ಮಾನವಸಹಿತ ಗಗನಯಾನ ಯೋಜನೆಗೆ ಇಸ್ರೊ ಸಿದ್ಧತೆ; ಇಸ್ರೊ ನೂತನ ಮುಖ್ಯಸ್ಥ ಸೋಮನಾಥ್ ಮುಂದಿದೆ ದೊಡ್ಡ ಸವಾಲು

ಸೆಪ್ಟೆಂಬರ್ 2018 ರಲ್ಲಿ ಇಂಡಿಯನ್ ಸೊಸೈಟಿ ಆಫ್ ಏರೋಸ್ಪೇಸ್ ಮೆಡಿಸಿನ್‌ನ(Indian Society of Aerospace Medicine) ವಾರ್ಷಿಕ ಸಮ್ಮೇಳನದಲ್ಲಿ ಮುಖ್ಯ ಭಾಷಣಕಾರರಲ್ಲಿ ಒಬ್ಬರಾಗಿದ್ದರು  ಇಸ್ರೋದ ಉನ್ನತ ರಾಕೆಟ್ ವಿಜ್ಞಾನಿ ಎಸ್.ಸೋಮನಾಥ್ (Dr S Somanath). ಸಭೆಯ ಮಧ್ಯಂತರದಲ್ಲಿ ವಿಜ್ಞಾನಿಗಳು ಕಾಫಿ ವಿರಾಮಕ್ಕಾಗಿ ಐಎಎಫ್ ಅಧಿಕಾರಿಗಳು ಮತ್ತು ಇತರರನ್ನು ಸೇರುವ ಬದಲು ತಮ್ಮ ಪ್ರಸ್ತುತಿಯನ್ನು ಅಂತಿಮ ಬಾರಿಗೆ ವೀಕ್ಷಿಸಲು ಖಾಲಿ ಉಪನ್ಯಾಸ ಸಭಾಂಗಣದಲ್ಲಿ ಉಳಿದರು. “ನಿಷ್ಕ್ರಿಯ ಉಪಗ್ರಹವನ್ನು ಕಕ್ಷೆಗೆ ಕಳುಹಿಸುವುದಕ್ಕೆ ಹೋಲಿಸಿದರೆ ಮಾನವನನ್ನು ಬಾಹ್ಯಾಕಾಶಕ್ಕೆ ಕಳುಹಿಸುವುದು ವಿಭಿನ್ನವಾದ ಪ್ರಕ್ರಿಯೆಯಾಗಿದೆ . ಕಕ್ಷೆಯು ಶೂನ್ಯ ಗುರುತ್ವಾಕರ್ಷಣೆಯ ಪರಿಸರವಾಗಿದೆ ಮತ್ತು ನಾವು ಭೂಮಿಗೆ ಹಿಂದಿರುಗುವ ಸಮಯದಲ್ಲಿ ವ್ಯಕ್ತಿಯನ್ನು ಜೀವಂತವಾಗಿಡಬೇಕು ಮತ್ತು ಬದುಕುಳಿಯುವಿಕೆಯನ್ನು ಖಚಿತಪಡಿಸಿಕೊಳ್ಳಬೇಕು. ಒಬ್ಬ ವ್ಯಕ್ತಿಯನ್ನು ಬಾಹ್ಯಾಕಾಶಕ್ಕೆ ಉಡಾವಣೆ ಮಾಡುವುದು ತುಂಬಾ ಸುಲಭ, ಆದರೆ ಅವನನ್ನು ಮರಳಿ ಕರೆತರುವುದು ತುಂಬಾ ಕಷ್ಟ ”-ಸಮ್ಮೇಳನದಲ್ಲಿ ಹೀಗೆ ಹೇಳಿದವರು ವಿಕ್ರಮ್ ಸಾರಾಭಾಯ್ ಬಾಹ್ಯಾಕಾಶ ಕೇಂದ್ರದ (Vikram Sarabhai Space Centre) ನಿರ್ದೇಶಕ ಡಾ ಎಸ್ ಸೋಮನಾಥ್.   “ತಕ್ಷಣದ ಮೈಲಿಗಲ್ಲು ಅಂದರೆ 2022 ರ ವೇಳೆಗೆ ಮನುಷ್ಯನನ್ನು ಕಕ್ಷೆಗೆ ಸೇರಿಸುವುದು ಮತ್ತು ಪ್ರಸ್ತುತ ಜ್ಞಾನದ ಮಟ್ಟಗಳು ಮತ್ತು ರಚಿಸಬೇಕಾದ ಹೊಸ ಜ್ಞಾನದಿಂದ ನಾವು ಅದನ್ನು ಹೇಗೆ ಮಾಡಬಹುದು ಎಂಬುದನ್ನು ನೋಡುವುದು” ಎಂದು ಸೋಮನಾಥ್ ಆ ಸಮ್ಮೇಳನದಲ್ಲಿ ಹೇಳಿದರು.

