ಪ್ರಧಾನಿ ಮೋದಿ, ಅಮಿತ್ ಶಾ ಚಿತ್ರ ರಚಿಸಿ ಅವರಿಗೆ ನೀಡಿದ ಕ್ಷಣ; ಕಲಾವಿದನ ಅನುಭವದ ಅಕ್ಷರ ರೂಪ

ದೇಶದ ಜನಪ್ರಿಯ ಪ್ರಧಾನಿಯನ್ನು ಭೇಟಿಯಾಗುವುದು ಯಾರಿಗಾದರೂ ಮರೆಯಲಾಗದ ಕ್ಷಣ. ನಾವು ಜನವರಿ ಆರಂಭದಲ್ಲಿ TV9 ವಾಟ್ ಇಂಡಿಯಾ ಥಿಂಕ್ಸ್ ಟುಡೇ (What India Thinks Today) ಜಾಗತಿಕ ಶೃಂಗಸಭೆಯ ಕುರಿತು ಚರ್ಚಿಸಲು ಪ್ರಾರಂಭಿಸಿದ್ದೆವು. ಗೌರವಾನ್ವಿತ ಪ್ರಧಾನ ಮಂತ್ರಿ ನರೇಂದ್ರ ಮೋದಿ (Narendra Modi) ಕಾರ್ಯಕ್ರಮದಲ್ಲಿ ಉಪಸ್ಥಿತರಿರುತ್ತಾರೆ ಎಂದು ತಿಳಿದಾಗಿನಿಂದ ಅವರ ರೇಖಾಚಿತ್ರವನ್ನು ರಚಿಸುವ ಆಲೋಚನೆ ನನ್ನ ಮನಸ್ಸಿನಲ್ಲಿ ಮೂಡಲು ಪ್ರಾರಂಭಿಸಿತು. ಅವರ ಸುಮಾರು 1000 ಛಾಯಾಚಿತ್ರಗಳಲ್ಲಿ, 10 ಅನ್ನು ಗೂಗಲ್​​ನಲ್ಲಿ ಶಾರ್ಟ್‌ಲಿಸ್ಟ್ ಮಾಡಿ ನಂತರ ಒಂದು ಚಿತ್ರವನ್ನು ಅಂತಿಮವಾಗಿ ಆಯ್ಕೆ ಮಾಡಲಾಯಿತು.

ನಾನು ಜನವರಿ ಎರಡನೇ ವಾರದಿಂದ ಪ್ರಧಾನಿಯವರ ಚಿತ್ರವನ್ನು ರಚಿಸಲು ಪ್ರಾರಂಭಿಸಿದೆ. 300 ಗಂಟೆಗಳ ತಪಸ್ಸಿನ ನಂತರ, ಇದುವರೆಗಿನ ನನ್ನ ಅತ್ಯುತ್ತಮ ಪ್ರಯತ್ನಗಳು ಫಲಪ್ರದವಾಗಿವೆ ಎಂದು ನಾನು ಹೇಳಬಲ್ಲೆ. ಈ ಚಿತ್ರವನ್ನು ಮಾಡುವಾಗ, ಅನೇಕ ಬಾರಿ ನಾನು ಬೇರೆಯೇ ಜಗತ್ತಿಗೆ ಹೋದಂತೆ ಅನಿಸಿತು. ಸ್ವಲ್ಪ ಸಮಯದ ನಂತರ, ಇಲ್ಲಿ ಸುಧಾರಣೆಗೆ ಅವಕಾಶವಿದೆ ಎಂದು ಚಿತ್ರವು ನಿಮ್ಮೊಂದಿಗೆ ಮಾತನಾಡಲು ಪ್ರಾರಂಭಿಸುತ್ತದೆ. ನಾನು ಮೋದಿ ಜೀ ಅವರನ್ನು ಚಿತ್ರಿಸುತ್ತಿರುವಾಗ ನಾನು ಅವರೊಂದಿಗೆ ಸಂವಹನ ನಡೆಸುತ್ತಿದ್ದೆ. ಅವರು ಹೇಳಿದಂತೆ, ಎಲ್ಲವನ್ನೂ ಮಾಡುತ್ತಲೇ ಹೋದೆ.

