Beating Retreat ceremony ಅಟ್ಟಾರಿ-ವಾಘಾ ಗಡಿಯಲ್ಲಿ ಬೀಟಿಂಗ್ ರಿಟ್ರೀಟ್; ವಿಡಿಯೊ ನೋಡಿ

ಅಮೃತಸರ: ಗಣರಾಜ್ಯೋತ್ಸವದ ಸಂದರ್ಭದಲ್ಲಿ ಪಂಜಾಬ್‌ನ ಅಮೃತಸರ ಬಳಿಯ ಅಟ್ಟಾರಿ-ವಾಘಾ ಗಡಿಯಲ್ಲಿ ಸಂಜೆ ಬೀಟಿಂಗ್ ರಿಟ್ರೀಟ್ ಸಮಾರಂಭ ನಡೆದಿದೆ. ಭಾರತದ 73ನೇ ಗಣರಾಜ್ಯೋತ್ಸವದಂದು (73rd Republic Day) ಬೆಳಗ್ಗೆ ಅಟ್ಟಾರಿ-ವಾಘಾ ಗಡಿಯಲ್ಲಿ ಗಡಿ ಭದ್ರತಾ ಪಡೆ (BSF) ಮತ್ತು ಪಾಕಿಸ್ತಾನ ಸೇನೆಯು ಸಿಹಿತಿಂಡಿ ಮತ್ತು ಶುಭಾಶಯ ವಿನಿಮಯ ಮಾಡಿಕೊಂಡರು. ಈ ಸಂದರ್ಭದಲ್ಲಿ ಬಿಎಸ್ಎಫ್ 176 ಬೆಟಾಲಿಯನ್‌ನ AT ಪಡೆಗಳು 18 BGB ಯ ಪಡೆಗಳೊಂದಿಗೆ ಸಿಹಿತಿಂಡಿ ಮತ್ತು ಶುಭಾಶಯಗಳನ್ನು ವಿನಿಮಯ ಮಾಡಿಕೊಂಡವು. ಇದಲ್ಲದೆ, BSF ಮತ್ತು ಪಾಕಿಸ್ತಾನ ಸೇನೆಯ ನಡುವೆ ಸಿಹಿತಿಂಡಿಗಳು ಮತ್ತು ಶುಭಾಶಯಗಳನ್ನು ವಿನಿಮಯ ಮಾಡಿಕೊಳ್ಳಲಾಯಿತು. ಏತನ್ಮಧ್ಯೆ, 73 ನೇ ಗಣರಾಜ್ಯೋತ್ಸವದಲ್ಲಿ ಭಾಗವಹಿಸುವ ಮೊದಲು ಪ್ರಧಾನಿ ನರೇಂದ್ರ ಮೋದಿ ಅವರು ಇಂದು ಬೆಳಿಗ್ಗೆ ನವದೆಹಲಿಯಲ್ಲಿ ಹೊಸದಾಗಿ ನಿರ್ಮಿಸಲಾದ ರಾಷ್ಟ್ರೀಯ ಯುದ್ಧ ಸ್ಮಾರಕ (NWM) ನಲ್ಲಿ ಹುತಾತ್ಮ ಯೋಧರಿಗೆ ನಮನ ಸಲ್ಲಿಸಿದರು. ಈ ಸಂದರ್ಭದಲ್ಲಿ ರಕ್ಷಣಾ ಸಚಿವ ರಾಜನಾಥ್ ಸಿಂಗ್, ರಕ್ಷಣಾ ಖಾತೆ ರಾಜ್ಯ ಸಚಿವ ಅಜಯ್ ಭಟ್, ರಕ್ಷಣಾ ಕಾರ್ಯದರ್ಶಿ, ಅಜಯ್ ಕುಮಾರ್ ಮತ್ತು ಭಾರತೀಯ ಸಶಸ್ತ್ರ ಪಡೆಗಳ ಮುಖ್ಯಸ್ಥರು, ಅಂದರೆ ಸೇನೆ, ವಾಯುಪಡೆ ಮತ್ತು ನೌಕಾಪಡೆಯ ಮುಖ್ಯಸ್ಥರು ಉಪಸ್ಥಿತರಿದ್ದರು.

