Bat god worship: ಬಾವಲಿಗಳ ಉಲ್ಟಾ ಲೋಕದಲ್ಲಿ… ಅಸಲಿಗೆ ಬಾವಲಿ ಯಾವ ದೇವರ ಸಂಕೇತ, ಏನಿದು ಬಾವಲಿ ಪೂಜೆ? ಎಲ್ಲಿದೆ ಇದರ ಆಚರಣೆ?

ವಿಸ್ಮಯಕಾರಿ ಪುಟ್ಟ ಪುಟ್ಟ ಬಾವಲಿಗಳ ಉಲ್ಟಾ ಲೋಕದಲ್ಲಿ ವಿಹರಿಸುತ್ತಾ… ಅಸಲಿಗೆ ಬಾವಲಿ ಯಾವ ದೇವರ ಸಂಕೇತ, ಏನಿದು ಬಾವಲಿ ಪೂಜೆ (Bat god worship)? ಎಲ್ಲಿದೆ ಅದರ ಆಚರಣೆ? ಮುಂತಾದ ವಿಚಾರಗಳ ಬಗ್ಗೆ ತಿಳಿಯುವ ಪ್ರಯತ್ನ ಇಲ್ಲಿದೆ. ಅನೇಕ ದೇವರುಗಳು ಬಾವಲಿಗಳೊಂದಿಗೆ ಸಾಂಕೇತಿಕವಾಗಿ ಸಂಬಂಧ ಹೊಂದಿವೆ. ಮಾಯೆ ಎಂಬ ದೇವರು ಬಾವಲಿಯ ಸಂಕೇತವಾಗಿದೆ. ಇದು ರಾತ್ರಿ, ನಿದ್ರೆ, ಕನಸು, ಸಾವು ಮತ್ತು ತ್ಯಾಗ ದೇವತೆಯ ಸಂಕೇತವಾಗಿದೆ (Spiritual).

ಭಾರತೀಯರು ಅಥವಾ ಹಿಂದೂಗಳು (Hindu) ನಿರ್ದಿಷ್ಟವಾಗಿ ಯಾವಾಗಲೂ ಅನೇಕ ಪ್ರಾಣಿ ಜಾತಿಗಳಿಗೆ ಹೆಚ್ಚಿನ ಪ್ರಾಮುಖ್ಯತೆ, ಮಣೆ ಹಾಕುತ್ತಾರೆ. ಶ್ರೀಕೃಷ್ಣ-ಗೋವು, ಶಿವ-ನಂದಿ -ಹಾವು-ನಾಗದೇವ, ದುರ್ಗಾದೇವಿ -ಹುಲಿ, ಹನುಮಂತ -ಕೋತಿ, ಗಣೇಶ -ಇಲಿ ಇತ್ಯಾದಿ. ಬಹುತೇಕ ಈ ಎಲ್ಲಾ ಪ್ರಾಣಿಗಳು ಮತ್ತು ಇನ್ನೂ ಕೆಲವನ್ನು ಈ ಧರ್ಮದ ಜನರು ಬಹಳ ಗೌರವದಿಂದ ಗೌರವಿಸುತ್ತಾರೆ, ಅವರು ದೇವರ ವಿಸ್ತರಣೆಯಾಗಿ ಆ ಪ್ರಾಣಿ ಸಂಕುಲವನ್ನು ಪೂಜಿಸುತ್ತಾರೆ. ಆದರೆ, ಈ ಪ್ರಾಣಿಗಳಲ್ಲಿ ಬಹುತೇಕವು/ಬಹಳಷ್ಟು ಜನಪ್ರಿಯವಾಗಿವೆ. ಆದರೂ, ಭಾರತದಲ್ಲಿ ಕೆಲವು ಜನಪ್ರಿಯವಲ್ಲದ ಪ್ರಾಣಿ-ಪಕ್ಷಿ ಸಂಕುಲವನ್ನು ಪೂಜಿಸುವ ಕೆಲವು ಪ್ರದೇಶಗಳಿವೆ. ಈ ಸಂದರ್ಭದಲ್ಲಿ, ಬಿಹಾರ, ಆಂಧ್ರದ ಹಳ್ಳಿಗಳಲ್ಲಿ ಬಾವಲಿಗಳನ್ನು ಪೂಜಿಸುವ ಮತ್ತು ಅವು ತಮ್ಮ ರಕ್ಷಕ ಜೀವಿಗಳು ಎಂದು ಪರಿಗಣಿಸುವ ಉದಾಹರಣೆಗಳು ಇಲ್ಲಿವೆ.

