IND vs SL: ಸ್ವಲ್ಪ ಏರುಪೇರಾದರೂ ಲಂಕಾ ತಂಡದ ಪ್ರತಿಯೊಬ್ಬ ಬೌಲರ್ಗೂ ರನ್ಗಳ ಪ್ರಸಾದ ಹಂಚಿದ ಸೂರ್ಯ..!
Suryakumar Yadav: ರಾಜ್ಕೋಟ್ ಟಿ20ಪಂದ್ಯದಲ್ಲಿ ಕೇವಲ 45 ಎಸೆತಗಳಲ್ಲಿ ಶತಕ ಸಿಡಿಸಿದ ಸೂರ್ಯಕುಮಾರ್ ಯಾದವ್, ಈ ಮೂಲಕ ಟಿ20ಯಲ್ಲಿ ಅತಿವೇಗವಾಗಿ ಶತಕ ಸಿಡಿಸಿದ ಭಾರತದ ಎರಡನೇ ಆಟಗಾರ ಎನಿಸಿಕೊಂಡರು.
Updated on:Jan 08, 2023 | 12:53 PM
ರಾಜ್ಕೋಟ್ನಲ್ಲಿ ನಡೆದ ಶ್ರೀಲಂಕಾ ವಿರುದ್ಧದ ( India and Sri Lanka) ಅಂತಿಮ ಟಿ20 ಪಂದ್ಯದಲ್ಲಿ ನಡುಗುವ ಚಳಿಯಲ್ಲೂ ಲಂಕಾ ಬೌಲರ್ಗಳು ಬೆವರುವಂತೆ ಮಾಡಿದ ಸೂರ್ಯಕುಮಾರ್ ಯಾದವ್ (Suryakumar Yadav) ಸ್ಫೋಟಕ ಶತಕ ಸಿಡಿಸಿ ಮಿಂಚಿದರು. ದಾಖಲೆಯ ಶತಕದೊಂದಿಗೆ ಅನೇಕ ದಾಖಲೆಗಳ ಲೆಕ್ಕಾಚಾರವನ್ನು ಬುಡಮೇಲು ಮಾಡಿದ ಸೂರ್ಯ, ಲಂಕಾ ತಂಡವನ್ನು ಪಂದ್ಯದಿಂದಲೇ ಹೊರಹಾಕಿದರು. ಸೂರ್ಯನ ಆಟಕ್ಕೆ ಸುಸ್ತಾದ ಲಂಕಾ ತಂಡಕ್ಕೆ ಆಗಸವನ್ನು ನೋಡುವುದನ್ನು ಬಿಟ್ಟರೆ ಬೇರೆ ಕೆಲಸವೇ ಇಲ್ಲದಂತ್ತಾಗಿತ್ತು. ಆರಂಭಿಕ ಆಘಾತದಿಂದ ಬಳಲಿದ್ದ ಭಾರತದ ಇನ್ನಿಂಗ್ಸ್ಗೆ ಸ್ಫೋಟಕ ತಿರುವು ನೀಡುವಲ್ಲಿ ಸೂರ್ಯಕುಮಾರ್ ಯಾದವ್ ಅವರ ಬ್ಯಾಟಿಂಗ್ಗೆ ಪ್ರಮುಖ ಕಾರಣ ಎಂಬುದರಲ್ಲಿ ಎರಡೂ ಮಾತಿಲ್ಲ. ಬ್ಯಾಟಿಂಗ್ಗಿಳಿದ ಕೂಡಲೇ ಸ್ಫೋಟಕ ಆಟಕ್ಕೆ ಮುಂದಾದ ಸೂರ್ಯ, ಲಂಕಾ ತಂಡದ ಪ್ರತಿಯೊಬ್ಬ ಬೌಲರ್ ವಿರುದ್ಧವೂ ರನ್ಗಳ ಕೋಟೆ ಕಟ್ಟಿದರು.
ರಾಜ್ಕೋಟ್ ಟಿ20ಯಲ್ಲಿ ಶ್ರೀಲಂಕಾ ತಂಡ ಸೂರ್ಯಕುಮಾರ್ ಯಾದವ್ ಆರ್ಭಟವನ್ನು ತಡೆಯಲು 5 ಬೌಲರ್ಗಳನ್ನು ಪ್ರಯತ್ನಿಸಿತು. ಆದರೆ, ಒಬ್ಬ ಬೌಲರ್ ಕೂಡ ಸೂರ್ಯ ವಿರುದ್ಧ ಪ್ರಭಾವ ಬೀರಲು ಸಾಧ್ಯವಾಗಲಿಲ್ಲ. ಇದಕ್ಕೆ ವಿರುದ್ಧವಾಗಿ, ಸೂರ್ಯನ ದಾಳಿಗೆ ಸಿಕ್ಕ ವೇಗಿಗಳು ಅಸಹಾಯಕಾರಗಿ ಹೋದರು. ಅದು ಸ್ಪಿನ್ನರ್ ಆಗಿರಲಿ ಅಥವಾ ವೇಗಿಯಾಗಿರಲಿ, ಸೂರ್ಯಕುಮಾರ್ ಯಾದವ್ ಶ್ರೀಲಂಕಾದ ಪ್ರತಿಯೊಬ್ಬ ಬೌಲರ್ಗಳನ್ನು ಸಮನಾಗಿ ದಂಡಿಸುವಲ್ಲಿ ಯಶಸ್ವಿಯಾದರು.