#WATCH | Beating Retreat ceremony organised at the Attari-Wagah border near Amritsar, Punjab on the occasion of #RepublicDay pic.twitter.com/uRs83cjiIX

— ANI (@ANI) January 26, 2022

ಪ್ರತಿ ಸೇವೆಯಿಂದ 7 ಸೈನಿಕರಿಂದ ಇಂಟರ್ ಸರ್ವೀಸ್ ಗಾರ್ಡ್‌ಗಳನ್ನು ರಚಿಸಲಾಗಿದೆ. ಈ ವರ್ಷ, ನೌಕಾಪಡೆಯ ಅಧಿಕಾರಿ ಲೆಫ್ಟಿನೆಂಟ್ ಸಿಡಿಆರ್ ಅಮಿತ್ ಕುಮಾರ್ ರಾಠಿ ಅವರು ಮುನ್ನಡೆಸಿದ್ದು ಸ್ಕ್ವಾಡ್ರನ್ ಲೀಡರ್ ಆಕಾಶ್ ಗಂಗಾಸ್ ತಂಡದ ಕಮಾಂಡರ್ ಆಗಿದ್ದರು.

#WATCH Border Security Force & Pakistan Rangers exchange sweets and greetings at JCP Attari on India’s 73rd Republic Day pic.twitter.com/nTD23Wf937

— ANI (@ANI) January 26, 2022

ಪ್ರಧಾನಮಂತ್ರಿಯವರು ಪುಷ್ಪಾರ್ಚನೆ ಮಾಡಿದಾಗ, ಇಂಟರ್ ಸರ್ವೀಸ್ ಗಾರ್ಡ್‌ಗಳು ‘ಸಲಾಮಿ ಶಾಸ್ತ್ರ’ ಮತ್ತು ‘ಶೋಕ್ ಶಾಸ್ತ್ರ’ವನ್ನು ಪ್ರಸ್ತುತಪಡಿಸಿದರು. ಏಕಕಾಲದಲ್ಲಿ, ಬಗ್ಲರ್‌ಗಳು ಲಾಸ್ಟ್ ಪೋಸ್ಟ್ ನುಡಿಸಿದರು .ನಂತರ, ಗಣರಾಜ್ಯೋತ್ಸವದ ಮೆರವಣಿಗೆಯನ್ನು ವೀಕ್ಷಿಸಲು ಪ್ರಧಾನಿ ಮೋದಿ ಮತ್ತು ಇತರ ಗಣ್ಯರು ರಾಜಪಥದಲ್ಲಿ ವಂದನಾ ವೇದಿಕೆಗೆ ಹೋದರು.

ಸ್ವಾತಂತ್ರ್ಯದ 75ನೇ ವರ್ಷದ ಗಣರಾಜ್ಯೋತ್ಸವದಂದು ದೇಶಾದ್ಯಂತ ‘ಆಜಾದಿ ಕಾ ಅಮೃತ್ ಮಹೋತ್ಸವ್’ ಎಂದು ಆಚರಿಸಲಾಗುತ್ತಿರುವ ಹಿನ್ನೆಲೆಯಲ್ಲಿ ಈ ವರ್ಷದ ಆಚರಣೆಗಳು ವಿಶೇಷವಾಗಿವೆ.

ಈ ಸಂದರ್ಭವನ್ನು ಗುರುತಿಸಲು, ರಕ್ಷಣಾ ಸಚಿವಾಲಯವು ಜನವರಿ 26 ರಂದು ರಾಜ್‌ಪಥ್‌ನಲ್ಲಿ ಮುಖ್ಯ ಮೆರವಣಿಗೆ ಮತ್ತು ಜನವರಿ 29 ರಂದು ವಿಜಯ್ ಚೌಕ್‌ನಲ್ಲಿ ‘ಬೀಟಿಂಗ್ ದಿ ರಿಟ್ರೀಟ್’ ಸಮಾರಂಭದಲ್ಲಿ ಹೊಸ ಕಾರ್ಯಕ್ರಮಗಳನ್ನು ಆಯೋಜಿಸಲಾಗಿದೆ.

ಇದನ್ನೂ ಓದಿ: Republic Day 2022 Parade: ದೆಹಲಿಯಲ್ಲಿ ನಡೆದ ಗಣರಾಜ್ಯೋತ್ಸವದ ಪರೇಡ್​ನಲ್ಲಿ ಎನ್​ಸಿಸಿ ನೇತೃತ್ವ ವಹಿಸಿದ ಮೈಸೂರು ವಿದ್ಯಾರ್ಥಿನಿ

Published On - 5:41 pm, Wed, 26 January 22