Daily Devotional: ಗರ್ಭಿಣಿಯರು ದೇವಸ್ಥಾನಕ್ಕೆ ಹೋಗಬಹುದೇ? ಯಾವ ತಿಂಗಳು ಹೋಗುವುದು ಸೂಕ್ತ?
ಗರ್ಭಿಣಿಯರು ದೇವಾಲಯಕ್ಕೆ ಹೋಗಬಹುದೇ ಎಂಬ ಪ್ರಶ್ನೆಗೆ ಡಾ. ಬಸವರಾಜ್ ಗುರೂಜಿಯವರು ಉತ್ತರಿಸಿದ್ದಾರೆ. ಗರ್ಭಧಾರಣೆಯು ಪವಿತ್ರ ಮತ್ತು ವಿಶೇಷವಾದ ಅವಧಿ ಎಂದು ಅವರು ಹೇಳುತ್ತಾರೆ. ಆದರೆ ನಾಲ್ಕನೇ ತಿಂಗಳವರೆಗೆ ಮತ್ತು ಎಂಟನೇ ತಿಂಗಳ ನಂತರ ದೇವಾಲಯಕ್ಕೆ ಹೋಗುವುದು ಅಷ್ಟು ಶುಭವಲ್ಲ ಎಂದು ಅವರು ಹೇಳುತ್ತಾರೆ. ಐದರಿಂದ ಏಳನೇ ತಿಂಗಳವರೆಗೆ ಭೇಟಿ ನೀಡಬಹುದು. ಇದಲ್ಲದೇ ಮನೆಯಲ್ಲಿಯೇ ಪ್ರಾರ್ಥನೆ ಮಾಡುವುದರ ಮಹತ್ವವನ್ನೂ ಅವರು ಇಲ್ಲಿ ವಿವರಿಸಿದ್ದಾರೆ.
Updated on: Jul 17, 2025 | 8:30 AM
ಗರ್ಭಿಣಿಯರು ದೇವಾಲಯಗಳಿಗೆ ಭೇಟಿ ನೀಡುವುದು ಸೂಕ್ತವೇ ಎಂಬುದು ಹಿಂದೂ ಸಂಸ್ಕೃತಿಯಲ್ಲಿ ಚರ್ಚೆಯಾಗುವ ವಿಷಯ. ಖ್ಯಾತ ಜ್ಯೋತಿಷಿ ಮತ್ತು ವಾಸ್ತು ಶಾಸ್ತ್ರಜ್ಞರಾದ ಡಾ. ಬಸವರಾಜ ಗುರೂಜಿಯವರು ತಮ್ಮ ನಿತ್ಯಭಕ್ತಿ ಕಾರ್ಯಕ್ರಮದಲ್ಲಿ ಈ ವಿಷಯದ ಬಗ್ಗೆ ವಿವರವಾಗಿ ಚರ್ಚಿಸಿದ್ದಾರೆ. ಗರ್ಭಿಣಿಯರ ಮೇಲೆ ಭಗವಂತನ ಅನುಗ್ರಹ ಸದಾ ಇರುತ್ತದೆ. ಗರ್ಭಿಣಿ ಸ್ತ್ರೀಯರಿಗೆ ಪೂಜ್ಯ ಭಾವನೆ, ಕರುಣೆ ಮತ್ತು ಸಹಾಯದ ಮನೋಭಾವವನ್ನು ಬೆಳೆಸಿಕೊಳ್ಳುವುದು ಮುಖ್ಯ ಎಂದು ಗುರೂಜಿ ಹೇಳುತ್ತಾರೆ.
ದೇವಾಲಯಗಳು ಶಕ್ತಿ ಕೇಂದ್ರಗಳು. ಹಳೆಯ ದೇವಾಲಯಗಳಲ್ಲಿನ ಪೂಜೆಗಳು, ಲಹರಿಗಳು ಮತ್ತು ವಿಶೇಷ ಕಿರಣಗಳ ಪ್ರಭಾವ ಗರ್ಭಿಣಿಯರ ಮೇಲೆ ಬೀರಬಹುದು. ನಾಲ್ಕನೇ ತಿಂಗಳವರೆಗೆ ಭ್ರೂಣದ ಬೆಳವಣಿಗೆಯ ಹಂತದಲ್ಲಿ, ಈ ಶಕ್ತಿಗಳ ಪ್ರಭಾವ ದೇಹಕ್ಕೆ ಸಣ್ಣಪುಟ್ಟ ಒತ್ತಡವನ್ನು ಉಂಟುಮಾಡಬಹುದು ಎಂದು ಹಿರಿಯರು ಹೇಳುತ್ತಾರೆ. ಆದ್ದರಿಂದ, ಈ ಅವಧಿಯಲ್ಲಿ ದೇವಾಲಯ ಭೇಟಿಯನ್ನು ತಪ್ಪಿಸುವುದು ಉತ್ತಮ ಎಂದು ಗುರೂಜಿ ಸಲಹೆ ನೀಡುತ್ತಾರೆ.
ವಿಡಿಯೋ ಇಲ್ಲಿದೆ ನೋಡಿ:
ಇದನ್ನೂ ಓದಿ: ಶಿವ ದೇವಾಲಯದಲ್ಲಿ ಮೂರು ಬಾರಿ ಚಪ್ಪಾಳೆ ತಟ್ಟುವುದೇಕೆ? ಹಿಂದಿನ ಕಾರಣವನ್ನು ತಿಳಿಯಿರಿ
ಆದರೆ ಐದನೇ ತಿಂಗಳಿನಿಂದ ಏಳನೇ ತಿಂಗಳವರೆಗೆ, ಗರ್ಭಿಣಿಯರು ದೇವಾಲಯಕ್ಕೆ ಭೇಟಿ ನೀಡಬಹುದು. ಆದರೆ, ಎಂಟನೇ ಮತ್ತು ಒಂಬತ್ತನೇ ತಿಂಗಳಲ್ಲಿ ಭೇಟಿ ನೀಡುವುದು ಅಷ್ಟು ಶುಭಕರವಲ್ಲ. ಇದು ಕೇವಲ ಅನುಭವಿಕ ಮಾಹಿತಿಯಾಗಿದ್ದು, ವೈಜ್ಞಾನಿಕ ಪುರಾವೆಗಳಿಲ್ಲ.
ಆದರೆ, ಒಂದು ಸತ್ಯವೆಂದರೆ, ಗರ್ಭಿಣಿ ಸ್ತ್ರೀ ಇರುವ ಸ್ಥಳವೇ ದೇವಾಲಯ. ಮನಸ್ಸೇ ದೇವಾಲಯ. ಮನೆಯಲ್ಲಿಯೇ ಪ್ರಾರ್ಥನೆ ಮಾಡುವುದು, ಭಗವಂತನ ಫೋಟೋವನ್ನು ನೋಡಿ ಪ್ರಾರ್ಥನೆ ಮಾಡುವುದು ಸಹ ಪರಿಣಾಮಕಾರಿ. ಭಗವಂತ ಸರ್ವವ್ಯಾಪಿ, ಸರ್ವಶಕ್ತ ಎಂಬ ನಂಬಿಕೆಯನ್ನು ಗುರೂಜಿ ಸ್ಪಷ್ಟಪಡಿಸಿದ್ದಾರೆ.
ಮತ್ತಷ್ಟು ಆಧ್ಯಾತ್ಮಿಕ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ
