Zimbabwe: ಅಮೋಘ ಗೆಲುವಿನೊಂದಿಗೆ ವಿಶ್ವ ದಾಖಲೆ ನಿರ್ಮಿಸಿದ ಝಿಂಬಾಬ್ವೆ
Zimbabwe: . ವಿಶೇಷ ಎಂದರೆ ಇದು ಏಕದಿನ ಕ್ರಿಕೆಟ್ನ 2ನೇ ಅತೀ ದೊಡ್ಡ ಅಂತರದ ಗೆಲುವುದಾಗಿದೆ. ಏಕದಿನ ಕ್ರಿಕೆಟ್ನಲ್ಲಿ ಅತೀ ದೊಡ್ಡ ಅಂತರದಿಂದ ಗೆದ್ದ ವಿಶ್ವ ದಾಖಲೆ ಟೀಮ್ ಇಂಡಿಯಾ ಹೆಸರಿನಲ್ಲಿದೆ.
ICC World Cup Qualifiers 2023: ಹರಾರೆಯ ಸ್ಪೋರ್ಟ್ಸ್ ಕ್ಲಬ್ ಮೈದಾನದಲ್ಲಿ ನಡೆದ ಏಕದಿನ ವಿಶ್ವಕಪ್ ಅರ್ಹತಾ ಸುತ್ತಿನ ಪಂದ್ಯದಲ್ಲಿ ಯುಎಎಸ್ ವಿರುದ್ಧ ಝಿಂಬಾಬ್ವೆ ಅಮೋಘ ಗೆಲುವು ದಾಖಲಿಸಿದೆ. ಈ ಪಂದ್ಯದಲ್ಲಿ ಟಾಸ್ ಸೋತರೂ ಮೊದಲು ಬ್ಯಾಟ್ ಮಾಡಿದ ಝಿಂಬಾಬ್ವೆ ಪರ ನಾಯಕ ಸೀನ್ ವಿಲಿಯಮ್ಸ್ ಸ್ಪೋಟಕ ಇನಿಂಗ್ಸ್ ಆಡಿದ್ದರು.
1 / 9
ಜಾಯ್ಲಾರ್ಡ್ ಗುಂಬಿ (78) ಹಾಗೂ ಇನ್ನೊಸೆಂಟ್ (32) ಝಿಂಬಾಬ್ವೆ ತಂಡಕ್ಕೆ ಭರ್ಜರಿ ಆರಂಭ ಒದಗಿಸಿದ್ದರೆ, ಮೂರನೇ ಕ್ರಮಾಂಕದಲ್ಲಿ ಕಣಕ್ಕಿಳಿದ ವಿಲಿಯಮ್ಸ್ ಸಿಡಿಲಬ್ಬರದ ಬ್ಯಾಟಿಂಗ್ ಪ್ರದರ್ಶಿಸಿದರು.
2 / 9
ಮೈದಾನದ ಮೂಲೆ ಮೂಲೆಗೂ ಚೆಂಡನ್ನಟ್ಟಿದ ವಿಲಿಯಮ್ಸ್ ಅಬ್ಬರ ತಡೆಯುವಲ್ಲಿ ಯುಎಸ್ಎ ಬೌಲರ್ಗಳು ವಿಫಲರಾದರು. ಇತ್ತ ಝಿಂಬಾಬ್ವೆ ನಾಯಕ ಕೇವಲ 65 ಎಸೆತಗಳಲ್ಲಿ ಶತಕ ಪೂರೈಸಿ ಬ್ಯಾಟ್ ಮೇಲೆತ್ತಿದರು.
3 / 9
ಭರ್ಜರಿ ಶತಕದ ಬೆನ್ನಲ್ಲೇ ರನ್ ಗತಿ ಹೆಚ್ಚಿಸಿದ ವಿಲಿಯಮ್ಸ್ ಯುಎಸ್ಎ ಬೌಲರ್ಗಳ ಬೆಂಡೆತ್ತಿದರು. ಪರಿಣಾಮ ಸೀನ್ ವಿಲಿಯಮ್ಸ್ ಬ್ಯಾಟ್ನಿಂದ ಬರೋಬ್ಬರಿ 21 ಫೋರ್ಗಳು ಹಾಗೂ 4 ಭರ್ಜರಿ ಸಿಕ್ಸ್ಗಳು ಮೂಡಿಬಂತು. ಅಲ್ಲದೆ 101 ಎಸೆತಗಳಲ್ಲಿ 174 ರನ್ ಬಾರಿಸಿ ಔಟಾದರು.
