ಬದುಕಿಗೆ ಹೋಳಿ ರಂಗು ಖುಷಿ ತರಲಿ: ಪ್ರಧಾನಿ ನರೇಂದ್ರ ಮೋದಿ ಹಾರೈಕೆ

ದೆಹಲಿ: ಹೋಳಿ ಹಬ್ಬದ ಪ್ರಯುಕ್ತ ಪ್ರಧಾನಿ ನರೇಂದ್ರ ಮೋದಿ (Narendra Modi) ಅವರು ದೇಶದ ಜನರಿಗೆ ಶುಕ್ರವಾರ ಹೋಳಿ ಹಬ್ಬದ ಶುಭಾಶಯ ಕೋರಿದ್ದಾರೆ. ಹಬ್ಬವು ಜನರ ಬದುಕಿನಲ್ಲಿ ವೈವಿಧ್ಯಮಯ ರಂಗು ತರಲಿ ಎಂದು ಕೋರಿದ್ದಾರೆ. ‘ನಿಮ್ಮೆಲ್ಲರಿಗೂ ಹೋಳಿ ಶುಭಾಶಯಗಳು. ಹಬ್ಬದ ಬಣ್ಣಗಳು ಜನರ ಬದುಕಿಗೆ ಹೊಸ ಬಣ್ಣಗಳನ್ನು ನೀಡಲಿ. ಪರಸ್ಪರ ಪ್ರೀತಿ, ಭ್ರಾತೃತ್ವ ಮತ್ತು ವಿಶ್ವಾಸ ಎಲ್ಲರ ಬಾಳಿನಲ್ಲೂ ಬೆಳಗಬೇಕು. ಪ್ರತಿ ಬಣ್ಣವೂ ಬದುಕಿಗೆ ಸಂತಸ ತರಲಿ’ ಎಂದು ಪ್ರಧಾನಿ ಟ್ವೀಟ್ ಮಾಡಿದ್ದಾರೆ.

ವಸಂತಋತುವಿನ ಆಗಮನವನ್ನು ಸಾರುವ ಹೋಳಿ ಹಬ್ಬವು ಕೆಡುಕಿನ ವಿರುದ್ಧ ಒಳಿತು ಗೆದ್ದ ಸಂಭ್ರಮವನ್ನು ಸಾರಿ ಹೇಳುತ್ತದೆ. ಹಿಂದೂಗಳ ಸಾಂಪ್ರದಾಯಿಕ ಹಬ್ಬವೇ ಆಗಿದ್ದರೂ ಇತರ ಧರ್ಮ ಮತ್ತು ಮತಗಳ ಜನರೂ ಹೋಳಿ ಸಂಭ್ರಮದಲ್ಲಿ ಪಾಲ್ಗೊಳ್ಳುತ್ತಾರೆ. ಚಳಿಗಾಲದ ಬೆಳೆಗಳ ಕೊಯ್ಲು ಸಹ ಹೋಳಿಯ ನಂತರ ಆರಂಭವಾಗುತ್ತದೆ. ವಿವಿಧ ರೀತಿಯ ಸಿಹಿ ತಿನಿಸುಗಳನ್ನು ತಯಾರಿಸುವ ಮೂಲಕ, ಬಣ್ಣಗಳನ್ನು ಎರಚುವ ಮೂಲಕ ಹೋಳಿ ಆಚರಿಸುವುದು ವಾಡಿಕೆ.

ಬಣ್ಣಗಳ ಅರ್ಥವೇನು? ಹೋಳಿ ಎಂದರೇ ಬಣ್ಣಗಳ ಹಬ್ಬ. ವಿವಿಧ ಬಣ್ಣಗಳಿಗೆ ವಿವಿಧ ಅರ್ಥಗಳೂ ಇರುವುದು ವಿಶೇಷ. ಕೆಂಪನ್ನು ಪ್ರೀತಿ, ಉತ್ಸಾಹ ಮತ್ತು ಫಲವತ್ತತೆಯ ಪ್ರತೀಕ ಎನ್ನಲಾಗುತ್ತದೆ. ಕೇಸರಿಯು ಹೊಸ ಆರಂಭದ ಸಂಕೇತವಾಗಿದೆ. ಹಳದಿಯು ಸಂತೋಷ, ಶಾಂತಿ, ಆನಂದ, ಧ್ಯಾನ, ಜ್ಞಾನ ಮತ್ತು ಕಲಿಕೆಯನ್ನು ಪ್ರತಿನಿಧಿಸುತ್ತದೆ. ಗುಲಾಬಿಯು ದಯೆ, ಸಹಾನುಭೂಮಿ ಮತ್ತು ಸಕಾರಾತ್ಮಕತೆಯನ್ನು ಸೂಚಿಸುತ್ತದೆ. ಹಸಿರು ಬಣ್ಣವು ಪ್ರಕೃತಿ, ಜೀವನ ಮತ್ತು ಸುಗ್ಗಿಯ ದ್ಯೋತಕವಾಗಿದೆ. ನೇರಳೆ ಬಣ್ಣವು ರಹಸ್ಯದ ಸಂಕೇತ. ಕಡು ನೀಲಿ ಬಣ್ಣವು ಕೃಷ್ಣ ವರ್ಣ ಎಂದೇ ಹೆಸರುವಾಸಿ. ಇದು ಅಧ್ಯಾತ್ಮ ಪ್ರಗತಿಯ ಸಂಕೇತವಾಗಿದೆ.

आप सभी को होली की हार्दिक शुभकामनाएं। आपसी प्रेम, स्नेह और भाईचारे का प्रतीक यह रंगोत्सव आप सभी के जीवन में खुशियों का हर रंग लेकर आए।

— Narendra Modi (@narendramodi) March 18, 2022

ಇದನ್ನೂ ಓದಿ: ಹೋಳಿ ಹಬ್ಬದ ಆಫರ್; ತನ್ನ ಫಾರ್ಮ್​ಹೌಸ್​ನಲ್ಲಿ ಬೆಳೆದ ಹಣ್ಣುಗಳನ್ನು ಕೊಳ್ಳುವವರಿಗೆ ವಿಶೇಷ ರಿಯಾಯಿತಿ ಕೊಟ್ಟ ಧೋನಿ!

ಇದನ್ನೂ ಓದಿ: Holi 2022: ಅಕ್ಬರನ ಆಸ್ಥಾನದಿಂದ ಬುಲ್ಲೆಹ್ ಷಾ ವರೆಗೆ; ಹೋಳಿಯಲ್ಲಿ ಬೆರತ ಭಾರತದ ಅನೇಕ ಧರ್ಮಗಳ ಬಣ್ಣಗಳು