ಹೈದರಾಬಾದ್​ನ ಬಂಜಾರಾ ಹಿಲ್ಸ್​​ನಿಂದ ಮತ್ತೊಂದು ಆಘಾತಕಾರಿ ಸುದ್ದಿ, ಖ್ಯಾತ ಫ್ಯಾಷನ್​ ಡಿಸೈನರ್​ ಅನುಮಾನಾಸ್ಪದ ಸಾವು

ಹೈದರಾಬಾದ್: ಮಹಿಳೆಯರ ಫ್ಯಾಷನ್​ ಡಿಸೈನಿಂಗ್​ ಕ್ಷೇತ್ರದಲ್ಲಿ ತಮ್ಮ ವಿನೂತನ ಶೈಲಿ ಡಿಸೈಗಳಿಂದ ಹೆಸರುವಾಸಿಯಾಗಿದ್ದ ಯುವತಿ ಇಹಲೋಕ ತ್ಯಜಿಸಿದ್ದಾರೆ. ಹೈದರಾಬಾದ್​​ನಲ್ಲಿ ಫ್ಯಾಷನ್​ ಡಿಸೈನರ್​ ಅನುಮಾನಾಸ್ಪದ ಸಾವು ಕಂಡಿದ್ದು, ಬಂಜಾರಾ ಹಿಲ್ಸ್​ ​ನಲ್ಲಿರುವ ತಮ್ಮ ನಿವಾಸದಲ್ಲಿ ಗರಿಮೆಳ್ಳ ಪ್ರತ್ಯೂಷಾ ಎಂಬ ಯುವತಿಯ (Prathyusha Garimella) ಮೃತದೇಹ ಪತ್ತೆಯಾಗಿದೆ. ಕಾರ್ಬನ್ ಮೊನಾಕ್ಸೈಡ್ (Carbon Monoxide) ಸೇವಿಸಿ ಪ್ರತ್ಯೂಷಾ ಆತ್ಮಹತ್ಯೆಗೆ ಶರಣಾಗಿರುವ ಶಂಕೆ ವ್ಯಕ್ತವಾಗಿದೆ. ಖಿನ್ನತೆಗೊಳಗಾಗಿ ಪ್ರತ್ಯೂಷಾ ಆತ್ಮಹತ್ಯೆಗೆ ಶರಣಾಗಿರುವ ಸಾಧ್ಯತೆಯಿದೆ. ಡೆತ್​​ನೋಟ್​ ಬರೆದಿಟ್ಟು ಗರಿಮೆಳ್ಳ ಪ್ರತ್ಯೂಷಾ ಆತ್ಮಹತ್ಯೆಗೆ ಶರಣಾಗಿದ್ದಾರೆ. ಗರಿಮೆಳ್ಳ ಪ್ರತ್ಯೂಷಾ ಬ್ಯಾಗ್​​ನಲ್ಲಿ ಕಾರ್ಬನ್ ಮೊನಾಕ್ಸೈಡ್ ಬಾಟಲ್ ಪತ್ತೆಯಾಗಿದೆ ಎಂಬುದು ಗಮನಾರ್ಹ.

ಟಾಲಿವುಡ್​, ಬಾಲಿವುಡ್​​ ಗೆ ಫ್ಯಾಷನ್​ ಡಿಸೈನಿಂಗ್ ಮಾಡುತ್ತಿದ್ದರು:

ಅಮೆರಿಕದಲ್ಲಿ ಫ್ಯಾಷನ್​ ಡಿಸೈನಿಂಗ್​ ವ್ಯಾಸಂಗ ಮಾಡಿದ್ದ ಗರಿಮೆಳ್ಳ ಪ್ರತ್ಯೂಷಾ ಹೈದರಾಬಾದ್​​ನಲ್ಲಿ ವೃತ್ತಿ ಆರಂಭಿಸಿದ್ದರು. 2013 ರಲ್ಲಿ ತಮ್ಮದೇ ಹೆಸರಿನಲ್ಲಿ ಫ್ಯಾಷನ್​ ಡಿಸೈನಿಂಗ್ ಮಾಡಲಾರಂಭಿಸಿದ ಗರಿಮೆಳ್ಳ ಪ್ರತ್ಯೂಷಾ, ತಮ್ಮ ವೃತ್ತಿ ಜೀವನದಲ್ಲಿ ಹಿಂದಿರುಗಿ ನೋಡಿದ್ದೇ ಇಲ್ಲ. ಟಾಲಿವುಡ್​, ಬಾಲಿವುಡ್​​ ಗೆ ಸಹ ಫ್ಯಾಷನ್​ ಡಿಸೈನಿಂಗ್ ಮಾಡುತ್ತಿದ್ದರು. ಖ್ಯಾತ ನಾಮರು ಇವರ ಫ್ಯಾಷನ್​ ಡಿಸೈನಿಂಗ್ ಗೆ ಮಾರುಹೋಗಿದ್ದರು.

ಇನ್ನಷ್ಟು ರಾಷ್ಟ್ರೀಯ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ

ತಾಜಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