Coronavirus cases in India: ದೇಶದಲ್ಲಿ 30,948 ಹೊಸ ಕೊವಿಡ್ ಪ್ರಕರಣ ಪತ್ತೆ, 403 ಮಂದಿ ಸಾವು
Covid 19: ಶನಿವಾರದಂದು 15,85,681 ಪರೀಕ್ಷೆಗಳನ್ನು ನಡೆಸಲಾಗಿದ್ದು, ಇದುವರೆಗೆ ದೇಶದಲ್ಲಿ ಕೊವಿಡ್ -19 ಪತ್ತೆಗಾಗಿ ನಡೆಸಿದ ಒಟ್ಟು 50,62,56,239 ಪರೀಕ್ಷೆಗಳನ್ನು ನಡೆಸಲಾಗಿದೆ. ದೈನಂದಿನ ಧನಾತ್ಮಕ ದರವು 1.95 ಶೇಕಡಾ ದಾಖಲಾಗಿದೆ.
Updated on: Aug 22, 2021 | 10:47 AM
ದೆಹಲಿ: ಭಾರತದಲ್ಲಿ ಕಳೆದ 24 ಗಂಟೆಗಳಲ್ಲಿ 30,948 ಹೊಸ ಕೊರೊನಾವೈರಸ್ ಪ್ರಕರಣಗಳು ಪತ್ತೆಯಾಗಿವೆ. ಸಕ್ರಿಯ ಪ್ರಕರಣಗಳು 3.53 ಲಕ್ಷಕ್ಕೆ ಇಳಿದಿದೆ. ಇದರೊಂದಿಗೆ, ದೇಶದ ಒಟ್ಟಾರೆ ಪ್ರಕರಣಗಳ ಸಂಖ್ಯೆ 3.24 ಕೋಟಿಗೆ ತಲುಪಿದೆ. ಕೇರಳದಲ್ಲಿ 17,106 ಪ್ರಕರಣಗಳು ಮತ್ತು ಮಹಾರಾಷ್ಟ್ರದಲ್ಲಿ 4,575 ಪ್ರಕರಣಗಳು ವರದಿಯಾಗಿದೆ. ಈವರೆಗೆ 3.24 ಕೋಟಿಗೂ ಹೆಚ್ಚು ಜನರಿಗೆ ಸೋಂಕು ತಗುಲಿರುವುದು ಕಂಡುಬಂದಿದೆ. 403 ಮಂದಿ ಸಾವಿಗೀಡಾಗಿದ್ದು ಸಾವಿನ ಸಂಖ್ಯೆ 4.34 ಲಕ್ಷಕ್ಕೆ ಏರಿದೆ.
ಜೈಡಸ್ ಗ್ರೂಪ್ ಶನಿವಾರ ತನ್ನ ಲಸಿಕೆಯನ್ನು 12 ವರ್ಷ ಮತ್ತು ಅದಕ್ಕಿಂತ ಹೆಚ್ಚಿನ ವಯಸ್ಸಿನವರಿಗೆ ಬಳಸಬಹುದೆಂದು ಆಶಿಸಿದೆ. ತುರ್ತು ಬಳಕೆಯ ಅನುಮೋದನೆಯನ್ನು ಶಾಲೆಗಳು ಮತ್ತು ಕಾಲೇಜುಗಳಂತಹ ಸಂಸ್ಥೆಗಳಿಗೆ ಲಭ್ಯವಾಗುವಂತೆ ಮಾಡಬಹುದೆಂದು ಹೇಳಿದೆ. ಆದರೆ ಈ ನಿರ್ಧಾರವು ಅಂತಿಮವಾಗಿ ಸರ್ಕಾರದೊಂದಿಗೆ ಮಾತುಕತೆಯ ಮೇಲೆ ಅವಲಂಬಿತವಾಗಿರುತ್ತದೆ. ಎಲ್ಲವೂ ಯೋಜಿಸಿದಂತೆ ನಡೆದರೆ, ಸೆಪ್ಟೆಂಬರ್ ಮಧ್ಯ ಅಥವಾ ಅಂತ್ಯದ ವೇಳೆಗೆ ಇದು ZyCoV-D ಯ ಆರಂಭಿಕ ಡೋಸ್‌ಗಳನ್ನು ತಲುಪಿಸಬಹುದು ಎಂದು ಅದು ಹೇಳಿದೆ.
India reports 30,948 new #COVID19 cases, 38,487 recoveries and 403 deaths in the last 24 hrs, as per Health Ministry.
