ಸಿಆರ್ಎ, 2010ರ ಸೆಕ್ಷನ್ 11ರ ಪ್ರಕಾರ, ಯಾವುದೇ ಸಂಘ ಅಥವಾ ಎನ್ಜಿಒಗಳಿಂದ ಸಾಂಸ್ಕೃತಿಕ, ಆರ್ಥಿಕ, ಶೈಕ್ಷಣಿಕ, ಧಾರ್ಮಿಕ ಅಥವಾ ಸಾಮಾಜಿಕ ಕಾರ್ಯಕ್ರಮವನ್ನು ಹೊಂದಿರುವ ಸಂಘ ಮತ್ತು ಎನ್ಜಿಒ ಪ್ರಮಾಣಪತ್ರವನ್ನು ಹೊಂದಿರದ ಹೊರತು ವಿದೇಶಿ ಕೊಡುಗೆಯನ್ನು ಸ್ವೀಕರಿಸುವುದಿಲ್ಲ ಎಂದು ಗೃಹ ಖಾತೆಯ ರಾಜ್ಯ ಸಚಿವರು ಹೇಳಿದ್ದಾರೆ.
ನೋಡಲ್ ಏಜೆನ್ಸಿ ಇಲ್ಲ
ಭಾರತ ಮತ್ತು ವಿದೇಶಗಳಲ್ಲಿನ ಶಾಲೆಗಳು, ಕಾಲೇಜುಗಳು ಮತ್ತು ವಿಶ್ವವಿದ್ಯಾನಿಲಯಗಳಿಗೆ ಪ್ರವೇಶವನ್ನು ಸುಗಮಗೊಳಿಸುವಲ್ಲಿ ತೊಡಗಿರುವ ಸಂಸ್ಥೆಗಳು ಮತ್ತು ಕೇಂದ್ರಗಳನ್ನು ನಿಯಂತ್ರಿಸಲು ಸಚಿವಾಲಯದ ಅಡಿಯಲ್ಲಿ ಕೇಂದ್ರೀಯ ನೋಡಲ್ ಏಜೆನ್ಸಿಯನ್ನು ರಚಿಸಲು BPRD ಶಿಫಾರಸು ಮಾಡುತ್ತದೆ ಎಂಬ ಯಾವುದೇ ಪ್ರಸ್ತಾವನೆಯು ಪರಿಗಣನೆಯಲ್ಲಿಲ್ಲ ಎಂದು ಸಚಿವರು ಹೇಳಿದ್ದಾರೆ.
ಜನಗಣತಿಗೆ ಅವಕಾಶವಿಲ್ಲ
ಗಣತಿಯನ್ನು ಸಮಕಾಲೀನ ಪಟ್ಟಿಗೆ ತರಬೇಕು ಮತ್ತು ರಾಜ್ಯ ಸರ್ಕಾರಕ್ಕೆ ಗಣತಿ ನಡೆಸಲು ಅವಕಾಶ ನೀಡಬೇಕು ಎಂಬ ಆಲೋಚನೆ ಸರ್ಕಾರಕ್ಕೆ ಸದ್ಯಕ್ಕಿಲ್ಲ ಎಂದರು.