ಯಾವುದೇ ಕಲಾವಿದನಿಗೆ, ಚಿತ್ರ ಮಾಡುವಾಗ ಅವನು ಅನುಭವಿಸುವ ಸಂತೋಷವೇ ಅವನ ಸಂಭಾವನೆ, ಉಳಿದೆಲ್ಲವೂ ಬೋನಸ್. ಅದೇನೇ ಇರಲಿ, ನಾವೇನೂ ಮಾಡುವುದಿಲ್ಲ ಅಂತ ನಂಬಿದ್ದೇನೆ, ಆ ಅಗೋಚರ ಶಕ್ತಿಯಿಂದ ಆಗಲೇ ಎಲ್ಲವನ್ನೂ ನಿರ್ಧರಿಸಲಾಗಿದೆ. ಹಾಲಿವುಡ್ ಸಿನಿಮಾವೊಂದರ ದೃಶ್ಯ ನೆನಪಾಗುತ್ತಿದೆ, ಅಲ್ಲಿ ನಾಯಕನಾಗಿರುವ ಶಿಲ್ಪಿ,  ತನ್ನ ಅದ್ಭುತ ಕಲೆಯ ಬಗ್ಗೆ ಎಲ್ಲೆಡೆ ಮೆಚ್ಚುಗೆ ಪಡೆದಾಗ ಹೀಗೊಂದು ಮಾತು ಹೇಳುತ್ತಾನೆ.  ನಾನು ಆ ಕಲ್ಲಿನಿಂದ ಧೂಳನ್ನಷ್ಟೇ ಒರೆಸಿದ್ದೇನೆ. ಪ್ರತಿಮೆ ಮೊದಲೇ ಅಲ್ಲಿ ಇತ್ತು .

ಪ್ರಧಾನಿ ಭೇಟಿ

ಫೆಬ್ರವರಿ 26 ಬಂದೇ ಬಿಟ್ಟಿತು. ನನ್ನ ಜೀವನದ ಅತ್ಯಂತ ದೊಡ್ಡ ದಿನ. ಸಂಜೆ 8 ಗಂಟೆ ಸುಮಾರಿಗೆ, ನಮ್ಮ ಸಂಸ್ಥೆಯ ಎಲ್ಲಾ ಸಂಪಾದಕರು ಮತ್ತು ಉನ್ನತ ನಿರ್ವಹಣಾ ಸಿಬ್ಬಂದಿಗಳು ಗೌರವಾನ್ವಿತ ಪ್ರಧಾನ ಮಂತ್ರಿಗಳ ಆಗಮನಕ್ಕಾಗಿ ಅಶೋಕ ಹೋಟೆಲ್‌ನ ಲಾಬಿಯಲ್ಲಿ ಉಪಸ್ಥಿತರಿದ್ದರು. ಸರಿಯಾಗಿ 8 ಗಂಟೆಗೆ ಪ್ರಧಾನಿಯವರ ಕಾರು ಪೋರ್ಟಿಕೋಗೆ ಬಂದಿತು. ಭಾರತದ ಎಲ್ಲಾ ಹಿರಿಯ ಉನ್ನತ ಆಡಳಿತ ಮತ್ತು ಸಂಸ್ಥೆಯ ಹಿರಿಯ ಜನರು, ಸಂಪಾದಕರು ಪ್ರಧಾನ ಮಂತ್ರಿಯವರನ್ನು ಸ್ವಾಗತಿಸಲು ಉಪಸ್ಥಿತರಿದ್ದರು. ಕಾಕತಾಳೀಯ ಎಂಬಂತೆ ನಾನು ಸರದಿಯಲ್ಲಿ ಮೊದಲಿಗನಾಗಿದ್ದೆ. ಎಲ್ಲರನ್ನೂ ಭೇಟಿಯಾದ ನಂತರ ಪ್ರಧಾನಿಯವರು ಬಂದು ನಮ್ಮ ನಡುವೆ ಕುಳಿತು ನಮ್ಮೆಲ್ಲರ ಗ್ರೂಪ್ ಫೋಟೋ ತೆಗೆಸಿಕೊಂಡರು.