ಹಿರಿಯ ರಾಕೆಟ್ ವಿಜ್ಞಾನಿ ಎಸ್.ಸೋಮನಾಥ್ ಅವರನ್ನು ಭಾರತ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆಯ  ಅಧ್ಯಕ್ಷರನ್ನಾಗಿ (ISRO)ಬುಧವಾರ ನೇಮಕ ಮಾಡಲಾಗಿದೆ. ಕೆ ಶಿವನ್ ಅವರ ನಂತರ ಅವರು 10 ನೇ ಇಸ್ರೋ ಅಧ್ಯಕ್ಷರಾಗಿ ಅಧಿಕಾರ ವಹಿಸಿಕೊಳ್ಳುತ್ತಿದ್ದಂತೆ, ಇದು ಸೋಮನಾಥ್ ಅವರ ಮುಂದಿರುವ ದೊಡ್ಡ ಸವಾಲುಗಳಲ್ಲಿ ಒಂದಾಗಿದೆ. ಉಡಾವಣೆ ವೈಫಲ್ಯಗಳು, ಕೊವಿಡ್ -19 ಏರಿಕೆಯಿಂದಾಗಿ ಏಕಾಏಕಿ ಹಿನ್ನಡೆಯ ನಂತರ ಇಸ್ರೊ, ಮಾನವ ಬಾಹ್ಯಾಕಾಶ ಹಾರಾಟ ಕಾರ್ಯಕ್ರಮವನ್ನು ಮತ್ತೆ ಟ್ರ್ಯಾಕ್‌ಗೆ ತರಬೇಕಿದೆ. ಸೆಪ್ಟೆಂಬರ್ 2019 ರಲ್ಲಿ ಚಂದ್ರಯಾನ 2 ರೋಬೋಟಿಕ್ ಮೂನ್ ಲ್ಯಾಂಡಿಂಗ್ ಮಿಷನ್ ವಿಫಲವಾದ ನಂತರ ಇತರ ಪ್ರಕ್ರಿಯೆಗಳು ಸಾಮಾನ್ಯ ನಿಧಾನಗತಿಯಲ್ಲಿವೆ ಎಂದು ದಿ ಇಂಡಿಯನ್ ಎಕ್ಸ್ ಪ್ರೆಸ್ ವರದಿಮಾಡಿದೆ.

ಸೋಮನಾಥ್ ಕಾರ್ಯಗಳ ಬಗ್ಗೆ

2018 ರಿಂದ ವಿಕ್ರಮ್ ಸಾರಾಭಾಯ್ ಬಾಹ್ಯಾಕಾಶ ಕೇಂದ್ರದ ನಿರ್ದೇಶಕರಾಗಿ ಮತ್ತು ಲಿಕ್ವಿಡ್ ಪ್ರೊಪಲ್ಷನ್ ಸಿಸ್ಟಮ್ಸ್ ಕೇಂದ್ರದ ಮುಖ್ಯಸ್ಥರಾಗಿ ಕಾರ್ಯ ನಿರ್ವಹಿಸಿದ ಸೋಮನಾಥ್ ಅವರು ಮಿಷನ್ ನ ಪ್ರಮುಖ ರಾಕೆಟ್ ತಂತ್ರಜ್ಞಾನವನ್ನು ಅಭಿವೃದ್ಧಿಪಡಿಸುವಲ್ಲಿ ನಿಕಟ ಸಂಬಂಧ ಹೊಂದಿದ್ದಾರೆ.  ಅವರು GSLV Mk-III ರಾಕೆಟ್‌ನ ಅಭಿವೃದ್ಧಿಗೆ ಯೋಜನಾ ನಿರ್ದೇಶಕ ಮತ್ತು ಮಿಷನ್ ನಿರ್ದೇಶಕರಾಗಿದ್ದರು. ಇತ್ತೀಚಿನ ದಿನಗಳಲ್ಲಿ ಮಾನವನ ಹಾರಾಟಕ್ಕೆ ಉಪಯೋಗವಾಗುವಂತೆ ಮಾಡುವಲ್ಲಿಯೂ ಅವರು ತಮ್ಮನ್ನು ತೊಡಗಿಸಿಕೊಂಡಿದ್ದಾರೆ.

