IPL 2024: ಗುಜರಾತ್ ಟೈಟಾನ್ಸ್ ತಂಡದಿಂದ ಹೊರಬರಲಿದ್ದಾರಾ ಶುಭ್ಮನ್ ಗಿಲ್?
Shubman Gill: ಶುಭ್ಮನ್ ಗಿಲ್ ಕಳೆದ 4 ಸೀಸನ್ಗಳಿಂದಲೂ ಸ್ಥಿರ ಪ್ರದರ್ಶನ ನೀಡುತ್ತಾ ಬಂದಿದ್ದಾರೆ. ಐಪಿಎಲ್ 2020 ರಲ್ಲಿ 440 ರನ್ ಕಲೆಹಾಕಿದರೆ, 2021 ರಲ್ಲಿ 478 ರನ್ ಬಾರಿಸಿದ್ದರು. ಇನ್ನು 2022 ರಲ್ಲಿ 483 ರನ್ಗಳಿಸಿದ್ದರು. ಈ ಬಾರಿ 890 ರನ್ ಬಾರಿಸಿ ಟಾಪ್ ರನ್ ಸ್ಕೋರರ್ ಎನಿಸಿಕೊಂಡಿದ್ದಾರೆ.
IPL 2024: ಇಂಡಿಯನ್ ಪ್ರೀಮಿಯರ್ ಲೀಗ್ ಸೀಸನ್ 16 ಮುಕ್ತಾಯದ ಬೆನ್ನಲ್ಲೇ ಇದೀಗ ಐಪಿಎಲ್ 2024 ರ ಚರ್ಚೆಗಳು ಶುರುವಾಗಿದೆ. ಅದರಲ್ಲೂ ಕೆಲ ಫ್ರಾಂಚೈಸಿಗಳ ಮಾಲೀಕರು ಕಳಪೆ ಪ್ರದರ್ಶನ ನೀಡಿದ ಆಟಗಾರರ ವಿರುದ್ಧ ಅಸಮಾಧಾನ ಹೊಂದಿದ್ದಾರೆ. ಹೀಗಾಗಿ ಮುಂದಿನ ಸೀಸನ್ಗೂ ಮುನ್ನವೇ ಕೆಲ ಆಟಗಾರರಿಗೆ ತಂಡದಿಂದ ಗೇಟ್ ಪಾಸ್ ಸಿಗಲಿದೆ.
1 / 16
ಇದಾಗ್ಯೂ ಕೆಲ ಫ್ರಾಂಚೈಸಿಗಳು ಮುಂದಿನ ಸೀಸನ್ಗಾಗಿ ಸ್ಟಾರ್ ಆಟಗಾರರ ಮೇಲೆ ಕಣ್ಣಿಟ್ಟಿದ್ದಾರೆ. ಈ ಪಟ್ಟಿಯಲ್ಲಿ ಕೇಳಿ ಬರುತ್ತಿರುವ ಪ್ರಮುಖ ಹೆಸರೆಂದರೆ ಶುಭ್ಮನ್ ಗಿಲ್.
2 / 16
ಗುಜರಾತ್ ಟೈಟಾನ್ಸ್ ಪರ ಅದ್ಭುತ ಪ್ರದರ್ಶನ ನೀಡಿರುವ ಶುಭ್ಮನ್ ಗಿಲ್ ಈ ಬಾರಿ ಒಟ್ಟು 890 ರನ್ ಕಲೆಹಾಕಿದ್ದರು. ಅಲ್ಲದೆ ಆರೆಂಜ್ ಕ್ಯಾಪ್ ವಿನ್ನರ್ ಆಗಿ ಹೊರಹೊಮ್ಮಿದ್ದರು. ಇದೀಗ ಗಿಲ್ಗಾಗಿ ಕೆಲ ಫ್ರಾಂಚೈಸಿಗಳು ಎದುರು ನೋಡುತ್ತಿದೆ ಎಂದು ವರದಿಯಾಗಿದೆ.