ಅದರ ನಂತರ, ನನ್ನ ಸಾಧನೆಯ ಪುರಾವೆಯನ್ನು ಅವರ ಮುಂದೆ ಪ್ರಸ್ತುತಪಡಿಸಿದಾಗ ನನ್ನ ಜೀವನದ ಮರೆಯಲಾಗದ ಕ್ಷಣ ಬಂದಿತು, ನಾನು ಬಿಡಿಸಿದ ಚಿತ್ರ ಅದು. ಅವರು ಅದನ್ನು ನೋಡಿ ನನ್ನತ್ತ ತಿರುಗಿದರು. ವಾಹ್, ನೀವು ಇದನ್ನು ಮಾಡಲು ತುಂಬಾ ದಿನಗಳನ್ನು ತೆಗೆದುಕೊಂಡಿದ್ದೀರಾ ಎಂದು ಕೇಳಿದಾಗ ನಾನು 300 ಗಂಟೆಗಳು ಅಂದೆ. ಅವರು ಮತ್ತೆ ಆ ರೇಖಾಚಿತ್ರವನ್ನು ನೋಡಿದರು. ನಂತರ ನನ್ನತ್ತ ನೋಡಿ ಮುಗುಳ್ನಕ್ಕು ತುಂಬಾ ಚೆನ್ನಾಗಿದೆ..ಕಲಾವಿದರ ಮಾತೇ ಬೇರೆ ಎಂದು ಹೇಳಿದರು. ಮತ್ತೊಮ್ಮೆ ಅವರೊಂದಿಗೆ ಫೋಟೋ ತೆಗೆದುಕೊಂಡೆವು. ಅವರು ಮುಂದೆ ಸಾಗಿದರು. ನನ್ನ ಪ್ರಯತ್ನಗಳ ಸಂಪೂರ್ಣ ಬೆಲೆ ನನಗೆ ಸಿಕ್ಕಿತು.ರಾಷ್ಟ್ರದ ಪ್ರಧಾನ ಸೇವಕನು ನಗುವಿನೊಂದಿಗೆ ನನ್ನನ್ನು ಆಶೀರ್ವದಿಸಿದಾಗ ಇಲ್ಲಿಯವರೆಗಿನ ನನ್ನ ಆಯಾಸವೆಲ್ಲ ಮಾಯವಾಗಿ ಬಿಟ್ಟಿತು.

ಚಿತ್ರಕಲೆ ನನ್ನ ಹವ್ಯಾಸ. ನಾನು ಕಳೆದ ಮೂರು ದಶಕಗಳಿಂದ ಅದನ್ನು ಮಾಡುತ್ತಿದ್ದೇನೆ, ಆದರೆ ದೇಶದ ಅತ್ಯಂತ ಜನಪ್ರಿಯ ವ್ಯಕ್ತಿತ್ವದ ಭಾವಚಿತ್ರವನ್ನು ಚಿತ್ರಿಸುವುದು ಮತ್ತು ಅದನ್ನು ಪ್ರಸ್ತುತಪಡಿಸುವ ಉದ್ದೇಶದಿಂದ ಅದನ್ನು ಮಾಡುವಾಗ, ಖಂಡಿತವಾಗಿಯೂ ಅಲ್ಲೊಂದು ಸಿಹಿ ಒತ್ತಡ ಇರುತ್ತದೆ. ಬಹುಶಃ ವಿಧಿ ನನ್ನಲ್ಲಿ ಈ ಕಲೆಯನ್ನು ಹುಟ್ಟುಹಾಕಿದೆ ಎಂದು ನಾನು ಇಂದು ನಾನು ಹೇಳಬಲ್ಲೆ, ಆದ್ದರಿಂದ ನಾನು ಈ ಕೆಲಸವನ್ನು ಮಾಡಬಲ್ಲೆ. ನನ್ನ ಒಂದು ದೊಡ್ಡ ಆಸೆ, ಈ ಜೀವನದ ಪ್ರಯಾಣದಲ್ಲಿ ಒಂದು ಪ್ರಮುಖ ಮೈಲಿಗಲ್ಲು ಈಡೇರಿತು.

