ದಾಲ್ ಸರೋವರ, ಟ್ಯುಲಿಪ್ ಗಾರ್ಡನ್ ಹಾಗೂ ಶ್ರೀನಗರದ ಇನ್ನಷ್ಟು ವಿಶೇಷಗಳ ಮಾಹಿತಿ ಇಲ್ಲಿದೆ ನೋಡಿ

ದಾಲ್ ಸರೋವರ, ಟ್ಯುಲಿಪ್ ಗಾರ್ಡನ್ ಹೆಸರುಗಳನ್ನು ಹೇಳಿದ ತಕ್ಷಣ ಜಮ್ಮು ಮತ್ತು ಕಾಶ್ಮೀರದ (Jammu and Kashmir) ಶ್ರೀನಗರದ (Sringara) ಚಿತ್ರಣ ಮನಃಪಟಲದಲ್ಲಿ ಹಾದುಹೋಗುತ್ತದೆ. ಆದರೆ ಕಾಶ್ಮೀರದ ಗುರುತು ಇಷ್ಟಕ್ಕೇ ಸೀಮಿತವಾಗಿಲ್ಲ. ಸರೋವರ, ಮರದ ದೋಣಿಗಳು ಮತ್ತು ತೇಲುವ ಮಾರುಕಟ್ಟೆಯಿಂದಾಗಿ ಶ್ರೀನಗರವು ಪ್ರವಾಸಿಗರಿಗೆ ವೆನಿಸ್ ಅನುಭವವನ್ನು ನೀಡುತ್ತದೆ. ಅದಕ್ಕಾಗಿಯೇ ಶ್ರೀನಗರವನ್ನು ಪೂರ್ವದ ವೆನಿಸ್ ಎಂದು ಕರೆಯಲಾಗುತ್ತದೆ. ಶ್ರೀನಗರವು ಮರದ ದೋಣಿ ಉದ್ಯಮಕ್ಕೆ ಹೆಸರುವಾಸಿಯಾಗಿದೆ.

ಕಾಶ್ಮೀರದಲ್ಲಿ 370 ನೇ ವಿಧಿಯನ್ನು ರದ್ದುಗೊಳಿಸಿದ ನಂತರ, ಪ್ರಧಾನಿ ನರೇಂದ್ರ ಮೋದಿ ಅವರು ಮೊದಲ ಬಾರಿಗೆ ಕಾಶ್ಮೀರಕ್ಕೆ ಭೇಟಿ ನೀಡಿದ್ದಾರೆ. ಆರ್ಟಿಕಲ್ 370 ರ ನಂತರ ರಾಜ್ಯದಲ್ಲಿ ಸಾಕಷ್ಟು ಬದಲಾವಣೆಯಾಗಿದೆ. ಇಡೀ ರಾಜ್ಯದಲ್ಲಿ ಪ್ರವಾಸಿಗರ ಸಂಖ್ಯೆಯಲ್ಲಿನ ಹೆಚ್ಚಳದಲ್ಲೂ ದೊಡ್ಡ ಬದಲಾವಣೆ ಕಂಡುಬಂದಿದೆ. 2022ರಲ್ಲಿ 1.88 ಕೋಟಿ ಪ್ರವಾಸಿಗರು ಕಣಿವೆಯನ್ನು ತಲುಪಲಿದ್ದಾರೆ.

ಮೊಘಲ್ ಉದ್ಯಾನಗಳು

ಶ್ರೀನಗರವು ಮೊಘಲ್ ಉದ್ಯಾನಗಳಿಗೆ ಹೆಸರುವಾಸಿಯಾಗಿದೆ. ಇಲ್ಲಿಗೆ ಬಂದರೆ ಶಾಲಿಮಾರ್ ಬಾಗ್, ನಿಶಾತ್ ಬಾಗ್ ಮತ್ತು ಚಶ್ಮೇಶಾಹಿಯಂತಹ ಉದ್ಯಾನಗಳನ್ನು ಸೌಂದರ್ಯವನ್ನು ನೋಡಿ ಆನಂದಿಸಬಹುದು.

ಶ್ರೀನಗರವು ಕಾಶ್ಮೀರಿ ಕರಕುಶಲ ವಸ್ತುಗಳ ಮಾರಾಟಕ್ಕೆ ಹೆಸರುವಾಸಿಯಾಗಿದೆ. ಪಾಶ್ಮೀರ್ ಶಾಲುಗಳು, ಕೈಯಿಂದ ನೇಯ್ದ ಕಾರ್ಪೆಟ್​ಗಳು ಮತ್ತು ಮರದ ಕರಕುಶಲ ವಸ್ತುಗಳು ಇಲ್ಲಿ ಲಭ್ಯವಿವೆ. ಪ್ರಪಂಚದಾದ್ಯಂತದ ಪ್ರವಾಸಿಗರು ಇಲ್ಲಿಗೆ ಬರುತ್ತಾರೆ ಮತ್ತು ಇಲ್ಲಿರುವ ಬಟ್ಟೆಗಳನ್ನು ಖರೀದಿಸಲು ಮತ್ತು ಫೋಟೋಗಳನ್ನು ತೆಗೆದುಕೊಳ್ಳಲು ಇಷ್ಟಪಡುತ್ತಾರೆ.

