ಕುಡುಕರ ಗಮನಕ್ಕೆ: ಪ್ರತಿದಿನ ಬಿಯರ್ ಕುಡಿಯುವುದು ಒಳ್ಳೆದಂತೆ
Health Benefits of Drinking Beer: ಬಿಯರ್ ಕುಡಿಯುವುದರಿಂದ ಕೂಡ ಆರೋಗ್ಯವನ್ನು ವೃದ್ಧಿಸಿಕೊಳ್ಳಬಹುದು ಎನ್ನುತ್ತದೆ ಸಂಶೋಧನೆ. ಇತರೆ ಆಲ್ಕೋಹಾಲ್ ಪಾನೀಯಗಳಿಗೆ ಹೋಲಿಸಿದರೆ ಬಿಯರ್ ಆರೋಗ್ಯಕ್ಕೆ ಅಷ್ಟು ಹಾನಿಕಾರಕ ಅಲ್ಲ.
ಮದ್ಯಪಾನ ಆರೋಗ್ಯಕ್ಕೆ ಹಾನಿಕಾರಕ. ಆದರೆ ಕೆಲವೊಂದು ಡ್ರಿಂಕ್ಸ್ಗಳನ್ನು ಮಿತಿಯಲ್ಲಿ ಕುಡಿದರೆ ಆರೋಗ್ಯಕರ ಪ್ರಯೋಜನಗಳನ್ನು ಸಹ ಪಡೆಯಬಹುದು. ಹಾಗೆಯೇ ಬಿಯರ್ ಕುಡಿಯುವುದರಿಂದ ಕೂಡ ಆರೋಗ್ಯವನ್ನು ವೃದ್ಧಿಸಿಕೊಳ್ಳಬಹುದು ಎನ್ನುತ್ತದೆ ಸಂಶೋಧನೆ. ಇತರೆ ಆಲ್ಕೋಹಾಲ್ ಪಾನೀಯಗಳಿಗೆ ಹೋಲಿಸಿದರೆ ಬಿಯರ್ ಆರೋಗ್ಯಕ್ಕೆ ಅಷ್ಟು ಹಾನಿಕಾರಕ ಅಲ್ಲ. ಹೀಗಾಗಿಯೇ ಕಿಡ್ನಿ ಸ್ಟೋನ್ ಸೇರಿದಂತೆ ಕೆಲ ಆರೋಗ್ಯ ಸಮಸ್ಯೆಗಳ ಸಂದರ್ಭದಲ್ಲಿ ಡಾಕ್ಟರ್ಗಳೇ ಬಿಯರ್ ಕುಡಿಯಲು ಸಲಹೆ ನೀಡುತ್ತಾರೆ. ಆದರೆ ಎಲ್ಲವೂ ಮಿತಿಯಲ್ಲಿರಬೇಕು ಎಂಬುದು ಕೂಡ ಗಮನದಲ್ಲಿರಲಿದೆ. ಹಾಗಿದ್ರೆ ಬಿಯರ್ ಕುಡಿಯುವುದರಿಂದ ಸಿಗುವ ಪ್ರಯೋಜನಗಳೇನು ನೋಡೋಣ.
1 / 6
#1. ಕಿಡ್ನಿ ಸ್ಟೋನ್ಗೆ ಪರಿಹಾರ: ಮೂತ್ರಪಿಂಡದಲ್ಲಿನ ಕಲ್ಲಿನ ಸಮಸ್ಯೆಗೆ ಬಿಯರ್ ಮನೆಮದ್ದು ಎನ್ನಲಾಗುತ್ತದೆ. ಏಕೆಂದರೆ ಪ್ರತಿದಿನ ಬಿಯರ್ ಕುಡಿಯುವುದರಿಂದ ಕಿಡ್ನಿ ಸ್ಟೋನ್ ನಿಧಾನವಾಗಿ ಮೂತ್ರದ ಮೂಲಕ ಹಾದುಹೋಗುವ ಸಾಧ್ಯತೆಯಿದೆ. ಫಿನ್ಲೆಂಡ್‌ನ ಹೆಲ್ಸಿಂಕಿಯಲ್ಲಿ 27,000 ಜನರ ಮೇಲೆ ನಡೆಸಿದ ಸಂಶೋಧನೆಯಲ್ಲೂ ಇದು ದೃಢಪಟ್ಟಿದೆ. ಈ ಸಂಶೋಧನೆಯಲ್ಲಿ ಬಿಯರ್ ಕುಡಿಯುವುದರಿಂದ ಶೇ.40 ರಷ್ಟು ಕಿಡ್ನಿ ಸ್ಟೋನ್ ಅಪಾಯವನ್ನು ಕಡಿಮೆ ಮಾಡಿಕೊಳ್ಳಬಹುದು ಎಂಬುದು ತಿಳಿದು ಬಂದಿದೆ.
2 / 6
#2. ಹೃದಯದ ಆರೋಗ್ಯ: ಹೃದಯದ ಒಳ ಮೇಲ್ಮೈಯಲ್ಲಿ ಕೊಲೆಸ್ಟ್ರಾಲ್ ಮತ್ತು ಇತರ ಕೊಬ್ಬಿನ ಪದಾರ್ಥಗಳು ಸಂಗ್ರಹವಾಗುತ್ತದೆ. ಇದರಿಂದ ಹೃದಯಾಘಾತವಾಗುವ ಸಾಧ್ಯತೆ ಕೂಡ ಇದೆ. ಈ ಬಗ್ಗೆ ಅಧ್ಯಯನ ನಡೆಸಿದ ಅಮೆರಿಕದ ಪೆನ್ಸಿಲ್ವೇನಿಯಾ ವಿಶ್ವವಿದ್ಯಾಲಯ ಬಿಯರ್ ಕುಡಿಯುವುದರಿಂದ ಈ ಅಪಾಯವನ್ನು ದೂರ ಮಾಡಬಹುದು ಎಂದು ತಿಳಿಸಿದೆ.
