ಗೋಮತಿ ನದಿ ಯೋಜನೆಯಲ್ಲಿ ಅಕ್ರಮ: ಹೊಸ ಪ್ರಕರಣ ದಾಖಲಿಸಿದ ಸಿಬಿಐ, 40ಕ್ಕಿಂತಲೂ ಹೆಚ್ಚು ಸ್ಥಳಗಳಲ್ಲಿ ಶೋಧ
Gomti River Front Project: ಗೋಮತಿ ರಿವರ್ ಫ್ರಂಟ್ ಯೋಜನೆಯನ್ನು 2014-15ರಲ್ಲಿ ಪ್ರಾರಂಭಿಸಲಾಯಿತು ಮತ್ತು ಮಾರ್ಚ್ 2017 ರವರೆಗೆ ಮುಂದುವರೆಯಿತು. ಅದರ ಅಂದಾಜು ವೆಚ್ಚ 1,513 ಕೋಟಿ ರೂ.ಗಳಲ್ಲಿ 1,437 ಕೋಟಿ ರೂ. 37 ಟೆಂಡರ್ ಮೂಲಕ ಆಹ್ವಾನ ನೀಡಲಾಗಿತ್ತು
Updated on: Jul 05, 2021 | 7:07 PM
ಲಕ್ನೋ: ಉತ್ತರ ಪ್ರದೇಶದಲ್ಲಿ ಈ ಹಿಂದೆ ಇದ್ದ ಅಖಿಲೇಶ್ ಯಾದವ್ ಸರ್ಕಾರವು ಪ್ರಾರಂಭಿಸಿದ ಗೋಮತಿ ರಿವರ್ ಫ್ರಂಟ್ ಯೋಜನೆಯಲ್ಲಿನ ಅಕ್ರಮಗಳ ಬಗ್ಗೆ ಸಿಬಿಐ ಸೋಮವಾರ ಎರಡನೇ ಎಫ್ಐಆರ್ ದಾಖಲಿಸಿದೆ. ಇದರ ಜತೆಗೆ ಸೋಮವಾರ ಉತ್ತರ ಪ್ರದೇಶದ 40ಕ್ಕಿಂತಲೂ ಹೆಚ್ಚು ಸ್ಥಳಗಳ ಮೇಲೆ ಶೋಧ ನಡೆಸಿದೆ . ಸರ್ಕಾರಿ ಇಲಾಖೆಗಳ 16 (ಸೇವೆ ಮತ್ತು ನಿವೃತ್ತ) ಎಂಜಿನಿಯರ್‌ಗಳು ಸೇರಿದಂತೆ 189 ಆರೋಪಿಗಳ ವಿರುದ್ಧ ಮತ್ತು ಫ್ರಾನ್ಸ್‌ನ ಒಂದು ಸಂಸ್ಥೆ ಸೇರಿದಂತೆ ಕೆಲವು ಕಂಪನಿಗಳಿಗೆ ನೀಡಿದ ಒಪ್ಪಂದಗಳ ಬಗ್ಗೆ ಏಜೆನ್ಸಿ ಕ್ರಮ ಕೈಗೊಂಡಿದೆ.
ಗೋಮತಿ ರಿವರ್ ಫ್ರಂಟ್ ಯೋಜನೆಯನ್ನು 2014-15ರಲ್ಲಿ ಪ್ರಾರಂಭಿಸಲಾಯಿತು ಮತ್ತು ಮಾರ್ಚ್ 2017 ರವರೆಗೆ ಮುಂದುವರೆಯಿತು. ಅದರ ಅಂದಾಜು ವೆಚ್ಚ 1,513 ಕೋಟಿ ರೂ.ಗಳಲ್ಲಿ 1,437 ಕೋಟಿ ರೂ. 37 ಟೆಂಡರ್ ಮೂಲಕ ಆಹ್ವಾನ ನೀಡಲಾಗಿತ್ತು. 2017 ರಲ್ಲಿ ಯೋಗಿ ಆದಿತ್ಯನಾಥ ಸರ್ಕಾರ ಅಧಿಕಾರಕ್ಕೆ ಬಂದಾಗ, ಬಜೆಟ್‌ನ ಶೇಕಡಾ 95 ರಷ್ಟು ಖರ್ಚು ಮಾಡಲಾಗಿದ್ದು, ಶೇಕಡಾ 60 ಕ್ಕಿಂತ ಕಡಿಮೆ ಕಾಮಗಾರಿ ಪೂರ್ಣಗೊಂಡಿದೆ ಎಂದು ಅದು ಹೇಳಿದೆ. ಈ ವಿಷಯವನ್ನು ಸಿಬಿಐ ಸುಪರ್ದಿಗೆ ಒಪ್ಪಿಸಿದ್ದು , ಅದು ಅದೇ ವರ್ಷ ನವೆಂಬರ್ ನಲ್ಲಿ ಎಫ್ಐಆರ್ ದಾಖಲಿಸಿದೆ.