ಆಂಧ್ರ ಪ್ರದೇಶದ ಕಡಪಾ ಜಿಲ್ಲೆಯ ಮಾಧವರಾಮಪುರ ಮತ್ತು ಬಿಹಾರದ ವೈಶಾಲಿ ಜಿಲ್ಲೆಯ ಸರಸಾಯಿ ಗ್ರಾಮಗಳಲ್ಲಿನ ಜನ ಬಾವಲಿಗಳನ್ನು ಸಮೃದ್ಧಿ ಮತ್ತು ರಕ್ಷಣೆಯ ಸಂಕೇತಗಳಾಗಿ ಪೂಜಿಸಲಾಗುತ್ತದೆ. ಮೂಲಗಳ ಪ್ರಕಾರ, ಸುಮಾರು 50,000 ಬಾವಲಿಗಳು ವೈಶಾಲಿ ಜಿಲ್ಲೆಯ ಸರಸಾಯಿ ಗ್ರಾಮದ ಕೆರೆಯ ಸುತ್ತಮುತ್ತ ನಾನಾ ಮರಗಳಲ್ಲಿ ವಾಸಿಸುತ್ತವೆ ಮತ್ತು ಸುತ್ತಮುತ್ತಲ ಹಳ್ಳಿಗಳ ಜನ ಅವುಗಳನ್ನು ಲಕ್ಷ್ಮಿ ದೇವಿಯ ಸಂಕೇತವೆಂದು ಪರಿಗಣಿಸುತ್ತಾರೆ ಮತ್ತು ಅವುಗಳನ್ನು ಕೆಟ್ಟ ಶಕುನಗಳಿಂದ ರಕ್ಷಿಸುವ ದೇವರ ಸಂದೇಶವಾಹಕರು ಎಂದು ಪರಿಗಣಿಸುತ್ತಾರೆ.

ಸ್ಥಳೀಯರ ಪ್ರಕಾರ, ಮಧ್ಯಯುಗದಲ್ಲಿ ವೈಶಾಲಿ ಜಿಲ್ಲೆ ವಿಶೇಷವಾಗಿ ಕೆಟ್ಟ ಸಾಂಕ್ರಾಮಿಕ ರೋಗದಿಂದ ಬಳಲುತ್ತಿದ್ದಾಗ, ಈ ಬಾವಲಿಗಳು ಹಳ್ಳಿಗೆ ವಲಸೆ ಬಂದವು. ಬಾವಲಿಗಳು ಹಳ್ಳಿಯಲ್ಲಿ ನೆಲೆಸಿದಾಗ ಯಾವುದೇ ರೋಗ ಅಥವಾ ಸಾಂಕ್ರಾಮಿಕ ರೋಗಗಳು ಕಾಣಿಸಿಕೊಳ್ಳಲಿಲ್ಲವಂತೆ. ಸರಸಾಯಿ ಪಂಚಾಯಿತಿಯ ಸರಪಂಚ ಹಾಗೂ ರಾಜ್ಯ ಸರಪಂಚ ಸಂಘದ ಅಧ್ಯಕ್ಷ ಅಮೋದ್‌ಕುಮಾರ ನೀರಾಳ ಮಾತನಾಡಿ, ನಮ್ಮ ಗ್ರಾಮದಲ್ಲಿ ಈ ನಿಶಾಚರ ಪ್ರಾಣಿಗಳು ನೆಲೆಸಿದ್ದರಿಂದ ಮಾರಣಾಂತಿಕ ರೋಗಗಳು ಅಲ್ಲಿಂದ ಏಕಾಏಕಿ ಮಾಯವಾದವು.

