IPL 2024: ಐಪಿಎಲ್ ಹರಾಜಿನಲ್ಲಿ 12 ಕನ್ನಡಿಗರಿಗೆ ಭಾರೀ ನಿರಾಸೆ..!

IPL 2024 RCB: ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಫ್ರಾಂಚೈಸಿ ಕರ್ನಾಟಕದ ಯಾವುದೇ ಆಟಗಾರಿನಿಗೂ ಈ ಬಾರಿ ಅವಕಾಶ ನೀಡದಿರುವುದು ಅಚ್ಚರಿ. ತಂಡದಲ್ಲಿ ಮೂವರು ದೇಶೀಯ ಆಟಗಾರರಿಗೆ ಅವಕಾಶ ನೀಡುವ ಆಯ್ಕೆಯಿದ್ದರೂ ಈ ಸ್ಲಾಟ್ಗಳಲ್ಲಿ ಆರ್ಸಿಬಿ ಹೊರರಾಜ್ಯದ ಯುವ ಆಟಗಾರರನ್ನು ಖರೀದಿಸಿ ಅಚ್ಚರಿ ಮೂಡಿಸಿದೆ.

Karun-Cariappa-Suchith

TV9 Web | Updated By: ಝಾಹಿರ್ ಯೂಸುಫ್
Updated on: Dec 21, 2023 | 10:01 AM

ಇಂಡಿಯನ್ ಪ್ರೀಮಿಯರ್ ಲೀಗ್ (IPL 2024) ಸೀಸನ್ 17 ಕ್ಕಾಗಿ ನಡೆದ ಮಿನಿ ಹರಾಜಿನಲ್ಲಿ ಒಟ್ಟು 333 ಆಟಗಾರರ ಹೆಸರು ಕಾಣಿಸಿಕೊಂಡಿತ್ತು. ಇವರಲ್ಲಿ ಕೇವಲ 72 ಆಟಗಾರರಿಗೆ ಮಾತ್ರ ಈ ಬಾರಿ ಅವಕಾಶ ಲಭಿಸಿದೆ. ಇತ್ತ ಈ ಪಟ್ಟಿಯಲ್ಲಿದ್ದ 14 ಕರ್ನಾಟಕದ ಆಟಗಾರರಲ್ಲಿ ಹರಾಜಾಗಿದ್ದು ಕೇವಲ ಇಬ್ಬರು ಮಾತ್ರ. ಅದು ಕೂಡ ಬೇಸ್ ಪ್ರೈಸ್ಗೆ ಎಂಬುದೇ ಅಚ್ಚರಿ.

ಈ ಬಾರಿಯ ಹರಾಜಿಗಾಗಿ ಆಯ್ಕೆ ಮಾಡಲಾದ ಆಟಗಾರರ ಪಟ್ಟಿಯಲ್ಲಿ ಕರ್ನಾಟಕದ ಒಟ್ಟು 14 ಪ್ಲೇಯರ್ಸ್ ಹೆಸರು ಕಾಣಿಸಿಕೊಂಡಿತ್ತು. ಆದರೆ ಆಕ್ಷನ್ ಟೇಬಲ್ನಲ್ಲಿದ್ದ 10 ಫ್ರಾಂಚೈಸಿಗಳ ಪೈಕಿ 8 ತಂಡಗಳು ಕರ್ನಾಟಕದ ಆಟಗಾರರಿಗೆ ಮಣೆ ಹಾಕಲು ನಿರಾಸಕ್ತಿ ತೋರಿತು.

ಅದರಲ್ಲೂ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಫ್ರಾಂಚೈಸಿ ಕರ್ನಾಟಕದ ಯಾವುದೇ ಆಟಗಾರಿನಿಗೂ ಈ ಬಾರಿ ಅವಕಾಶ ನೀಡದಿರುವುದು ಅಚ್ಚರಿ. ತಂಡದಲ್ಲಿ ಮೂವರು ದೇಶೀಯ ಆಟಗಾರರಿಗೆ ಅವಕಾಶ ನೀಡುವ ಆಯ್ಕೆಯಿದ್ದರೂ ಈ ಸ್ಲಾಟ್ಗಳಲ್ಲಿ ಆರ್ಸಿಬಿ ಹೊರರಾಜ್ಯದ ಯುವ ಆಟಗಾರರನ್ನು ಖರೀದಿಸಿ ಅಚ್ಚರಿ ಮೂಡಿಸಿದೆ.

ಐಪಿಎಲ್ 2024 ರಲ್ಲಿ ಹರಾಜಾದ ಕರ್ನಾಟಕದ ಆಟಗಾರರು:

ಶ್ರೇಯಸ್ ಗೋಪಾಲ್: ಈ ಬಾರಿಯ ಐಪಿಎಲ್ನಲ್ಲಿ ಕೇವಲ 20 ಲಕ್ಷ ರೂ. ಮೂಲ ಬೆಲೆಯೊಂದಿಗೆ ಕಾಣಿಸಿಕೊಂಡಿದ್ದ ಕರ್ನಾಟಕದ ಸ್ಪಿನ್ನರ್ ಶ್ರೇಯಸ್ ಗೋಪಾಲ್ ಅವರನ್ನು ಬೇಸ್ ಪ್ರೈಸ್ಗೆ ಮುಂಬೈ ಇಂಡಿಯನ್ಸ್ ಖರೀದಿಸಿದೆ.

ಮನೀಶ್ ಪಾಂಡೆ: ಈ ಬಾರಿಯ ಐಪಿಎಲ್ ಹರಾಜಿನ ಮೊದಲ ಸೆಟ್ನಲ್ಲೇ ಕಾಣಿಸಿಕೊಂಡಿದ್ದ ಮನೀಶ್ ಪಾಂಡೆ ಅವರ ಖರೀದಿಗೆ ಆರಂಭದಲ್ಲಿ ಯಾವುದೇ ಫ್ರಾಂಚೈಸಿ ಆಸಕ್ತಿ ತೋರಿಸಿರಲಿಲ್ಲ. ಅಂತಿಮ ಸುತ್ತಿನಲ್ಲಿ ಕೊಲ್ಕತ್ತಾ ನೈಟ್ ರೈಡರ್ಸ್ ತಂಡವು 50 ಲಕ್ಷ ರೂ. ಮೂಲಬೆಲೆಗೆ ಮನೀಶ್ ಪಾಂಡೆಯನ್ನು ಖರೀದಿಸಿತು.