ಸಿಬಿಐ ಪ್ರಕಾರ, ಮಾನದಂಡಗಳ ಪ್ರಕಾರ 30 ಟೆಂಡರ್‌ಗಳಲ್ಲಿ ಐದು ಮಾತ್ರ ರಾಷ್ಟ್ರೀಯ ಪತ್ರಿಕೆಗಳಲ್ಲಿ ಪ್ರಕಟವಾಗಿವೆ. ಉಳಿದವುಗಳಲ್ಲಿ ಉಳಿದವುಗಳಲ್ಲಿ ನಕಲಿ ಪತ್ರಗಳನ್ನು ಉದ್ದೇಶಪೂರ್ವಕವಾಗಿ ಮಾಹಿತಿ ಮತ್ತು ಸಾರ್ವಜನಿಕ ಸಂಪರ್ಕ ಇಲಾಖೆ, ಉತ್ತರಪ್ರದೇಶ ಸರ್ಕಾರ, ಎನ್ಐಟಿಗಳ ಪ್ರಕಟಣೆಗೆ ಬಿಡುಗಡೆ ಆದೇಶಗಳು (ಟೆಂಡರ್)ಕಳುಹಿಸಲಾಗಿದ್ದು ಮತ್ತು ಪ್ರಕಟಣೆ ದಿನಾಂಕ ತೋರಿಸಲು ಆಪಾದಿತ ಪ್ರಕಟಣೆಯ ದಿನಾಂಕದ ಪತ್ರಿಕೆಗಳನ್ನು ಟೆಂಡರ್ ಫೈಲ್ ಗಳಲ್ಲಿ ಇರಿಸಲಾಗಿದೆ ಎಂದು ಹೇಳಲಾಗಿದೆ.
ಎಲ್ಲಾ 30 ಟೆಂಡರ್‌ಗಳಲ್ಲಿ, ಸ್ಪರ್ಧಾತ್ಮಕ ಬಿಡ್ದರ್ ಗಳು ಟೆಂಡರ್ ದಾಖಲೆಗಳನ್ನು ಖರೀದಿಸಲು / ಸಲ್ಲಿಸಲು ನಿರಾಕರಿಸಿದ್ದಾರೆ ಎಂದು ಸಿಬಿಐ ಆರೋಪಿಸಿದೆ. ಸಾರ್ವಜನಿಕ ಅಧಿಕಾರಿಗಳು ನಕಲಿ ಟೆಂಡರ್ ದಾಖಲೆಗಳ ಆಧಾರದ ಮೇಲೆ ಎಫ್‌ಐಆರ್‌ನಲ್ಲಿ ಆರೋಪಿಸಿರುವ ಕಂಪನಿಗಳಿಗೆ ಕೆಲಸ ನೀಡಲಾಗಿದೆ ಎಂದು ತನಿಖಾ ಸಂಸ್ಥೆ ಹೇಳಿಕೊಂಡಿದೆ. ಅನೇಕ ಸಂದರ್ಭಗಳಲ್ಲಿ, ಸ್ಪರ್ಧಾತ್ಮಕ ಬಿಡ್ಡಿಂಗ್‌ನಲ್ಲಿ ತೊಡಗಿರುವ ಕಂಪನಿಗಳು ಒಂದೇ ವ್ಯಕ್ತಿಯಿಂದ ನಡೆಸಲ್ಪಡುತ್ತಿವೆ ಎಂದು ತಿಳಿದುಬಂದಿದೆ ಎಂದು ಸಿಬಿಐ ಹೇಳಿದೆ.
ಎಫ್ಐಆರ್ ಫ್ರೆಂಚ್ ಕಂಪನಿ ಅಕ್ವಾಟಿಕ್ ಶೋಗೆ ನೀಡಲಾದ ಒಪ್ಪಂದಗಳನ್ನು ಸಹ ಉಲ್ಲೇಖಿಸಿದೆ, ಇದು ಉಲ್ಲೇಖಗಳ ಆಧಾರದ ಮೇಲೆ ಮತ್ತು ಯಾವುದೇ ಟೆಂಡರ್ ಪ್ರಕ್ರಿಯೆಯಿಲ್ಲದೆ ಸಂಬಂಧಪಟ್ಟ ಅಧಿಕಾರಿಗಳಿಂದ “ಸ್ಥಾನದ ದುರುಪಯೋಗ” ವನ್ನು ಬಹಿರಂಗಪಡಿಸಿದೆ. ಎಫ್ಐಆರ್ ಪ್ರಕಾರ, “ಅಂತರರಾಷ್ಟ್ರೀಯ ಗುಣಮಟ್ಟದ ಸಂಗೀತ ಕಾರಂಜಿ ನೀರಿನ ಪ್ರದರ್ಶನದ ಪೂರೈಕೆ ಮತ್ತು ವಿನ್ಯಾಸಕ್ಕಾಗಿ” ಕಂಪನಿಗೆ ಯುರೋ 55.95 ಲಕ್ಷ ಗುತ್ತಿಗೆ ನೀಡಲಾಯಿತು.
