Coronavirus cases in India: 44,658 ಹೊಸ ಕೊವಿಡ್ ಪ್ರಕರಣ ಪತ್ತೆ , 496 ಮಂದಿ ಸಾವು
Covid 19:ಭಾರತವು ಗುರುವಾರ ಕೊವಿಡ್ -19 ಲಸಿಕೆಯ ಕನಿಷ್ಠ ಒಂದು ಡೋಸ್ ಅನ್ನು ತನ್ನ ಅರ್ಹ ವಯಸ್ಕ ಜನಸಂಖ್ಯೆಯ ಅರ್ಧದಷ್ಟು ಜನರಿಗೆ ಪೂರೈಸಿದೆ. ಇಲ್ಲಿಯವರೆಗೆ ದೇಶಾದ್ಯಂತ 61.10 ಕೋಟಿ ಕೊವಿಡ್ ಲಸಿಕೆಗಳನ್ನು ನೀಡಲಾಗಿದೆ.
Updated on: Aug 27, 2021 | 10:46 AM
ದೆಹಲಿ: ಕಳೆದ 24 ಗಂಟೆಗಳಲ್ಲಿ ಭಾರತದಲ್ಲಿ 44,658 ಹೊಸ ಕೊವಿಡ್ -19 ಪ್ರಕರಣಗಳು ಮತ್ತು 496 ಸಾವುಗಳು ವರದಿಯಾಗಿವೆ. ದೇಶದಲ್ಲಿ ಒಟ್ಟು ಕೊವಿಡ್ ಪ್ರಕರಣಗಳ ಸಂಖ್ಯೆ 3,26,03,188 ಕ್ಕೆ ತಲುಪಿದ್ದು ಸಾವಿನ ಸಂಖ್ಯೆ 4,36,861 ಕ್ಕೆ ಏರಿಕೆಯಾಗಿದೆ. ಭಾರತವು ಗುರುವಾರ ಕೊವಿಡ್ -19 ಲಸಿಕೆಯ ಕನಿಷ್ಠ ಒಂದು ಡೋಸ್ ಅನ್ನು ತನ್ನ ಅರ್ಹ ವಯಸ್ಕ ಜನಸಂಖ್ಯೆಯ ಅರ್ಧದಷ್ಟು ಜನರಿಗೆ ಪೂರೈಸಿದೆ. ಇಲ್ಲಿಯವರೆಗೆ ದೇಶಾದ್ಯಂತ 61.10 ಕೋಟಿ ಕೊವಿಡ್ ಲಸಿಕೆಗಳನ್ನು ನೀಡಲಾಗಿದೆ.
ಏತನ್ಮಧ್ಯೆ ಮಹಾರಾಷ್ಟ್ರದಲ್ಲಿ ಹೆಚ್ಚುತ್ತಿರುವ ಡೆಲ್ಟಾ ಪ್ಲಸ್ ವೇರಿಯಂಟ್ ಪ್ರಕರಣಗಳ ದೃಷ್ಟಿಯಿಂದ ನಾಗ್ಪುರ ಮುನ್ಸಿಪಲ್ ಕಾರ್ಪೊರೇಷನ್ (ಎನ್ಎಂಸಿ) ಗುರುವಾರ ನಗರದಲ್ಲಿ ಕೊರೊನಾವೈರಸ್ ಧನಾತ್ಮಕ ಪರೀಕ್ಷೆ ಮಾಡುವ ಪ್ರತಿಯೊಬ್ಬ ರೋಗಿಗೆ ಸಾಂಸ್ಥಿಕ ಸಂಪರ್ಕತಡೆಯನ್ನು (institutional quarantine) ಅಥವಾ ಆಸ್ಪತ್ರೆಗೆ ಸೇರಿಸುವುದನ್ನು ಕಡ್ಡಾಯಗೊಳಿಸಿದೆ ಎಂದು ಪಿಟಿಐ ವರದಿ ಮಾಡಿದೆ. ಮುನ್ಸಿಪಲ್ ಕಮಿಷನರ್ ರಾಧಾಕೃಷ್ಣನ್ ಬಿ ಈ ಕುರಿತು ಆದೇಶ ಹೊರಡಿಸಿದ್ದಾರೆ ಮತ್ತು ಎಲ್ಲಾ ವಲಯ ಆಯುಕ್ತರಿಗೆ ಕೊರೊನವೈರಸ್ ಪರೀಕ್ಷೆ ನಡೆಸುವ ರೋಗಿಗಳನ್ನು ಸಾಂಸ್ಥಿಕ ಕ್ವಾರಂಟೈನ್ ಅಡಿಯಲ್ಲಿ ಇರಿಸಲು ಅಥವಾ ಅವರ ಆಸ್ಪತ್ರೆಗೆ ದಾಖಲಾಗುವಂತೆ ಖಚಿತಪಡಿಸಿಕೊಳ್ಳಲು ಎನ್ಎಂಸಿ ಪ್ರಕಟಣೆ ತಿಳಿಸಿದೆ.
India reports 44,658 new #COVID19 cases,32,988 recoveries and 496 deaths in the last 24 hrs, as per Health Ministry.
