Hardik Pandya: ತಲೆ ಕೆಡಿಸ್ಕೋಬೇಡ..ಹೊಡ್ದೆ ಹೊಡ್ತೀನಿ…ಇದು ಕುಂಗ್​ಫು ಪಾಂಡ್ಯ ಆತ್ಮವಿಶ್ವಾಸ..!

Asia Cup 2022: ದುಬೈ ಇಂಟರ್​ನ್ಯಾಷನಲ್ ಸ್ಟೇಡಿಯಂನಲ್ಲಿ ಭಾನುವಾರ ನಡೆದ ಭಾರತ-ಪಾಕಿಸ್ತಾನ್ (India vs Pakistan) ನಡುವಣ ರೋಚಕ ಹಣಾಹಣಿಯಲ್ಲಿ ಟೀಮ್ ಇಂಡಿಯಾ (Team India) ಕೊನೆಯ ಓವರ್​ನಲ್ಲಿ ಜಯ ಸಾಧಿಸಿತ್ತು. ಅದರಲ್ಲೂ ಪ್ರೇಕ್ಷಕರನ್ನು ತುದಿಗಾಲಲ್ಲಿ ತಂದು ಕೂರಿಸಿದ್ದ ಈ ಪಂದ್ಯದಲ್ಲಿ ಭರ್ಜರಿ ಸಿಕ್ಸರ್ ಸಿಡಿಸುವ ಮೂಲಕ ಹಾರ್ದಿಕ್ ಪಾಂಡ್ಯ ಟೀಮ್ ಇಂಡಿಯಾಗೆ ರೋಚಕ ಜಯ ತಂದುಕೊಟ್ಟಿದ್ದರು. ಈ ವೇಳೆ ಹಾರ್ದಿಕ್ ಪಾಂಡ್ಯ ತೋರಿದ ಆತ್ಮ ವಿಶ್ವಾಸ ಹೇಗಿತ್ತು ಎಂಬುದರ ವಿಡಿಯೋ ಝಲಕ್ ಇದೀಗ ವೈರಲ್ ಆಗಿದೆ.

ಕೊನೆಯ ಓವರ್​ನಲ್ಲಿ ಟೀಮ್ ಇಂಡಿಯಾಗೆ ಗೆಲ್ಲಲು 7 ರನ್​ಗಳ ಅವಶ್ಯಕತೆಯಿತ್ತು. ನವಾಜ್ ಎಸೆದ ಅಂತಿಮ ಓವರ್​ನ ಮೊದಲ ಎಸೆತದಲ್ಲೇ ರವೀಂದ್ರ ಜಡೇಜಾ ಕ್ಲೀನ್ ಬೌಲ್ಡ್ ಆದರು. 2ನೇ ಎಸೆತದಲ್ಲಿ ದಿನೇಶ್ ಕಾರ್ತಿಕ್ 1 ರನ್​ ತೆಗೆದರು. ಆದರೆ ಹಾರ್ದಿಕ್ ಪಾಂಡ್ಯ ಮುಂದೆ ಸ್ಪಿನ್ ಮೋಡಿ ಮಾಡಿದ ನವಾಜ್ 3ನೇ ಎಸೆತದಲ್ಲಿ ಯಾವುದೇ ರನ್ ನೀಡಿಲ್ಲ. ಈ ವೇಳೆ ಟೀಮ್ ಇಂಡಿಯಾಗೆ 3 ಎಸೆತಗಳಲ್ಲಿ 6 ರನ್​ಗಳ ಅವಶ್ಯಕತೆಯಿತ್ತು.

ಇದನ್ನೂ ಓದಿ

RCB ತಂಡದ ಮೊದಲ ಪ್ಲೇಯಿಂಗ್ ಇಲೆವೆನ್​ನಲ್ಲಿ ಯಾರೆಲ್ಲಾ ಇದ್ದರು ಗೊತ್ತಾ?

Team India: ಟೀಮ್ ಇಂಡಿಯಾದ ಸರ್ವಶ್ರೇಷ್ಠ ಆರಂಭಿಕ ಆಟಗಾರ ಯಾರು ಗೊತ್ತಾ?