3 / 16
ಏಕೆಂದರೆ ಶುಭ್ಮನ್ ಗಿಲ್ ಕಳೆದ 4 ಸೀಸನ್ಗಳಿಂದಲೂ ಸ್ಥಿರ ಪ್ರದರ್ಶನ ನೀಡುತ್ತಾ ಬಂದಿದ್ದಾರೆ. ಐಪಿಎಲ್ 2020 ರಲ್ಲಿ 440 ರನ್ ಕಲೆಹಾಕಿದರೆ, 2021 ರಲ್ಲಿ 478 ರನ್ ಬಾರಿಸಿದ್ದರು. ಇನ್ನು 2022 ರಲ್ಲಿ 483 ರನ್ಗಳಿಸಿದ್ದರು. ಈ ಬಾರಿ 890 ರನ್ ಬಾರಿಸಿ ಟಾಪ್ ರನ್ ಸ್ಕೋರರ್ ಎನಿಸಿಕೊಂಡಿದ್ದಾರೆ.
4 / 16
ಇದಾಗ್ಯೂ ಶುಭ್ಮನ್ ಗಿಲ್ಗೆ ಗುಜರಾತ್ ಟೈಟಾನ್ಸ್ ಫ್ರಾಂಚೈಸಿ ನೀಡುತ್ತಿರುವ ಮೊತ್ತ ಕೇವಲ 8 ಕೋಟಿ ರೂ. ಮಾತ್ರ. ಅಂದರೆ ಇತರೆ ಆಟಗಾರರಿಗಿಂತ ಗಿಲ್ ಅವರ ಸಂಭಾವನೆ ತುಂಬಾ ಕಡಿಮೆ.
5 / 16
ಏಕೆಂದರೆ ಮುಂಬೈ ಇಂಡಿಯನ್ಸ್ ಫ್ರಾಂಚೈಸಿಯು ಇಶಾನ್ ಕಿಶನ್ಗೆ ನೀಡುತ್ತಿರುವ ಮೊತ್ತ 15.25 ಕೋಟಿ ರೂ., ಮತ್ತೊಂದೆಡೆ ಸಿಎಸ್ಕೆ ದೀಪಕ್ ಚಹರ್ಗೆ 14 ಕೋಟಿ ರೂ. ನೀಡುತ್ತಿದೆ. ಹಾಗೆಯೇ ಶ್ರೇಯಸ್ ಅಯ್ಯರ್ಗೆ ಕೆಕೆಆರ್ 12.25 ಕೋಟಿ ರೂ. ಪಾವತಿಸುತ್ತಿದ್ದಾರೆ.
6 / 16
ಇನ್ನು ಆರ್ಸಿಬಿಯಿಂದ ಹರ್ಷಲ್ ಪಟೇಲ್ ಪಡೆಯುತ್ತಿರುವ ಮೊತ್ತ 10.75 ಕೋಟಿ ರೂ. ಇನ್ನು ಶಾರ್ದೂಲ್ ಠಾಕೂರ್ 10.75 ಕೋಟಿ ರೂ. ಪಡೆದರೆ, ಅವೇಶ್ ಖಾನ್ 10 ಕೋಟಿ ರೂ. ಪಡೆಯುತ್ತಿದ್ದಾರೆ.
7 / 16
ಆದರೆ ಸತತ ನಾಲ್ಕು ಸೀಸನ್ಗಳಲ್ಲಿ ಅತ್ಯುತ್ತಮ ಪ್ರದರ್ಶನ ನೀಡುತ್ತಾ ಬಂದಿರುವ ಶುಭ್ಮನ್ ಗಿಲ್ ಅವರ ಸಂಭಾವನೆ ಇನ್ನೂ ಕೂಡ ಒಂದಂಕಿಯಲ್ಲೇ ಉಳಿದಿದೆ. ಹೀಗಾಗಿ ಮುಂದಿನ ಸೀಸನ್ನಲ್ಲಿ ಅವರನ್ನು ಹರಾಜಿಗೆ ಕರೆತರುವ ಪ್ರಯತ್ನಕ್ಕೆ ಕೆಲ ಫ್ರಾಂಚೈಸಿಗಳು ಕೈ ಹಾಕಲಿದೆ.
