ನವರಾತ್ರಿಯ ಉಪವಾಸದ ವೇಳೆ ಸಾತ್ವಿಕ ಆಹಾರ ಸೇವಿಸುವುದರಿಂದ ಏನು ಪ್ರಯೋಜನ?

ನವರಾತ್ರಿ ಹಬ್ಬವು ಸಮೀಪದಲ್ಲಿದೆ. ಈ ಮಂಗಳಕರವಾದ 9 ದಿನಗಳಲ್ಲಿ, ಅನೇಕ ದುರ್ಗಾ ಭಕ್ತರು ಉಪವಾಸವನ್ನು ಆಚರಿಸುತ್ತಾರೆ. ಆಯಾ ಕುಟುಂಬವು ಅನುಸರಿಸುವ ಸಂಪ್ರದಾಯಗಳನ್ನು ಅವಲಂಬಿಸಿ, ಉಪವಾಸದ ಅವಧಿಯು 2 ದಿನಗಳಿಂದ 9 ದಿನಗಳವರೆಗೆ ಇರುತ್ತದೆ. ಉಪವಾಸವಿರಲಿ ಇಲ್ಲದಿರಲಿ, ಈ ಸಮಯದಲ್ಲಿ ಅನೇಕ ಜನರು ಸಾತ್ವಿಕ ಆಹಾರಕ್ರಮವನ್ನು ಅನುಸರಿಸುತ್ತಾರೆ. ಈರುಳ್ಳಿ, ಬೆಳ್ಳುಳ್ಳಿ, ಬೇರಿನ ತರಕಾರಿಗಳು, ಚಹಾ, ಕಾಫಿಯನ್ನು ಅನೇಕರು ದೂರವಿಡುತ್ತಾರೆ. ಬಹುತೇಕರು ವ್ರತ ಸ್ನೇಹಿ ಆಹಾರವನ್ನು ಸೇವಿಸುತ್ತಾರೆ. ನವರಾತ್ರಿಯಲ್ಲಿ ಜನರು ರಾಗಿ, ಸಾಬುದಾನ, ರವೆಯ ತಿಂಡಿ, ಹಣ್ಣುಗಳನ್ನು ಸೇವಿಸುತ್ತಾರೆ. ಈ ಆಹಾರಗಳು ಸಾತ್ವಿಕವಾಗಿ ಮಾತ್ರವಲ್ಲದೆ ಆರೋಗ್ಯದ ಪ್ರಯೋಜನಗಳಿಂದ ಕೂಡಿದೆ. ಫೈಬರ್, ಪ್ರೋಟೀನ್, ಅಗತ್ಯವಾದ ಜೀವಸತ್ವಗಳು ಮತ್ತು ಖನಿಜಗಳಿಂದ ಸಮೃದ್ಧವಾಗಿರುವ ಸಾತ್ವಿಕ ಆಹಾರವು ದೇಹದ ವಿಷವನ್ನು ತೆಗೆದುಹಾಕುತ್ತದೆ ಮತ್ತು ದೇಹವನ್ನು ಚೆನ್ನಾಗಿ ಪೋಷಿಸುತ್ತದೆ.

ನವರಾತ್ರಿ ಹಬ್ಬದ ಸಮಯದಲ್ಲಿ ಅನೇಕ ಜನರು ಉಪವಾಸಗಳನ್ನು ಆಚರಿಸುವುದು ಸಾಮಾನ್ಯವಾಗಿದೆ. ಅವರು ಈ ಸಮಯದಲ್ಲಿ ಸಾತ್ವಿಕ ಆಹಾರವನ್ನು ಸೇವಿಸುತ್ತಾರೆ. ಸಾಂಪ್ರದಾಯಿಕ ಆಯುರ್ವೇದ ಮತ್ತು ಯೋಗಶಾಸ್ತ್ರದ ತತ್ವಗಳಲ್ಲಿ ಸಾತ್ವಿಕ ಆಹಾರವನ್ನು ಶುದ್ಧ, ಸರಳ ಆಹಾರವೆಂದು ಪರಿಗಣಿಸಲಾಗುತ್ತದೆ. ನವರಾತ್ರಿಯ ಸಮಯದಲ್ಲಿ ಸಾತ್ವಿಕ ಆಹಾರವನ್ನು ಸೇವಿಸುವುದರಿಂದ ಹಲವಾರು ಪ್ರಯೋಜನಗಳಿವೆ.

ಇದನ್ನೂ ಓದಿ: Navratri Fasting: ನವರಾತ್ರಿಯ ಉಪವಾಸದ ವೇಳೆ ಏನು ಮಾಡಬೇಕು? ಏನು ಮಾಡಬಾರದು?

1. ಶುದ್ಧೀಕರಣ ಮತ್ತು ನಿರ್ವಿಶೀಕರಣ:

ಸಾತ್ವಿಕ ಆಹಾರಗಳು ದೇಹಕ್ಕೆ ಆರಾಮದಾಯಕವಾಗಿರುತ್ತವೆ. ಅಲ್ಲದೆ, ದೇಹಕ್ಕೆ ಜೀರ್ಣಿಸಿಕೊಳ್ಳಲು ಸುಲಭವಾಗಿರುತ್ತವೆ. ಅತಿಯಾದ ಮಸಾಲೆಗಳು ಅಥವಾ ಕೊಬ್ಬಿನಿಂದ ಮುಕ್ತವಾಗಿರುತ್ತವೆ. ಇದು ದೇಹವನ್ನು ನಿರ್ವಿಷಗೊಳಿಸಲು ಮತ್ತು ಜೀರ್ಣಾಂಗ ವ್ಯವಸ್ಥೆಗೆ ವಿಶ್ರಾಂತಿ ನೀಡಲು ಸಹಾಯ ಮಾಡುತ್ತದೆ.

