Chardham Yatra 2021: 11 ಕ್ವಿಂಟಲ್ ಹೂವುಗಳಿಂದ ಶೃಂಗಾರಗೊಂಡ ಕೇದಾರನಾಥ ದೇವಸ್ಥಾನ; ಬಾಗಿಲು ತೆಗೆದರೂ ಭಕ್ತರಿಗೆ ಇಲ್ಲ ಪ್ರವೇಶ

ಉತ್ತರಾಖಂಡ್​: ಕೊರೊನಾ ಸೋಂಕಿನ ಭಯದ ಮಧ್ಯೆಯೂ ಇಲ್ಲಿನ ಐತಿಹಾಸಿಕ ಪುಣ್ಯಕ್ಷೇತ್ರ ಕೇದಾರನಾಥ್​ ದೇವಾಲದಯ ಬಾಗಿಲು ನಾಳೆ ಮುಂಜಾನೆ 5ಗಂಟೆಗೆ ತೆರೆಯಲಿದೆ. ಕೇದಾರನಾಥ್ ದೇವಾಲಯದ ಬಾಗಿಲು ತೆರೆಯಲಿದ್ದರೂ ಭಕ್ತರ ಪ್ರವೇಶಕ್ಕೆ ಅನುಮತಿ ನೀಡಲಾಗಿಲ್ಲ. ಇನ್ನು ನಾಳೆ ಮುಂಜಾನೆ ಬಾಗಿಲು ತೆರೆಯುವ ಹಿನ್ನೆಲೆಯಲ್ಲಿ ಈಗಾಗಲೇ ಸುಮಾರು 11 ಕ್ವಿಂಟಾಲ್​ ಹೂವುಗಳಿಂದ ಇಡೀ ದೇವಸ್ಥಾನವನ್ನು ಶೃಂಗರಿಸಲಾಗಿದೆ.

ಇನ್ನು ಕೊರೊನಾ ಹಿನ್ನೆಲೆಯಲ್ಲಿ ಈ ಬಾರಿ ಚಾರ್​ಧಾಮ್ ಯಾತ್ರೆಯನ್ನು ರದ್ದುಗೊಳಿಸಲಾಗಿದ್ದು, ವರ್ಚ್ಯುವಲ್ ಮೂಲಕ ಭಕ್ತರಿಗೆ ದರ್ಶನಕ್ಕೆ ಅವಕಾಶ ಕಲ್ಪಿಸಲಾಗಿದೆ. ಪ್ರತಿವರ್ಷವೂ ಭಕ್ತರು ಈ ಸಮಯದಲ್ಲಿ ಬದ್ರಿನಾಥ, ಕೇದಾರನಾಥ, ಯಮುನೋತ್ರಿ ಮತ್ತು ಗಂಗೋತ್ರಿ ಪುಣ್ಯಕ್ಷೇತ್ರಗಳಿಗೆ ತೆರಳಿ ದರ್ಶನ ಪಡೆಯುತ್ತಿದ್ದರು. ಈ ನಾಲ್ಕೂ ಪುಣ್ಯಕ್ಷೇತ್ರಗಳು ಸೇರಿ ಚಾರ್​ಧಾಮ್ ಯಾತ್ರೆ ಎಂಬ ಹೆಸರು ಬಂದಿದೆ. ಆದರೆ ಈ ಬಾರಿ ಕೊರೊನಾ ಸೋಂಕಿನ ಹಿನ್ನೆಲೆಯಲ್ಲಿ ಇಡೀ ಯಾತ್ರೆಯನ್ನು ರದ್ದುಗೊಳಿಸಲಾಗಿದೆ.

ಈ ನಾಲ್ಕೂ ಪುಣ್ಯಕ್ಷೇತ್ರಗಳಿಗೆ ಹೊರಗಿನ ಭಕ್ತರಿಗೆ ಮಾತ್ರವಲ್ಲ, ಸ್ಥಳೀಯರಿಗೆ ಪ್ರವೇಶ ನೀಡುತ್ತಿಲ್ಲ. ಸದ್ಯಕ್ಕಂತೂ ನಾಲ್ಕೂ ಧಾಮಗಳಲ್ಲಿ ಭಕ್ತರಿಗೆ ಪ್ರವೇಶ ಇರುವುದಿಲ್ಲ. ಹಾಗಾಗಿ ಆನ್​ಲೈನ್ ಮೂಲಕ ದರ್ಶನಕ್ಕೆ ವ್ಯವಸ್ಥೆ ಮಾಡಲಾಗಿದ್ದು ಭಕ್ತರು ಸದುಪಯೋಗ ಪಡೆಯಬಹುದು ಎಂದು ಉತ್ತರಾಖಂಡ ಪ್ರವಾಸೋದ್ಯಮ ಇಲಾಖೆ ಕಾರ್ಯದರ್ಶಿ ದಿಲೀಪ್ ಜಾವಲ್ಕರ್​ ತಿಳಿಸಿದ್ದಾರೆ. ಹೀಗೆ ಆನ್​​ಲೈನ್ ಮೂಲಕ ದರ್ಶನ ಪಡೆಯಲು ಅಗತ್ಯವಿರುವ ಲಿಂಕ್​, ಮತ್ತಿತರ ವಿಚಾರಗಳನ್ನು ದೇಗುಲದ ವೆಬ್​ಸೈಟ್​​ನಲ್ಲಿ ಪ್ರಕಟಪಡಿಸಿದ್ದಾಗ್ಯೂ ಹೇಳಿದ್ದಾರೆ.

ಇದನ್ನೂ ಓದಿ: Cyclone Tauktae in Karnataka: ರಾಜ್ಯದಲ್ಲಿ ತೌಕ್ತೆ ಚಂಡಮಾರುತದ ಅಬ್ಬರ; ನಾಳೆಯೂ ಮುಂದುವರಿಯಲಿದೆ ಮಳೆ

ಕೊವಿಡ್ ಭಯ; ಕೊರೊನಾ ಸೋಂಕಿತ ಶಿಕ್ಷಕ ಕಾವೇರಿ ನದಿಗೆ ಹಾರಿ ಆತ್ಮಹತ್ಯೆ

Kedarnath Temple decorated with 11 quintals flowers for opening

Published On - 9:58 pm, Sun, 16 May 21