IPL 2022 Auction: ಪ್ರತಿ ಐಪಿಎಲ್ ಹರಾಜಿನಲ್ಲೂ ಅತ್ಯಂತ ದುಬಾರಿ ಬೆಲೆಗೆ ಮಾರಾಟವಾದ ಆಟಗಾರರ ಪಟ್ಟಿ ಇಲ್ಲಿದೆ
IPL 2022 Auction: ಹರಾಜಿಗೂ ಮುನ್ನ ಕೆಎಲ್ ರಾಹುಲ್ 17 ಕೋಟಿ ರೂ. ಮೊತ್ತದೊಂದಿಗೆ, ಲೀಗ್‌ನ ಹೊಸ ತಂಡವಾದ ಲಕ್ನೋ ಸೂಪರ್ ಜೈಂಟ್ಸ್ ಸೇರಿಕೊಂಡಿದ್ದಾರೆ ಮತ್ತು ಅವರನ್ನು ನಾಯಕನನ್ನಾಗಿ ಮಾಡಿದ್ದಾರೆ.
ಐಪಿಎಲ್ 2022 ರ ಮೆಗಾ ಹರಾಜು ಶನಿವಾರ ಹಾಗೂ ಭಾನುವಾರ ನಡೆಯಲಿದೆ. ಆಟಗಾರರ ಈ ದೊಡ್ಡ ಹರಾಜಿಗೂ ಮುನ್ನ ಕೆಎಲ್ ರಾಹುಲ್ 17 ಕೋಟಿ ರೂ. ಮೊತ್ತದೊಂದಿಗೆ, ಲೀಗ್‌ನ ಹೊಸ ತಂಡವಾದ ಲಕ್ನೋ ಸೂಪರ್ ಜೈಂಟ್ಸ್ ಸೇರಿಕೊಂಡಿದ್ದಾರೆ ಮತ್ತು ಅವರನ್ನು ನಾಯಕನನ್ನಾಗಿ ಮಾಡಿದ್ದಾರೆ. ಇದರೊಂದಿಗೆ ಐಪಿಎಲ್ ಇತಿಹಾಸದಲ್ಲೇ ಅತ್ಯಂತ ದುಬಾರಿ ಆಟಗಾರ ಎನಿಸಿಕೊಂಡಿದ್ದಾರೆ. ಇದೀಗ ರಾಹುಲ್ ಅವರ ಈ ದಾಖಲೆ ಮುರಿಯುತ್ತದೋ ಇಲ್ಲವೋ ಎಂಬುದು ಮೆಗಾ ಹರಾಜಿನ ಬಳಿಕವಷ್ಟೇ ತಿಳಿಯಲಿದೆ. ಆದರೆ, ಅದಕ್ಕೂ ಮುನ್ನ ಹಿಂದಿನ ಐಪಿಎಲ್ ಹರಾಜಿನಿಂದ ಶ್ರೀಮಂತರಾದ ಆಟಗಾರರನ್ನು ಒಮ್ಮೆ ನೋಡಬೇಕಿದೆ.
1 / 11
IPL 2008 ರಲ್ಲಿ ಲೀಗ್ ಪ್ರಾರಂಭವಾಗಿದ್ದು ಮೊದಲ ಹರಾಜಿನ ವರ್ಷವಾಗಿತ್ತು. ಐಪಿಎಲ್‌ನ ಈ ಮೊದಲ ಹರಾಜಿನಲ್ಲಿ, ಅತ್ಯಂತ ದುಬಾರಿ ಆಟಗಾರ ಮಹೇಂದ್ರ ಸಿಂಗ್ ಧೋನಿ, ಅವರು 9.5 ಕೋಟಿ ರೂಪಾಯಿ ವೆಚ್ಚದಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ ತಂಡ ಸೇರಿದ್ದರು.
