ಟ್ವಿಟರ್vs ಕೇಂದ್ರ: ನಿರ್ದಿಷ್ಟ ವಿಷಯಗಳ ನಿರ್ಬಂಧಕ್ಕೆ ಕೇಂದ್ರ ಪಟ್ಟು, ಕರ್ನಾಟಕ ಹೈಕೋರ್ಟ್ ಮೊರೆ ಹೋದ ಟ್ವಿಟರ್; ಏನಿದು ಜಟಾಪಟಿ?

ಮೂಲಗಳ ಪ್ರಕಾರ ಕೇಂದ್ರದ  ಆದೇಶಗಳು ಅನಿಯಂತ್ರಿತ ಮತ್ತು “ಅಧಿಕಾರದ ಅಸಮಾನ ಬಳಕೆ” ತೋರಿಸುತ್ತವೆ ಎಂದು ವಾದಿಸಿ, ವಿಷಯವನ್ನು ನಿರ್ಬಂಧಿಸಲು ಕೇಂದ್ರ ಸರ್ಕಾರ ನೀಡಿರುವ ಕೆಲವು ಆದೇಶಗಳನ್ನು ರದ್ದುಗೊಳಿಸುವಂತೆ ಟ್ವಿಟರ್ (Twitter) ಕರ್ನಾಟಕ ಹೈಕೋರ್ಟ್‌ (Karnataka High Court)  ಮೊರೆ ಹೋಗಿದೆ. ವಿಷಯದ ನಿರ್ಬಂಧಗಳು ಮತ್ತು ಅನುಸರಣೆಗೆ ಸಂಬಂಧಿಸಿದಂತೆ ಸರ್ಕಾರ ಮತ್ತು ಟ್ವಿಟರ್ ನಡುವಿನ ಜಗಳದಲ್ಲಿ ಇದು ಇತ್ತೀಚಿನದ್ದು. ಟ್ವಿಟರ್‌ನ ಕ್ರಮಕ್ಕೆ ಇಬ್ಬರು ಕೇಂದ್ರ ಸಚಿವರು ಪ್ರತಿಕ್ರಿಯಿಸಿದ್ದು , ಸಾಮಾಜಿಕ ಮಾಧ್ಯಮವನ್ನು ಹೊಣೆಗಾರರನ್ನಾಗಿ ಮಾಡುವುದು ಮುಖ್ಯ ಎಂದು ಹೇಳಿದ್ದಾರೆ. “ಸಾಮಾಜಿಕ ಮಾಧ್ಯಮದ ಹೊಣೆಗಾರಿಕೆಯು ಜಾಗತಿಕವಾಗಿ ಮಾನ್ಯವಾದ ಪ್ರಶ್ನೆಯಾಗಿದೆ. ಅದನ್ನು ಹೊಣೆಗಾರರನ್ನಾಗಿ ಮಾಡುವುದು ಮುಖ್ಯವಾಗಿದೆ. ಅದು ಮೊದಲು ಸ್ವಯಂ ನಿಯಂತ್ರಣದಿಂದ ಪ್ರಾರಂಭವಾಗಬೇಕು. ನಂತರ ಉದ್ಯಮ ನಿಯಂತ್ರಣ, ನಂತರ ಸರ್ಕಾರದ ನಿಯಂತ್ರಣ” ಎಂದು ಐಟಿ ಸಚಿವ ಅಶ್ವಿನಿ ವೈಷ್ಣವ್ ಹೇಳಿದ್ದಾರೆ.

ಜೂನಿಯರ್ ಐಟಿ ಸಚಿವರಾಗಿರುವ ರಾಜೀವ್ ಚಂದ್ರಶೇಖರ್ ಅವರು “ವಿದೇಶಿ ಇಂಟರ್ನೆಟ್ ಮಧ್ಯವರ್ತಿಗಳು ಅಥವಾ ವೇದಿಕೆಗಳು ಸೇರಿದಂತೆ ಎಲ್ಲರಿಗೂ ನ್ಯಾಯಾಲಯ ಮತ್ತು ನ್ಯಾಯಾಂಗ ವಿಮರ್ಶೆಯ ಹಕ್ಕಿದೆ. ಆದರೆ ಇಲ್ಲಿ ಕಾರ್ಯನಿರ್ವಹಿಸುತ್ತಿರುವ ಎಲ್ಲಾ ಮಧ್ಯವರ್ತಿ/ಪ್ಲಾಟ್‌ಫಾರ್ಮ್‌ಗಳು ನಮ್ಮ ಕಾನೂನುಗಳು ಮತ್ತು ನಿಯಮಗಳನ್ನು ಅನುಸರಿಸಲು ನಿಸ್ಸಂದಿಗ್ಧವಾದ ಬಾಧ್ಯತೆಯನ್ನು ಹೊಂದಿವೆ ಎಂದು ಟ್ವೀಟ್ ಮಾಡಿದ್ದಾರೆ.

