ಕೇರಳದಲ್ಲಿ ಬಿಜೆಪಿಯಿಂದ ಟಿಕೆಟ್​​ ಪಡೆದು ಪಂಚಾಯತ್ ಚುನಾವಣೆಗೆ ನಿಂತ ಸೋನಿಯಾ ಗಾಂಧಿ

ತಿರುವನಂತಪುರಂ, ಡಿಸೆಂಬರ್ 04: ಕೇರಳ(Kerala)ದಲ್ಲಿ ಶೀಘ್ರ ಸ್ಥಳೀಯ ಸಂಸ್ಥೆಗಳ ಚುನಾವಣೆಗಳು ನಡೆಯಲಿದ್ದು, ಸಿದ್ಧತೆಗಳು ಆರಂಭಗೊಂಡಿವೆ. ಇಡುಕ್ಕಿ ಜಿಲ್ಲೆಯ ಮುನ್ನಾರ್ ಪಂಚಾಯತ್ ಚುನಾವಣೆಯಲ್ಲಿ ಒಂದು ಹೆಸರು ಹೆಚ್ಚು ಗಮನ ಸೆಳೆಯುತ್ತಿದೆ. ಅದೇ ಬಿಜೆಪಿ ಟಿಕೆಟ್​ನಲ್ಲಿ ಸ್ಪರ್ಧಿಸುತ್ತಿರುವ ಸೋನಿಯಾ ಗಾಂಧಿ(Sonia Gandhi). ಈ ಹೆಸರು ಕೇಳಿ ನಿಮಗೂ ಅಚ್ಚರಿಯಾಗಿರಬಹುದು ಅಲ್ಲವೇ, ಆದರೆ ಇವರು ಆ ಸೋನಿಯಾ ಅಲ್ಲ ಈ ಸೋನಿಯಾ. ಸ್ಥಳೀಯ ರಾಜಕೀಯದಲ್ಲಿ ಸೋನಿಯಾ ಗಾಂಧಿ ಹೆಸರು ಕೇವಲ ಕಾಕತಾಳೀಯ. ಬಿಜೆಪಿಯಲ್ಲಿ ಸೋನಿಯಾ ಗಾಂಧಿ ಹೆಸರು ಅತ್ಯಂತ ಆಸಕ್ತಿದಾಯಕವಾಗಿಸಿದೆ.

ಕಾಂಗ್ರೆಸ್‌ನ ಮಾಜಿ ಅಧ್ಯಕ್ಷೆ ಸೋನಿಯಾ ಗಾಂಧಿ ಅವರ ಹೆಸರನ್ನು ಇಡಲಾಗಿರುವ ಈ ಅಭ್ಯರ್ಥಿಯ ಕಥೆಯೂ ಸಹ ಸಾಕಷ್ಟು ಆಸಕ್ತಿದಾಯಕವಾಗಿದೆ.ಈ ಬಿಜೆಪಿ ಅಭ್ಯರ್ಥಿ ಸೋನಿಯಾ ಗಾಂಧಿ, ಬಲವಾದ ಕಾಂಗ್ರೆಸ್ ರಾಜಕೀಯ ಪರಂಪರೆಯನ್ನು ಹೊಂದಿರುವ ಕುಟುಂಬದಲ್ಲಿ ಜನಿಸಿದ್ದಾರೆ. ಆದರೆ ಇಂದು ಅವರು ಪಕ್ಷದ ಅತಿದೊಡ್ಡ ಪ್ರತಿಸ್ಪರ್ಧಿಯಾದ ಬಿಜೆಪಿಯ ಟಿಕೆಟ್‌ನಲ್ಲಿ ಚುನಾವಣೆಯಲ್ಲಿ ಸ್ಪರ್ಧಿಸುತ್ತಿದ್ದಾರೆ. ಅವರ ಹೆಸರು ಮತ್ತು ಅವರ ಕುಟುಂಬದ ಹಿನ್ನೆಲೆ ಮತದಾರರಲ್ಲಿ ಸಾಕಷ್ಟು ಚರ್ಚೆಯನ್ನು ಹುಟ್ಟುಹಾಕಿದೆ.

ಸೋನಿಯಾ ಗಾಂಧಿಯವರ ತಂದೆ ಕಾಂಗ್ರೆಸ್ ನಾಯಕರಾಗಿದ್ದರು ಸೋನಿಯಾ ಗಾಂಧಿಯವರ ತಂದೆ ದಿ. ದುರೈ ರಾಜ್, ಇಡುಕ್ಕಿ ಜಿಲ್ಲೆಯ ಮುನ್ನಾರ್ ಪಂಚಾಯತ್‌ನ ಹಿರಿಯ ಸ್ಥಳೀಯ ಕಾಂಗ್ರೆಸ್ ನಾಯಕರಾಗಿದ್ದರು ಮತ್ತು ನಲ್ಲತನ್ನಿ ಕಲ್ಲಾರ್ ಪ್ರದೇಶದಲ್ಲಿ ಪಕ್ಷದ ಸಕ್ರಿಯ ನಾಯಕರಾಗಿದ್ದರು. ಕಾಂಗ್ರೆಸ್ ನಾಯಕಿ ಸೋನಿಯಾ ಗಾಂಧಿ ಅವರ ಮೇಲಿನ ಗೌರವದಿಂದ ಅವರು ತಮ್ಮ ಮಗಳಿಗೆ ಸೋನಿಯಾ ಗಾಂಧಿ ಎಂದು ಹೆಸರಿಟ್ಟಿದ್ದರು.

