ಮಾಲ್ಡೀವ್ಸ್​ನಿಂದ ನೇರವಾಗಿ ಕೇರಳಕ್ಕೆ ಭಾರತೀಯರನ್ನ ಕರೆತಂದ INS ಜಲಾಶ್ವ

ಕೊಚ್ಚಿ: ಕ್ರೂರಿ ಕೊರೊನಾ ಲಾಕ್​ಡೌನ್​ನಿಂದಾಗಿ ವಿದೇಶಗಳಲ್ಲಿ ಸಿಲುಕಿ ಪರಡಾಡುತ್ತಿದ್ದ ಭಾರತೀಯರನ್ನು INS ಜಲಾಶ್ವ ಕರೆತಂದಿದೆ. ಮಾಲ್ಡೀವ್ಸ್​ನಲ್ಲಿ ಸಿಲುಕಿದ್ದ 588 ಭಾರತೀಯರನ್ನು ಇಂದು ಕೇರಳದ ಕೊಚ್ಚಿಗೆ ಕರೆತರಲಾಗಿದೆ.

ಅನಿವಾಸಿ ಭಾರತೀಯರನ್ನು ಕರೆತರಲು ಮುಂಬೈನ ಕರಾವಳಿ ತೀರದಿಂದ ಐಎನ್​ಎಸ್​ ಜಲಾಶ್ವ ಹಡಗನ್ನು ಕಳುಹಿಸಲಾಗಿತ್ತು. ಆಪರೇಷನ್ ಸಮುದ್ರ ಸೇತು ಹೆಸರಿನಡಿ ವಿದೇಶದಲ್ಲಿ ಸಿಲುಕಿರುವ ಭಾರತೀಯರನ್ನು ಸಮುದ್ರ ಮಾರ್ಗದ ಮೂಲಕ ಹಡಗಿನಲ್ಲಿ ಕರೆತರಲಾಗುತ್ತಿದೆ.

ಅದರಂತೆ ಮಾಲ್ಡೀವ್ಸ್​ನಲ್ಲಿರುವ ಭಾರತೀಯರನ್ನು ವೈದ್ಯಕೀಯ ತಪಾಸಣೆ ನಡೆಸಿ ಕೇರಳದ ಕೊಚ್ಚಿಗೆ ಕರೆತರಲಾಗಿದೆ. ಇಂದು ಮತ್ತೊಮ್ಮೆ ಕೊಚ್ಚಿಯಲ್ಲಿ 588 ಭಾರತೀಯರ ವೈದ್ಯಕೀಯ ತಪಾಸಣೆ ನಡೆಸಲಾಗಿದೆ.