3 / 6
#3. ಸ್ಟ್ರೋಕ್ ಅಪಾಯ ಕಡಿಮೆ: ಸಾಮಾನ್ಯವಾಗಿ ಮೆದುಳಿನಲ್ಲಿ ರಕ್ತ ಹೆಪ್ಪುಗಟ್ಟಿದಾಗ ಪಾರ್ಶ್ವವಾಯು ಉಂಟಾಗುತ್ತದೆ. ಇದು ಮೆದುಳಿಗೆ ರಕ್ತ ಮತ್ತು ಆಮ್ಲಜನಕದ ಹರಿವನ್ನು ತಡೆಯುತ್ತದೆ. ಆದರೆ ಬಿಯರ್ ಕುಡಿಯುವುದರಿಂದ, ರಕ್ತ ಪರಿಚಲನೆ ಮಾಡುವ ಅಪಧಮನಿಗಳು ಮೃದುವಾಗುತ್ತವೆ ಮತ್ತು ರಕ್ತದ ಪರಿಚಲನೆ ವೇಗವಾಗಿಸಿ ರಕ್ತ ಹೆಪ್ಪುಗಟ್ಟುವಿಕೆಯ ಅಪಾಯವನ್ನು ಕಡಿಮೆ ಮಾಡುತ್ತದೆ. ಈ ಮೂಲಕ ಸ್ಟ್ರೋಕ್ ಬರುವ ಸಮಸ್ಯೆಯನ್ನು ಬಿಯರ್ ಕುಡಿಯುವುದರಿಂದ ದೂರ ಮಾಡಬಹುದು ಎನ್ನುತ್ತದೆ ಸಂಶೋಧನೆ.
4 / 6
#4. ಮೂಳೆಗಳ ಬೆಳವಣಿಗೆ: ಉತ್ತಮ ಆರೋಗ್ಯಕ್ಕಾಗಿ ಸ್ನಾಯುಗಳು ಕೂಡ ಬಲವಾಗಿರಬೇಕು. ಹೀಗೆ ಮೂಳೆಗಳನ್ನು ಬೆಳವಣಿಗೆ ಸಹಕಾರಿಯಾಗಿರುವ ಅಂಶ ಕೂಡ ಬಿಯರ್ನಲ್ಲಿದೆ. ಬಿಯರ್ನಲ್ಲಿ ಸಿಲಿಕಾನ್ ಎಂಬ ಅಂಶವಿದ್ದು, ಇದು ಮೂಳೆಗಳ ಬೆಳವಣಿಗೆಗೆ ಸಹಾಯ ಮಾಡುತ್ತದೆ. ಮ್ಯಾಸಚೂಸೆಟ್ಸ್ ವಿಶ್ವವಿದ್ಯಾಲಯ ನಡೆಸಿದ ಸಂಶೋಧನೆಯು ನೀವು ದಿನಕ್ಕೆ ಒಂದರಿಂದ ಎರಡು ಗ್ಲಾಸ್ ಬಿಯರ್ ಕುಡಿದರೆ, ಮೂಳೆ ಮುರಿತದ ಸಾಧ್ಯತೆಗಳು ಕಡಿಮೆ ಎಂಬುದನ್ನು ಸೂಚಿಸಿದೆ.
5 / 6
#5. ಮಧುಮೇಹದ ಅಪಾಯ ಕಡಿಮೆ: ಭಾರತದಲ್ಲಿ ವೇಗವಾಗಿ ಬೆಳೆಯುತ್ತಿರುವ ರೋಗಗಳಲ್ಲಿ ಮಧುಮೇಹ ಕೂಡ ಒಂದು. ಆದರೆ ಈ ರೋಗದ ಅಪಾಯವನ್ನು ಕಡಿಮೆ ಮಾಡುವಲ್ಲಿ ಬಿಯರ್ ಸಹಕಾರಿ. 2011 ರಲ್ಲಿ 38,000 ಮಧ್ಯ ವಯಸ್ಕರ ಮೇಲೆ ಹೊವಾರ್ಡ್ ಅಧ್ಯಯನ ತಂಡವು ನಡೆಸಿದ ಸಂಶೋಧನೆಯಲ್ಲಿ ದಿನಕ್ಕೆ ಒಂದರಿಂದ ಎರಡು ಗ್ಲಾಸ್ ಬಿಯರ್ ಕುಡಿಯುವುದರಿಂದ ಟೈಪ್ -2 ಡಯಾಬಿಟಿಸ್ ಅಪಾಯವನ್ನು ಶೇ. 25ರಷ್ಟು ಕಡಿಮೆ ಮಾಡುತ್ತದೆ ಎಂದು ತಿಳಿಸಿದೆ. ಇದಕ್ಕೆ ಬಹುಮುಖ್ಯ ಕಾರಣವೆಂದರೆ ಬಿಯರ್‌ನಲ್ಲಿರುವ ಆಲ್ಕೋಹಾಲ್ ದೇಹದಲ್ಲಿ ಇನ್ಸುಲಿನ್ ಸೂಕ್ಷ್ಮತೆಯನ್ನು ಹೆಚ್ಚಿಸುತ್ತದೆ, ಇದು ಮಧುಮೇಹವನ್ನು ತಡೆಯಲು ಸಹಾಯ ಮಾಡುತ್ತದೆ.