“GSLV Mk III ಒಂದು ಇಂಟೆಲಿಜೆಂಟ್ ಸಿಸ್ಟಂ ಆಗಿದೆ. ಆದರೆ ಅಂತಿಮ ಮಾನವ ರೇಟಿಂಗ್‌ಗೆ ಅಗತ್ಯವಿರುವ ಪುನರಾವರ್ತನೆಗಳು ಹೆಚ್ಚಿನ ಕ್ರಮದಲ್ಲಿವೆ. ನಾವು ಅದರ ಮೇಲೆ ಕೆಲಸ ಮಾಡುತ್ತಿದ್ದೇವೆ ಎಂದು ಸೋಮನಾಥ್ ಹೇಳಿದ್ದಾರೆ.

GSLV-Mk III ನ ಹ್ಯೂಮನ್-ರೇಟೆಡ್ ಆವೃತ್ತಿಯನ್ನು ಕ್ರ್ಯೂ ಮಾಡ್ಯೂಲ್ ಜೊತೆಗೆ ಇನ್ನೂ ಪರೀಕ್ಷಿಸಬೇಕಾಗಿದೆ. 2024 ರ ಮೊದಲು ಮಾನವ ಬಾಹ್ಯಾಕಾಶ ಹಾರಾಟದ ಬಗ್ಗೆ ಪ್ರಧಾನಿ ನರೇಂದ್ರ ಮೋದಿ ಅವರ ದೃಷ್ಟಿಯನ್ನು ಗಮನಿಸಿದರೆ ಸಮಯ ಸನ್ನಿಹಿತವಾಗುತ್ತಿದೆ ಎಂದು ಇಸ್ರೋ ವೀಕ್ಷಕರು ಹೇಳುತ್ತಾರೆ.

ಸೋಮನಾಥ್ ಅವರ ಇತರ ಪ್ರಮುಖ ಸಾಧನೆಗಳಲ್ಲಿ ಚಂದ್ರಯಾನ-2 ಲ್ಯಾಂಡರ್‌ಗೆ ಬಳಸುವ ತಂತ್ರಜ್ಞಾನವಾದ ಥ್ರೊಟಲೇಬಲ್ ಎಂಜಿನ್‌ಗಳ ಅಭಿವೃದ್ಧಿಯೂ ಒಂದು. ಮಾನವ ಬಾಹ್ಯಾಕಾಶ ಹಾರಾಟಕ್ಕಾಗಿ ಕ್ರ್ಯೂ  ಮಾಡ್ಯೂಲ್ ಅನ್ನು ಪರೀಕ್ಷಿಸಲು ISRO ಅಭಿವೃದ್ಧಿಪಡಿಸುತ್ತಿರುವ ಪರೀಕ್ಷಾ ರಾಕೆಟ್‌ಗಳ ಹೊಸ ವರ್ಗದ ಪ್ರಮುಖ ಭಾಗವಾಗಿ ಥ್ರೊಟಲೇಬಲ್ ಎಂಜಿನ್‌ಗಳು ಇರುತ್ತವೆ.

ಇಸ್ರೊ ಇದುವರೆಗೆ ಸಿಬ್ಬಂದಿ ಮಾಡ್ಯೂಲ್‌ನ ಒಂದೇ ಒಂದು ಯಶಸ್ವಿ ಪರೀಕ್ಷಾ ಹಾರಾಟವನ್ನು ನಡೆಸಿದೆ. Crew module Atmospheric Re-Entry Experiment or CARE ಎಂದು ಕರೆಯಲ್ಪಡುವ ಇದನ್ನು ಡಿಸೆಂಬರ್ 18, 2014 ರಂದು, ಉನ್ನತ ಮಟ್ಟದ GSLV Mk III ರಾಕೆಟ್ ಅನ್ನು ಬಳಸಿ, ಸೋಮನಾಥ್ ಯೋಜನೆಯ ನಿರ್ದೇಶಕರಾಗಿದ್ದಾಗ ಮಾಡಲಾಗಿತ್ತು.