2. ಹೆಚ್ಚಿನ ಚೈತನ್ಯ ನೀಡುತ್ತದೆ:

ಸಾತ್ವಿಕ ಆಹಾರಗಳು ನೈಸರ್ಗಿಕ ಪೋಷಕಾಂಶಗಳನ್ನು ಹೊಂದಿವೆ. ಇವುಗಳನ್ನು ಹೆಚ್ಚು ಸಂಸ್ಕರಣೆ ಮಾಡಿರುವುದಿಲ್ಲ. ಹೀಗಾಗಿ, ಇಂತಹ ಆಹಾರಗಳನ್ನು ಸೇವಿಸುವುದರಿಂದ ದೇಹಕ್ಕೆ ದಿನವಿಡೀ ನಿರಂತರ ಶಕ್ತಿ ಸಿಗುತ್ತದೆ. ಹಾಗೇ, ಒಟ್ಟಾರೆ ಚೈತನ್ಯವನ್ನು ಕಾಪಾಡಿಕೊಳ್ಳಲು ಸಹಾಯ ಮಾಡುತ್ತದೆ.

3. ಸಮತೋಲಿತ ಪೋಷಣೆ ನೀಡುತ್ತದೆ:

ಸಾತ್ವಿಕ ಆಹಾರಗಳು ಸಾಮಾನ್ಯವಾಗಿ ವಿವಿಧ ಹಣ್ಣುಗಳು, ತರಕಾರಿಗಳು, ನಟ್ಸ್​, ಸೀಡ್ಸ್​ ಮತ್ತು ಡೈರಿ ಉತ್ಪನ್ನಗಳನ್ನು ಒಳಗೊಂಡಿರುತ್ತವೆ. ಇದು ಉಪವಾಸದ ಅವಧಿಯಲ್ಲಿ ಸಮತೋಲಿತ ಪೌಷ್ಟಿಕಾಂಶದ ಸೇವನೆಯನ್ನು ಕಾಪಾಡಿಕೊಳ್ಳಲು ಸಹಾಯ ಮಾಡುತ್ತದೆ.

ಇದನ್ನೂ ಓದಿ: ನವರಾತ್ರಿಯಲ್ಲಿ ಯಾವ ದಿನ ಯಾವ ದೇವಿಯನ್ನು ಪೂಜಿಸಬೇಕು? ನವ ಅವತಾರಗಳ ಹಿಂದಿನ ಪುರಾಣ ಕಥೆ ಏನು?

4. ಜೀರ್ಣಕ್ರಿಯೆ ಸುಧಾರಿಸುತ್ತದೆ:

ಸಾತ್ವಿಕ ಆಹಾರಗಳು ಸಾಮಾನ್ಯವಾಗಿ ಜೀರ್ಣಾಂಗ ವ್ಯವಸ್ಥೆಯನ್ನು ಸುಲಭಗೊಳಿಸುತ್ತದೆ. ಜೀರ್ಣಕ್ರಿಯೆಯ ಪ್ರಕ್ರಿಯೆಯು ನಿಧಾನಗೊಂಡಾಗ ಉಪವಾಸದ ಸಮಯದಲ್ಲಿ ಇದು ಸಹಾಯಕವಾಗಿರುತ್ತದೆ. ಇದು ಅಸ್ವಸ್ಥತೆ ಅಥವಾ ಜೀರ್ಣಕಾರಿ ಸಮಸ್ಯೆಗಳನ್ನು ತಡೆಯಬಹುದು.

5. ಭಾವನಾತ್ಮಕ ಸ್ಥಿರತೆ ನೀಡುತ್ತದೆ:

ಸಾತ್ವಿಕ ಆಹಾರಗಳು ಮನಸ್ಸನ್ನು ಶಾಂತಗೊಳಿಸುತ್ತವೆ. ಇದು ವ್ಯಕ್ತಿಗಳು ಭಾವನಾತ್ಮಕ ಸ್ಥಿರತೆಯನ್ನು ಕಾಪಾಡಿಕೊಳ್ಳಲು ಮತ್ತು ಹಬ್ಬದ ಅವಧಿಯಲ್ಲಿ ಒತ್ತಡ ಅಥವಾ ಆತಂಕವನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ.

ಸಾತ್ವಿಕವೆಂದು ಪರಿಗಣಿಸಲಾಗುವ ಆಹಾರಗಳು ಆಯಾ ಪ್ರದೇಶಕ್ಕೆ ಸಂಬಂಧಿಸಿದಂತೆ ಬದಲಾಗುತ್ತಿರುತ್ತದೆ. ಸಾಮಾನ್ಯ ಸಾತ್ವಿಕ ಆಹಾರಗಳಲ್ಲಿ ಹಣ್ಣುಗಳು, ತರಕಾರಿಗಳು, ಡೈರಿ ಉತ್ಪನ್ನಗಳು, ಸೀಡ್ಸ್, ನಟ್ಸ್ ಮತ್ತು ಧಾನ್ಯಗಳು ಸೇರಿವೆ.

ಇನ್ನಷ್ಟು ಜೀವನಶೈಲಿಯ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