#TuesdayMusing

In India,all incldng foreign Internet intermediaries/platforms have right to court n judicial review.

But equally ALL intermediary/platforms operating here,have unambiguous obligation to comply with our laws n rules. #Open #SafeTrusted #Accountable #Internet

— Rajeev Chandrasekhar ?? (@Rajeev_GoI) July 5, 2022

ಮೂಲಗಳ ಪ್ರಕಾರ ಟ್ವಿಟರ್ ನಲ್ಲಿ ವಿಷಯಗಳನ್ನು ನಿರ್ಬಂಧಿಸುವ ಕೇಂದ್ರದ ಆದೇಶಗಳಲ್ಲಿ ಈ ವಿಷಯಗಳನ್ನು ಹೇಳಲಾಗಿದೆ.

ಮಿತಿಮೀರಿದ ಮತ್ತು ಅನಿಯಂತ್ರಿತ ಕಂಟೆಂಟ್ ಕ್ರಿಯೇಟರ್​​ಗೆ ಸೂಚನೆ ನೀಡಲು ವಿಫಲ ಹಲವಾರು ಸಂದರ್ಭಗಳಲ್ಲಿ ಅಸಮಾನವಾಗಿರುತ್ತವೆ

“ರಾಜಕೀಯ ಪಕ್ಷಗಳ ಅಧಿಕೃತ ಹ್ಯಾಂಡಲ್‌ಗಳಿಂದ ಪೋಸ್ಟ್ ಮಾಡಲಾದ ಹಲವಾರು ರಾಜಕೀಯ ವಿಷಯಗಳಿಗೆ ಸಂಬಂಧಿಸಿರಬಹುದು” ಅಂತಹ ಮಾಹಿತಿಯನ್ನು ನಿರ್ಬಂಧಿಸುವುದು ಬಳಕೆದಾರರ ವಾಕ್ ಸ್ವಾತಂತ್ರ್ಯದ ಉಲ್ಲಂಘನೆಯಾಗಿದೆ ಎಂದು ಮೂಲಗಳು ಹೇಳುತ್ತವೆ. ಅಂದರೆ ಇದು “ಮುಕ್ತತೆ, ಪಾರದರ್ಶಕತೆಯ ತತ್ವಗಳಿಗೆ ಬದ್ಧವಾಗಿದೆ”.

ಬಲ್ಲ ಮೂಲಗಳ ಪ್ರಕಾರ ಸರ್ಕಾರದ ವಿರುದ್ಧ ಮೊಕದ್ದಮೆ ಹೂಡಲು ಟ್ವಿಟರ್​​ನ ಆಧಾರಗಳು:

1.ಭಾರತದ ಸಾರ್ವಭೌಮತೆ ಮತ್ತು ಸಮಗ್ರತೆ, ರಕ್ಷಣೆ, ಭದ್ರತೆ, ಇತರ ರಾಷ್ಟ್ರಗಳೊಂದಿಗಿನ ಸ್ನೇಹ ಸಂಬಂಧಗಳು ಅಥವಾ ಸಾರ್ವಜನಿಕರೊಂದಿಗಿನ ಸ್ನೇಹ ಸಂಬಂಧಕ್ಕಾಗಿ ಪ್ರವೇಶವನ್ನು ನಿರ್ಬಂಧಿಸಲು ಸರ್ಕಾರಕ್ಕೆ ಅವಕಾಶ ನೀಡುವ ಮಾಹಿತಿ ತಂತ್ರಜ್ಞಾನ ಕಾಯಿದೆಯ ಸೆಕ್ಷನ್ 69A ಅಡಿಯಲ್ಲಿ ಅನೇಕ ನಿರ್ಬಂಧಿಸುವ ಆದೇಶಗಳು ಕಾರ್ಯವಿಧಾನದ ಮತ್ತು ವಸ್ತುನಿಷ್ಠ ಕೊರತೆ ಇರುವಂತವುಗಳಾಗಿವೆ. ಬಳಕೆದಾರರಿಗೆ ಸೂಚನೆ ನೀಡದಿರುವುದು ಅದರಲ್ಲಿ ಒಂದು.

