ಸಾಲ ತೀರಿಸಲು ತನ್ನ ಒಂದು ಕಿಡ್ನಿಯನ್ನೇ ಮಾರಿದ ರೈತ

ಪುಣೆ, ಡಿಸೆಂಬರ್ 17: ತೆಗೆದುಕೊಂಡ ಸಾಲ ತೀರಿಸಲು ರೈತ(Farmers)ರೊಬ್ಬರು ತನ್ನ ಒಂದು ಕಿಡ್ನಿಯನ್ನೇ ಮಾರಿರುವ ಘಟನೆ ಮಹಾರಾಷ್ಟ್ರದಲ್ಲಿ ನಡೆದಿದೆ. ಅವರು ತೆಗೆದುಕೊಂಡು ಕೇವಲ 1 ಲಕ್ಷ ರೂ. ಮಾತ್ರ, ಆದರೆ ಶೇ.40ರಷ್ಟು ಬಡ್ಡಿಯಲ್ಲಿ ಹಣ ತೆಗೆದುಕೊಂಡಿದ್ದಕ್ಕೆ ಅವರ ಸಾಲ 70 ಲಕ್ಷ ರೂ.ಗೆ ತಲುಪಿತ್ತು. ಅವರಿಗೆ ದಿಕ್ಕೇ ದೋಚದಂತಾಗಿತ್ತು. ಹಾಗಾಗಿ ಬೇರೆ ದಾರಿ ಕಾಣದೆ ತಮ್ಮ ಕಿಡ್ನಿಯನ್ನೇ ಮಾರುವ ನಿರ್ಧಾರಕ್ಕೆ ಬಂದಿದ್ದರು. ಮಹಾರಾಷ್ಟ್ರದ ಚಂದ್ರಾಪುರದಲ್ಲಿ ಈ ಘಟನೆ ನಡೆದಿದೆ, ಸಾಲ ವಸೂಲು ಮಾಡಲು ಬಂದವರು ಕಿಡ್ನಿಯನ್ನು ಮಾರುವಂತೆ ಒತ್ತಾಯಿಸಿದ್ದಾರೆ ಎನ್ನಲಾಗಿದೆ.ಈ ವಿಷಯ ಬಹಿರಂಗವಾದ ನಂತರ, ಪೊಲೀಸರು ತನಿಖೆ ಆರಂಭಿಸಿ ನಾಲ್ವರು ಆರೋಪಿಗಳನ್ನು ಬಂಧಿಸಿದ್ದಾರೆ.

ಪೊಲೀಸ್ ಠಾಣೆಯಲ್ಲಿ ಸುಲಿಗೆ ಆರೋಪ ಮತ್ತು ಮಹಾರಾಷ್ಟ್ರ ಹಣ ಸಾಲ (ನಿಯಂತ್ರಣ) ಕಾಯ್ದೆಯಡಿ ಪ್ರಕರಣ ದಾಖಲಿಸಲಾಗಿದೆ. ರೋಷನ್ ಸದಾಶಿವ್ ಕುಡೆ ನಾಲ್ಕು ಎಕರೆ ತೋಟವನ್ನು ಹೊಂದಿದ್ದಾರೆ. ಆದಾಗ್ಯೂ, ಪ್ರತಿಕೂಲ ಪರಿಸ್ಥಿತಿಗಳಿಂದಾಗಿ, ಕೃಷಿ ಸಾಕಷ್ಟು ಆದಾಯ ನೀಡಿರಲಿಲ್ಲ.ನಂತರ ಅವರು ಹಲವಾರು ಹಸುಗಳನ್ನು ಖರೀದಿಸುವ ಮೂಲಕ ಡೈರಿ ವ್ಯವಹಾರವನ್ನು ಪ್ರಾರಂಭಿಸಿದರು. ಇದಕ್ಕಾಗಿ, ಅವರು 2021 ರಲ್ಲಿ ನಾಲ್ಕು ಸ್ಥಳೀಯ ಬಡ್ಡಿದಾರರಿಂದ 40 ಪ್ರತಿಶತದಷ್ಟು ಅತಿಯಾದ ಬಡ್ಡಿದರದಲ್ಲಿ 1 ಲಕ್ಷ ರೂ. ಸಾಲ ಪಡೆದಿದ್ದರು. ಖರೀದಿಸಿದ್ದ ಹಸುಗಳು ಸತ್ತ ಪರಿಣಾಮ ಸಾಲ ಕೂಡ ಹೆಚ್ಚಾಗಿತ್ತು.