ಅಮಿತ್ ಶಾ ಭೇಟಿ

ಪ್ರಧಾನಿಯವರನ್ನು ಭೇಟಿ ಮಾಡಿ ಅವರ ಭಾವಚಿತ್ರವನ್ನು ಪ್ರಸ್ತುತಪಡಿಸಿದ ಮರುದಿನ ನಾನು ದೇಶದ ಗೃಹ ಸಚಿವ ಅಮಿತ್ ಶಾ ಅವರನ್ನು ಭೇಟಿ ಮಾಡಿದ್ದೇನೆ. ಈ ಭೇಟಿಯು ಅವಿಸ್ಮರಣೀಯವಾದುದಷ್ಟೇ ಅಲ್ಲ, ನನ್ನ ಮನಸ್ಸಿನಲ್ಲಿ ಆಳವಾದ ಪ್ರಭಾವವನ್ನೂ ಬೀರಿತು. ಸಾಮಾನ್ಯವಾಗಿ, ಕೇಂದ್ರ ಗೃಹ ಸಚಿವ ಅಮಿತ್ ಶಾ ಅವರು ನುರಿತ ತಂತ್ರಜ್ಞ, ಕಠಿಣ ಆಡಳಿತಗಾರ ಮತ್ತು ಬುದ್ಧಿವಂತ ವ್ಯಕ್ತಿ ಎಂದು ಕರೆಯುತ್ತಾರೆ. ಆದರೆ ಕಳೆದ ಮಂಗಳವಾರ, ನಾನು ಅವರನ್ನು ವೈಯಕ್ತಿಕವಾಗಿ ಭೇಟಿ ಮಾಡಲು ಅವಕಾಶ ಸಿಕ್ಕಾಗ, ಅವರ ವ್ಯಕ್ತಿತ್ವದ ಕೆಲವು ಗೊತ್ತಿಲ್ಲದ ಸಂಗತಿಗಳನ್ನು ತಿಳಿದುಕೊಳ್ಳುವ ಅವಕಾಶ ಸಿಕ್ಕಿತು.

ನಮ್ಮ ಟಿವಿ9 ಭಾರತವರ್ಷದ ವಿಶೇಷ ಕಾರ್ಯಕ್ರಮ “ಸತ್ತಾ ಸಮ್ಮೇಳನ”ದಲ್ಲಿ ಭಾಗಿಯಾಗಲು ಶಾಂತ ಮತ್ತು ಗಂಭೀರ ವ್ಯಕ್ತಿತ್ವದ ಪ್ರಧಾನಿ ಮೋದಿಯವರ ವಿಶೇಷ ಕಮಾಂಡರ್ ಮತ್ತು ಗೃಹ ಸಚಿವರು ಬಂದಿದ್ದರು. ಈ ಸಂದರ್ಭದಲ್ಲಿ, ನಾನು ನೂರಾರು ಗಂಟೆಗಳ ಕಾಲ ಮಾಡಿದ ಅವರ ರೇಖಾಚಿತ್ರವನ್ನು ಅವರಿಗೆ ಪ್ರಸ್ತುತಪಡಿಸಿದೆ.

ಅಮಿತ್ ಶಾ ಜತೆ ಕಲಾವಿದ

ಸ್ಕೆಚ್ ನೋಡಿದ ನಂತರ ಅವರು ಹೇಳಿದ್ದನ್ನು ಕೇಳಿ ನಾನು ಮೂಕನಾದೆ. ದೇಶದ ಗೃಹ ಸಚಿವರಿಗೆ ರೇಖಾಚಿತ್ರಗಳ ಬಗ್ಗೆ ಆಳವಾದ ತಿಳುವಳಿಕೆ ಮತ್ತು ಜ್ಞಾನ ಇದೆ. ಗೃಹ ಸಚಿವರಿಗೆ ಇತಿಹಾಸ, ಆಧ್ಯಾತ್ಮಿಕತೆ ಮತ್ತು ಭಾರತೀಯ ತತ್ತ್ವಶಾಸ್ತ್ರದಂತಹ ವಿವಿಧ ವಿಷಯಗಳ ಬಗ್ಗೆ ಅಪಾರ ತಿಳುವಳಿಕೆ ಇದೆ ಎಂದು ನಂತರ ನನ್ನ ಹಿರಿಯರು ಮತ್ತು ಸಹೋದ್ಯೋಗಿಗಳಿಂದ ನಾನು ತಿಳಿದುಕೊಂಡೆ.