ಖಾಸಗಿ ಸಂಸ್ಥೆಗಳು, ಶಿಕ್ಷಣ ಸಂಸ್ಥೆಗಳು ಮತ್ತು ಅಭಿವೃದ್ಧಿಶೀಲ ರಾಷ್ಟ್ರಗಳಿಗೆ ಸಣ್ಣ ಉಪಗ್ರಹ ಉಡಾವಣೆಗಳನ್ನು ಕೈಗೊಳ್ಳುವಲ್ಲಿ ಇಸ್ರೊಗೆ ಹೆಚ್ಚಿನ ಮೌಲ್ಯ ನೀಡುವ ನಿರೀಕ್ಷೆಯಿರುವ ಬಹು ನಿರೀಕ್ಷಿತ ಕಾರ್ಯಕ್ರಮದ ಅಭಿವೃದ್ಧಿಯಲ್ಲಿ ಸೋಮನಾಥ್ ಪ್ರಮುಖ ವ್ಯಕ್ತಿಯಾಗಿದ್ದಾರೆ.

10 ನೇ ತರಗತಿಯಲ್ಲಿ ವಿಜ್ಞಾನ ಮತ್ತು ಗಣಿತದಲ್ಲಿ ಟಾಪರ್ ಮತ್ತು ಕೇರಳ ವಿಶ್ವವಿದ್ಯಾನಿಲಯದಲ್ಲಿ ರ್ಯಾಂಕ್ ಪಡೆದ ಸೋಮನಾಥ್ ಆರಂಭದಲ್ಲಿ ಎಂಜಿನಿಯರಿಂಗ್ ತೆಗೆದುಕೊಳ್ಳುವ ಮೊದಲು ವೈದ್ಯನಾಗುವ ಕನಸು ಕಂಡಿದ್ದರು. ಅವರು IISc ಯಿಂದ ಸ್ನಾತಕೋತ್ತರ ಪದವಿ ಮತ್ತು IIT, ಚೆನ್ನೈನಿಂದ ಮೆಕ್ಯಾನಿಕಲ್ ಎಂಜಿನಿಯರಿಂಗ್‌ನಲ್ಲಿ Ph.D ಪಡೆದಿದ್ದಾರೆ.

ಸೋಮನಾಥ್ ಅವರು ವಿಜ್ಞಾನ ಸಂವಹನದ ಬಗ್ಗೆ ಒಲವು ಹೊಂದಿದ್ದಾರೆ ಮತ್ತು ವಿಜ್ಞಾನಕ್ಕೆ ಡೌನ್ ಟು ಅರ್ಥ್ ವಿಧಾನವನ್ನು ಹೊಂದಿದ್ದಾರೆ ಎಂದು ಇಸ್ರೋದ ಮಾಜಿ ಅಧ್ಯಕ್ಷರು ಹೇಳಿದ್ದಾರೆ.  ಕಳೆದ ವರ್ಷ ಜನವರಿಯಿಂದ ಒಂದು ವರ್ಷದ ವಿಸ್ತರಣೆಯಲ್ಲಿದ್ದ ನಿರ್ಗಮನ ಅಧ್ಯಕ್ಷ ಶಿವನ್, ಇಸ್ರೋ ಸಿಬ್ಬಂದಿಗೆ ಹೊಸ ವರ್ಷದ ಪತ್ರದಲ್ಲಿ ಬಾಹ್ಯಾಕಾಶ ಸಂಸ್ಥೆ ಇತ್ತೀಚೆಗೆ ಉತ್ತಮವಾಗಿ ಕಾರ್ಯನಿರ್ವಹಿಸಲಿಲ್ಲ ಎಂದು ಒಪ್ಪಿಕೊಂಡಿದ್ದರು.”2021 ರಲ್ಲಿ ಇಸ್ರೋದಲ್ಲಿ ಬಹಳ ಕಡಿಮೆ ಚಟುವಟಿಕೆ ಸಂಭವಿಸಿದ ಭಾವನೆ ಇದೆ. ಆ ಭಾವನೆಯು ಪ್ರಾಥಮಿಕವಾಗಿ ಕಡಿಮೆ ಸಂಖ್ಯೆಯ ಉಡಾವಣೆಗಳ ಕಾರಣದಿಂದಾಗಿರುತ್ತದೆ ಎಂದು ಶಿವನ್ ಹೇಳಿದ್ದರು.

ಇದನ್ನೂ ಓದಿ: Isro Chief: ಚಂದ್ರಯಾನ್ 2 ರಾಕೆಟ್ ಲಾಂಚರ್ ಪ್ರಾಜೆಕ್ಟ್ ನಿರ್ವಹಿಸಿದ್ದ ಎಸ್ ಸೋಮನಾಥ್ ಇಸ್ರೊದ ಹೊಸ ಮುಖ್ಯಸ್ಥ

Published On - 11:56 am, Thu, 13 January 22