Transman Pregnancy: ಮಹಿಳಾ ದಿನದಂದು ಮಗುವಿಗೆ ನಾಮಕರಣ ಮಾಡಿದ ಕೇರಳದ ತೃತೀಯಲಿಂಗಿ ದಂಪತಿ

ಕೋಝಿಕ್ಕೋಡ್: ಮಹಿಳಾ ದಿನವಾದ ಮಾರ್ಚ್ 8 ಬುಧವಾರ ಸಂಜೆ ಕೇರಳದ ತೃತೀಯಲಿಂಗಿ (Transman Pregnancy) ದಂಪತಿ ತಮ್ಮ ಮಗುವಿನ ನಾಮಕರಣ ಸಮಾರಂಭವನ್ನು ಆಯೋಜಿಸಿದ್ದರು. ಮಗುವಿಗೆ ಜಬಿಯಾ ಜಹಾದ್ ಎಂದು ನಾಮಕರಣ ಮಾಡಿದ್ದಾರೆ. ಇತ್ತೀಚಿಗಷ್ಟೇ ಮಗುವಿಗೆ ಜನ್ಮ ನೀಡಿದ ಕೇರಳದ ತೃತೀಯಲಿಂಗಿ ದಂಪತಿಗಳು ಅಂತರಾಷ್ಟ್ರೀಯ ಮಹಿಳಾ ದಿನದಂದು ತಮ್ಮ ನವಜಾತ ಶಿಶುವಿಗೆ ನಾಮಕರಣ ಮಾಡಿದ್ದಾರೆ. ಬುಧವಾರ ಸಂಜೆ ತೆರೆದ ಸ್ಥಳದಲ್ಲಿ ನಡೆದ ಅದ್ಧೂರಿ ನಾಮಕರಣ ಸಮಾರಂಭದಲ್ಲಿ ಮಗುವಿಗೆ ಜಬಿಯಾ ಜಹಾದ್ ಎಂದು ಹೆಸರಿಡಲಾಯಿತು. ಈ ಕಾರ್ಯಕ್ರಮದಲ್ಲಿ ಹಲವಾರು ತೃತೀಯಲಿಂಗಿ ಸಮುದಾಯದ ವ್ಯಕ್ತಿಗಳು ಹಾಗೂ ಸಮಾಜದ ವಿವಿಧ ಕ್ಷೇತ್ರಗಳ ಹಿತೈಷಿಗಳು ಭಾಗವಹಿಸಿದ್ದರು. ಮಗುವನ್ನು ಪಡೆದ ಉತ್ಸುಕತೆಯಲ್ಲಿ ಜೀಯಾ ಪಾವಲ್ ಮತ್ತು ಜಹಾದ್ ದಂಪತಿಗಳು ತಮ್ಮ ಮಗು ಸಮಾಜದಲ್ಲಿ ಬೆಳಕನ್ನು ಹರಡಲಿ ಎಂದು ಹಾರೈಸಿದರು. ಮಗುವಿನ ಲಿಂಗವನ್ನು ಬಹಿರಂಗ ಪಡಿಸಲು ಬಯಸುವುದಿಲ್ಲ ಎಂದು ಹೇಳಿದ ಈ ದಂಪತಿ ಈ ಬಗ್ಗೆ ಕೇಳಿದಾಗ  ಜಿಯಾ ಪಾವಲ್ ಅದನ್ನು ಜಗತ್ತಿಗೆ ಬಹಿರಂಗಪಡಿಸುವ ಸಂದರ್ಭಕ್ಕಾಗಿ ಕಾಯುತ್ತಿದ್ದೇವೆ ಎಂದು ಹೇಳಿದರು.

ನಮ್ಮ ಮಗುವಿನ ಜನನದ ಬಗ್ಗೆ ಎಲ್ಲರಿಗೂ ತಿಳಿಯಬೇಕೆಂದು ನಾವು ಬಯಸಿದ್ದೆವು. ನನ್ನ ಈ ಆಸೆ ಈಡೇರಿದ್ದಕ್ಕಾಗಿ ನನಗೆ ತುಂಬಾ ಸಂತೋಷವಾಗಿದೆ. ಈ ಕಾರ್ಯವು ನನ್ನ ಕನಸಾಗಿತ್ತು ಎಂದು ಅವರು ಹೇಳಿದರು. ಮುಂದಿನ ಆರು ತಿಂಗಳವರೆಗೆ ಒಂದು ರೀತಿಯಲ್ಲಿ ನಮಗೆ ಸಂಪೂರ್ಣ ವಿಶ್ರಾಂತಿಯ ಸಮಯವಾಗಿದ್ದು, ಆರು ತಿಂಗಳ ನಂತರ ಮಗುವಿನ ಜೊತೆಗೆ ನಮ್ಮ ಜೀವನದ ಪಯಣವನ್ನು ಮುಂದುವರಿಸುತ್ತೇವೆ, ಈ ಸಾಮಾಜಿಕ ಜೀವನದಲ್ಲಿ ನಮ್ಮ ಮಗು ಕೂಡ ಬದುಕಬೇಕಿದೆ ಎಂದು ತಿಳಿಸಿದ್ದಾರೆ. ಈ ತೃತೀಯಲಿಂಗಿ ದಂಪತಿಗಳು ಫೆಬ್ರವರಿ 8ರಂದು ಸಿಸೇರಿಯನ್ ಡೆಲಿವರಿ ಮೂಲಕ ಮಗುವನ್ನು ಬರಮಾಡಿಕೊಂಡರು. ಇದು ದೇಶದ ಮೊದಲ ತೃತೀಯಲಿಂಗಿ ಮಗುವಿನ ಜನನ ಎಂದು ಹೇಳಲಾಗಿತ್ತು.