2 / 11
ಎರಡನೇ ಐಪಿಎಲ್ ಹರಾಜು 2009 ರಲ್ಲಿ ನಡೆಯಿತು. ಈ ಹರಾಜಿನಲ್ಲಿ ಇಂಗ್ಲೆಂಡ್‌ನ ಇಬ್ಬರು ಆಟಗಾರರು ಅತ್ಯಂತ ದುಬಾರಿ ಬೆಲೆಗೆ ಮಾರಾಟವಾದರು. ಅವರೆಂದರೆ ಕೆವಿನ್ ಪೀಟರ್ಸನ್ ಮತ್ತು ಆಂಡ್ರ್ಯೂ ಫ್ಲಿಂಟಾಫ್. ಪೀಟರ್ಸನ್ ಅವರನ್ನು RCB 9.8 ಕೋಟಿಗೆ ಖರೀದಿಸಿತು ಮತ್ತು ಫ್ಲಿಂಟಾಫ್ ಅವರನ್ನು ಚೆನ್ನೈ ಸೂಪರ್ ಕಿಂಗ್ಸ್ ಅದೇ ಮೊತ್ತಕ್ಕೆ ಬಿಡ್ ಮಾಡುವ ಮೂಲಕ ಖರೀದಿಸಿತು.
3 / 11
IPL 2010 ಎಂದರೆ IPL ನ ಮೂರನೇ ಸೀಸನ್ ಮತ್ತು ಮೂರನೇ ಹರಾಜಿನ ವರ್ಷ. ಮುಂಬೈ ಇಂಡಿಯನ್ಸ್ 4.8 ಕೋಟಿ ರೂ.ಗೆ ಕೀರನ್ ಪೊಲಾರ್ಡ್ ಅವರನ್ನು ಖರೀದಿಸಿತು ಮತ್ತು ಶೇನ್ ಬಾಂಡ್ ಅವರನ್ನು ಕೋಲ್ಕತ್ತಾ ನೈಟ್ ರೈಡರ್ಸ್ ಅದೇ ಮೊತ್ತವನ್ನು ಪಾವತಿಸಿ ಖರೀದಿಸಿತು. ಇವರಿಬ್ಬರೂ ಈ ಋತುವಿನಲ್ಲಿ ಅತಿ ಹೆಚ್ಚು ಬೆಲೆಗೆ ಮಾರಾಟವಾದ ಆಟಗಾರರಾಗಿದ್ದರು.
4 / 11
ಐಪಿಎಲ್ 2011 ಮತ್ತು ಐಪಿಎಲ್ 2012 ರ ಹರಾಜಿನಲ್ಲಿ ಇಬ್ಬರು ಭಾರತೀಯ ಆಟಗಾರರು ಅತ್ಯಂತ ದುಬಾರಿ ಬೆಲೆಗೆ ಮಾರಾಟಗಾರರಾಗಿದ್ದರು. ಗೌತಮ್ ಗಂಭೀರ್ ಅವರನ್ನು ಕೆಕೆಆರ್ 2011 ರಲ್ಲಿ 11.04 ಕೋಟಿ ರೂ.ಗೆ ಖರೀದಿಸಿತ್ತು. 2012 ರಲ್ಲಿ ರವೀಂದ್ರ ಜಡೇಜಾ ಅವರು 9.75 ಕೋಟಿ ರೂ.ಗೆ ಸಿಎಸ್‌ಕೆ ಖರೀದಿಸಿತ್ತು. ಇದಾದ ನಂತರ ಐಪಿಎಲ್ 2013ರಲ್ಲಿ ಹರಾಜು ನಡೆದಾಗ ಆಸ್ಟ್ರೇಲಿಯಾದ ಗ್ಲೆನ್ ಮ್ಯಾಕ್ಸ್ ವೆಲ್ ದುಬಾರಿ ಆಟಗಾರನಾಗಿ ಹೊರಹೊಮ್ಮಿದ್ದರು. ಅವರನ್ನು ಮುಂಬೈ ಇಂಡಿಯನ್ಸ್ 6.3 ಕೋಟಿ ರೂ.ಗೆ ಖರೀದಿಸಿತ್ತು.
