IPL 2022: CSK ಕೈಬಿಟ್ಟಿರಬಹುದು, ಆದರೆ ಮತ್ತೆ ನಾನು ಐಪಿಎಲ್ನಲ್ಲಿ ಇರಲಿದ್ದೇನೆ..!
IPL 2022 Dwayne Bravo: ಡ್ವೇನ್ ಬ್ರಾವೊ ಟಿ20ಯಲ್ಲಿ ಅತಿ ಹೆಚ್ಚು ವಿಕೆಟ್ ಪಡೆದ ಬೌಲರ್. ಇದುವರೆಗೆ 512 ಪಂದ್ಯಗಳನ್ನು ಆಡಿರುವ ಬ್ರಾವೊ 553 ವಿಕೆಟ್ ಪಡೆದಿದ್ದಾರೆ. ಟಿ20ಯಲ್ಲಿ 500 ವಿಕೆಟ್ ಪಡೆದ ಏಕೈಕ ಬೌಲರ್ ಎಂಬ ದಾಖಲೆ ಬ್ರಾವೊ ಹೆಸರಿನಲ್ಲಿದೆ.
ಇಂಡಿಯನ್ ಪ್ರೀಮಿಯರ್ ಲೀಗ್ ಸೀಸನ್ 15 ಗಾಗಿ ಚೆನ್ನೈ ಸೂಪರ್ ಕಿಂಗ್ಸ್ ನಾಲ್ವರು ಆಟಗಾರರನ್ನು ಉಳಿಸಿಕೊಂಡಿದೆ. ಅದರಂತೆ ಮುಂದಿನ ಸೀಸನ್ನಲ್ಲಿ ರವೀಂದ್ರ ಜಡೇಜಾ, ಧೋನಿ, ರುತುರಾಜ್ ಗಾಯಕ್ವಾಡ್ ಹಾಗೂ ಮೊಯೀನ್ ಅಲಿ ಸಿಎಸ್ಕೆ ಪರ ಕಣಕ್ಕಿಳಿಯಲ್ಲಿದ್ದಾರೆ. ಆದರೆ ಸಿಎಸ್ಕೆ ಬಿಡುಗಡೆ ಮಾಡಿರುವ ಆಟಗಾರರ ಪಟ್ಟಿಯಲ್ಲಿ ಸ್ಟಾರ್ ಆಲ್ರೌಂಡರ್ ಡ್ವೇನ್ ಬ್ರಾವೊ ಕೂಡ ಇದ್ದಾರೆ.
1 / 5
ಇತ್ತೀಚೆಗಷ್ಟೇ ಅಂತಾರಾಷ್ಟ್ರೀಯ ಕ್ರಿಕೆಟ್ಗೆ ನಿವೃತ್ತಿ ಘೋಷಿಸಿದ್ದ ಡ್ವೇನ್ ಬ್ರಾವೊ ಮುಂದಿನ ಸೀಸನ್ನಲ್ಲಿ ಐಪಿಎಲ್ ಆಡುವುದಾಗಿ ಘೋಷಿಸಿದ್ದಾರೆ. ಈ ಬಗ್ಗೆ ಮಾತನಾಡಿರುವ ಬ್ರಾವೊ, ಸಿಎಸ್ಕೆ ತಂಡ ಉಳಿಸಿಕೊಳ್ಳದ ಹೊರತಾಗಿಯೂ ನಾನು ಮೆಗಾ ಹರಾಜಿಗೆ ಹೆಸರು ನೋಂದಾಯಿಸಿಕೊಳ್ಳಲಿದ್ದೇನೆ ಎಂದು ತಿಳಿಸಿದ್ದಾರೆ.
