Earthquake Warning: ಉತ್ತರಾಖಂಡದಲ್ಲಿ ಟರ್ಕಿಗಿಂತಲೂ ತೀವ್ರತೆಯ ಭೂಕಂಪ ಸಂಭವಿಸುವ ಸಾಧ್ಯತೆ: ವಿಜ್ಞಾನಿಗಳ ಎಚ್ಚರಿಕೆ

 ಟರ್ಕಿ ಮತ್ತು ಸಿರಿಯಾದಲ್ಲಿ ಫೆಬ್ರವರಿ 6 ರಂದು ಸಂಭವಿಸಿದ ಭೂಕಂಪವು ಅನೇಕ ನಗರಗಳನ್ನು ನಾಶಪಡಿಸಿದೆ. ಈ ದುರಂತದ ನಂತರ, 40 ಸಾವಿರಕ್ಕೂ ಹೆಚ್ಚು ಮೃತ ದೇಹಗಳನ್ನು ಅವಶೇಷಗಳಿಂದ ಹೊರ ತೆಗೆಯಲಾಗಿದೆ. ಏತನ್ಮಧ್ಯೆ, ಈಗ ನ್ಯಾಷನಲ್ ಜಿಯೋಫಿಸಿಕಲ್ ರಿಸರ್ಚ್ ಇನ್ಸ್ಟಿಟ್ಯೂಟ್​ನಲ್ಲಿ ಭೂಕಂಪಶಾಸ್ತ್ರದ ಮುಖ್ಯ ವಿಜ್ಞಾನಿ ಡಾ. ಎನ್ ಪೂರ್ಣಚಂದ್ರ ರಾವ್  ಉತ್ತರಾಖಂಡದಲ್ಲಿ ಟರ್ಕಿಯಂತಹ ದೊಡ್ಡ ಭೂಕಂಪ ಸಂಭವಿಸುವ ಎಚ್ಚರಿಕೆ ನೀಡಿದ್ದಾರೆ.  ಜೋಶಿಮಠ ದುರಂತದ ನಡುವೆಯೇ ವಿಜ್ಞಾನಿಗಳು ಈಗ ಎಚ್ಚರಿಕೆ ನೀಡಿದ್ದು ಆತಂಕ ಸೃಷ್ಟಿಯಾಗಿದೆ.

ಉತ್ತರಾಖಂಡ ಪ್ರದೇಶದಲ್ಲಿ ಮೇಲ್ಮೈ ಅಡಿಯಲ್ಲಿ ಸಾಕಷ್ಟು ಒತ್ತಡವು ನಿರ್ಮಾಣವಾಗುತ್ತಿದೆ ಮತ್ತು ಒತ್ತಡವನ್ನು ನಿವಾರಿಸಲು ಮಹಾ ಭೂಕಂಪ ಅಗತ್ಯ ಎಂದು ರಾವ್ ಹೇಳಿದ್ದಾರೆ. ಆದಾಗ್ಯೂ, ಭೂಕಂಪದ ದಿನಾಂಕ ಮತ್ತು ಸಮಯವನ್ನು ಊಹಿಸಲಾಗುವುದಿಲ್ಲ ಮತ್ತು ವಿನಾಶವು ಒಂದು ಭೌಗೋಳಿಕ ಪ್ರದೇಶದಿಂದ ಇನ್ನೊಂದಕ್ಕೆ ಬದಲಾಗುವ ಅನೇಕ ಅಂಶಗಳ ಮೇಲೆ ಅವಲಂಬಿತವಾಗಿರುತ್ತದೆ ಎಂದು ಅವರು ಹೇಳಿದರು.