8 / 16
ಇತ್ತ ಪಂಜಾಬ್ ಕಿಂಗ್ಸ್ ಫ್ರಾಂಚೈಸಿಯು ಈಗಾಗಲೇ ಶುಭ್ಮನ್ ಗಿಲ್ ಅವರ ಖರೀದಿಗಾಗಿ ಹೆಚ್ಚಿನ ಆಸಕ್ತಿ ಹೊಂದಿದೆ ಎಂದು ಹೇಳಲಾಗುತ್ತಿದೆ. ಏಕೆಂದರೆ ಪಂಜಾಬ್ ತಂಡಕ್ಕೆ ಸದ್ಯ ಸ್ಟಾರ್ ಆಟಗಾರನ ಅವಶ್ಯಕತೆಯಿದೆ. ಅದರಲ್ಲೂ ಸ್ಥಳೀಯ ಸ್ಟಾರ್ ಆಟಗಾರ ಸಿಕ್ಕರೆ ಪಂಜಾಬ್ ಕಿಂಗ್ಸ್ ಕೈ ಬಿಡುವ ಮಾತೇ ಇಲ್ಲ.
9 / 16
ಏಕೆಂದರೆ ಶುಭ್ಮನ್ ಗಿಲ್ ಪಂಜಾಬ್ ಮೂಲದ ಕ್ರಿಕೆಟಿಗ. ಆತನನ್ನು ಕರೆ ತಂದು ನಾಯಕತ್ವ ನೀಡಿದರೆ ತಂಡ ವರ್ಚಸ್ಸು ಹೆಚ್ಚಾಗಲಿದೆ. ಇತ್ತ ಐಪಿಎಲ್‌ನಲ್ಲಿ ಯಾವುದೇ ಆಟಗಾರನಿಗೂ ತನ್ನ ತವರು ರಾಜ್ಯದ ತಂಡವನ್ನು ಮುನ್ನಡೆಸುವುದು ಅತ್ಯಂತ ಹೆಮ್ಮೆಯ ವಿಷಯವಾಗಿರುತ್ತದೆ.
10 / 16
ಈಗಾಗಲೇ ರೋಹಿತ್ ಶರ್ಮಾ ತಮ್ಮ ತವರು ತಂಡ ಮುಂಬೈ ಇಂಡಿಯನ್ಸ್ನ ನಾಯಕರಾಗಿದ್ದರೆ, ಹಾರ್ದಿಕ್ ಪಾಂಡ್ಯ ಗುಜರಾತ್ ತಂಡವನ್ನು ಮುನ್ನಡೆಸುತ್ತಿದ್ದಾರೆ. ಇನ್ನೂ ರೋಹಿತ್ ಶರ್ಮಾಗೂ ಮೊದಲು, ಸಚಿನ್ ತೆಂಡೂಲ್ಕರ್ ಮುಂಬೈ ಇಂಡಿಯನ್ಸ್‌ಗೆ ನಾಯಕರಾಗಿದ್ದರು.
11 / 16
ಹಾಗೆಯೇ ರಾಹುಲ್ ದ್ರಾವಿಡ್ ಮತ್ತು ಅನಿಲ್ ಕುಂಬ್ಳೆ ಕ್ರಮವಾಗಿ ತಮ್ಮ ತವರಿನ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡದ ನಾಯಕರಾಗಿದ್ದಾರೆ. ಇನ್ನು ಸೌರವ್ ಗಂಗೂಲಿ ಈ ಹಿಂದೆ ಕೋಲ್ಕತ್ತಾ ನೈಟ್ ರೈಡರ್ಸ್ ತಂಡದ ನಾಯಕರಾಗಿದ್ದರು.