ನೀರಾವರಿ ಇಲಾಖೆಯ ಮಾಜಿ ಅಧೀಕ್ಷಕ ಶಿವ ಮಂಗಲ್ ಯಾದವ್ ಅವರನ್ನು ಎಫ್‌ಐಆರ್‌ನಲ್ಲಿ ಪ್ರಮುಖ ಆರೋಪಿಗಳಾಗಿ ಹೆಸರಿಸಲಾಗಿದೆ. ಗೋಮತಿ ನದಿ ಯೋಜನೆಯನ್ನು ಹಿಂದಿನ ಸಮಾಜವಾದಿ ಪಕ್ಷದ ಸರ್ಕಾರವು ಸಿಎಂ ಅಖಿಲೇಶ್ ಯಾದವ್ ಅವರ ಕನಸಿನ ಯೋಜನೆ ಎಂದು ಹೆಸರಿಸಿದೆ. ಆದಾಗ್ಯೂ, 2017 ರ ವಿಧಾನಸಭಾ ಚುನಾವಣೆಯ ಸಂದರ್ಭದಲ್ಲಿ ಪ್ರತಿಪಕ್ಷಗಳು ಭ್ರಷ್ಟಾಚಾರದ ಆರೋಪ ಹೊರಿಸಿದ್ದವು.
ಅಧಿಕಾರಕ್ಕೆ ಬಂದ ನಂತರ ಯೋಗಿ ಆದಿತ್ಯನಾಥ ನೇತೃತ್ವದ ಬಿಜೆಪಿ ಸರ್ಕಾರ ರಾಜ್ಯವನ್ನು ಸುಂದರಗೊಳಿಸುಲ ಯೋಜನೆಯ ಬಗ್ಗೆ ತನಿಖೆಗೆ ಆದೇಶಿಸಿತು. ನದಿ ಹೆಚ್ಚು ಕಲುಷಿತಗೊಂಡಾಗ ನದಿಯ ಮುಂಭಾಗದಲ್ಲಿ ಕಾರಂಜಿಗಳನ್ನು ಅಳವಡಿಸುವ ಬಗ್ಗೆ ಆದಿತ್ಯನಾಥ ಆಕ್ಷೇಪ ವ್ಯಕ್ತಪಡಿಸಿದ್ದರು.
ರಾಜ್ಯ ಸರ್ಕಾರಿ ಸಮಿತಿ, ನಿವೃತ್ತ ಅಲಹಾಬಾದ್ ಹೈಕೋರ್ಟ್ ನ್ಯಾಯಾಧೀಶ ಅಲೋಕ್ ಕುಮಾರ್ ಸಿಂಗ್ ಅವರ ನೇತೃತ್ವದಲ್ಲಿ, ಮೇ 16, 2017 ರ ತನ್ನ ವರದಿಯಲ್ಲಿ ಯೋಜನೆಯಲ್ಲಿ ಮೊದಲ ಹಂತದ ಅಕ್ರಮಗಳನ್ನು ಸೂಚಿಸಿತ್ತು.
ವರದಿಯ ಆಧಾರದ ಮೇಲೆ ಉತ್ತರ ಪ್ರದೇಶ ಪೊಲೀಸರು ಜೂನ್ 19 ರಂದು ಪ್ರಕರಣ ದಾಖಲಿಸಿದ್ದರು. ಜುಲೈ 17, 2017 ರಂದು ರಾಜ್ಯ ಸರ್ಕಾರ ಈ ವಿಷಯದ ಬಗ್ಗೆ ಸಿಬಿಐ ತನಿಖೆಯನ್ನು ಕೋರಿತ್ತು. ಕೇಂದ್ರವು ಈ ವಿಷಯವನ್ನು ಸಿಬಿಐಗೆ ನವೆಂಬರ್ 24, 2017 ರಂದು ಉಲ್ಲೇಖಿಸಿತ್ತು.
ಆಗಿನ ಮುಖ್ಯ ಎಂಜಿನಿಯರ್‌ಗಳಾದ ಗುಲೇಶ್ ಚಂದ್ರ, ಎಸ್ ಎನ್ ಶರ್ಮಾ, ಖಾಜಿಮ್ ಅಲಿ, ಆಗಿನ ಅಧೀಕ್ಷಕ ಎಂಜಿನಿಯರ್‌ಗಳಾದ ಮಂಗಲ್ ಯಾದವ್, ಅಖಿಲ್ ರಾಮನ್, ಕಮಲೇಶ್ವರ ಸಿಂಗ್, ರೂಪ್ ಸಿಂಗ್ ಯಾದವ್ ಮತ್ತು ಕಾರ್ಯನಿರ್ವಾಹಕ ಎಂಜಿನಿಯರ್ ಸುರೇಂದ್ರ ಯಾದವ್ ವಿರುದ್ಧ ಸಿಬಿಐ ಎಫ್ಐಆರ್ ದಾಖಲಿಸಿತ್ತು. ಗುಲೇಶ್ ಚಂದ್ರ, ಶಿವ ಮಂಗಲ್ ಯಾದವ್, ಅಖಿಲ್ ರಾಮನ್ ಮತ್ತು ರೂಪ್ ಸಿಂಗ್ ಯಾದವ್ ಈಗ ನಿವೃತ್ತರಾಗಿದ್ದಾರೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.
(CBI registered a second FIR into the alleged irregularities in the Gomti River Front project)