Total cases: 3,24,24,234 Total recoveries: 3,16,36,469 Active cases: 3,53,398 Death toll: 4,34,367
Total vaccinated: 58,14,89,377 (52,23,612 in last 24 hrs) pic.twitter.com/uIvjrs10WT
— ANI (@ANI) August 22, 2021
ಕೊವಿಡ್ ಸಾಂಕ್ರಾಮಿಕ ಸಮಯದಲ್ಲಿ ರಾಜ್ಯದಲ್ಲಿ ಆಮ್ಲಜನಕದ ಕೊರತೆಯಿಂದ ಯಾವುದೇ ಸಾವುಗಳು ವರದಿಯಾಗಿಲ್ಲ ಎಂದು ಹರ್ಯಾಣ ಸರ್ಕಾರ ವಿಧಾನಸಭೆಗೆ ತಿಳಿಸಿದ ಒಂದು ದಿನದ ನಂತರ, ಮಾಜಿ ಮುಖ್ಯಮಂತ್ರಿ ಭೂಪಿಂದರ್ ಸಿಂಗ್ ಹೂಡಾ ಶನಿವಾರ ಆಡಳಿತಾರೂಢ ಬಿಜೆಪಿ-ಜೆಜೆಪಿ ಮೈತ್ರಿ ಸಾರ್ವಜನಿಕರನ್ನು ದಾರಿ ತಪ್ಪಿಸುತ್ತಿದೆ ಎಂದು ಆರೋಪಿಸಿದ್ದಾರೆ. ಕೊರೊನಾದ ಎರಡನೇ ಅಲೆಯ ಸಮಯದಲ್ಲಿ ಸಾವುಗಳಿಗೆ ಸಂಬಂಧಿಸಿದ ಪತ್ರಿಕೆ ವರದಿಗಳ ಪ್ರತಿಗಳನ್ನು ತೋರಿಸಿದ ಹೂಡಾ “ಸರ್ಕಾರವು ಅಸೆಂಬ್ಲಿಯಲ್ಲಿ ತಪ್ಪು ಮಾಹಿತಿಯನ್ನು ನೀಡಿದೆ” ಎಂದು ಹೇಳಿದರು.
50,62,56,239 samples tested for #COVID19 till 21st August 2021. Of these, 15,85,681 samples were tested yesterday: Indian Council of Medical Research (ICMR) pic.twitter.com/AGMH0vKPqx
— ANI (@ANI) August 22, 2021
ಸಕ್ರಿಯ ಪ್ರಕರಣಗಳು 3,53,398 ಕ್ಕೆ ಇಳಿದಿದ್ದು ಇದು 152 ದಿನಗಳಲ್ಲಿ ಕಡಿಮೆ ಆಗದೆ. ರಾಷ್ಟ್ರೀಯ ಕೊವಿಡ್ -19 ಚೇತರಿಕೆಯ ಪ್ರಮಾಣವು 97.57 ಪ್ರತಿಶತಕ್ಕೆ ಏರಿಕೆಯಾಗಿದೆ. ಇದು ಮಾರ್ಚ್ 2020 ರಿಂದ ಗರಿಷ್ಠವಾಗಿದೆ ಎಂದು ಆರೋಗ್ಯ ಸಚಿವಾಲಯ ತಿಳಿಸಿದೆ.
ಶನಿವಾರದಂದು 15,85,681 ಪರೀಕ್ಷೆಗಳನ್ನು ನಡೆಸಲಾಗಿದ್ದು, ಇದುವರೆಗೆ ದೇಶದಲ್ಲಿ ಕೊವಿಡ್ -19 ಪತ್ತೆಗಾಗಿ ನಡೆಸಿದ ಒಟ್ಟು 50,62,56,239 ಪರೀಕ್ಷೆಗಳನ್ನು ನಡೆಸಲಾಗಿದೆ. ದೈನಂದಿನ ಧನಾತ್ಮಕ ದರವು 1.95 ಶೇಕಡಾ ದಾಖಲಾಗಿದೆ. ಕಳೆದ 27 ದಿನಗಳಿಂದ ಇದು ಶೇಕಡಾ ಮೂರುಕ್ಕಿಂತ ಕಡಿಮೆ ಆಗಿದೆ. ಸಾಪ್ತಾಹಿಕ ಧನಾತ್ಮಕ ದರವು ಎರಡು ಶೇಕಡಾ ದಾಖಲಾಗಿದೆ. ಕಳೆದ 58 ದಿನಗಳಿಂದ ಇದು ಶೇಕಡಾ ಮೂರುಕ್ಕಿಂತ ಕಡಿಮೆ ಇದೆ ಎಂದು ಸಚಿವಾಲಯ ತಿಳಿಸಿದೆ. ಕಾಯಿಲೆಯಿಂದ ಚೇತರಿಸಿಕೊಂಡವರ ಸಂಖ್ಯೆ 3,16,36,469 ಕ್ಕೆ ಏರಿದೆ. ಪ್ರಕರಣದ ಸಾವಿನ ಪ್ರಮಾಣವು 1.34 ಶೇಕಡಾ ಎಂದು ಸಚಿವಾಲಯ ಹೇಳಿದೆ.
ಇದನ್ನೂ ಓದಿ: Corona Vaccine For Children: ಬೆಂಗಳೂರಿನಲ್ಲಿ ಮಕ್ಕಳಿಗೂ ಸಿಗಲಿದೆ ಲಸಿಕೆ; ಎಲ್ಲಿ, ಯಾವಾಗ?
ಇದನ್ನೂ ಓದಿ: Cash Withdrawal: ಎಸ್ಬಿಐ, ಪಿಎನ್ಬಿ, ಐಸಿಐಸಿಐ ಬ್ಯಾಂಕ್, ಎಚ್ಡಿಎಫ್ಸಿ ಬ್ಯಾಂಕ್ ನಗದು ವಿಥ್ಡ್ರಾ ಮಿತಿ ಇಂತಿವೆ
(India records 30,948 new coronavirus and 403 deaths as per health ministry )