View this post on Instagram

A post shared by Ranjini Parameswar (@vayka_sreeranjini)

ನವಜಾತ ಶಿಶುವಿನ ಜನನ ಪ್ರಮಾಣಪತ್ರ ಮತ್ತು ಇತರ ದಾಖಲೆಗಳಲ್ಲಿ ತಮ್ಮ ಮಗುವಿನ ಹೆಸರು ಮತ್ತು ಗುರುತನ್ನು ನೋಂದಾಯಿಸಲು ಆಸ್ಪತ್ರೆಯ ಅಧಿಕಾರಿಗಳನ್ನು ಸಂಪರ್ಕಿಸಿದ್ದರು. ಜಹಾದ್ ಮಗುವಿಗೆ ಜನ್ಮ ನೀಡಿದ ನಂತರ ಮಗುವಿನ ಹೆಸರನ್ನು ಕೂಡ ಸೂಚಿಸಿದ್ದರು, ಆದರೆ ಮಗುವಿನ ಲಿಂಗ ಯಾವುದು ಎಂದು ಹೇಳಲಾಗಿಲ್ಲ. ಇದೀಗ ಮಗುವಿನ ಜನನ ಪ್ರಮಾಣ ಪತ್ರದಲ್ಲಿ ಹೆಸರು ಮತ್ತು ತಂದೆ ತಾಯಿಯ ಹೆಸರು, ದಾಖಲೆಗಳನ್ನು ನೀಡಿದ್ದಾರೆ.

ಇದನ್ನೂ ಓದಿ: Transman Pregnancy: ಮಗುವಿಗೆ ಜನ್ಮ ನೀಡಿದ ತೃತೀಯಲಿಂಗಿ

ಇತ್ತೀಚೆಗೆ ಭಾರೀ ವೈರಲ್ ಆಗುತ್ತಿದ್ದ ತೃತೀಯಲಿಂಗಿ ಗರ್ಭಿಣಿಯಾಗಿರುವ ಸುದ್ದಿ ದೇಶದ್ಯಾಂತ ಚರ್ಚೆ ಗ್ರಾಸವಾಗಿತ್ತು. ಕೇರಳದ ತೃತೀಯಲಿಂಗಿ ದಂಪತಿಗಳು ಸರ್ಕಾರಿ ಆಸ್ಪತ್ರೆಯಲ್ಲಿ ಮಗುವಿಗೆ ಜನ್ಮ ನೀಡಿದ್ದು, ತೃತೀಯಲಿಂಗಿ ಗರ್ಭಿಣಿಯಾಗಿರುವುದು ದೇಶದ ಮೊದಲ ಪ್ರಕರಣ ಎಂದು ಪರಿಗಣಿಸಲಾಗಿದೆ. ಸರ್ಕಾರಿ ವೈದ್ಯಕೀಯ ಕಾಲೇಜು ಆಸ್ಪತ್ರೆಯಲ್ಲಿ ಸಿಸೇರಿಯನ್ ವಿಭಾಗದ ಮೂಲಕ ಮಗು ಜನಿಸಿತು ಎಂದು ಜಿಯಾ ಪಾವಲ್ ಪಿಟಿಐಗೆ ತಿಳಿಸಿದರು.

ಜಿಯಾ ಪಾವಲ್ ಇತ್ತೀಚೆಗೆ Instagramನಲ್ಲಿ ಜಹ್ಹಾದ್ ಎಂಟು ತಿಂಗಳ ಗರ್ಭಿಣಿ ಎಂದು ಘೋಷಿಸಿದರು ನಾವು ನನ್ನ ತಾಯಿಯಾಗುವ ನನ್ನ ಕನಸು ಮತ್ತು ತಂದೆಯಾಗುವ ಅವನ ಕನಸನ್ನು ನನಸಾಗಿಸಿಕೊಳ್ಳಲಿದ್ದೇವೆ. ಎಂಟು ತಿಂಗಳ ಭ್ರೂಣವು ಈಗ (ಜಹಾದ್) ಹೊಟ್ಟೆಯಲ್ಲಿದೆ. ನಮಗೆ ತಿಳಿದುಬಂದ ಪ್ರಕಾರ, ಇದು ಭಾರತದಲ್ಲಿ ಮೊದಲ ಟ್ರಾನ್ಸ್ ಮ್ಯಾನ್ ಗರ್ಭಾವಸ್ಥೆಯಾಗಿದೆ. ಪಾವಲ್ ಇನ್ಸ್ಟಾಗ್ರಾಮ್ ಪೋಸ್ಟ್ನಲ್ಲಿ ಹೇಳಿದ್ದರು. ಪಾವಲ್ ಮತ್ತು ಜಹದ್ ಕಳೆದ ಮೂರು ವರ್ಷಗಳಿಂದ ಒಟ್ಟಿಗೆ ಇದ್ದಾರೆ.

Published On - 5:51 pm, Thu, 9 March 23