4 / 9
ಇನ್ನು ಕೆಳ ಕ್ರಮಾಂಕದಲ್ಲಿ ಸ್ಪೋಟಕ ಬ್ಯಾಟಿಂಗ್ ನಡೆಸಿದ ಸಿಕಂದರ್ ರಾಝ (48) ಹಾಗೂ ರಯಾನ್ ಬರ್ಲ್ (47) ತಂಡದ ಮೊತ್ತವನ್ನು 400ರ ಗಡಿದಾಟಿಸಿದರು. ಅಂತಿಮವಾಗಿ ಝಿಂಬಾಬ್ವೆ 6 ವಿಕೆಟ್ ನಷ್ಟಕ್ಕೆ 408 ರನ್ ಕಲೆಹಾಕಿತು.
5 / 9
409 ರನ್ಗಳ ಬೃಹತ್ ಗುರಿ ಪಡೆದ ಯುಎಸ್ಎ ಪರ ಅಭಿಷೇಕ್ ಪರಾಡ್ಕರ್ 24 ರನ್ಗಳಿಸಿದ್ದು ಗರಿಷ್ಠ ಸ್ಕೋರ್. ಇತ್ತ ರಿಚರ್ಡ್ ನಾಗರವ ಹಾಗೂ ಸಿಕಂದರ್ ರಾಝ ತಲಾ 2 ವಿಕೆಟ್ ಕಬಳಿಸಿದರು. ಇನ್ನು ಇವಾನ್ಸ್, ಬರ್ಲ್, ಜೊಂಗ್ವೆ ತಲಾ ಒಂದೊಂದು ವಿಕೆಟ್ ಪಡೆದರು. ಹಾಗೆಯೇ ಮೂವರು ರನೌಟ್ ಆಗಿ ಹೊರನಡೆದರು. ಪರಿಣಾಮ ಯುಎಸ್ಎ ತಂಡವು 104 ರನ್ಗಳಿಗೆ ಆಯಿತು.
6 / 9
ಇದರೊಂದಿಗೆ ಝಿಂಬಾಬ್ವೆ ತಂಡವು 304 ರನ್ಗಳ ಅಮೋಘ ಗೆಲುವು ದಾಖಲಿಸಿತು. ವಿಶೇಷ ಎಂದರೆ ಇದು ಏಕದಿನ ಕ್ರಿಕೆಟ್ನ 2ನೇ ಅತೀ ದೊಡ್ಡ ಅಂತರದ ಗೆಲುವುದಾಗಿದೆ.
7 / 9
ಏಕದಿನ ಕ್ರಿಕೆಟ್ನಲ್ಲಿ ಅತೀ ದೊಡ್ಡ ಅಂತರದಿಂದ ಗೆದ್ದ ವಿಶ್ವ ದಾಖಲೆ ಟೀಮ್ ಇಂಡಿಯಾ ಹೆಸರಿನಲ್ಲಿದೆ. 2023 ರಲ್ಲಿ ಶ್ರೀಲಂಕಾ ವಿರುದ್ಧ ಭಾರತ ತಂಡವು 317 ರನ್ಗಳ ಭರ್ಜರಿ ಜಯ ಸಾಧಿಸಿತ್ತು.
8 / 9
ಇದೀಗ ಯುಎಸ್ಎ ವಿರುದ್ಧ 304 ರನ್ಗಳಿಂದ ಗೆಲುವು ದಾಖಲಿಸಿರುವ ಝಿಂಬಾಬ್ವೆ ಈ ವಿಶ್ವ ದಾಖಲೆ ಪಟ್ಟಿಯಲ್ಲಿ 2ನೇ ಸ್ಥಾನ ಅಲಂಕರಿಸಿದೆ. ಅಲ್ಲದೆ ಏಕದಿನ ಕ್ರಿಕೆಟ್ನಲ್ಲಿ 300 ಕ್ಕಿಂತ ಅಧಿಕ ರನ್ಗಳಿಂದ ಜಯ ಸಾಧಿಸಿದ 2ನೇ ತಂಡ ಎಂಬ ವಿಶ್ವ ದಾಖಲೆಯನ್ನೂ ಕೂಡ ನಿರ್ಮಿಸಿದೆ.
