ವಿರೋಧಿಗಳಿಗೆ ಕುಟುಂಬ ಮೊದಲು, ನನಗೆ ರಾಷ್ಟ್ರ ಮೊದಲು: ಪ್ರಧಾನಿ ಮೋದಿ

ವಿರೋಧಿಗಳಿಗೆ ಕುಟುಂಬ ಮೊದಲು ನನಗೆ ದೇಶವೇ ಮೊದಲು ಎಂದು ಪ್ರಧಾನಿ ನರೇಂದ್ರ ಮೋದಿ(Narendra Modi) ಹೇಳಿದ್ದಾರೆ. ತೆಲಂಗಾಣದಲ್ಲಿ ಉಜ್ಜೈನಿ ಮಹಾಕಾಳಿ ದೇವಸ್ಥಾನದಲ್ಲಿ ಪೂಜೆ ಸಲ್ಲಿಸಿದರು, ಇದಾದ ಬಳಿಕ ಸಂಗಾರೆಡ್ಡಿಯಲ್ಲಿ 7200 ಕೋಟಿ ರೂ.ಗಳ ಯೋಜನೆಗಳಿಗೆ ಪ್ರಧಾನಿ ಚಾಲನೆ ನೀಡಿದರು. ಬಳಿಕ ಮಾತನಾಡಿ, ಸ್ವಜನಪಕ್ಷಪಾತ ಪ್ರಜಾಪ್ರಭುತ್ವಕ್ಕೆ ಅಪಾಯ ಎಂದು ನಾನು ಹೇಳಿದಾಗ, ಸ್ವಜನಪಕ್ಷಪಾತವು ಯುವಕರಿಂದ ಅವಕಾಶಗಳನ್ನು ಕಸಿದುಕೊಳ್ಳುತ್ತದೆ ಎಂದು ನಾನು ಹೇಳಿದಾಗ ವಿರೋಧಪಕ್ಷಗಳು ಪ್ರತಿಕ್ರಿಯಿಸಲಿಲ್ಲ. ವಿರೋಧಿಗಳಿಗೆ ಕುಟುಂಬವೇ ಮೊದಲು, ಮೋದಿಗೆ ರಾಷ್ಟ್ರವೇ ಮೊದಲು ಎಂದು ಮೋದಿ ಹೇಳಿದರು.

ನಾನು ಯುವಕರನ್ನು ದೇಶದ ರಾಜಕೀಯದಲ್ಲಿ ಮುಂದೆ ತರಲು ಬಯಸುತ್ತೇನೆ. ಕುಟುಂಬವಾದವು ದೇಶವನ್ನು ಲೂಟಿ ಮಾಡಿದೆ, ಕುಟುಂಬ ಸದಸ್ಯರು ದುಬಾರಿ ಉಡುಗೊರೆಗಳ ಮೂಲಕ ಕಪ್ಪು ಹಣವನ್ನು ಬಿಳಿಯಾಗಿ ಪರಿವರ್ತಿಸಿದ್ದಾರೆ. ಆದರೆ ನಾನು ಪಡೆದ ಉಡುಗೊರೆಗಳನ್ನು ಹರಾಜು ಹಾಕಲಾಯಿತು ಮತ್ತು ಸರ್ಕಾರಿ ಖಜಾನೆಯಲ್ಲಿ ಅಥವಾ ಗಂಗಾ ಮಾತೆಯ ಸೇವೆಗೆ ಬಳಸಲಾಯಿತು.

ಇಲ್ಲಿನ ಕೋಟ್ಯಂತರ ಜನರಿಗೆ ಜನ್ ಧನ್ ಖಾತೆಗಳನ್ನು ತೆರೆದವರು ಮೋದಿ, ಅವರು ತನಗಾಗಿ ಮನೆ ನಿರ್ಮಿಸಿಕೊಂಡಿಲ್ಲ. ಕುಟುಂಬವಾದದ ಕಾರಣ ನಾನು ನನ್ನ ಕುಟುಂಬವನ್ನು ಕಟ್ಟಲು ಎಲ್ಲವನ್ನೂ ಮಾರಿಬಿಟ್ಟೆ. ಆದರೆ ನಾನು ನಿಮಗಾಗಿ ಭೂಮಿ, ಆಕಾಶ ಮತ್ತು ಭೂಗತ ಜಗತ್ತನ್ನು ಒಂದುಗೂಡಿಸುತ್ತಿದ್ದೇನೆ ಎಂದರು.

ಮತ್ತಷ್ಟು ಓದಿ: ನೀವು ನನ್ನವರು, ಮೋದಿ ನಿಮ್ಮವ ಎಂದ ಪ್ರಧಾನಿ

ಬಿಹಾರ ಮಾಜಿ ಮುಖ್ಯಮಂತ್ರಿ ಲಾಲೂ ಪ್ರಸಾದ್ ಯಾದವ್ ಅವರು ಧಾನಿ ಮೋದಿ ನಿಜವಾದ ಹಿಂದೂ ಅಲ್ಲ ಅವರಿಗೆ ಪರಿವಾರವಿಲ್ಲ, ಹಿಂದೂಗಳು ತಾಯಿ ತೀರಿಕೊಂಡಾಗ ಕೇಶಮುಂಡನ ಮಾಡಿಕೊಳ್ಳುತ್ತಾರೆ, ಆದರೆ ನಿಮ್ಮ ತಾಯಿ ಸತ್ತಾಗ ಯಾಕೆ ಮಾಡಿಸಿಕೊಂಡಿಲ್ಲ, ಪರಿವಾರವಾದ, ಕುಟುಂಬ ರಾಜಕಾರಣವನ್ನು ಮೋದಿ ಟೀಕಿಸುತ್ತಾರೆ ಯಾಕೆಂದರೆ ಮೋದಿಗೆ ಮಕ್ಕಳಿಲ್ಲ, ನಿಮ್ಮ ಬಳಿ ಪರಿವಾರವಿಲ್ಲ ಯಾಕೆಂದರೆ ನೀವು ಹಿಂದುವೇ ಅಲ್ಲ ಎಂದು ಹೇಳಿದ್ದರು.

ರಾಷ್ಟ್ರೀಯ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