WTC Final 2023: ಐಪಿಎಲ್ ಮೀಸಲು ದಿನದಿಂದ ಟೀಮ್ ಇಂಡಿಯಾಕ್ಕೆ ಹೊಡೆತ: ಗಿಲ್, ಶಮಿ, ಜಡೇಜಾ ಭಾರತದಲ್ಲೇ ಬಾಕಿ
ಐಸಿಸಿ ವಿಶ್ವ ಟೆಸ್ಟ್ ಚಾಂಪಿಯನ್ಶಿಪ್ ಫೈನಲ್ ಜೂನ್ 7ಕ್ಕೆ ಆರಂಭವಾಗಲಿದೆ. ಗಿಲ್, ಶಮಿ, ಜಡೇಜಾ ಗುರುವಾರ ಲಂಡನ್ಗೆ ತಲುಪಲಿದ್ದಾರೆ. ನಂತರ ಒಂದು ದಿನದ ವಿಶ್ರಾಂತಿ ಪಡೆದುಕೊಂಡು ಅಭ್ಯಾಸ ಶುರು ಮಾಡಬೇಕಿದೆ.
ಬಹುನಿರೀಕ್ಷಿತ ಐಸಿಸಿ ವಿಶ್ವ ಟೆಸ್ಟ್ ಚಾಂಪಿಯನ್ಶಿಪ್ ಫೈನಲ್ಗೆ (WTC Final 2023) ತಯಾರಿ ನಡೆಸುತ್ತಿರುವ ಭಾರತ ಕ್ರಿಕೆಟ್ ತಂಡಕ್ಕೆ ಭಾರೀ ಹೊಡೆತ ಬಿದ್ದಿದೆ. ಇಂಡಿಯನ್ ಪ್ರೀಮಿಯರ್ ಲೀಗ್ 16ನೇ ಆವೃತ್ತಿಯ ಫೈನಲ್ (IPL 2023 Fianl) ಅಂದುಕೊಂಡಂತೆ ಭಾನುವಾರ ನಡೆಯದ ಕಾರಣ ಮೀಸಲು ದಿನ ಸೋಮವಾರಕ್ಕೆ ಮುಂದೂಡಲಾಗಿದೆ. ಹೀಗಾಗಿ ಲಂಡನ್ಗೆ ತೆರಳಬೇಕಿದ್ದ ಟೀಮ್ ಇಂಡಿಯಾದ ಮೂವರು ಪ್ಲೇಯರ್ಸ್ ಭಾರತದಲ್ಲೇ ಬಾಕಿ ಆಗಿದ್ದಾರೆ. ಗುಜರಾತ್ ತಂಡದ ಶುಭ್ಮನ್ ಗಿಲ್ (Shubman Gill), ಮೊಹಮ್ಮದ್ ಶಮಿ ಮತ್ತು ಚೆನ್ನೈ ಸೂಪರ್ ಕಿಂಗ್ಸ್ನ ರವೀಂದ್ರ ಜಡೇಜಾ ಇಂದು ಯುಕೆಗೆ ಪ್ರಯಾಣ ಬೆಳೆಸಬೇಕಿತ್ತು. ಆದರೆ, ಐಪಿಎಲ್ 2023 ಫೈನಲ್ ಒಂದು ದಿನ ಮುಂದೆ ಹೋಗಿರುವ ಪರಿಣಾಮ ಭಾರತದಲ್ಲೇ ಉಳಿಯಬೇಕಾಗಿದೆ.
ಐಸಿಸಿ ವಿಶ್ವ ಟೆಸ್ಟ್ ಚಾಂಪಿಯನ್ಶಿಪ್ ಫೈನಲ್ ಜೂನ್ 7ಕ್ಕೆ ಆರಂಭವಾಗಲಿದೆ. ಗಿಲ್, ಶಮಿ, ಜಡೇಜಾ ಗುರುವಾರ ಲಂಡನ್ಗೆ ತಲುಪಲಿದ್ದಾರೆ. ನಂತರ ಒಂದು ದಿನದ ವಿಶ್ರಾಂತಿ ಪಡೆದುಕೊಂಡು ಅಭ್ಯಾಸ ಶುರು ಮಾಡಬೇಕಿದೆ. ಈ ಮೂವರನ್ನು ಬಿಟ್ಟು ಉಳಿದ ಎಲ್ಲ ಪ್ಲೇಯರ್ಸ್ ತಂಡ ಸೇರಿಕೊಂಡಿದ್ದಾರೆ. ಹೀಗಾಗಿ ಕೋಚ್ ದ್ರಾವಿಡ್ಗೆ ಸಂಪೂರ್ಣ ಆಟಗಾರರನ್ನು ಒಟ್ಟಿಗೆ ಸೇರಿಸಿ ಅಭ್ಯಾಸ ನಡೆಸಲು ಕಷ್ಟವಾಗಲಿದೆ.