2. ಸೆಕ್ಷನ್ 69A ಅಡಿಯಲ್ಲಿ ನಿರ್ಬಂಧಿಸುವ ಮಿತಿಯನ್ನು ಪೂರೈಸಲಾಗಿಲ್ಲ . ಕೆಲವು ವಿಷಯಗಳ ಸ್ವರೂಪವು ಕೇವಲ ರಾಜಕೀಯ ಭಾಷಣ, ಟೀಕೆ ಮತ್ತು ಸುದ್ದಿಯೋಗ್ಯ ವಿಷಯವಾಗಿರಬಹುದು. ಈ ತಡೆಯುವ ಆದೇಶಗಳು ಸೆಕ್ಷನ್ 69A ಅಡಿಯಲ್ಲಿ ಒದಗಿಸಲಾದ ಆಧಾರಗಳ ಪರೀಕ್ಷೆಯನ್ನು ಪೂರೈಸುವುದಿಲ್ಲ.

3. ಅಧಿಕಾರದ ಅಸಮಾನ ಬಳಕೆ ಖಾತೆ ಮಟ್ಟದ ನಿರ್ಬಂಧಿಸುವಿಕೆಯು ಮುಖ್ಯವಾಗಿ ಅಸಮಾನವಾದ ಕ್ರಮವಾಗಿದೆ ಮತ್ತು ಸಂವಿಧಾನದ ಅಡಿಯಲ್ಲಿ ಬಳಕೆದಾರರ ಹಕ್ಕುಗಳನ್ನು ಉಲ್ಲಂಘಿಸುತ್ತದೆ ಎಂದು ಟ್ವಿಟರ್ ಹೇಳಿದೆ. ಇದು ವಿಶೇಷವಾಗಿ URL ಗಳನ್ನು ನಿರ್ಬಂಧಿಸುವ ಕಾರಣಗಳು ಮತ್ತು ಖಾತೆಯನ್ನು ನಿರ್ಬಂಧಿಸುವ ಕಾರಣಗಳು ನಿರ್ದಿಷ್ಟತೆಯನ್ನು ಹೊಂದಿರದಿರುವಾಗ ಮಾಡಬೇಕಾಗುತ್ತದೆ.

ಇಲೆಕ್ಟ್ರಾನಿಕ್ಸ್ ಮತ್ತು ಐಟಿ ಸಚಿವಾಲಯ ಕೂಡ ಸಂಪೂರ್ಣ ಬಳಕೆದಾರರ ಖಾತೆಯನ್ನು ತೆಗೆದುಹಾಕುವುದು ಅಂತಿಮ ನಿರ್ಧಾರ ಎಂದು ಹೇಳಿದೆ ಎಂದು ಟ್ವಿಟರ್ ವಾದಿಸುತ್ತದೆ. “ಮೇಲೆ ತಿಳಿಸಿದ ಆಧಾರದ ಮೇಲೆ ಟ್ವಿಟರ್ ವಿವಿಧ ನಿರ್ಬಂಧಿಸುವ ಆದೇಶಗಳ ಒಂದು ಭಾಗವಾಗಿರುವ ಕೆಲವು ವಿಷಯಗಳ ನ್ಯಾಯಾಂಗ ವಿಮರ್ಶೆಯನ್ನು ಕೋರಿದೆ. ಈ ನಿರ್ಬಂಧಿಸುವ ಆದೇಶಗಳನ್ನು ರದ್ದುಗೊಳಿಸಲು ನ್ಯಾಯಾಲಯದಿಂದ ಪರಿಹಾರವನ್ನು ಕೋರಿದೆ ಎಂದು ಕಂಪನಿ ಹೇಳಿದೆ.