ಅವರ ಚಿತ್ರವನ್ನು ನೋಡಿದ ಅಮಿತ್ ಶಾ, “ಭಾಯ್ ನಾನು ಎಂದಿಗೂ ಅಂತಹ ಗಂಭೀರ ಮುಖದಲ್ಲಿ ಇರುವುದಿಲ್ಲ” ಎಂದು ನಗುತ್ತಾ ಹೇಳಿದರು. ಈ ಸಂದರ್ಭದಲ್ಲಿ ಉಪಸ್ಥಿತರಿದ್ದ ಹಿರಿಯರು ಮತ್ತು ವಿದ್ವಾಂಸರು ತಕ್ಷಣವೇ ಅವರಿಗೆ ನಿಮ್ಮ ಬಗ್ಗೆ ದೇಶ ಮತ್ತು ಜಗತ್ತಿಗೆ ತಿಳಿದಿರುವ ಏಕೈಕ ವಿಷಯವೆಂದರೆ ನೀವು ತುಂಬಾ ತಾಳ್ಮೆ ಮತ್ತು ಗಂಭೀರವಾಗಿರುತ್ತೀರಿ. ಅವರ ಚಿತ್ರಣದಲ್ಲಿ ಸ್ವಲ್ಪ ಬದಲಾವಣೆ ತರಬೇಕು ಎಂದರು. ಆಗ ಗೃಹ ಸಚಿವರು, “ಇಲ್ಲ ಸಹೋದರ… ಇದು ಉತ್ತಮವಾಗಿದೆ ಏಕೆಂದರೆ ಇದು ಬೇರೆ ರೀತಿಯ ಜನರು ನನ್ನಿಂದ ದೂರವಿರುವಂತೆ ಮಾಡುತ್ತದೆ” ಎಂದು ಹೇಳಿದರು.

ಇದಾದ ನಂತರ ನಡೆದದ್ದು ಇನ್ನೂ ಅದ್ಭುತ. ಅಮಿತ್ ಶಾ ಅವರು ಎಲ್ಲರ ಮುಂದೆ ಒಂದು ಘಟನೆ ಹೇಳಿದ್ದರು. ಇತಿಹಾಸದ ಈ ಸಂಗತಿ  ನನಗೆ ಹೊಸತು. ಇತಿಹಾಸದಲ್ಲಿ ಬಿಂದುಸಾರ ಚಕ್ರವರ್ತಿಯ 16 ಹೆಣ್ಣುಮಕ್ಕಳು ಮತ್ತು 101 ಪುತ್ರರ ಉಲ್ಲೇಖವಿದೆ. ಅವರಲ್ಲಿ ಸುಸಿಮ್ ಅಶೋಕ್ ಅವರ ಹಿರಿಯ ಸಹೋದರ. ಮುಂದಿನ ಚಕ್ರವರ್ತಿಯನ್ನು ಆಯ್ಕೆ ಮಾಡುವ ಸಮಯ ಬಂದಾಗ, ಅವನು ಚಾಣಕ್ಯನನ್ನು ಕರೆದು ತನ್ನ ನಾಲ್ವರು ಪುತ್ರರಲ್ಲಿ ಯಾರನ್ನು ಉತ್ತರಾಧಿಕಾರಿಯಾಗಿ ಆರಿಸಬೇಕೆಂದು ಕೇಳಿದನು. ಚಾಣಕ್ಯ ಒಬ್ಬ ಕಲಾವಿದನನ್ನು ಕರೆದು ನಾಲ್ವರ ರೇಖಾಚಿತ್ರವನ್ನು ಮಾಡುವಂತೆ ಹೇಳಿದನು. ಆ ರೇಖಾಚಿತ್ರಗಳು ಸಿದ್ಧವಾದಾಗ, ಚಾಣಕ್ಯ, ಆ ನಾಲ್ವರ ರೇಖಾಚಿತ್ರಗಳನ್ನು ನೋಡಿದ ನಂತರ, ಅಶೋಕನನ್ನು ಹೊರತುಪಡಿಸಿ ಯಾರನ್ನಾದರೂ ತನ್ನ ಉತ್ತರಾಧಿಕಾರಿಯನ್ನಾಗಿ ಮಾಡುವಂತೆ ಚಕ್ರವರ್ತಿಯನ್ನು ಕೇಳಿದನು. ರಾಜನು ಇದಕ್ಕೆ ಕಾರಣ ಏನು ಎಂದು ಚಾಣಕ್ಯನನ್ನು ಕೇಳಿದಾಗ, ಅಶೋಕನ ಕಣ್ಣುಗಳಲ್ಲಿ ಯಾವುದೇ ಸಮಯದಲ್ಲಿ ಎಚ್ಚರಗೊಳ್ಳಬಹುದಾದ ವಿರಕ್ತಿ ಭಾವನೆ ಗೋಚರಿಸುತ್ತದೆ ಎಂಬುದಾಗಿತ್ತು ಉತ್ತರ.