ಶಂಕರಾಚಾರ್ಯ ದೇವಸ್ಥಾನ

ಕಾಶ್ಮೀರದಲ್ಲಿರುವ ಶಂಕರಾಚಾರ್ಯ ದೇವಸ್ಥಾನವೂ ಬಹಳ ಚೆನ್ನಾಗಿದೆ. ಶಿವನಿಗೆ ಸಮರ್ಪಿತವಾಗಿರುವ ಈ ಪುರಾತನ ದೇವಾಲಯದಿಂದಲೂ ಶ್ರೀನಗರದ ಸೌಂದರ್ಯವನ್ನು ಕಾಣಬಹುದಾಗಿದೆ.

ಕಾಶ್ಮೀರಿ ಕಬಾಬ್‌ನಿಂದ ಕಹ್ವಾವರೆಗೆ ಇಲ್ಲಿ ವಿವಿಧ ರೀತಿಯ ಆಹಾರಗಳು ಲಭ್ಯವಿವೆ. ಕಾಶ್ಮೀರಿ ಆಹಾರದ ರುಚಿಯನ್ನು ಸವಿಯಲು ಬಯಸಿದರೆ ಶ್ರೀನಗರಕ್ಕೆ ಭೇಟಿ ನೀಡಬಹುದು.

ಹಜರತ್ಬಾಲ್ ದರ್ಗಾ

ಇದು ಶ್ರೀನಗರದ ಪ್ರಸಿದ್ಧ ದರ್ಗಾ. ಈ ದರ್ಗಾವು ಕಾಶ್ಮೀರಿ ವಾಸ್ತುಶಿಲ್ಪ ಮತ್ತು ಮೊಘಲ್ ವಾಸ್ತುಶಿಲ್ಪದ ಸೌಂದರ್ಯದ ಪ್ರತೀಕವಾಗಿದೆ. ಬಿಳಿ ಅಮೃತಶಿಲೆಯಿಂದ ಮಾಡಿದ ಈ ದರ್ಗಾದ ಬಳಿ ಅನೇಕ ಉದ್ಯಾನಗಳಿವೆ.

ಶ್ರೀನಗರದಲ್ಲಿ ಹಿಮದಿಂದ ಆವೃತವಾದ ಪರ್ವತಗಳಲ್ಲಿ ಸ್ಕೀಂಗ್ ಮತ್ತು ಟ್ರೆಕ್ಕಿಂಗ್‌ನಂತಹ ಸಾಹಸಮಯ ಚಟುವಟಿಕೆಗಳನ್ನು ಮಾಡುವುದು ವಿಭಿನ್ನ ಅನುಭವವನ್ನು ನೀಡುತ್ತದೆ.

ವಿಶ್ವವಿಖ್ಯಾತ ಟ್ಯುಲಿಪ್ ಗಾರ್ಡನ್

ಶ್ರೀನಗರದ ಟ್ಯುಲಿಪ್ ಉದ್ಯಾನ ವಿಶ್ವ ಪ್ರಸಿದ್ಧವಾಗಿದೆ. ಶ್ರೀನಗರದಲ್ಲಿರುವ ಇಂದಿರಾಗಾಂಧಿ ಸ್ಮಾರಕ, ಟ್ಯುಲಿಪ್ ಗಾರ್ಡನ್ ಏಷ್ಯಾದಲ್ಲೇ ಅತಿ ದೊಡ್ಡ ಟ್ಯುಲಿಪ್ ಉದ್ಯಾನವಾಗಿದೆ. ಅಲ್ಲಿ ಸಾಕಷ್ಟು ವೈವಿಧ್ಯವನ್ನು ಕಾಣಬಹುದು.

ಇದನ್ನೂ ಓದಿ: ಜಮ್ಮು ಮತ್ತು ಕಾಶ್ಮೀರದಲ್ಲಿ 370ನೇ ವಿಧಿ ತೆಗೆದು ಹಾಕಿದ ಬಳಿಕ ಪ್ರಧಾನಿ ಮೋದಿ ಮೊದಲ ಭೇಟಿ

ಶ್ರೀನಗರ ಹೆಸರಿನ ಅರ್ಥವೇನು?

ಶ್ರೀನಗರ ಎಂದರೆ ಸಮೃದ್ಧ ನಗರ. ಈ ಹೆಸರು ಸಂಸ್ಕೃತದಿಂದ ಬಂದಿದೆ. ಅಂದರೆ ಸಮೃದ್ಧಿಯಿಂದ ತುಂಬಿರುವ ನಗರ ಎಂಬರ್ಥವಾಗಿದೆ.

ರಾಷ್ಟ್ರೀಯ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