ನೀಟ್ ಪರೀಕ್ಷಾ ಅಕ್ರಮದ ತೀವ್ರ ಪ್ರತಿಭಟನೆ ನಡುವೆ ವೈರಲ್ ಆಯ್ತು ಅರವಿಂದ್ ಅವರ ಎರಡು ವರ್ಷಗಳ ಹಳೆಯ ಭವಿಷ್ಯವಾಣಿ

ನವದೆಹಲಿ, ಜುಲೈ 22: ದೇಶಾದ್ಯಂತ ಈಗ ನೀಟ್ ಪರೀಕ್ಷೆ(NEET Exam) ಸೋರಿಕೆ, ವಿದ್ಯಾರ್ಥಿಗಳ ಆಕ್ರೋಶ ಮತ್ತು ಕೇಂದ್ರ ಸರ್ಕಾರದ ವಿರುದ್ಧ ಭಾರಿ ಪ್ರತಿಭಟನೆಗಳು ನಡೆಯುತ್ತಿವೆ. ಈ ಬೆನ್ನಲ್ಲೇ ಸಾಮಾಜಿಕ ಜಾಲತಾಣ ಎಕ್ಸ್​​ನಲ್ಲಿ ಬರೋಬ್ಬರಿ ಎರಡು ವರ್ಷಗಳ ಹಿಂದೆ ಮಾಡಲಾಗಿದ್ದ ಪೋಸ್ಟ್​ ಈಗ ಭಾರಿ ವೈರಲ್ ಆಗುತ್ತಿದ್ದು, ಸಾರ್ವಜನಿಕರಲ್ಲಿ ತೀವ್ರ ಚರ್ಚೆಗೆ ಗ್ರಾಸವಾಗಿದೆ.

2024ರ ಜೂನ್ 8ರಂದು, ಅಂದರೆ ನರೇಂದ್ರ ಮೋದಿ ಅವರ 3.0 ಸರ್ಕಾರ ಅಧಿಕಾರಕ್ಕೆ ಬಂದ ತಕ್ಷಣ ಅರವಿಂದ್ ಎಂಬ ಎಕ್ಸ್​ ಬಳಕೆದಾರರು ಮೋದಿ ಆಡಳಿತಾವಧಿಯಲ್ಲಿ ದೇಶಾದ್ಯಂತ ನಡೆಯಬಹುದಾದ ಸರಣಿ ಪ್ರತಿಭಟನೆಗಳ ಬಗ್ಗೆ ಮುನ್ಸೂಚನೆ ನೀಡಿ ಪೋಸ್ಟ್​ ಒಂದನ್ನು ಮಾಡಿದ್ದರು.

ಅರವಿಂದ್ ಮಾಡಿದ್ದ ಎರಡು ವರ್ಷಗಳ ಹಳೆಯ ಪೋಸ್ಟ್​ನಲ್ಲೇನಿತ್ತು?

ಮೋದಿ 3.0 ಸರ್ಕಾರದ ಅವಧಿಯಲ್ಲಿ ನಡೆಯಲಿವೆ ಸಾಲು ಸಾಲು ಪ್ರತಿಭಟನೆಗಳು

ನೀಟ್ (NEET) ಪರೀಕ್ಷೆಗೆ ಸಂಬಂಧಿಸಿದ ಪ್ರತಿಭಟನೆಗಳು

ಐಎಂಎ (IMA) ವೈದ್ಯರ ಪ್ರತಿಭಟನೆಗಳು

ರೈತರ ಭಾರಿ ಆಂದೋಲನ

ಮುಸ್ಲಿಂ ಸಮುದಾಯದ ನೇತೃತ್ವದ ಪ್ರತಿಭಟನೆಗಳು

ವಿದೇಶಗಳಲ್ಲಿ ಖಾಲಿಸ್ತಾನಿ ಬೆಂಬಲಿಗರ ಪ್ರತಿಭಟನೆಗಳು

ಮತ್ತಷ್ಟು ಓದಿ:

ಸೋನಮ್ ವಾಂಗ್ಚುಕ್ 3 ವಾರಗಳ ಉಪವಾಸ ಸತ್ಯಾಗ್ರಹ ಅಂತ್ಯಕ್ಕೆ ಷರತ್ತು ವಿಧಿಸಿದ ಪತ್ನಿ

ಪೋಸ್ಟ್ ವೈರಲ್ ಆಗಲು ಪ್ರಸ್ತುತ ಕಾರಣವೇನು?