ಉತ್ತರಾಖಂಡವನ್ನು ಕೇಂದ್ರೀಕರಿಸಿದ ಹಿಮಾಲಯ ಪ್ರದೇಶದಲ್ಲಿ ನಾವು ಸುಮಾರು 80 ಭೂಕಂಪನ ಕೇಂದ್ರಗಳನ್ನು ಸ್ಥಾಪಿಸಿದ್ದೇವೆ.
ನಾವು ನೈಜ ಸಮಯದಲ್ಲಿ ಪರಿಸ್ಥಿತಿಯನ್ನು ಮೇಲ್ವಿಚಾರಣೆ ಮಾಡುತ್ತಿದ್ದೇವೆ. ಒತ್ತಡವು ದೊಡ್ಡ ಪ್ರಮಾಣದಲ್ಲಿ ಸಂಗ್ರಹವಾಗುತ್ತಿದೆ ಎಂದು ನಮ್ಮ ಡೇಟಾ ತೋರಿಸುತ್ತದೆ. ನಾವು ಪ್ರದೇಶದಲ್ಲಿ ಜಿಪಿಎಸ್ ನೆಟ್‌ವರ್ಕ್‌ಗಳನ್ನು ಹೊಂದಿದ್ದೇವೆ. GPS ಪಾಯಿಂಟ್‌ಗಳು ಚಲಿಸುತ್ತಿವೆ, ಇದು ಮೇಲ್ಮೈ ಕೆಳಗೆ ಆಗುತ್ತಿರುವ ಬದಲಾವಣೆಗಳನ್ನು ಸೂಚಿಸುತ್ತದೆ.

ಮತ್ತಷ್ಟು ಓದಿ: New Zealand Earthquake: ನ್ಯೂಜಿಲೆಂಡ್‌ನ ವೆಲ್ಲಿಂಗ್ಟನ್‌ನಲ್ಲಿ 6.1 ತೀವ್ರತೆಯ ಭೂಕಂಪ

ವೇರಿಯೊಮೆಟ್ರಿಕ್ ಜಿಪಿಎಸ್ ಡೇಟಾ ಸಂಸ್ಕರಣೆಯು ಭೂಮಿಯಲ್ಲಿ ಏನಾಗುತ್ತಿದೆ ಎಂಬುದನ್ನು ನಿರ್ಧರಿಸಲು ವಿಶ್ವಾಸಾರ್ಹ ವಿಧಾನಗಳಲ್ಲಿ ಒಂದಾಗಿದೆ. ನಿಖರವಾದ ಸಮಯ ಮತ್ತು ದಿನಾಂಕವನ್ನು ನಾವು ಊಹಿಸಲು ಸಾಧ್ಯವಿಲ್ಲ, ಆದರೆ ಉತ್ತರಾಖಂಡದಲ್ಲಿ ಯಾವಾಗ ಬೇಕಾದರೂ ಭಾರಿ ಭೂಕಂಪ ಸಂಭವಿಸಬಹುದು ಎಂದು ಹೇಳಿದ್ದಾರೆ, ವೇರಿಯೊಮೀಟರ್‌ಗಳು ಭೂಮಿಯ ಕಾಂತಕ್ಷೇತ್ರದಲ್ಲಿನ ವ್ಯತ್ಯಾಸಗಳನ್ನು ಅಳೆಯುತ್ತವೆ.

ಭೂಮಿಯಲ್ಲಿ ಏನಾಗುತ್ತಿದೆ ಎಂಬುದನ್ನು ನಿರ್ಧರಿಸಲು ವೇರಿಯೊಮೆಟ್ರಿಕ್ ಜಿಪಿಎಸ್ ಡೇಟಾ ಸಂಸ್ಕರಣೆಯು ವಿಶ್ವಾಸಾರ್ಹ ವಿಧಾನಗಳಲ್ಲಿ ಒಂದಾಗಿದೆ ಎಂದು ರಾವ್ ಹೇಳಿದರು. ಇನ್ನೆರಡು ತಿಂಗಳಲ್ಲಿ ಚಾರ್ ಧಾಮ್ ಯಾತ್ರೆ ಆರಂಭವಾಗಲಿದೆ. ಈ ಸಮಯದಲ್ಲಿ, ಲಕ್ಷಾಂತರ ಯಾತ್ರಿಕರು ಉತ್ತರಾಖಂಡದ ಪರ್ವತಗಳಿಗೆ ಬರುತ್ತಾರೆ.