Sanju Samson: ಧೋನಿ, ದ್ರಾವಿಡ್​ಗೂ ಸಾಧ್ಯವಾಗದ ದಾಖಲೆ ನಿರ್ಮಿಸಿದ ಸಂಜು ಸ್ಯಾಮ್ಸನ್

T20 World Cup 2022: ಟಿ20 ವಿಶ್ವಕಪ್​ನಲ್ಲಿ ಕಣಕ್ಕಿಳಿಯುವ 16 ತಂಡಗಳು ಫೈನಲ್

ಇತ್ತ ನಾನ್ ಸ್ಟ್ರೈಕ್​ನಲ್ಲಿದ್ದ ದಿನೇಶ್ ಕಾರ್ತಿಕ್ ಪಾಂಡ್ಯಗೆ ಸಲಹೆ ನೀಡುತ್ತಿದ್ದಂತೆ, ಪಾಂಡ್ಯ ತಲೆ ಕೆಡಿಸ್ಕೋಬೇಡ..ಹೊಡ್ದೆ ಹೊಡ್ತೀನಿ ಎಂಬ ಮುಖಭಾವ ತೋರಿಸಿದ್ದರು. ಮರು ಎಸೆತದಲ್ಲೇ ಭರ್ಜರಿ ಸಿಕ್ಸ್ ಸಿಡಿಸುವ ಮೂಲಕ ಕುಂಗ್​ಫು ಪಾಂಡ್ಯ ತಾನೆಂತಹ ಫಿನಿಶರ್ ಎಂಬುದನ್ನು ಮತ್ತೊಮ್ಮೆ ನಿರೂಪಿಸಿದರು.

ಇನ್ನು ಈ ಬಗ್ಗೆ ಪಂದ್ಯ ಮುಗಿದ ಬಳಿಕ ಮಾತನಾಡಿದ ಹಾರ್ದಿಕ್ ಪಾಂಡ್ಯ, 20ನೇ ಓವರ್ ಬೌಲಿಂಗ್ ಮಾಡುವಾಗ ಬೌಲರ್​ ಮೇಲೆ ಒತ್ತಡ ಇರುತ್ತದೆ. ಹಾಗಾಗಿ ನನ್ನ ಗರ್ವಕ್ಕಿಂತ ನನ್ನಲ್ಲಿದದ್ದು ಪಂದ್ಯ ಮುಗಿಸುವ ಆತ್ಮ ವಿಶ್ವಾಸ ಎಂದು ತಿಳಿಸಿದ್ದಾರೆ.

The pressure of a last over chase in an ?? vs ?? match.

A crisp shot played straight to the fielder resulting in a dot ball.

6 to win from 3 deliveries

A simple yet positive nod to his partner, @DineshKarthik.

The pure magic of @hardikpandya7 for us. ❤️pic.twitter.com/Wnn9c7UN6l

— North Stand Gang – Wankhede (@NorthStandGang) August 29, 2022

ಇದೀಗ ಒತ್ತಡದ ನಡುವೆಯೂ ನಿರಾಳವಾಗಿ ತನ್ನ ಆತ್ಮ ವಿಶ್ವಾಸವನ್ನು ಪ್ರದರ್ಶಿಸಿರುವ ಹಾರ್ದಿಕ್ ಪಾಂಡ್ಯರ ವಿಡಿಯೋ ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ. ಇನ್ನು ಈ ಪಂದ್ಯದಲ್ಲಿ 3 ವಿಕೆಟ್ ಹಾಗೂ ಅಜೇಯ 33 ರನ್ ಬಾರಿಸುವ ಮೂಲಕ ಆಲ್​ರೌಂಡರ್ ಪ್ರದರ್ಶನ ನೀಡಿದ ಪಾಂಡ್ಯ ಪಂದ್ಯಶ್ರೇಷ್ಠ ಪ್ರಶಸ್ತಿಯನ್ನೂ ಕೂಡ ತಮ್ಮದಾಗಿಸಿಕೊಂಡಿರುವುದು ವಿಶೇಷ.