5 / 11
IPL 2014 ಮತ್ತು IPL 2015 ಹರಾಜಿನಲ್ಲಿ ಯುವರಾಜ್ ಸಿಂಗ್ ಅತ್ಯಂತ ದುಬಾರಿ ಆಟಗಾರನಾಗಿ ಹೊರಹೊಮ್ಮಿದರು. 2014ರಲ್ಲಿ ಆರ್‌ಸಿಬಿ 14 ಕೋಟಿ ರೂ.ಗೆ ಯುವರಾಜ್ ಅವರನ್ನು ಖರೀದಿಸಿತ್ತು ಆದರೆ 2015 ರಲ್ಲಿ, ದೆಹಲಿ ಕ್ಯಾಪಿಟಲ್ಸ್ ಯುವರಾಜ್ ಮೇ 16 ಕೋಟಿ ರೂಪಾಯಿಗಳ ಐತಿಹಾಸಿಕ ಬಿಡ್ ಮಾಡಿತು.
6 / 11
ಆಸ್ಟ್ರೇಲಿಯದ ಶೇನ್ ವ್ಯಾಟ್ಸನ್ ಐಪಿಎಲ್ 2016 ರಲ್ಲಿ ಅತಿ ಹೆಚ್ಚು ಬೆಲೆಗೆ ಮಾರಾಟವಾದ ಆಟಗಾರರಾಗಿದ್ದರು. ಈ ವರ್ಷ RCB ಅವರನ್ನು 9.5 ಕೋಟಿಗೆ ಬಿಡ್ ಮಾಡುವ ಮೂಲಕ ಖರೀದಿಸಿತು.
7 / 11
ಬೆನ್ ಸ್ಟೋಕ್ಸ್ IPL 2017 ಮತ್ತು IPL 2018 ಹರಾಜಿನಲ್ಲಿ ಅತ್ಯಂತ ದುಬಾರಿ ಬೆಲೆಗೆ ಮಾರಾಟವಾದ ಆಟಗಾರರಾಗಿದ್ದರು. 2017 ರಲ್ಲಿ ಅವರು ಪುಣೆ ಸೂಪರ್‌ಜೈಂಟ್ಸ್‌ಗೆ 14.5 ಕೋಟಿ ರೂ.ಗೆ ಖರೀದಿಸಿತ್ತು ಮತ್ತು 2018 ರಲ್ಲಿ ಅವರು 12.5 ಕೋಟಿ ಮೊತ್ತಕ್ಕೆ ರಾಜಸ್ಥಾನ ರಾಯಲ್ಸ್ ಪಾಲಾಗಿದ್ದರು.
8 / 11
IPL 2019 ರಲ್ಲಿ, ಇಬ್ಬರು ಆಟಗಾರರು ಒಂದೇ ಬಿಡ್ ಪಡೆದರು. ಅವರಲ್ಲಿ ಒಬ್ಬರು ಜಯದೇವ್ ಉನದ್ಕತ್, ಅವರನ್ನು ರಾಜಸ್ಥಾನ 8.4 ಕೋಟಿಗೆ ಖರೀದಿಸಿತು. ಇನ್ನೊಬ್ಬರು ವರುಣ್ ಆರೋನ್ ಅವರನ್ನು ಅದೇ ಬಿಡ್‌ನಲ್ಲಿ ಕೋಲ್ಕತ್ತಾ ತಂಡ ಖರೀದಿಸಿತ್ತು.
9 / 11
ಐಪಿಎಲ್ 2020 ರ ಅತ್ಯಂತ ದುಬಾರಿ ಆಟಗಾರ ಆಸ್ಟ್ರೇಲಿಯನ್ ವೇಗದ ಬೌಲರ್ ಪ್ಯಾಟ್ ಕಮ್ಮಿನ್ಸ್. ಅವರಿಗೆ ರೂ 15.5 ಕೋಟಿ ಬಿಡ್ ಮಾಡುವ ಮೂಲಕ KKR ಬೃಹತ್ ಮೊತ್ತ ನೀಡಿತ್ತು.
10 / 11
ದಕ್ಷಿಣ ಆಫ್ರಿಕಾದ ದಂತಕಥೆ ಕ್ರಿಸ್ ಮೋರಿಸ್ IPL 2021 ಹರಾಜಿನಲ್ಲಿ ಅತ್ಯಂತ ದುಬಾರಿ ಆಟಗಾರರಾದರು. ಇವರಿಗೆ ರಾಜಸ್ಥಾನ್ ರಾಯಲ್ಸ್ 16.25 ಕೋಟಿ ರೂ. ನೀಡಿತ್ತು.
