Ind vs Aus: 49 ರನ್ಗಳಿಗೆ 5 ವಿಕೆಟ್ ಉರುಳಿದರೂ ಭಾರತಕ್ಕೆ ಸೋಲು; ಕಣ್ಣೀರಿಟ್ಟ ಹರ್ಮನ್ಪ್ರೀತ್-ರೇಣುಕಾ..!
India vs Australia: ಹರ್ಮನ್ಪ್ರೀತ್ ಕೌರ್ ಅವರ ಬಿರುಸಿನ ಅರ್ಧಶತಕ ಮತ್ತು ರೇಣುಕಾ ಸಿಂಗ್ ಅವರ ನಾಲ್ಕು ವಿಕೆಟ್‌ಗಳ ಹೊರತಾಗಿಯೂ, ಭಾರತ ಕ್ರಿಕೆಟ್ ತಂಡವು ಆಸ್ಟ್ರೇಲಿಯಾ ವಿರುದ್ಧದ ಮೊದಲ ಪಂದ್ಯದಲ್ಲಿ ಸೋತಿತು.
Updated on: Jul 29, 2022 | 8:35 PM
ಹರ್ಮನ್ಪ್ರೀತ್ ಕೌರ್ (Harmanpreet Kaur) ಅವರ ಬಿರುಸಿನ ಅರ್ಧಶತಕ ಮತ್ತು ರೇಣುಕಾ ಸಿಂಗ್ (Renuka Singh) ಅವರ ನಾಲ್ಕು ವಿಕೆಟ್‌ಗಳ ಹೊರತಾಗಿಯೂ, ಭಾರತ ಕ್ರಿಕೆಟ್ ತಂಡವು ಆಸ್ಟ್ರೇಲಿಯಾ ವಿರುದ್ಧದ ಮೊದಲ ಪಂದ್ಯದಲ್ಲಿ ಸೋತಿತು. ಮೊದಲು ಬ್ಯಾಟಿಂಗ್ ಮಾಡಿದ ಟೀಂ ಇಂಡಿಯಾ (Team India) 154 ರನ್ ಗಳಿಸಿ ಈ ಸ್ಕೋರ್ ಉಳಿಸಲು ಸಾಧ್ಯವಾಗಲಿಲ್ಲ. ಒಂದು ಹಂತದಲ್ಲಿ ಆಸ್ಟ್ರೇಲಿಯಾ 49 ರನ್ಗಳಿಗೆ ಐದು ವಿಕೆಟ್ ಕಳೆದುಕೊಂಡಿತ್ತು, ಆದರೆ ಇದರ ಹೊರತಾಗಿಯೂ ಆಶ್ಲೇ ಗಾರ್ಡ್ನರ್ ಅವರ ಅಜೇಯ ಅರ್ಧಶತಕ ಮತ್ತು ಗ್ರೇಸ್ ಹ್ಯಾರಿಸ್ ಅವರ 37 ರನ್‌ಗಳ ಇನ್ನಿಂಗ್ಸ್ ಭಾರತ ತಂಡದ ಶ್ರಮವನ್ನು ಹಾಳುಮಾಡಿತು.
ರೇಣುಕಾ-ಹರ್ಮನ್‌ಪ್ರೀತ್ಗೆ ನಿರಾಸೆ
ಹರ್ಮನ್ಪ್ರೀತ್ ಕೌರ್ ಮತ್ತು ರೇಣುಕಾ ಸಿಂಗ್ ಆಸ್ಟ್ರೇಲಿಯಾ ವಿರುದ್ಧ ಅದ್ಭುತ ಪ್ರದರ್ಶನ ನೀಡಿದರು. ಮಧ್ಯಮ ಕ್ರಮಾಂಕದಲ್ಲಿ ಹರ್ಮನ್ಪ್ರೀತ್ ಕೌರ್ ಅದ್ಭುತ ಪ್ರದರ್ಶನ ನೀಡಿದರು. ಅವರ ಬ್ಯಾಟ್‌ನಿಂದ 34 ಎಸೆತಗಳಲ್ಲಿ 52 ರನ್‌ಗಳು ಬಂದವು. ಅವರು 8 ಬೌಂಡರಿ ಮತ್ತು ಒಂದು ಸಿಕ್ಸರ್ ಬಾರಿಸಿದರು. ಸ್ಟ್ರೈಕ್ ರೇಟ್ 150ಕ್ಕಿಂತ ಹೆಚ್ಚಿತ್ತು ಆದರೆ ಇದರ ಹೊರತಾಗಿಯೂ ಭಾರತ ತಂಡ ಸೋಲನ್ನು ಎದುರಿಸಬೇಕಾಯಿತು.
ಹರ್ಮನ್ಪ್ರೀತ್ ಹೊರತಾಗಿ ರೇಣುಕಾ ಸಿಂಗ್ ಟೀಂ ಇಂಡಿಯಾಕ್ಕೆ ಅದ್ಭುತ ಆರಂಭ ನೀಡಿದರು. ರೇಣುಕಾ ತಮ್ಮ 4 ಓವರ್‌ಗಳಲ್ಲಿ ಕೇವಲ 18 ರನ್ ನೀಡಿ 4 ವಿಕೆಟ್ ಪಡೆದರು. ಭಾರತ ತಂಡವು ಒಂದು ಬಾರಿ ಆಸ್ಟ್ರೇಲಿಯಾದ ಐದು ವಿಕೆಟ್‌ಗಳನ್ನು 49 ರನ್ಗಳಿಗೆ ಉರುಳಿಸಿತ್ತು, ಆದರೆ ಇದರ ಹೊರತಾಗಿಯೂ ಟೀಂ ಇಂಡಿಯಾ ಪಂದ್ಯದಿಂದ ಹೊರಗುಳಿಯಿತು.
ಗಾರ್ಡ್ನರ್-ಹ್ಯಾರಿಸ್ ಜೊತೆಯಾಟ
ಐದು ವಿಕೆಟ್ ಕಳೆದುಕೊಂಡಿದ್ದ ಟೀಂ ಇಂಡಿಯಾ ವಿರುದ್ಧ ಆಸ್ಟ್ರೇಲಿಯಾ ಪ್ರತಿದಾಳಿ ನಡೆಸಿತು. ಗ್ರೇಸ್ ಹ್ಯಾರಿಸ್ ವೇಗವಾಗಿ ಬ್ಯಾಟಿಂಗ್ ಮಾಡಿ 20 ಎಸೆತಗಳಲ್ಲಿ 37 ರನ್ ಗಳಿಸಿದರು. ಅವರ ಬ್ಯಾಟ್‌ನಲ್ಲಿ 5 ಬೌಂಡರಿಗಳು ಮತ್ತು 2 ಸಿಕ್ಸರ್‌ಗಳು ಬಂದರೆ, ಅವರ ಸ್ಟ್ರೈಕ್ ರೇಟ್ 185 ಆಗಿತ್ತು. ಮತ್ತೊಂದೆಡೆ, ಗಾರ್ಡ್ನರ್ ಬಹಳ ನಿಧಾನವಾಗಿ ಪ್ರಾರಂಭಿಸಿದರು. ಆದರೆ ಗ್ರೇಸ್ ಹ್ಯಾರಿಸ್ ಔಟಾದ ನಂತರ ಅವರು ಟೀಮ್ ಇಂಡಿಯಾದ ಮೇಲೆ ದಾಳಿ ಮಾಡಿದರು. ಈ ಆಟಗಾರ್ತಿ 9 ಬೌಂಡರಿಗಳ ಸಹಾಯದಿಂದ ಅರ್ಧಶತಕವನ್ನು ಪೂರ್ಣಗೊಳಿಸಿದರು ಮತ್ತು ಅಜೇಯರಾಗಿ ಉಳಿದು ತಮ್ಮ ತಂಡವನ್ನು ಗೆಲ್ಲಿಸಿದರು. ಗಾರ್ಡ್ನರ್-ಹ್ಯಾರಿಸ್ ಅವರ ಬ್ಯಾಟಿಂಗ್ ನಾಯಕ ಹರ್ಮನ್ಪ್ರೀತ್ ಅವರ ಗೆಲುವಿನ ಭರವಸೆಯನ್ನು ಮುರಿಯಿತು. ಹೀಗಾಗಿ ಹರ್ಮನ್ಪ್ರೀತ್ ಕಣ್ಣೀರಿನೊಂದಿಗೆ ಮೈದಾನವನ್ನು ತೊರೆಯಬೇಕಾಯಿತು.
ಭಾರತದ ಬೌಲಿಂಗ್ ಬಗ್ಗೆ ಮಾತನಾಡುವುದಾದರೆ, ರಾಜೇಶ್ವರಿ ಗಾಯಕ್ವಾಡ್, ರಾಧಾ ಯಾದವ್, ಮೇಘನಾ ಸಿಂಗ್ ತುಂಬಾ ದುಬಾರಿಯಾದರು. ಗಾಯಕ್ವಾಡ್ 2 ಓವರ್‌ಗಳಲ್ಲಿ 24 ರನ್ ಬಿಟ್ಟುಕೊಟ್ಟರು. ರಾಧಾ ಯಾದವ್ 4 ಓವರ್‌ಗಳಲ್ಲಿ 42 ರನ್ ನೀಡಿದರು. ಅದೇ ಸಮಯದಲ್ಲಿ ಮೇಘನಾ ಸಿಂಗ್ 4 ಓವರ್‌ಗಳಲ್ಲಿ 38 ರನ್ ನೀಡಿದರು. ಕೊನೆಯ ಓವರ್‌ಗಳಲ್ಲಿ ಭಾರತದ ಬ್ಯಾಟಿಂಗ್ ಕೂಡ ಕಳಪೆಯಾಗಿತ್ತು. ಭಾರತ ತಂಡ ಕೊನೆಯ ಐದು ಓವರ್‌ಗಳಲ್ಲಿ 39 ರನ್ ಗಳಿಸುವಷ್ಟರಲ್ಲಿ ಐದು ವಿಕೆಟ್‌ಗಳನ್ನು ಕಳೆದುಕೊಂಡಿತು. ಟೀಂ ಇಂಡಿಯಾ ಒಂದು ಬಾರಿ 170 ರನ್‌ಗಳನ್ನು ದಾಟುವಂತೆ ತೋರುತ್ತಿತ್ತು ಆದರೆ ತಂಡವು ಕೇವಲ 154 ರನ್ ಗಳಿಸಲು ಸಾಧ್ಯವಾಯಿತು.