IND vs SL: ಮೊದಲು 7 ನೋ ಬಾಲ್, ಈಗ 11 ವೈಡ್; ವೇಗಿಗಳು ಎಚ್ಚೆತ್ತುಕೊಳ್ಳುವುದು ಯಾವಾಗ?
45 ಎಸೆತಗಳಲ್ಲಿ ಬಿರುಸಿನ ಶತಕ
ರಾಜ್ಕೋಟ್ ಟಿ20 ಪಂದ್ಯದಲ್ಲಿ ಕೇವಲ 45 ಎಸೆತಗಳಲ್ಲಿ ಶತಕ ಸಿಡಿಸಿದ ಸೂರ್ಯಕುಮಾರ್ ಯಾದವ್, ಈ ಮೂಲಕ ಟಿ20ಯಲ್ಲಿ ಅತಿವೇಗವಾಗಿ ಶತಕ ಸಿಡಿಸಿದ ಭಾರತದ ಎರಡನೇ ಆಟಗಾರ ಎನಿಸಿಕೊಂಡರು. ಇದು ರಾಜ್ಕೋಟ್ ಮೈದಾನದಲ್ಲಿ ಸಿಡಿಸಿದ ಎರಡನೇ ಟಿ20 ಅಂತಾರಾಷ್ಟ್ರೀಯ ಶತಕವೂ ಆಗಿತ್ತು. ಶತಕದ ಈ ಬಿರುಸಿನ ಇನ್ನಿಂಗ್ಸ್ನಲ್ಲಿ ಸೂರ್ಯ ಕೇವಲ 51 ಎಸೆತಗಳಲ್ಲಿ 112 ರನ್ ಗಳಿಸಿ ಅಜೇಯರಾಗಿ ಉಳಿದರು. 219.60 ಸ್ಟ್ರೈಕ್ ರೇಟ್ನಲ್ಲಿ ಆಡಿದ ಸೂರ್ಯ ತಮ್ಮ ಈ ಇನ್ನಿಂಗ್ಸ್ನಲ್ಲಿ 9 ಸಿಕ್ಸರ್ ಮತ್ತು 7 ಬೌಂಡರಿಗಳನ್ನು ಸಹ ಬಾರಿಸಿದರು.
ಪ್ರತಿ ಬೌಲರ್ ವಿರುದ್ಧವೂ ರನ್ ಶಿಖರ
ಇನ್ನು ಈ ಪಂದ್ಯದಲ್ಲಿ ಸೂರ್ಯಕುಮಾರ್ ಯಾದವ್ ದಾಳಿಯಿಂದ ತಪ್ಪಿಸಿಕೊಳ್ಳಲು ಶ್ರೀಲಂಕಾ ತಂಡದ ಯಾವ ಬೌಲರ್ಗೂ ಸಾಧ್ಯವಾಗಲಿಲ್ಲ. ಆದರೆ ಉಳಿದವರಿಗೆ ಹೋಲಿಸಿದರೆ ವನಿಂದು ಹಸರಂಗ ಮಾತ್ರ ಸೂರ್ಯನೆದುರು ರನ್ಗಳಿಗೆ ಕೊಂಚ ಕಡಿವಾಣ ಹಾಕುವಲ್ಲಿ ಯಶಸ್ವಿಯಾದರು. ಹಸರಂಗ ಅವರ 11 ಎಸೆತಗಳನ್ನು ಎದುರಿಸಿದ ಸೂರ್ಯ, 118.2 ಸ್ಟ್ರೈಕ್ ರೇಟ್ನಲ್ಲಿ 13 ರನ್ ಗಳಿಸಿದರು. ಇವರಲ್ಲದೆ ಉದಯೋನ್ಮುಖ ಸ್ಪಿನ್ನರ್ ಮಹಿಷ್ ತೀಕ್ಷಣ ಕೂಡ ಕೊಂಚ ಪರಿಣಾಮಕಾರಿ ಎನಿಸಿಕೊಂಡರು. ಈ ಸ್ಪಿನ್ನರ್ ಎದುರು 215 ಸ್ಟ್ರೈಕ್ ರೇಟ್ನಲ್ಲಿ ಬ್ಯಾಟ್ ಬೀಸಿದ ಸೂರ್ಯಕುಮಾರ್ ಯಾದವ್ 13 ಎಸೆತಗಳಲ್ಲಿ 28 ರನ್ ಚಚ್ಚಿದರು. ಯಾವ ಬೌಲರ್ಗೆ, ಎಷ್ಟು ಸ್ಟ್ರೈಕ್ ರೇಟ್ನಲ್ಲಿ ಸೂರ್ಯ ರನ್ ಗಳಿಸಿದರು ಎಂಬುದರ ಪಟ್ಟಿ ಇಂತಿದೆ.
|
ಬೌಲರ್ |
ಬಾಲ್ | ರನ್ | ಸ್ಟ್ರೈಕ್ ರೇಟ್ |
| ಹಸರಂಗ | 11 | 13 |
118.2 |
|
ತೀಕ್ಷಣ |
13 | 28 | 215 |
| ಕರುಣಾರತ್ನೆ | 10 | 23 |
230 |
|
ಮಧುಶಂಕ |
8 | 30 | 350 |
|
ರಜಿತ್ |
2 | 7 |
350 |
ಇನ್ನಷ್ಟು ಕ್ರೀಡಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ
Published On - 12:49 pm, Sun, 8 January 23