ಇವರೇ ಸೋನಿಯಾ ಗಾಂಧಿ

ಸೋನಿಯಾ ಬಿಜೆಪಿ ಸದಸ್ಯೆಯಾದದ್ದು ಹೇಗೆ? ಮದುವೆಯ ನಂತರ ಸೋನಿಯಾ ಗಾಂಧಿ ಬಿಜೆಪಿ ಸೇರಿದರು. ಅವರ ಪತಿ ಸುಭಾಷ್, ಸಕ್ರಿಯ ಬಿಜೆಪಿ ಕಾರ್ಯಕರ್ತರಾಗಿದ್ದಾರೆ ಮತ್ತು ಪ್ರಸ್ತುತ ಪಂಚಾಯತ್ ಪ್ರಧಾನ ಕಾರ್ಯದರ್ಶಿಯಾಗಿ ಸೇವೆ ಸಲ್ಲಿಸುತ್ತಿದ್ದಾರೆ. ಅವರ ಪತಿಯ ರಾಜಕೀಯ ನಿಲುವು ಮತ್ತು ಕುಟುಂಬದ ಹಿನ್ನೆಲೆ ಕ್ರಮೇಣ ಸೋನಿಯಾ ಅವರನ್ನು ಬಿಜೆಪಿಗೆ ಸಂಪರ್ಕಿಸಿತು, ಮತ್ತು ಈಗ ಅವರು ಬಿಜೆಪಿ ಟಿಕೆಟ್‌ನಲ್ಲಿ ಪಂಚಾಯತ್ ಚುನಾವಣೆಯಲ್ಲಿ ಕಾಂಗ್ರೆಸ್ ಅಭ್ಯರ್ಥಿ ಮಂಜುಳಾ ರಮೇಶ್ ಅವರನ್ನು ಎದುರಿಸುತ್ತಿದ್ದಾರೆ. ಅವರ ಹೆಸರು ಅವರಿಗೆ ಸವಾಲಾಗಿ ಪರಿಣಮಿಸಬಹುದು. ಏಕೆಂದರೆ ಮತದಾರರು ಸೋನಿಯಾ ಗಾಂಧಿ ಎಂಬ ಪದದಿಂದ ಗೊಂದಲಕ್ಕೊಳಗಾಗಬಹುದು ಮತ್ತು ಮತಪತ್ರದಲ್ಲಿ ಸೋನಿಯಾ ಗಾಂಧಿ (ಬಿಜೆಪಿ) ಎಂದು ಬರೆಯುವ ಸಾಧ್ಯತೆಯಿದೆ.

ಸೋನಿಯಾ ವಿಡಿಯೋ

VIDEO | Idukki, Kerala: Sonia Gandhi, a namesake of the former Congress leader, is contesting the upcoming local body elections in Kerala as a BJP candidate. Standing from the 16th ward of Nallathanni in the Munnar panchayat, she has drawn attention for the striking coincidence… pic.twitter.com/Gxq0FXInbP

— Press Trust of India (@PTI_News) December 4, 2025

ಕೇರಳದ ಸ್ಥಳೀಯ ಸಂಸ್ಥೆಗಳ ಚುನಾವಣೆಗಳ ಬಗ್ಗೆ ಮಾಹಿತಿ 2025 ರ ಸ್ಥಳೀಯ ಸಂಸ್ಥೆಗಳ ಚುನಾವಣೆಗಳು ಡಿಸೆಂಬರ್ 9 ಮತ್ತು 11 ರಂದು ಎರಡು ಹಂತಗಳಲ್ಲಿ ನಡೆಯಲಿದ್ದು, ಎಣಿಕೆ ಡಿಸೆಂಬರ್ 13 ರಂದು ನಡೆಯಲಿದೆ. ಮೊದಲ ಹಂತವು ತಿರುವನಂತಪುರಂ, ಕೊಲ್ಲಂ, ಪತ್ತನಂತಿಟ್ಟ, ಕೊಟ್ಟಾಯಂ, ಇಡುಕ್ಕಿ, ಅಲಪ್ಪುಳ ಮತ್ತು ಎರ್ನಾಕುಲಂ ಜಿಲ್ಲೆಗಳನ್ನು ಒಳಗೊಂಡಿದೆ.ಎರಡನೇ ಹಂತದಲ್ಲಿ ತ್ರಿಶೂರ್, ಪಾಲಕ್ಕಾಡ್, ಮಲಪ್ಪುರಂ, ಕೋಳಿಕ್ಕೋಡ್, ವಯನಾಡ್, ಕಣ್ಣೂರು ಮತ್ತು ಕಾಸರಗೋಡುಗಳಲ್ಲಿ ಮತದಾನ ನಡೆಯಲಿದೆ. ಜನರು ಬೆಳಗ್ಗೆ 7 ರಿಂದ ಸಂಜೆ 6 ರವರೆಗೆ ಮತ ಚಲಾಯಿಸಲಿದ್ದಾರೆ.

ರಾಷ್ಟ್ರೀಯ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