ಮೇ 3 ರಂದು ನಡೆದಿದ್ದ 2026 ರ ನೀಟ್ (NEET-UG) ಪರೀಕ್ಷೆಗೆ ಸುಮಾರು 22.7 ಲಕ್ಷಕ್ಕೂ ಹೆಚ್ಚು ವಿದ್ಯಾರ್ಥಿಗಳು ಹಾಜರಾಗಿದ್ದರು. ಆದರೆ, ಪರೀಕ್ಷೆಯ ಪ್ರಶ್ನೆಪತ್ರಿಕೆ ಸೋರಿಕೆಯಾಗಿ, ಅದಕ್ಕೆ ಹುಸಿ ಪ್ರಶ್ನೆಪತ್ರಿಕೆಗಳ ದಂಧೆ ಸಾಕ್ಷಿಯಾದ ಹಿನ್ನೆಲೆಯಲ್ಲಿ ಇಡೀ ಪರೀಕ್ಷೆಯನ್ನು ರದ್ದುಗೊಳಿಸಲಾಯಿತು. ಪ್ರಸ್ತುತ ಸಿಬಿಐ ತನಿಖೆ ನಡೆಯುತ್ತಿದ್ದು, ವಿದ್ಯಾರ್ಥಿಗಳು ಮತ್ತು ಯುವಜನರು ಬೀದಿಗಿಳಿದು ನಡೆಸುತ್ತಿರುವ ಪ್ರತಿಭಟನೆಗಳು ಪೋಲಿಸ್ ಘರ್ಷಣೆಗೂ ಕಾರಣವಾಗಿವೆ.

ಪೋಸ್ಟ್​

The protests that are coming soon to a street near you in Modi 3.0 in the coming months:

1) NEET related protests

2) IMA doctors protests

3) Farmer protests

4) Muslim led protests (for Palestine but soon against Adani and Modi using fake news)

5) Khalistani related protests…

— Aravind (@aravind) June 8, 2024

ಅರವಿಂದ್ ಅವರು 2024 ರಲ್ಲೇ ಉಲ್ಲೇಖಿಸಿದಂತೆ ನೀಟ್ ವಿವಾದ, ರೈತರ ಭಾರಿ ‘ದೆಹಲಿ ಚಲೋ’ ಆಂದೋಲನ ಹಾಗೂ ವೈದ್ಯರ ಪ್ರತಿಭಟನೆಗಳು ಒಂದೊಂದಾಗಿ ನಿಜವಾಗುತ್ತಿರುವುದನ್ನು ಕಂಡು ಅನೇಕ ನೆಟ್ಟಿಗರು ಇವರ ಮುನ್ಸೂಚನೆಗೆ ಆಶ್ಚರ್ಯ ವ್ಯಕ್ತಪಡಿಸಿದ್ದಾರೆ.

ನೆಟ್ಟಿಗರ ಇಬ್ಬಗೆಯ ಪ್ರತಿಕ್ರಿಯೆ

ಸಾಮಾಜಿಕ ಜಾಲತಾಣದಲ್ಲಿ ಚರ್ಚೆ: ಪ್ರಸ್ತುತ ದೇಶದಲ್ಲಿ ಯುವಜನರ ಆಕ್ರೋಶ, ಪರೀಕ್ಷಾ ಪಾರದರ್ಶಕತೆ ಕೊರತೆ ಮತ್ತು ವೈದ್ಯರ ಮೇಲಿನ ಹಿಂಸಾಚಾರದ ವಿರುದ್ಧ ಧ್ವನಿ ಎತ್ತುತ್ತಿರುವ ಜನರು, ಈ ಭವಿಷ್ಯವಾಣಿಯು ರಾಜಕೀಯ ಹಾಗೂ ಸಾಂಸ್ಥಿಕ ವೈಫಲ್ಯಗಳನ್ನು ಕಣ್ಣಿಗೆ ಕಟ್ಟುವಂತೆ ತೋರಿಸಿದೆ ಎಂದು ಶ್ಲಾಘಿಸುತ್ತಿದ್ದಾರೆ.

ವಿಮರ್ಶಕರ ವಾದ: ಮತ್ತೊಂದೆಡೆ, ಈ ಭವಿಷ್ಯವಾಣಿಯನ್ನು ಸಾಮಾನ್ಯ ಪ್ರವೃತ್ತಿ ಎಂದಿರುವ ವಿಮರ್ಶಕರು, 2024 ರ ಕಾಲಘಟ್ಟದಲ್ಲೂ ನೀಟ್ ಅಕ್ರಮಗಳು, ರೈತರ ಸಮಸ್ಯೆಗಳು ಹಾಗೂ ವೈದ್ಯರ ಪ್ರತಿಭಟನೆಗಳು ಸಾಮಾನ್ಯವಾಗಿದ್ದವು. ಹೀಗಾಗಿ ಇದು ಯಾವುದೇ ದೈವಿಕ ಭವಿಷ್ಯವಲ್ಲ, ಬದಲಿಗೆ ಸನ್ನಿವೇಶದ ಸಹಜ ಊಹೆ ಅಷ್ಟೇ ಎಂದು ಅಭಿಪ್ರಾಯಪಟ್ಟಿದ್ದಾರೆ.

ರಾಷ್ಟ್ರೀಯ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