Also read: ಜಾತಕ ಬಲಕ್ಕಾಗಿ ವಾರದ ಏಳು ದಿನಗಳಲ್ಲಿ- ಯಾವ ದಿನ ಯಾವ ಗ್ರಹ ಮತ್ತು ದೇವತೆಯನ್ನು ಪೂಜಿಸಬೇಕು? ಇಲ್ಲಿದೆ ವಿವರ

ಅಂದಿನಿಂದ ನಾವು ಈ ಬಾವಲಿಗಳನ್ನು ಪೂಜಿಸುತ್ತಿದ್ದೇವೆ. ಅವು ನಮ್ಮ ಅದೃಷ್ಟವನ್ನು ಸಾಬೀತುಪಡಿಸಿದೆ. ಈ ಬಾವಲಿಗಳು ಎಲ್ಲಿಯವರೆಗೆ ಇರುತ್ತವೆಯೋ ಅಲ್ಲಿಯವರೆಗೆ ಗ್ರಾಮವು ಯಾವುದೇ ಅಪಾಯದಿಂದ ಹೊರಬರುತ್ತದೆ ಎಂದು ನಮ್ಮ ಮುತ್ತಜ್ಜರು ನಂಬಿದ್ದರು. ಯಾರಾದರೂ ಬಾವಲಿಯನ್ನು ಕೊಂದರೆ ಇಡೀ ಹಳ್ಳಿಗೆ ಹಠಾತ್ ತೊಂದರೆ ಉಂಟಾಗುತ್ತದೆ ಎಂದು ಅವರು ನಂಬಿದ್ದರು ಎಂದು ಬಾವಲಿಗಳನ್ನು ಕೊಲ್ಲುವುದು ಅಥವಾ ಹಾನಿ ಮಾಡುವುದು ಹೇಗೆ ನಿಷೇಧಿಸಲಾಗಿದೆ ಎಂಬುದರ ಕುರಿತು ಅವರು ಹೇಳಿದರು.

ಬಾವಲಿಗಳಿಗೆ ಆಹಾರದ ಕೊರತೆ ಎದುರಾಗದಿರಲಿ ಎಂದು ಗ್ರಾಮಸ್ಥರು ಬಾವಲಿಗಳು ವಾಸಿಸುವ ಸುತ್ತಲಿನ ಮರಗಳಲ್ಲಿ ಬೆಳೆಯುವ ಹಣ್ಣುಗಳನ್ನು ಕೀಳಬಾರದು ಎಂದು ನಿರ್ಬಂಧಿಸಲಾಗಿದೆ. ಬಾವಲಿಗಳು ಅರಳಿ ಮುಂತಾದ ಮರಗಳಲ್ಲಿ ವಾಸಿಸುತ್ತವೆ. ಇದು ಐತಿಹಾಸಿಕ ಕೊಳದ ಸಮೀಪದಲ್ಲಿದೆ, ಇದನ್ನು 1402 ನೇ ಇಸ್ವಿಯಲ್ಲಿ ತಿರ್ಹತ್ ರಾಜ ಶಿವನು ನಿರ್ಮಿಸಿದ ಎಂಬ ಮಾಹಿತಿಯಿದೆ. 50 ಎಕರೆಯಷ್ಟು ವಿಸ್ತಾರವಾಗಿರುವ ಈ ಕೊಳವು ಅನೇಕ ದೇವಾಲಯಗಳಿಂದ ಸುತ್ತುವರೆದಿದೆ. ಇದು ಪ್ರವಾಸಿ ಆಕರ್ಷಣೆಯಾಗಿಯೂ ಇದೆ

ಮತ್ತಷ್ಟು ಜ್ಯೋತಿಷ್ಯ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