ಆದರೆ ವಿಧಿಯ ಬೇರೆಯೇ ಆಗಿತ್ತು. ನಂತರ ಅಶೋಕನು ಚಕ್ರವರ್ತಿಯಾದನು. ಅವನು ಮಹಾನ್ ವಿಜಯಶಾಲಿಯಾಗಿದ್ದನು. ಆದರೆ ನಂತರ ಎಲ್ಲವನ್ನೂ ತೊರೆದು ಸನ್ಯಾಸಿಯಾಗಿ ಬಿಟ್ಟ.ಇದರಿಂದಾಗಿ ಅವನ ಸಂಪೂರ್ಣ ಸಾಮ್ರಾಜ್ಯ ಮತ್ತು ಭಾರತವು 100 ವರ್ಷಗಳ ಹಿಂದೆ ಹೋಯಿತು.

ಇದನ್ನೂ ಓದಿ: ಟಿವಿ9 ಶೃಂಗಸಭೆಯಲ್ಲಿ ಪ್ರಧಾನಿ ಮೋದಿ ದೇಶಕ್ಕೆ ನೀಡಿದ ಸಂದೇಶ ಏನು? ಇಲ್ಲಿದೆ ನೋಡಿ

ಅಮಿತ್ ಶಾ ಅವರ ವ್ಯಕ್ತಿತ್ವದ ಈ ಅಂಶ ಮತ್ತು ಆ ಸಂಗತಿ ನನಗೆ ಹೊಸತು. ಅವರು ತುಂಬಾ ಅಧ್ಯಯನಶೀಲ ವ್ಯಕ್ತಿತ್ವವನ್ನು ಹೊಂದಿದ್ದಾರೆ ಎಂಬ ತೀರ್ಮಾನಕ್ಕೆ ನಾನು ಬಂದಿದ್ದೇನೆ. ಆ 5 ನಿಮಿಷಗಳ ಅಲ್ಪಾವಧಿಯಲ್ಲಿ, ದೇಶದ ಗೃಹ ಸಚಿವ ಸ್ಥಾನವನ್ನು ಅಲಂಕರಿಸಿದ ಸಮರ್ಥ ವ್ಯಕ್ತಿತ್ವದ ಪಾಂಡಿತ್ಯದ ಸಣ್ಣ ನೋಟವನ್ನು ನಾನು ನೋಡಿದೆ. ಡ್ರಾಯಿಂಗ್‌ನಂತಹ ಅಸಾಮಾನ್ಯ ಮತ್ತು ಅಸಾಂಪ್ರದಾಯಿಕ ವಿಷಯದ ಬಗ್ಗೆ ಅಂತಹ ಆಳವಾದ ಜ್ಞಾನ ಮತ್ತು ತಿಳುವಳಿಕೆಯನ್ನು ಹೊಂದಿದ್ದು, ನಂತರ ಅದನ್ನು ಪ್ರಸ್ತುತ ಸಮಸ್ಯೆಯೊಂದಿಗೆ ವೇಗವಾಗಿ ಜೋಡಿಸಿ ಕೂಟದಲ್ಲಿ ಹಾಜರಿದ್ದ ವಿದ್ವಾಂಸರ ಮನಸ್ಸಿನಲ್ಲಿ ಪ್ರಭಾವ ಬೀರುವ ನಮ್ಮ ಗೃಹ ಸಚಿವರು ಹೀಗಿದ್ದಾರೆ.

ಎರಡು ರೇಖಾಚಿತ್ರಗಳ ಈ ಕಥೆ ನನಗೆ ಅವಿಸ್ಮರಣೀಯವಾಗಿದೆ. ಈ ಅನುಭವಗಳು ನನ್ನ ಜೀವನದ ಎರಡು ಅಮೂಲ್ಯ ನೆನಪುಗಳನ್ನು ಮತ್ತು ಅವುಗಳನ್ನು ಹಂಚಿಕೊಳ್ಳಲು ಧೈರ್ಯವನ್ನು ನೀಡಿತು.

(ಲೇಖಕರು: ಸಂತೋಷ್ ನಾಯರ್, ಎಡಿಟರ್- ನೆಟ್ವರ್ಕ್ ಕೋಆರ್ಡಿನೇಷನ್, tv9)