Kannada News Photo gallery Russia Ukraine War How a football field turns into a giant crater after a missile strike
Russia Ukraine War: ರಷ್ಯಾ ಕ್ಷಿಪಣಿ ದಾಳಿಗೆ ಉಕ್ರೇನ್ನ ಫುಟ್ಬಾಲ್ ಸ್ಟೇಡಿಯಂನಲ್ಲಿ ಬಿತ್ತು 5 ಮೀ. ಆಳದ ಕುಳಿ
Russia Ukraine War: ಕ್ಷಿಪಣಿ ಬಿದ್ದ ಸೆಂಟ್ರಲ್ ಸಿಟಿ ಸ್ಟೇಡಿಯಂನ ಪ್ರದೇಶದಲ್ಲಿ 15 ಮೀಟರ್ ಅಗಲ ಮತ್ತು 5 ಮೀಟರ್ ಆಳದ ಕುಳಿ ಬಿದ್ದಿದೆ. ಇದರಲ್ಲಿ ಯಾವುದೇ ಪ್ರಾಣಹಾನಿಯಾಗಿರುವ ಸುದ್ದಿಯಿಲ್ಲ.
ರಷ್ಯಾ ಮತ್ತು ಉಕ್ರೇನ್ ನಡುವಿನ ಯುದ್ಧ ಇನ್ನೂ ಮುಂದುವರೆದಿದೆ. ಈ ಯುದ್ಧವು ಫೆಬ್ರವರಿ 24 ರಂದು ಪ್ರಾರಂಭವಾಯಿಗಿದ್ದು, ಇಂದಿಗೆ 126 ದಿನಗಳು ಕಳೆದಿವೆ. ಈ ಸಮಯದಲ್ಲಿ, ರಷ್ಯಾದ ದಾಳಿಯಲ್ಲಿ ಉಕ್ರೇನ್ ಸಾಕಷ್ಟು ಜೀವ ಮತ್ತು ಆಸ್ತಿ ನಷ್ಟವನ್ನು ಅನುಭವಿಸಿದೆ. ಈಗ ರಷ್ಯಾದ ಕ್ಷಿಪಣಿಗಳು ಆಟದ ಮೈದಾನಗಳನ್ನೂ ಗುರಿಯಾಗಿಸಿ ವಿಧ್ವಂಸಕತೆಗಿಳಿದವೆ. ಉಕ್ರೇನ್ನ ದಕ್ಷಿಣ ನಗರವಾದ ಮೈಕೋಲಿವ್‌ನ ಫುಟ್ಬಾಲ್ ಕ್ರೀಡಾಂಗಣವು ಕ್ಷಿಪಣಿ ದಾಳಿಯಿಂದ ಸಂಪಾರ್ಣ ಹಾನಿಗೊಳಗಾಗಿರುವುದು ಇತ್ತೀಚಿನ ಅಂತಹ ಪ್ರಕರಣವಾಗಿದೆ.
1 / 4
ಮಂಗಳವಾರವಷ್ಟೇ ಸೆಂಟ್ರಲ್ ಸಿಟಿ ಫುಟ್ಬಾಲ್ ಸ್ಟೇಡಿಯಂ ರಷ್ಯಾದ ಕ್ಷಿಪಣಿ ದಾಳಿಗೆ ಗುರಿಯಾಗಿದ್ದು, ಅದರ ಚಿತ್ರಗಳು ಈಗ ವೈರಲ್ ಆಗಿವೆ. ಆ ದಿನ ರಷ್ಯಾ ಉಕ್ರೇನ್ ಮೇಲೆ 8 ಕ್ಷಿಪಣಿಗಳನ್ನು ಹಾರಿಸಿತು, ಅದರಲ್ಲಿ 3 ಕ್ಷಿಪಣಿಗಳನ್ನು ಉಕ್ರೇನ್ ವಾಯು ರಕ್ಷಣಾ ವ್ಯವಸ್ಥೆ ನಾಶ ಮಾಡುವುದರಲ್ಲಿ ಯಶಸ್ವಿಯಾಗಿತ್ತು. ಆದರೆ 5 ಕ್ಷಿಪಣಿಗಳು ತಮ್ಮ ಗುರಿ ಮುಟ್ಟುವಲ್ಲಿ ಯಶಸ್ವಿಯಾಗಿದ್ದವು.
2 / 4
ಕ್ಷಿಪಣಿ ಬಿದ್ದ ಸೆಂಟ್ರಲ್ ಸಿಟಿ ಸ್ಟೇಡಿಯಂನ ಪ್ರದೇಶದಲ್ಲಿ 15 ಮೀಟರ್ ಅಗಲ ಮತ್ತು 5 ಮೀಟರ್ ಆಳದ ಕುಳಿ ಬಿದ್ದಿದೆ. ಇದರಲ್ಲಿ ಯಾವುದೇ ಪ್ರಾಣಹಾನಿಯಾಗಿರುವ ಸುದ್ದಿಯಿಲ್ಲ, ಆದರೆ ಈ ಬಗ್ಗೆ ಜನರು ಸಾಕಷ್ಟು ಆಕ್ರೋಶ ಹೊರಹಾಕುತ್ತಿದ್ದಾರೆ.
3 / 4
ಉಕ್ರೇನ್ನ ಸೆಂಟ್ರಲ್ ಸಿಟಿ ಸ್ಟೇಡಿಯಂ ಅನ್ನು 1965 ರಲ್ಲಿ ನಿರ್ಮಿಸಲಾಗಿದ್ದು, ಇದರಲ್ಲಿ 16700 ಆಸನಗಳ ವ್ಯವಸ್ಥೆ ಇದೆ. ಇದು ಫುಟ್ಬಾಲ್ ಕ್ಲಬ್ MFK ಮಿಖೈಲೆವ್‌ನ ತವರು ಮೈದಾನವಾಗಿದೆ. ನಗರದ ಮೇಯರ್ ಪ್ರಕಾರ, ಈ ಕ್ರೀಡಾಂಗಣವನ್ನು ಕಳೆದ ವರ್ಷವಷ್ಟೇ ನವೀಕರಿಸಲಾಗಿದೆ. ಅದರಲ್ಲಿ ಹೊಸ ಪೀಠೋಪಕರಣಗಳು ಮತ್ತು ತಾಂತ್ರಿಕ ಉಪಕರಣಗಳನ್ನು ಅಳವಡಿಸಲಾಗಿದೆ.