12 / 16
ಇದಲ್ಲದೆ ಈ ಹಿಂದೆ ಪಂಜಾಬ್ ಕಿಂಗ್ಸ್ ಫ್ರಾಂಚೈಸಿ ಪಂಜಾಬ್ ಮೂಲದ ಯುವರಾಜ್ ಸಿಂಗ್ ಅವರಿಗೆ ನಾಯಕತ್ವ ವಹಿಸಿತ್ತು ಎಂಬುದು ಇಲ್ಲಿ ಉಲ್ಲೇಖಾರ್ಹ. ಹೀಗಾಗಿಯೇ ಮುಂದಿನ ಹರಾಜಿನಲ್ಲಿ ಶುಭ್ಮನ್ ಗಿಲ್ ಎಂಟ್ರಿಯನ್ನು ಪಂಜಾಬ್ ಕಿಂಗ್ಸ್ ಎದುರು ನೋಡುತ್ತಿದೆ.
13 / 16
ಇತ್ತ ಶುಭ್ಮನ್ ಗಿಲ್ ಗುಜರಾತ್ ಟೈಟಾನ್ಸ್ ತಂಡವನ್ನು ತೊರೆದರೆ ಪಂಜಾಬ್ ಕಿಂಗ್ಸ್ ಪಾಲಾಗುವುದು ಬಹುತೇಕ ಖಚಿತ ಎಂದೇ ಹೇಳಬಹುದು. ಏಕೆಂದರೆ ಐಪಿಎಲ್ ಇತಿಹಾಸದಲ್ಲೇ ಅತ್ಯಧಿಕ ಮೊತ್ತಕ್ಕೆ ಆಟಗಾರನ ಖರೀದಿ ಮಾಡಿದ ದಾಖಲೆ ಇರುವುದು ಪಂಜಾಬ್ ಕಿಂಗ್ಸ್ ಫ್ರಾಂಚೈಸಿ ಹೆಸರಿನಲ್ಲಿ.
14 / 16
2023 ರ ಐಪಿಎಲ್ ಹರಾಜಿನಲ್ಲಿ ಪಂಜಾಬ್ ಕಿಂಗ್ಸ್ ಫ್ರಾಂಚೈಸಿಯು ಇಂಗ್ಲೆಂಡ್ ಆಲ್ರೌಂಡರ್ ಸ್ಯಾಮ್ ಕರನ್ ಅವರನ್ನು ಬರೋಬ್ಬರಿ 18.50 ಕೋಟಿ ರೂ. ನೀಡಿ ಖರೀದಿಸಿತ್ತು.
15 / 16
ಅಂದರೆ ಮುಂದಿನ ಹರಾಜಿಗೂ ಮುನ್ನ ಪಂಜಾಬ್ ಕಿಂಗ್ಸ್ ಫ್ರಾಂಚೈಸಿ ಸ್ಯಾಮ್ ಕರನ್ ಒಬ್ಬರನ್ನೇ ರಿಲೀಸ್ ಮಾಡಿದ್ರೆ 18.50 ಕೋಟಿ ರೂ. ಬಿಡ್ಡಿಂಗ್ ಮೊತ್ತಕ್ಕೆ ಸೇರ್ಪಡೆಯಾಗಲಿದೆ. ಅಲ್ಲದೆ ಅದೇ ಮೊತ್ತವನ್ನು ಶುಭ್ಮನ್ ಗಿಲ್ಗೆ ಪಾವತಿಸಿದರೆ ಸಾಕು. ಹೀಗಾಗಿ ಪಂಜಾಬ್ ಕಿಂಗ್ಸ್ ಫ್ರಾಂಚೈಸಿಯ ಡೀಲ್ ಒಪ್ಪಿಗೆಯಾಗಿ ಗುಜರಾತ್ ಟೈಟಾನ್ಸ್ ತಂಡದಿಂದ ಶುಭ್ಮನ್ ಗಿಲ್ ಹೊರಬಂದರೂ ಅಚ್ಚರಿಪಡಬೇಕಿಲ್ಲ.
