ಚಾಮುಂಡಿ ಬೆಟ್ಟದ ಅಲಂಕಾರಕ್ಕೆ ಬಳಸಲಾಗಿದೆ 1.5ಲಕ್ಷಕ್ಕೂ ಹೆಚ್ಚು ಬಲ್ಬ್​ಗಳು

ಮೈಸೂರು: ನಾಡಹಬ್ಬ ದಸರಾವನ್ನು (Dussehra) ರಾಜ್ಯಾದ್ಯಂತ ಬಹಳ ವಿಜೃಂಭಣೆಯಿಂದ ಆಚರಿಸಲಾಗುತ್ತಿದೆ. ಮೈಸೂರಿನಲ್ಲಿ 10 ದಿನಗಳ ಕಾಲ ವಿಶೇಷವಾಗಿ ಆಚರಿಸಲಾಗುತ್ತದೆ. ಪ್ರತಿದಿನ ಬೇರೆ ಕಾರ್ಯಕ್ರಮಗಳು, ಚಾಮುಂಡಿ ಬೆಟ್ಟದಲ್ಲಿ ತಾಯಿ ಚಾಮುಂಡಿಗೆ ವಿಶೇಷ ಪೂಜೆ ಮತ್ತು ಅಲಂಕಾರ ಮಾಡಲಾಗುತ್ತದೆ. ಇಡಿ ಮೈಸೂರು ವಿದ್ಯುತ್​ ದೀಪಗಳಿಂದ ಕಂಗೊಳಿಸುತ್ತಿರುತ್ತದೆ. ಮೈಸೂರು ದಸರಾ ಪ್ರಪಂಚದಾದ್ಯಂತ ಪ್ರಸಿದ್ಧವಾಗಿದ್ದು, ಇದನ್ನು ನೋಡಲು ವಿದೇಶದ ಜನರು ಮೈಸೂರಿಗೆ ಬರುತ್ತಾರೆ.

ದಸರಾ ಸಂದರ್ಭದಲ್ಲಿ ಮೈಸೂರು ನಗರವನ್ನು ಬಣ್ಣ ಬಣ್ಣದ ದೀಪಗಳಿಂದ ಅಲಂಕರಿಸಲಾಗಿದೆ. ವಿಜಯದಶಮಿಯ ಜಂಬೂ ಸವಾರಿ ಮೆರವಣಿಗೆಯಲ್ಲಿ ತಾಯಿ ಚಾಮುಂಡಿ ದೇವಿ ಚಿನ್ನದ ಸಿಂಹಾಸನದ ಒಳಗೆ ಕುಳಿತು ಭಕ್ತರನ್ನು ಆಶಿರ್ವದಿಸುತ್ತಿರುತ್ತಾಳೆ.  ಮೈಸೂರಿನ ಈ ದಸರಾದ ಇತಿಹಾಸವು ಶತಮಾನಗಳಷ್ಟು ಹಳೆಯದು. ಹದಿನಾಲ್ಕನೆಯ ಶತಮಾನದಲ್ಲಿ ಮೊದಲ ಬಾರಿಗೆ ಹರಿಹರ ಮತ್ತು ಬುಕ್ಕರು ನವರಾತ್ರಿ ಆಚರಣೆಯನ್ನು ಪ್ರಾರಂಭಿಸಿದರು. ಇದರ ನಂತರ, ಒಡೆಯರ್ ರಾಜವಂಶದ ದೊರೆ ಕೃಷ್ಣರಾಜ ಒಡೆಯರ್ ಇದಕ್ಕೆ ದಸರಾ ಎಂದು ಹೆಸರಿಸಿದರು ಮತ್ತು ಅಂದಿನಿಂದ 10 ದಿನಗಳ ಉತ್ಸವದ ಸಂಪ್ರದಾಯವು ನಡೆಯುತ್ತಿದೆ.

ಒಂದೂವರೆ ಲಕ್ಷ ಬಲ್ಬ್‌ಗಳಿಂದ ಚಾಮುಂಡಿ ಬೆಟ್ಟ ಅಲಂಕಾರ

ಇಡಿ ಮೈಸೂರು ವಿದ್ಯುತ್​ ದೀಪಗಳಿಂದ ಕಂಗೊಳಿಸುತ್ತಿರುತ್ತದ್ದು, ಅಲಂಕಾರಕ್ಕೆ ಬೇರೆ ಬೇರೆ ಬಣ್ಣದ ವಿದ್ಯುತ್​ ದೀಪಗಳನ್ನು ಬಳಸಲಾಗುತ್ತದೆ. ಚಾಮುಂಡಿ ಬೆಟ್ಟವನ್ನು ವಿದ್ಯುತ್​ ದೀಪಗಳಿಂದ ಅಲಂಕರಿಸಲು 1.5 ಲಕ್ಷಕ್ಕೂ ಹೆಚ್ಚು ವಿದ್ಯುತ್ ಬಲ್ಬ್‌ಗಳಸಲಾಗಿದೆ. ಮೈಸೂರು ಅರಮನೆಯ ಅಲಂಕಾರಕ್ಕೆ 90 ಸಾವಿರಕ್ಕೂ ಹೆಚ್ಚು ವಿದ್ಯುತ್ ಬಲ್ಬ್​​ಗಳನ್ನು ಬಳಸಲಾಗಿದೆ.

ರಾಜ್ಯದ ಮತ್ತಷ್ಟು ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ

Published On - 7:08 pm, Wed, 5 October 22