Total cases: 3,26,03,188 Total recoveries: 3,18,21,428 Active cases: 3,44,899 Death toll: 4,36,861
Total vaccinated: 61,22,08,542 (79,48,439) in last 24 hrs pic.twitter.com/3Ekda2cKBP
— ANI (@ANI) August 27, 2021
ಸತತ ಎರಡನೇ ದಿನ ಕೇರಳದಲ್ಲಿ ಗುರುವಾರ 30,000 ಹೊಸ ಕೊವಿಡ್ -19 ಸೋಂಕುಗಳನ್ನು ವರದಿ ಮಾಡಿದೆ. ರಾಜ್ಯ ಆರೋಗ್ಯ ಸಚಿವಾಲಯ ಹಂಚಿಕೊಂಡ ಮಾಹಿತಿಯ ಪ್ರಕಾರ ಕಳೆದ 24 ಗಂಟೆಗಳಲ್ಲಿ 30,007 ಕೊರೊನಾವೈರಸ್ ಪ್ರಕರಣಗಳು, 162 ಸಾವುಗಳು ಮತ್ತು 18,997 ಚೇತರಿಕೆಗಳನ್ನು ದಾಖಲಿಸಲಾಗಿದೆ. ಸಕ್ರಿಯ ಪ್ರಕರಣಗಳು 1,81,209ರಷ್ಟಿದೆ. ಕಳೆದ ಒಂದು ದಿನದಲ್ಲಿ ಒಟ್ಟು 1,66,397 ಮಾದರಿಗಳನ್ನು ಪರೀಕ್ಷಿಸಲಾಗಿದ್ದು, ಪರೀಕ್ಷಾ ಧನಾತ್ಮಕ ದರವು ಶೇ 18.03 ಆಗಿದೆ.
ಕಳೆದ ವಾರ ಕೇರಳದಲ್ಲಿ ಶೇ. 58.4 ರಷ್ಟು ಹೊಸ ಕೊವಿಡ್ ಪ್ರಕರಣಗಳಿವೆ ಎಂದು ತಿಳಿಸಿದ ಆರೋಗ್ಯ ಸಚಿವಾಲಯ ಗುರುವಾರ ದಕ್ಷಿಣ ರಾಜ್ಯದಲ್ಲಿ ಈಗ 1 ಲಕ್ಷಕ್ಕೂ ಅಧಿಕ ಸಕ್ರಿಯ ಪ್ರಕರಣಗಳಿವೆ ಎಂದು ಹೇಳಿದೆ. ಪ್ರಸ್ತುತ ಭಾರತದ 41 ಜಿಲ್ಲೆಗಳು ವಾರಕ್ಕೆ 10 ಪ್ರತಿಶತಕ್ಕಿಂತ ಹೆಚ್ಚಿನ ಧನಾತ್ಮಕ ದರವನ್ನು ವರದಿ ಮಾಡುತ್ತಿವೆ ಎಂದು ಸಚಿವಾಲಯ ಹೇಳಿದೆ.
ಶೇ 50 ರಷ್ಟು ಮಂದಿ ಕನಿಷ್ಠ ಒಂದು ಡೋಸ್ ಪಡೆದಿದ್ದಾರೆ ಭಾರತವು ಗುರುವಾರ ಕೊವಿಡ್ -19 ಲಸಿಕೆಯ ಕನಿಷ್ಠ ಒಂದು ಡೋಸ್ ಅನ್ನು ತನ್ನ ಅರ್ಹ ವಯಸ್ಕ ಜನಸಂಖ್ಯೆಯ ಅರ್ಧದಷ್ಟು ಜನರಿಗೆ ನೀಡಿದ್ದು ದೇಶಾದ್ಯಂತ 61.10 ಕೋಟಿ ಲಸಿಕೆಗಳನ್ನು ನೀಡಿದೆ. ಸರ್ಕಾರದ ಪ್ರಕಾರ 2020 ರ ಯೋಜಿತ ಮಧ್ಯ ವರ್ಷದ ಎಣಿಕೆಯ ಆಧಾರದ ಮೇಲೆ 18 ವರ್ಷ ಮತ್ತು ಅದಕ್ಕಿಂತ ಹೆಚ್ಚಿನ ವಯಸ್ಸಿನ ದೇಶದ ಒಟ್ಟು ಜನಸಂಖ್ಯೆಯು ಸರಿಸುಮಾರು 94 ಕೋಟಿ ಆಗಿದೆ . ಗುರುವಾರ ಭಾರತವು 47.29 ಕೋಟಿ ಮೊದಲ ಡೋಸ್‌ಗಳ ನೀಡಿದೆ. ಇದು ವಯಸ್ಕ ಜನಸಂಖ್ಯೆಯ 50.30 ರಷ್ಟು. ದಿನನಿತ್ಯದ ವ್ಯಾಕ್ಸಿನೇಷನ್‌ಗಳು ಆಗಸ್ಟ್‌ನಲ್ಲಿ ಸರಾಸರಿ 52.16 ಲಕ್ಷ ಡೋಸ್‌ಗಳನ್ನು ಹೊಂದಿದ್ದು, ಜುಲೈನಲ್ಲಿ 43.41 ಲಕ್ಷ ಡೋಸೇಜ್‌ಗಳನ್ನು ನೀಡಲಾಗಿದೆ.
ಇದನ್ನೂ ಓದಿ: ರಾಜ್ಯಕ್ಕೆ ಪ್ರತಿದಿನ 5 ಲಕ್ಷ ಡೋಸ್ ಕೊವಿಡ್ ಲಸಿಕೆ ನೀಡಲು ಕೇಂದ್ರ ಒಪ್ಪಿದೆ: ಸಿಎಂ ಬೊಮ್ಮಾಯಿ
(India records 44,658 new Covid-19 cases and 496 deaths in the last 24 hours as per health ministry)