8 ಮತ್ತು ಅದಕ್ಕಿಂತ ಹೆಚ್ಚಿನ ಪ್ರಮಾಣದ ಭೂಕಂಪಗಳು ವಿನಾಶಕಾರಿ. ಟರ್ಕಿಯಲ್ಲಿ 7.8 ರಿಕ್ಟರ್ ಮಾಪಕದಲ್ಲಿ ಭೂಕಂಪ ಸಂಭವಿಸಿದೆ. ಇಲ್ಲಿ ಸಾವಿರಾರು ಕಟ್ಟಡಗಳು ನಾಶವಾಗಿವೆ. ಈಗ 45000 ಕ್ಕೂ ಹೆಚ್ಚು ಜನರು ಸಾವನ್ನಪ್ಪಿದ್ದಾರೆ. ತಾಂತ್ರಿಕವಾಗಿ ಇದನ್ನು ದೊಡ್ಡ ಭೂಕಂಪ ಎಂದು ಕರೆಯಲಾಗುವುದಿಲ್ಲ ಎಂದು ವಿಜ್ಞಾನಿಗಳು ಹೇಳಿದ್ದಾರೆ.

ಜಮ್ಮು ಮತ್ತು ಕಾಶ್ಮೀರದಿಂದ ಅರುಣಾಚಲ ಪ್ರದೇಶದವರೆಗೆ ವ್ಯಾಪಿಸಿರುವ ಹಿಮಾಲಯ ಪ್ರದೇಶದಲ್ಲಿ 8ಕ್ಕೂ ಹೆಚ್ಚು ತೀವ್ರತೆಯ ಭೂಕಂಪನವಾಗುವ ಸಾಧ್ಯತೆ ಇದೆ ಎಂದು ರಾವ್ ಹೇಳಿದ್ದಾರೆ. ಭೂಕಂಪಕ್ಕೆ ಅನೇಕ ಕಾರಣಗಳಿರುತ್ತವೆ, ಜನಸಾಂದ್ರತೆ, ಕಟ್ಟಡಗಳ ವಿನ್ಯಾಸ, ಪರ್ವತಗಳು ಅಥವಾ ಬಯಲು ಪ್ರದೇಶಗಳಲ್ಲಿ ನಿರ್ಮಾಣದ ಗುಣಮಟ್ಟ.

ಇಡೀ ಹಿಮಾಲಯದ ಪ್ರದೇಶವು ಭೂಕಂಪಗಳಿಗೆ ಗುರಿಯಾಗುತ್ತದೆ, ಈ ಹಿಂದೆ 1720 ಕುಮಾನ್ ಭೂಕಂಪ ಮತ್ತು 1803 ರ ಗರ್ವಾಲ್ ಭೂಕಂಪ ಸೇರಿದಂತೆ ನಾಲ್ಕು ಪ್ರಮುಖ ಭೂಕಂಪಗಳನ್ನು ಕಂಡಿತ್ತು. ಹಿಮಾಲಯದ ಶ್ರೇಣಿಯು ಭಾರತದ ಭೂಕಂಪದ ವಲಯ ನಕ್ಷೆಯ ವಲಯ V ಮತ್ತು ವಲಯ IV ರಲ್ಲಿ ಬರುತ್ತದೆ.

ಏಕೆಂದರೆ ರಾಜ್ಯವು ಕಳೆದ 100 ವರ್ಷಗಳಿಗೂ ಹೆಚ್ಚು ಕಾಲ 8 ಮತ್ತು ಅದಕ್ಕಿಂತ ಹೆಚ್ಚಿನ ತೀವ್ರತೆಯ ಭೂಕಂಪಗಳನ್ನು ಅನುಭವಿಸಿಲ್ಲ. ಆದಾಗ್ಯೂ, 1991 ಮತ್ತು 1999 ರಲ್ಲಿ, ಉತ್ತರಕಾಶಿ ಮತ್ತು ಚಮೋಲಿ ಇತ್ತೀಚೆಗೆ ಎರಡು ಕಡಿಮೆ ತೀವ್ರತೆಯ ಭೂಕಂಪಗಳು ಸಂಭವಿಸಿದ್ದವು.

ರಾಷ್ಟ್ರೀಯ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