2 / 5
ಹಂಡ್ರೆಡ್ ಪರ್ಸೆಂಟ್ ನಾನು ಐಪಿಎಲ್ ಹರಾಜಿನಲ್ಲಿ ಕಾಣಿಸಿಕೊಳ್ಳಲಿದ್ದೇನೆ. ಆದರೆ ಯಾವ ತಂಡ ಖರೀದಿಸಲಿದೆ ಎಂದು ಗೊತ್ತಿಲ್ಲ. ನನ್ನನ್ನು ಮತ್ತೆ ಸಿಎಸ್ಕೆ ಖರೀದಿಸುತ್ತದೆಯೇ ಅಥವಾ ಇಲ್ಲವೇ ಎಂಬುದು ಕೂಡ ನನಗೆ ತಿಳಿದಿಲ್ಲ. ಹರಾಜಿಗಿರುವ ಕಾರಣ ನನ್ನನ್ನು ಬೇರೆ ತಂಡಗಳು ಖರೀದಿಸಬಹುದು ಎಂದು ಬ್ರಾವೊ ತಿಳಿಸಿದ್ದಾರೆ.
3 / 5
ಇದಾಗ್ಯೂ ನನ್ನ ಹಾಗೂ ಎಂಎಸ್ ಧೋನಿ ನಡುವೆ ಉತ್ತಮ ಬಾಂಧವ್ಯವಿದೆ. ಅವರು ನನ್ನ ವೃತ್ತಿಜೀವನದಲ್ಲಿ ಯಶಸ್ವಿಯಾಗಲು ತುಂಬಾಸಹಾಯ ಮಾಡಿದ್ದಾರೆ. ನಾವು ಸಿಎಸ್ಕೆ ಪರ ದೀರ್ಘಕಾಲ ಒಟ್ಟಿಗೆ ಆಡಿದ್ದೇವೆ ಮತ್ತು ಉತ್ತಮ ಪ್ರದರ್ಶನ ನೀಡಲು ಪ್ರಯತ್ನಿಸಿದ್ದೇವೆ ಎಂದರು. ಇಂದು ನಾನು ಬ್ರಾಂಡ್ ಆಟಗಾರನಾಗಿರಲು ಮುಖ್ಯ ಕಾರಣ ಭಾರತ. ಹೀಗಾಗಿ ನಾನುಭಾರತಕ್ಕೆ ಕೃತಜ್ಞತೆಯನ್ನು ವ್ಯಕ್ತಪಡಿಸಲು ಬಯಸುತ್ತೇನೆ ಡ್ವೇನ್ ಬ್ರಾವೊ ತಿಳಿಸಿದರು.
4 / 5
ಡ್ವೇನ್ ಬ್ರಾವೊ ಟಿ20ಯಲ್ಲಿ ಅತಿ ಹೆಚ್ಚು ವಿಕೆಟ್ ಪಡೆದ ಬೌಲರ್. ಇದುವರೆಗೆ 512 ಪಂದ್ಯಗಳನ್ನು ಆಡಿರುವ ಬ್ರಾವೊ 553 ವಿಕೆಟ್ ಪಡೆದಿದ್ದಾರೆ. ಟಿ20ಯಲ್ಲಿ 500 ವಿಕೆಟ್ ಪಡೆದ ಏಕೈಕ ಬೌಲರ್ ಎಂಬ ದಾಖಲೆ ಬ್ರಾವೊ ಹೆಸರಿನಲ್ಲಿದೆ. ಇನ್ನು 11 ಬಾರಿ 4 ಮತ್ತು 2 ಬಾರಿ 5 ವಿಕೆಟ್ ಪಡೆದಿರುವುದು ಅವರ ಅತ್ಯುತ್ತಮ ಪ್ರದರ್ಶನವಾಗಿದೆ. ಇದಲ್ಲದೇ ಟಿ20 ಕ್ರಿಕೆಟ್ನಲ್ಲಿ 6627 ರನ್ ಗಳಿಸಿದ್ದಾರೆ. ಇದರಲ್ಲಿ 20 ಅರ್ಧಶತಕಗಳು ಮೂಡಿಬಂದಿವೆ.
