Oxygen Shortage: ಆಕ್ಸಿಜನ್ ಕೊರತೆ ನೀಗಿಸಲು ಸಮುದ್ರ ಸೇತು ಕಾರ್ಯಾಚರಣೆ ಶುರು ಮಾಡಿದ ಭಾರತೀಯ ನೌಕಾಪಡೆ..

ದೆಹಲಿ: ದೇಶದಲ್ಲಿ ಸದ್ಯ ಆಕ್ಸಿಜನ್ ಅಭಾವದ ಸಮಸ್ಯೆ ತಲೆದೋರಿದ್ದು, ವಿದೇಶಗಳೂ ಸಹ ಭಾರತಕ್ಕೆ ನೆರವಿನಹಸ್ತ ಚಾಚಿವೆ. ಆಮ್ಲಜನಕ ಸಾಂದ್ರಕಗಳನ್ನು ಕಳಿಸುತ್ತಿವೆ. ಇದೀಗ ಬೇರೆ ರಾಷ್ಟ್ರಗಳಿಂದ ಆಮ್ಲಜನಕವನ್ನು ಭಾರತಕ್ಕೆ ತರಲು ಇಂಡಿಯನ್ ನೇವಿ (ಭಾರತೀಯ ನೌಕಾಪಡೆ) ಸಮುದ್ರ ಸೇತು-II ಎಂಬ ಹೆಸರಿನಡಿ ಕಾರ್ಯಾಚರಣೆ ಶುರು ಮಾಡಿದೆ.

ಈ ಬಗ್ಗೆ ಭಾರತೀಯ ನೌಕಾಪಡೆಯ ವಕ್ತಾರ ಟ್ವೀಟ್ ಮಾಡಿದ್ದು, ಸಮುದ್ರ ಸೇತು-II ಮಿಷನ್​ನಡಿ ಭಾರತೀಯ ನೌಕಾಪಡೆಯ ಹಡಗುಗಳು ಬೇರೆ ರಾಷ್ಟ್ರಗಳಿಂದ ದ್ರವರೂಪದ ಆಮ್ಲಜನಕ ಸಾಂದ್ರಕಗಳು ಮತ್ತು ಸಂಬಂಧಿತ ವೈದ್ಯಕೀಯ ಉಪಕರಣಗಳನ್ನು ಹೊತ್ತು ತರಲಿವೆ ಎಂದು ತಿಳಿಸಿದ್ದಾರೆ.

ಭಾರತದಲ್ಲಿ ಕೊವಿಡ್ 19 ಎರಡನೇ ಅಲೆ ಗಂಭೀರವಾಗುತ್ತಿದೆ. ಈ ಹೊತ್ತಲ್ಲಿ ಆಮ್ಲಜನಕದ ಕೊರತೆಯೂ ಹೆಚ್ಚಾಗಿದೆ. ಆಮ್ಲಜನಕವಿಲ್ಲದೆ ಅದೆಷ್ಟೋ ರೋಗಿಗಳು ಜೀವ ಕಳೆದುಕೊಂಡಿದ್ದಾರೆ. ಆಸ್ಪತ್ರೆಗಳ ಮುಖ್ಯಸ್ಥರೇ ಕಣ್ಣೀರಿಡುತ್ತಿದ್ದಾರೆ. ಈಗಾಗಲೇ ಅಮೆರಿಕ, ಯುಕೆ, ಫ್ರಾನ್ಸ್​ ಮತ್ತಿತರ ದೇಶಗಳಿಂದ ವಿಮಾನದ ಮೂಲಕ ಆಕ್ಸಿಜನ್​​ನ್ನು ಭಾರತಕ್ಕೆ ಸಾಗಣೆ ಮಾಡಲಾಗಿದೆ. ಇದೀಗ ನೌಕಾಪಡೆ ಸಮುದ್ರ ಮಾರ್ಗದ ಮೂಲಕ ಸಾಗಣೆಗೆ ಮುಂದಾಗಿದೆ. ಹೀಗೆ ಆಕ್ಸಿಜನ್​ ಸಾಗಣೆಯ ಮೊದಲ ಬ್ಯಾಚ್​​ನಲ್ಲಿ ಐಎನ್​ಎಸ್ ಕೋಲ್ಕತ್ತ ಮತ್ತು ಐಎನ್​ಎಸ್​ ತಲ್ವಾರ್​​ಗಳು ಕಾರ್ಯಾಚರಣೆ ಆರಂಭಿಸಿವೆ. ಇದರಲ್ಲಿ ಐಎನ್​ಎಸ್ ತಲ್ವಾರ್ ಏಪ್ರಿಲ್ 30ರಂದು ಬಹರೇನ್ ದೇಶದ ಮನಮಾ ಬಂದರನ್ನು ತಲುಪಿದ್ದು ಸುಮಾರು 40 ಮೆಟ್ರಿಕ್ ಟನ್​ಗಳಷ್ಟು ದ್ರವರೂಪದ ವೈದ್ಯಕೀಯ ಆಕ್ಸಿಜನ್ ಹೊತ್ತು ತರಲಿದೆ. ಹಾಗೇ ಐಎನ್​ಎಸ್ ಕೋಲ್ಕತ್ತ ದೋಹಾ, ಕ್ವತಾರ್​, ಕುವೈತ್​​ಗಳಿಂದ ಆಕ್ಸಿಜನ್​ ತರಲಿದೆ ಎಂದು ರಕ್ಷಣಾ ಇಲಾಖೆ ಮಾಹಿತಿ ನೀಡಿದೆ. ಇಷ್ಟೇ ಅಲ್ಲದೆ ಮುಂದೆ ಇನ್ನಷ್ಟು ನೌಕಾಹಡಗುಗಳು ಕಾರ್ಯಾಚರಣೆಯಲ್ಲಿ ತೊಡಗಿಕೊಳ್ಳಲಿವೆ ಎಂದೂ ತಿಳಿಸಿದೆ.

#IndianNavy launches Operation #SamudraSetu_II to augment ongoing national mission #OxygenExpress. Mission deployed warships will undertake shipment of liquid #Oxygen filled cryogenic containers & associated medical equipment in support of nation’s #FightAgainstCOVID19 (1/2). pic.twitter.com/fLRWobOp7U

— SpokespersonNavy (@indiannavy) April 30, 2021

ಇದನ್ನೂ ಓದಿ: ಮಹಿಳೆಯ ಶವದ ಮೇಲಿದ್ದ ಚಿನ್ನಾಭರಣ ಕಳ್ಳತನ; ಚಿಕ್ಕಬಳ್ಳಾಪುರ ಜಿಲ್ಲಾ ಕೊವಿಡ್ ಆಸ್ಪತ್ರೆಯಲ್ಲಿ ಅಮಾನವೀಯ ಘಟನೆ

ಚಕ್ರವರ್ತಿ ತೆಗೆದುಕೊಂಡ ಆ ಒಂದು ನಿರ್ಧಾರ ಅವರ ಬಿಗ್​ ಬಾಸ್​ ಜರ್ನಿಯನ್ನೇ ಬದಲಾಯಿಸಿತು

Indian Navy start Samudra Setu for bring the oxygen from other Countries

Published On - 4:13 pm, Sun, 2 May 21