CSK Vs GT Final Weather Forecast: ಸೋಮವಾರವೂ ಅಹಮದಾಬಾದ್ನಲ್ಲಿ ಮಳೆಯಾಗುತ್ತಾ? ಇಲ್ಲಿದೆ ಹವಾಮಾನ ವರದಿ
ನಾಯಕ ರೋಹಿತ್ ಶರ್ಮಾ ಮತ್ತು ರುತುರಾಜ್ ಗಾಯಕ್ವಾಡ್ ಬದಲು ಆಯ್ಕೆ ಆಗಿರುವ ಯಶಸ್ವಿ ಜೈಸ್ವಾಲ್ ಎರಡನೇ ಬ್ಯಾಚ್ ಆಗಿ ಭಾನುವಾರ ಸಂಜೆ ತಲುಪಿದ್ದಾರೆ. ಮೊದಲ ಬ್ಯಾಚ್ ಮೇ 24ಕ್ಕೆ ತೆರಳಿತ್ತು. ಇದರಲ್ಲಿ ವಿರಾಟ್ ಕೊಹ್ಲಿ, ಅಶ್ವಿನ್, ಅಕ್ಷರ್ ಪಟೇಲ್ ಸೇರಿದಂತೆ ಕೆಲ ಆಟಗಾರರಿದ್ದರು. ಇವರೆಲ್ಲ ಈಗಾಗಲೇ ಅಭ್ಯಾಸದಲ್ಲಿ ತೊಡಗಿಕೊಂಡಿದ್ದಾರೆ. ಕ್ಯಾಪ್ಟನ್ ರೋಹಿತ್ ಇಂದು ಪ್ರ್ಯಾಕ್ಟೀಸ್ಗೆ ಇಳಿಯಲಿದ್ದಾರೆ.
ಫೈನಲ್ ವೇಳೆ ಏಕದಿನ ವಿಶ್ವಕಪ್ ವೇಳಾಪಟ್ಟಿ ಪ್ರಕಟ:
ಈ ವರ್ಷದ ಕೊನೆಯಲ್ಲಿ ಭಾರತದಲ್ಲಿ ನಡೆಯಲಿರುವ 50 ಓವರ್‌ಗಳ ವಿಶ್ವಕಪ್‌ನ ವೇಳಾಪಟ್ಟಿಯನ್ನು ವಿಶ್ವ ಟೆಸ್ಟ್ ಚಾಂಪಿಯನ್‌ಶಿಪ್‌ನ ಫೈನಲ್‌ನಲ್ಲಿ ಪ್ರಕಟಿಸಲಾಗುವುದು ಎಂದು ಬಿಸಿಸಿಐ ಕಾರ್ಯದರ್ಶಿ ಜಯ್ ಶಾ ಈ ಮಾಹಿತಿ ನೀಡಿದ್ದಾರೆ. ಐಸಿಸಿ ವಿಶ್ವ ಟೆಸ್ಟ್ ಚಾಂಪಿಯನ್ಶಿಪ್ ಫೈನಲ್‌ನಲ್ಲಿ ನಡೆಯುವ ಪತ್ರಿಕಾಗೋಷ್ಠಿಯಲ್ಲಿ ಐಸಿಸಿ ಕ್ರಿಕೆಟ್ ವಿಶ್ವಕಪ್ 2023ರ ಪಂದ್ಯದ ಸ್ಥಳಗಳನ್ನು ಘೋಷಿಸಲಾಗುವುದು. ಪಂದ್ಯಾವಳಿಯ ಸಂಪೂರ್ಣ ವೇಳಾಪಟ್ಟಿಯನ್ನು ಸಹ ಬಿಡುಗಡೆ ಮಾಡಲಾಗುತ್ತದೆ. ಏಷ್ಯನ್ ಕ್ರಿಕೆಟ್ ಕೌನ್ಸಿಲ್‌ನ ಟೆಸ್ಟ್ ಆಡುವ ದೇಶಗಳು ಮತ್ತು ಅಸೋಸಿಯೇಟ್ ರಾಷ್ಟ್ರಗಳ ಸದಸ್ಯರ ನಡುವಿನ ಸಭೆಯ ನಂತರ ಏಷ್ಯಾ ಕಪ್ 2023ರ ಭವಿಷ್ಯವನ್ನು ನಿರ್ಧರಿಸಲಾಗುವುದು ಎಂದು ಅವರು ಹೇಳಿದ್ದಾರೆ.
ಇನ್ನಷ್ಟು ಕ್ರೀಡಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ
