ಟೀಮ್ ಇಂಡಿಯಾದ ಏಕದಿನ ವಿಶ್ವಕಪ್ ಜೆರ್ಸಿ ವಿನ್ಯಾಸ ಅನಾವರಣ

ಏಕದಿನ ವಿಶ್ವಕಪ್​ನಲ್ಲಿ ಟೀಮ್ ಇಂಡಿಯಾ ಧರಿಸಲಿರುವ ನೂತನ ಜೆರ್ಸಿಯ ವಿನ್ಯಾಸ ಅನಾವರಣಗೊಂಡಿದೆ. ಏಕದಿನ ವಿಶ್ವಕಪ್​ಗೂ ಮುನ್ನ ಅಡಿಡಾಸ್ ಕಂಪೆನಿಯು ಪ್ರಕಟಿಸಿರುವ ಥೀಮ್​ ಸಾಂಗ್​ನಲ್ಲಿ ನೂತನ ಜೆರ್ಸಿಯಲ್ಲಿ ಭಾರತೀಯ ಆಟಗಾರರು ಕಾಣಿಸಿಕೊಂಡಿದ್ದಾರೆ. ಇದರೊಂದಿಗೆ ಇದೇ ವಿನ್ಯಾಸದಲ್ಲಿರುವ ಜೆರ್ಸಿಯಲ್ಲಿ ಭಾರತ ತಂಡ ಕಣಕ್ಕಿಳಿಯುವುದು ಬಹುತೇಕ ಖಚಿತವಾಗಿದೆ.

ಖ್ಯಾತ ಗಾಯಕ ರಫ್ತಾರ್ ಹಾಡಿರುವ ಈ ಹಾಡಿನಲ್ಲಿ ರೋಹಿತ್ ಶರ್ಮಾ, ವಿರಾಟ್ ಕೊಹ್ಲಿ, ರವೀಂದ್ರ ಜಡೇಜಾ, ಹಾರ್ದಿಕ್ ಪಾಂಡ್ಯ ಸೇರಿದಂತೆ ಭಾರತ ತಂಡದ ಕೆಲ ಆಟಗಾರರು ಕಾಣಿಸಿಕೊಂಡಿದ್ದಾರೆ. ಏಷ್ಯಾಕಪ್​ನಲ್ಲಿ ಧರಿಸಿದ್ದ ಅದೇ ಬಣ್ಣದ ಜೆರ್ಸಿಯನ್ನು ಭಾರತೀಯ ಆಟಗಾರರು ತೊಟ್ಟಿದ್ದಾರೆ.

1983 ignited the spark. 2011 brought in glory. 2023 marks the beginning of #3KaDream. pic.twitter.com/1eA0mRiosV

— adidas (@adidas) September 20, 2023

ಆದರೆ ಈ ಜೆರ್ಸಿಯ ಭುಜ ಭಾಗದಲ್ಲಿ ತ್ರಿವರ್ಣ ಧ್ವಜದ ಮೂರು ಬಣ್ಣಗಳನ್ನು ನೀಡಲಾಗಿರುವುದು ವಿಶೇಷ. ಹೀಗಾಗಿ ಇದೇ ಮಾದರಿಯ ಜೆರ್ಸಿಯಲ್ಲಿ ಭಾರತ ವಿಶ್ವಕಪ್​ನಲ್ಲಿ ಕಣಕ್ಕಿಳಿಯುವುದು ಖಚಿತ ಎನ್ನಬಹುದು.

Team India World Cup Jersey 2023#teamindia #WorldCup2023 pic.twitter.com/J1G2VxTQ3I

— CRICKETIGA (@CRICKETIGA_) September 20, 2023

ಇಲ್ಲಿ ಭಾರತದ ಜೆರ್ಸಿಯ ಭುಜ ಭಾಗದಲ್ಲಿ ತ್ರಿವರ್ಣ ಧ್ವಜದ ಜೊತೆಗೆ ಮುಂಭಾಗದಲ್ಲಿ ಡ್ರೀಮ್ 11 ಜಾಹೀರಾತು ಇದೆ. ಆದರೆ ಏಕದಿನ ವಿಶ್ವಕಪ್ ಜೆರ್ಸಿಯಲ್ಲಿ ಯಾವುದೇ ಕಂಪೆನಿಯ ಜಾಹೀರಾತು ಕಾಣಿಸಿಕೊಳ್ಳುವುದಿಲ್ಲ.

Indian Team World Cup 2023 Jersey#teamindiajersey #indianteamjersey pic.twitter.com/g15m2hq22m

— CRICKETIGA (@CRICKETIGA_) September 20, 2023

ಬದಲಾಗಿ ಏಕದಿನ ವಿಶ್ವಕಪ್ ಲೋಗೋ ಹಾಗೂ ಇಂಡಿಯಾ ಎಂಬ ಬರಹ ಮಾತ್ರ ಇರಲಿದೆ. ಹೀಗಾಗಿ ತ್ರಿವರ್ಣ ಪಟ್ಟಿಯೊಂದಿಗೆ ಈ ಬಾರಿ ಕೂಡ ಟೀಮ್ ಇಂಡಿಯಾ ಬ್ಲೂ ಜೆರ್ಸಿಯಲ್ಲಿ ಕಣಕ್ಕಿಳಿಯುವುದು ಖಚಿತ ಎನ್ನಬಹುದು.

ಇದನ್ನೂ ಓದಿ: ಸರ್ವಶ್ರೇಷ್ಠ ಸಾಧನೆ: ಮೊಹಮ್ಮದ್ ಸಿರಾಜ್ ಈಗ ವಿಶ್ವದ ನಂಬರ್ 1 ಬೌಲರ್

ತೀನ್​ ಕಾ ಡ್ರೀಮ್:

ಈ ಬಾರಿಯ ವಿಶ್ವಕಪ್​ನಲ್ಲಿ ಟೀಮ್ ಇಂಡಿಯಾ ತೀನ್​ ಕಾ ಡ್ರೀಮ್ (ಮೂರರ ಕನಸು) ಘೋಷಣೆಯೊಂದಿಗೆ ಕಣಕ್ಕಿಳಿಯಲಿದೆ. ಅಂದರೆ ಈಗಾಗಲೇ 2 ಏಕದಿನ ವಿಶ್ವಕಪ್​ ಗೆದ್ದಿರುವ ಭಾರತ ತಂಡವು 3ನೇ ಬಾರಿ ವರ್ಲ್ಡ್ ಕಪ್ ಗೆಲ್ಲುವ ಉಮೇದಿನಲ್ಲಿದೆ. ಈ ಕನಸನ್ನು ಹುರಿದುಂಬಿಸುವಂತಹ ಶೀರ್ಷಿಕೆ ಹಾಡನ್ನು ಅಡಿಡಾಸ್ ಕಂಪೆನಿ ಬಿಡುಗಡೆ ಮಾಡಿರುವುದು ವಿಶೇಷ.