Ipl 2022: ರೈನಾ ವಿಡಿಯೋ ಹಂಚಿಕೊಂಡ CSK: ಆಕ್ರೋಶ ವ್ಯಕ್ತಪಡಿಸಿದ ಅಭಿಮಾನಿಗಳು
Ipl 2022 suresh raina: 2 ನಿಮಿಷ 13 ಸೆಕೆಂಡುಗಳ ಈ ವಿಡಿಯೋದಲ್ಲಿ ಸುರೇಶ್ ರೈನಾ ಅವರ 2008 ರಿಂದ 2021 ರವರೆಗಿನ ಪ್ರಯಾಣವನ್ನು ತೋರಿಸಲಾಗಿದೆ.
ಐಪಿಎಲ್ 2022 ರ ಹರಾಜಿನಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ ತಮ್ಮ ಹೆಚ್ಚಿನ ಆಟಗಾರರನ್ನು ಮರಳಿ ಖರೀದಿಸಿತ್ತು. ಅದರಂತೆ ತಂಡಕ್ಕೆ ಅಂಬಾಟಿ ರಾಯುಡು, ರಾಬಿನ್ ಉತ್ತಪ್ಪ, ಡ್ವೇನ್ ಬ್ರಾವೊ, ದೀಪಕ್ ಚಹರ್ ತಂಡಕ್ಕೆ ಮರಳಿದ್ದರು. ಇದಾಗ್ಯೂ ಸುರೇಶ್ ರೈನಾ ಅವರನ್ನು ಸಿಎಸ್ಕೆ ತಂಡವು ಖರೀದಿಸಿರಲಿಲ್ಲ. ಇದರ ಬೆನ್ನಲ್ಲೇ ರೈನಾ ಅಭಿಮಾನಿಗಳು ಸಿಎಸ್ಕೆ ಫ್ರಾಂಚೈಸಿ ವಿರುದ್ದ ತಮ್ಮ ಆಕ್ರೋಶ ಹೊರಹಾಕಿದ್ದರು. ಇದೀಗ ಮತ್ತೊಮ್ಮೆ ಸಿಎಸ್ಕೆ ಅಭಿಮಾನಿಗಳು ಸಿಟ್ಟಿಗೆ ಸಿಎಸ್ಕೆ ಫ್ರಾಂಚೈಸಿ ಗುರಿಯಾಗಿದೆ. ಏಕೆಂದರೆ ಸುರೇಶ್ ರೈನಾ ಅವರ ವಿಡಿಯೋವನ್ನು ಚೆನ್ನೈ ಸೂಪರ್ ಕಿಂಗ್ಸ್ ಸೋಷಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದೆ. ರೈನಾ ಅವರ ಎಲ್ಲಾ ಸಾಧನೆಗಳನ್ನು 2 ನಿಮಿಷಗಳ ವಿಡಿಯೋ ಮೂಲಕ ಅಭಿಮಾನಿಗಳ ಮುಂದಿಡಲಾಗಿದೆ.
2 ನಿಮಿಷ 13 ಸೆಕೆಂಡುಗಳ ಈ ವಿಡಿಯೋದಲ್ಲಿ ಸುರೇಶ್ ರೈನಾ ಅವರ 2008 ರಿಂದ 2021 ರವರೆಗಿನ ಪ್ರಯಾಣವನ್ನು ತೋರಿಸಲಾಗಿದೆ. ಇದರಲ್ಲಿ ರೈನಾ ಅವರ ಅಭ್ಯಾಸ, ಅವರ ತಂಡದೊಂದಿಗೆ ಬಾಂಧವ್ಯ ಮತ್ತು ಸಹ ಆಟಗಾರರೊಂದಿಗೆ ಸ್ನೇಹವನ್ನು ಕಾಣಬಹುದು. ಇದರೊಂದಿಗೆ ತಂಡದ ಮಾಲೀಕರು ಕೂಡ ಇವರ ಸಾಧನೆ ಹಾಗೂ ಕೊಡುಗೆಯನ್ನು ಕೊಂಡಾಡುತ್ತಿದ್ದಾರೆ. ಚೆನ್ನೈ ಸೂಪರ್ ಕಿಂಗ್ಸ್ ಪೋಸ್ಟ್ ಮಾಡಿರುವ ಈ ವಿಡಿಯೋ ನೋಡಿ ಇದೀಗ ಅಭಿಮಾನಿಗಳು ತಿರುಗಿಬಿದ್ದಿದ್ದಾರೆ. ಸುರೇಶ್ ರೈನಾ ಅವರು ಸಿಎಸ್ಕೆ ತಂಡಕ್ಕೆ ಇಷ್ಟೆಲ್ಲಾ ಕೊಡುಗೆ ನೀಡಿದ್ದರೆ, ಮತ್ಯಾಕೆ ಅವರನ್ನು ಹರಾಜಿನಲ್ಲಿ ಏಕೆ ಖರೀದಿಸಲಿಲ್ಲ ಎಂದು ಅಭಿಮಾನಿಗಳು ಪ್ರಶ್ನಿಸಲಾರಂಭಿಸಿದ್ದಾರೆ.