ಸಾಲವನ್ನು ಸಮಯಕ್ಕೆ ಸರಿಯಾಗಿ ಮರುಪಾವತಿಸಲು ಸಾಧ್ಯವಾಗದ ಕಾರಣ, ಸಾಲ ಕೊಟ್ಟವರು ನಿತ್ಯ ಮನೆ ಬಾಗಿಲಿಗೆ ಬರಲು ಶುರು ಮಾಡಿದ್ದರು. 1 ಲಕ್ಷ ರೂ. ಇದ್ದ ಸಾಲ 74ಲಕ್ಷಕ್ಕೆ ಏರಿತ್ತು. ಕುಡೆ ತಮ್ಮ ಭೂಮಿಯ ಒಂದು ಭಾಗವನ್ನು, ಹಾಗೆಯೇ ಅವರ ಟ್ರ್ಯಾಕ್ಟರ್ ಮತ್ತು ಮನೆಯ ವಸ್ತುಗಳನ್ನು ಮಾರಿದರು, ಆದರೂ ಸಾಲ ತೀರಿಸಲಾಗಲಿಲ್ಲ.

ಮತ್ತಷ್ಟು ಓದಿ: ಹಣೆಗೆ ಬಾಸಿಂಗ, ತಲೆಗೆ ಪೇಟ: ರೈತರ ಪರವಾಗಿ ತಾಂಬೂಲ ಹಿಡಿದು ಡಿಸಿ ಆಫೀಸಿಗೆ ಹೆಣ್ಣು ಕೇಳಲು ಬಂದ ಬಿಜೆಪಿಗರು

ಬಡ್ಡಿ ವ್ಯಾಪಾರಿಗಳಲ್ಲಿ ಒಬ್ಬರು ಕುಡೆ ಅವರ ಮೂತ್ರಪಿಂಡವನ್ನು ಮಾರಾಟ ಮಾಡುವಂತೆ ಸೂಚಿಸಿದ್ದಾರೆಂದು ವರದಿಯಾಗಿದೆ. ನಂತರ ಏಜೆಂಟ್ ಅವರನ್ನು ವೈದ್ಯಕೀಯ ಪರೀಕ್ಷೆಗಾಗಿ ಕೋಲ್ಕತ್ತಾಗೆ ಕರೆದೊಯ್ದರು, ನಂತರ ಕಾಂಬೋಡಿಯಾದಲ್ಲಿ ಶಸ್ತ್ರಚಿಕಿತ್ಸೆ ನಡೆಸಲಾಯಿತು ಮತ್ತು ಅವರ ಮೂತ್ರಪಿಂಡವನ್ನು ತೆಗೆದುಹಾಕಲಾಯಿತು. ಪ್ರತಿಯಾಗಿ ಅವರಿಗೆ 8 ಲಕ್ಷ ರೂ. ನೀಡಲಾಗಿತ್ತು.

ರೈತ 2021 ರ ಏಪ್ರಿಲ್‌ನಲ್ಲಿ ಸಾಲ ಪಡೆದಿದ್ದರು ಎಂದು ಚಂದ್ರಾಪುರ ಪೊಲೀಸ್ ವರಿಷ್ಠಾಧಿಕಾರಿ ಸುದರ್ಶನ್ ಮುಮಕ್ಕ ಹೇಳಿದ್ದಾರೆ. ಸಾಲದ ಮೇಲಿನ ಬಡ್ಡಿಯನ್ನು ಹೆಚ್ಚಿಸಲಾಯಿತು ಮತ್ತು ಮೂರು ವರ್ಷಗಳ ಕಾಲ ನಿರಂತರವಾಗಿ ಕಂತುಗಳನ್ನು ಮರುಪಾವತಿಸಿದರೂ, ಹಿಂದಿನ ವರ್ಷದ ಅಕ್ಟೋಬರ್‌ನಲ್ಲಿ ತನ್ನ ಮೂತ್ರಪಿಂಡವನ್ನು ಮಾರಾಟ ಮಾಡಲು ಒತ್ತಾಯಿಸಲಾಯಿತು.

ಕಿಶೋರ್ ಬವಾಂಕುಲೆ, ಮನೀಶ್ ಘಟ್‌ಬಂಧೆ, ಲಕ್ಷ್ಮಣ್ ಉರ್ಕುಡೆ, ಪ್ರದೀಪ್ ಬವಾಂಕುಲೆ, ಸಂಜಯ್ ಬಲ್ಲಾರ್‌ಪುರೆ ಮತ್ತು ಸತ್ಯವಾನ್ ಬೋರ್ಕರ್ ವಿರುದ್ಧ ಅಕ್ರಮ ಸಾಲ ನೀಡಿದ ಆರೋಪ ಹೊರಿಸಲಾಗಿದೆ.

ರಾಷ್ಟ್ರೀಯ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