? Inside out since ’08! Anbuden Nandri Chinna Thala @imraina! ?
Full ? : https://t.co/sVOelS9LYt#SuperkingForever #WhistlePodu ?? pic.twitter.com/uU5vLEl02C— Chennai Super Kings – Mask P?du Whistle P?du! (@ChennaiIPL) February 21, 2022
ಮಿಸ್ಟರ್ ಐಪಿಎಲ್ ರೈನಾ:
ಸುರೇಶ್ ರೈನಾ ಅವರನ್ನು ಮಿಸ್ಟರ್ ಐಪಿಎಲ್ ಎಂದು ಕರೆಯಲಾಗುತ್ತದೆ. ರೈನಾ 200 ಐಪಿಎಲ್ ಪಂದ್ಯಗಳಲ್ಲಿ 33 ಕ್ಕಿಂತ ಹೆಚ್ಚು ಸರಾಸರಿಯಲ್ಲಿ 5529 ರನ್ ಗಳಿಸಿದ್ದಾರೆ. ರೈನಾ ಐಪಿಎಲ್‌ನಲ್ಲಿ 2 ಶತಕಗಳನ್ನು ಮತ್ತು 38 ಅರ್ಧ ಶತಕಗಳನ್ನು ಸಿಡಿಸಿದ್ದಾರೆ. ಅಷ್ಟೇ ಅಲ್ಲದೆ 15 ಬಾರಿ ಪಂದ್ಯ ಶ್ರೇಷ್ಠ ಪ್ರಶಸ್ತಿಯನ್ನು ಕೂಡ ಪಡೆದಿದ್ದರು. ಇನ್ನು ಬೌಲಿಂಗ್ನಲ್ಲಿ 36 ವಿಕೆಟ್‌ಗಳನ್ನು ಪಡೆದಿದ್ದರು. ಇದಾಗ್ಯೂ ಕಂಪ್ಲೀಟ್ ತಂಡದ ಆಟಗಾರನಾಗಿ ಗುರುತಿಸಿಕೊಂಡಿದ್ದ ಸುರೇಶ್ ರೈನಾರನ್ನು ಈ ಸಲ ಸಿಎಸ್ಕೆ ತಂಡವು ಖರೀದಿಸಿರಲಿಲ್ಲ. ಅದರಲ್ಲೂ 2 ಕೋಟಿ ರೂ. ಮೂಲಬೆಲೆ ಹೊಂದಿದ್ದ ರೈನಾ ಸಿಎಸ್ಕೆ ತಂಡವು ಕೈಬಿಟ್ಟಿತ್ತು. ಏಕೆಂದರೆ ಮೆಗಾ ಹರಾಜಿನಲ್ಲಿ 24 ಆಟಗಾರರನ್ನು ಖರೀದಿಸಿದ ಬಳಿಕ ಕೂಡ ಸಿಎಸ್ಕೆ ತಂಡದ ಬಳಿ 2 ಕೋಟಿ 50 ಲಕ್ಷಕ್ಕಿಂತ ಹೆಚ್ಚಿನ ಮೊತ್ತವಿತ್ತು. ಇದಾಗ್ಯೂ ರೈನಾ ಅವರನ್ನು ಖರೀದಿಸದೆ ಈಗ ವಿಡಿಯೋ ಮೂಲಕ ಅವರನ್ನೇ ಕೊಂಡಾಡುತ್ತಿದ್ದಾರೆ ಸಿಎಸ್ಕೆ ಅಭಿಮಾನಿಗಳು ಆಕ್ರೋಶ ವ್ಯಕ್ತಪಡಿಸಿದ್ದಾರೆ.
ಇದನ್ನೂ ಓದಿ: AB de Villiers: ಸಿಡಿಲಬ್ಬರದ ಸಿಡಿಲಮರಿ ABDಯ ಈ 3 ದಾಖಲೆ ಮುರಿಯುವವರು ಯಾರು?
ಇದನ್ನೂ ಓದಿ: Rohit Sharma: ಬಾಬರ್ ದಾಖಲೆ ಮುರಿದು ಹೊಸ ಇತಿಹಾಸ ನಿರ್ಮಿಸಿದ ರೋಹಿತ್ ಶರ್ಮಾ
ಇದನ್ನೂ ಓದಿ: Sunil narine: ಸಿಡಿಲಬ್ಬರದ ಅರ್ಧಶತಕ ಸಿಡಿಸಿ ದಾಖಲೆ ಬರೆದ ಸುನಿಲ್ ನರೈನ್
(Ipl 2022 auction chennai super kings shares suresh raina video trolled on social media)
Published On - 3:01 pm, Mon, 21 February 22